20/11/2008, 11:03 AM
|
 | زعيــم مميــز | | تاريخ التسجيل: 03/07/2006 المكان: الرس
مشاركات: 2,094
| |
|
مافي هالبلد غير هالولد !! && سر العلاقه بين الامير سلطان وابن الجوهر
ماراح اتكلم عن المباراة لأني ماراح أزيد شي على كلام الأعضاء والجماهير والمحللين (المطيويع ووليد الفراج) وحتى المعلقين (عبدالله الحربي) كلهم ينتقدون الجوهر والصراحه ماقالو شي غلط خلونا من أخطاء الحكام أصلا ماكان المفروض ننتظر الى الدقيقه 75 عشان نوصل لمرمى المنتخب الكوري وماكان المفروض ننتظر قرار من الحكم عشان نسجل هدف كان المفروض اننا فايزين من الشوط الأول متعادلين مع ايران على أرضنا والى الدقيقه 75 راضي بنتيجة التعادل مع كوريا يالجوهر ؟؟؟ قبل كم سنه فضحتنا قدام العالم بنتيجة 8-0 والحين بتفضحنا قدام الآسيويين ؟؟ الحمد لله اللي ما انتهت مباراة كوريا بفضيحه وقالها عبدالله الحربي الله يستر لايجي الثالث وتصير فضيحه ياناس انا بهالموضوع ابي اعرف سر العلاقه بين سلطان بن فهد وناصر الجوهر والله لو ان ناصر الجوهر مهب أسود كان يجي ببالي انه متزوج بنت سلطان بن فهد ياسلطان فضحتنا بكاس العالم يوم حطيته مدرب وانهزمنا 8-0 من أكبر النتائج بتاريخ كأس العالم بسبتك انت والجوهر والحين جيت ورجعته انا ما اتوقع انا متأكد ان السبب في تعيين الجوهر مدرب لمنتخبنا هو ان المدرب الأوروبي ماراح يمشيه كلام سلطان ولا نواف ولا غيرهم أول تدخل بالتشكيله يقدم استقالته أما ناصر الجوهر (سم طال عمرك) (صدقت طال عمرك) (ابشر طال عمرك) ياسلطان اذا معتبر المنتخب ملك شخصي لك تراك غلطان أنت وأسير الشوق المنتخب يمثل مملكه كامله ووطن كامل ملكنا جميعا انا مدري الى متى المناصب عندنا تعتمد على الأسماء بدون النظر الى الخبرة طيب على الأقل حطو رئيس الاتحاد أمير بس فاهم بالكورة وفيه أمراء كثيرين من يوم طلعوا وهم بالكورة وفاهمين بالكورة وعندهم خبرة كروية وادارية السالفه مهب جمع لك أي أمير أو أي شاعر وحطه رئيس للاتحاد اعذروني سحبت فيكم بهالمواضيع من موضوع لموضوع  بس اعذروني من حر مابقلبي والله  يا سلطان مانبغى مدرب (جاهل) بس يمشي على كلامكم وتدخلاتكم بالتشكيله نبغى مدرب (فاهم) ومايلتفت للتدخلات من حضرتكم أصلا مانبي تدخلات منكم خير شر =-=-= خاتمه ناصر الجوهر (بعد سقطاته المتكرره .. وفضيحته العالميه) يستمر في منصبه كمدرب للمنتخب والخطه هي (شدو حيلكم ياشباب) مدري هل انت صدق مناسب طويل العمر ياناصر الجوهر ؟؟؟ أو عشانك مرضيهم ؟؟؟ وممشي أوامرهم وتدخلاتهم الله يكتب اللي فيه الخير للصقور السود آسف الصقور الخضر |
الوضع العادي
