السلام عليكم
::
::

أول شي أبارك لكل شخص كوري جنوبي ..
وقسم انكم تستحقون الفوز ولعبكم زي العسل ، يكفي التنظيم .. يكفي مناولات حلوه ..


بإختصار وإيجاز من سبب الهزيمة .. هو ( الـــجــــوهـــــر ) .. .
بكل أسف أعتقد ثقة في غير محلها ..
او نقدر نفسرها ، ان ربعنا تورطو بعد انجوس ..
فـ قالو من اول حنا نبي نحط الوطني الجوهر وانه موب مدرب طوارئ ..ألخ
عاد فيه اخبار تقول ان كوزمين بيروح للمنتخب.! الله اعلم .!
عموما ..
هالكلام الي فوق ( من ورى ألبي ) ..
يعني بكل أسف اليوم شفنا منتخب ( غير سعودي ) ..
أقسم بالله العلي العظيم لو خسرنا بـ 3/0 لكن كان فيه مستوى ، فيه شي أسمه كائن حي ،فيه شي اسمه لاعب كرة قدم .. والله ما تفرق معي ..
الجوهر يتحمل 70% من الهزيمة . .
بسبب ..
أن اسامه المولد ممتاز في خانة قلب الدفاع ، لو كان اسامه قلب وتكر بالاحتياط ( الي جاب العيد اكثر من مره ) ويكون الشهيل او معاذ في خانة الظهير الأيمن .!
والله ولا حق ان المبارة بأرضنا .. الجوهر ما يلعب بأجنحة في الوسط ، ومع ذلك حاط لك قلب دفاع في مكان الظهير الي من ، الي من الطبيعي انه ما راح يهجم وبيعلب على ما تعود عليه ( الدفاع ) . . فـ كان الحمل كبير جدا على عطيف ولاحظنا التشتت في خط الوسط .. يعني اللاعب يستلم الكورة ويتورط مايلقى احد ..
هزازي ( ولو انه طاح قبل ما يلمسة الحارس ) لكن الحارس الكوري غبي .. كسرة بالفعل فـ البلنتي صحيح لكن بكل أسف جايبين حكم .! ما ادري من وين ذا ، ولا ..من النخبة في اسيا بعد.!
بكل صراحة تصريح الامير سلطان بن فهد غير عقلاني وغير واقعي وكل شي .
أجل قدموا مبارة ممتازة وجهد كبير يشكرون عليه .!
ما نحط اللوم عليهم ولا حتى 40 % ..
يمكن لو كانت الخطة بشكل يقبلة العقل لكانت النتايج أفضل . .
يعني هزازي انطرد وما اعتقد انه كان بيسوي شي حتى لو كمل . .
السلطان يبيلة مهاجمين معه عشان يقدر يكون ( مفيد ) يعني لاعب يخرب دفاع الخصم فقط ، ولا لا جسم ولا تهديف ولا اي شي ولا تسحيب.!
مع ذلك الجوهر خلاه لين أخر 10 دقايق من المبارة دخل المتوقف عن اللعب من 4 شهور مالك معاذ ، الي والله قدم مستوى طيب بالرغم من انها 10 دقايق ..
وبعدها دخل حق الاهلي نسيت وش اسمه .!
قسم بالله الجوهر مايفهم شي .!
اجل السلطان ولاعب الاهلي أفضل من بشير والشمراني .!

عموما طولت جدا ..
فـ والله وانا اشوف الهدف الاول ويجي بعده الثاني تذكرت شخص ..
تمنيت أن يكون موجود على الاقل بجانب المدرب ..
بالفعل أفتقدنا للقائد ..
للأسطورة سامي الجابر ..
والله أتذكر تصفيات 2006 .. ايام رائعة قاد فيها الاسطورة سامي المنتخب للمونديال ..
.!
تصميم مكتم بسبب أجواء المبارة . .