يا اخوان عشرين مليون سعودي مايفهمون كورة واثنين بس اللي فاهمين
للاسف للاسف اول مرة ما احزن اذا انهزم المنتخب وبالعكس كان شئ طبيعي وان ما جت الحين الهزيمه بتجي بعدين وان ماجت بعدين بتنعاد ذكريات الثمانيه في 2010
رضا تكر ملك الذكريات السعيده
الحين احد اهم اسباب الثمانيه ومازال يلعب لا وكبتن بعد وين حنا فيه والمعلق الانجليزي في وحدة من مبارياتنا في 2006 يوم شاف تكر انهبل يقول استغرب انه لاعب كان احد اهم اسباب الثمانيه ومازال يلعب معهم وين حنا فيه
الحين مافيه ظهير ايمن
الحين اللاعبين احتياطي في انديتهم واساس في المنتخب لا اكيد مانفهم
او لاعبين اول سنه يلعبون مع فريقهم الاول عجيب
الحين سمو الامير سلطان يقول للانديه لا تكلمون عن التحكيم ويخربها ويتكلم هو يااااالله جاني انفصام
يقولون ايش اللاعبين ماكانوا في يومهم طيب اللي ماهو في يومه يقعد في بيتهم ناسي انه يمثل 25 مليون سعودي لا وبعد مسلمين مايستاهلون ان الكباتن ماكانوا في يومهم
طبعا" وين الجماهير لازم يحضرون ويم حضروا قالوا لازم يشجعون مايقعدون مشخصين ويوم ويوم شجعوا وانبحت حلوقهم قالوا ان شحذ همم الجماهير من اجل تغطية عيوب المنتخب
ناصر الجوهر اي مدرب شبه ناجح لازم يكون صاحب قرار والجوهر ابعد مايكون عن ذلك ما الومه هو اصلا"مدرب حراس حتى تدريب انديه ما درب ويجي يتعلم في روسنا والغريب جدا" تصاريحه قبل اي مباراة فاهم الشغلة غلط(اللي يصرح اقوى هواللي بيفوز)اذكر 2002 بعد الثمانيه صرح وقال هذي كبوة واوعد الجماهير بالتاهل للدور الثاني
وبعد ماصكونا الكميرون صرح وقال اوعد الجماهير بتقديم مستوى مشرف امام ايرلندا وصكونا بثلاثه ...ومع ذلك ما ابعدوه قعد مع كل مدرب يحطونه مساعد والوظيفه الاساسيه ليست مساعد وانما ينقل التفاصيل والكلام وفلان قال وفلان ماتمرن و...و للرؤساء
الحين الخطه اللي لعب فيها رجعتنا 8 سنين وراء ايام لبنان كانت للدفاع ارسلوا كور طويله للهجوم واذا امداكم ترفعون احلى احلى مرق هذى خطه يالفاهم
من ابجديات الحياة ان المخطي يعاقب طيب هو تحمل مسؤلية الخسارة وش بيكون عقابه
ياناس كل شئ المفروض للاحسن ولكن مع الورشه الموجودة اكيد للاسواء اكيد ياعالم وين المنطق والواقع عنكم كل
اللي قاعدين تسوونه منتخب لبطولات المدارس ..قاعد يفكر يغير 70 دقيقة على قولة الفراج وانا ما احبه التغيرات المتاخره ياناصر غالبا" لتضييع الوقت واللا اللي سويته لو تجيب مارادونا وبيليه وزيدان في عزهم ماغيروا شي والمشاكل اذا ما انحلت صح تتراكم
الحمدلله جت في وقت مبكر وهزه تاديبه لكل من يلفق ويحلم لانه كانه منتخب قص ولزق وهذا تاثير البلاي ستيشن
يافهد المصيبيح المنتخب للفوز في كرة القدم فقط وليس اصلاحية وتربيه
اقول بس الله يحوم كبودكم يامنتخبنا اللي يسد النفس وشكرا"وليد الفرج بردت قلوبنا