أولاً أن أثق ثقة تامة من جميع من سيقرأ هذا المقال أن يتفق معي بالكثير مما سأطرحه في هذه العبارات التي أرجوا أن تكون ذو فائدة على الجميع.

أنا أطالب إدارة نادي الهلال بإعطاء محمد الشلهوب إجازة لمدة لاتقل عن شهر بالإتفاق مع إدارة المنتخب وفيها يبتعد محمد الشلهوب عن النادي نهائياً وعن أجواء الكرة ، ونظراً لما حصل لمحمد الشلهوب من ظروف نفسية في السنتين السابقتين من وفاة لوالديه -رحمهما الله - التي بالتأكيد أثرت تأثير سلبي على أداءه داخل المستطيل الأخضر ، لذلك إذا أعطي محمد الشلهوب هذه الإجازة وأخذ قسطاً من الراحة بعيداً عن الكرة سيعود محمد الشلهوب شلهوباً كبيرا في الكرة السعودية يفيد فيها الهلال والمنتخب السعودي ، وللفائدة هذه الإجازة ستفيد هلالنا البراق بزج لاعبين أمثال عبدالعزيز الدوسري ونواف العابد الذين سيمنحون الفرصة خلال فترة إجازة الشلهوب ، وبهذا نكون نحن الهلاليين ضربنا عصفورين بحجر منها عودة الشلهوب لسابق عهده ، وإثبات الذات لنواف العابد وعبدالعزيز الدوسري.

أرجو من سمو الأمير عبدالرحمن بن مساعد دراسة هذا المقترح ومحاولة تطبيقه لآنه سيعود بالفائده على الجميع.

والله الموفق،،،
مضيع بيتهم

ياخوي انت انسان غريب مره

من 2002 ماعندك الا 6 مشاركات

ويوم كتبت موضوع لينك شاطح بعيد مره

لا ولقبك مضيع بيتهم

والاقامة في بيتك (وش هاللحسة ياخوي)

بس الموضوع من جد هادف وانا اوافقك الرأي وياليت ياخذ فرصة يريح راسه شوي

وتقبل مروري

حبيبي أنا معك وكلامك صحيح ، ولكن بعدي عن شبكة الزعيم بسب -أمور شخصية- لأود ذكرها ، وبسبب انشغالي في أحد الصحف المحلية كصحفي ومحرر مسكت من خلالها نادي الهلال -زعيمنا- ميداني لسنه واحدة ، ثم إبتعدت لأسباب مع رئيس التحرير في نهاية الموسم الماضي ، والآن أشتقت للصحافة والكتابة ، وعدت عبر شبكة الزعيم ، وستجدني هنا دائماً بمشيئة الله.

شكراً أخوي على تقيمك لي ...


والله الموفق،،،
مضيع بيتهم

إقتباس الرسالة الأصلية كتبت بواسطة zaeem in New Zealand ياخوي انت انسان غريب مره من 2002 ماعندك الا 6 مشاركات ويوم كتبت موضوع لينك شاطح بعيد مره لا ولقبك مضيع بيتهم والاقامة في بيتك (وش هاللحسة ياخوي)

ههههههههههههههههههههههههههههههههههههههههه يا خي كنك تقرا افكاري ..


المهم .
مشكور يا صاحب الموضو ع . واتوقع ان الشلهوب عنده الرغبه للعوده .. وبشكل قوي ..
والاجازه ان شاء الله لاحق عليها .. لانه كان يبيها في وقت سابق ..

لماذا أخترت هذا الوقت لطرح موضوعك
وغداً مباراة هامة للمنتخب والشلهوب أحد اللاعبين
توقيت غير موفق أتمنى تحذف او تخفي موضوعك
وتختار له وقت آخر مناسب لا يؤثر على نفسية اللاعب
قبل المباراة الهامة

تحيتي

يأخي محمد الشلهوب فوق هذا التأثير لأنه ماشاء الله يملك من الخبرة التي تعطيه المناعة ضد مثل هذه الأمور ، ولكن نحن نطرح الفكرة ونبحث عن مصلحة الهلال والمنتخب واللاعب ولانبغي من هذا الطرح إلا المصلحة العامة فقط لأغير. لذا نحن نريد شلهوباً كبيرا
كما كان.

والله الموفق
مضيع بيتهم

يأخي ما صدقنا أن الجمهور ينسى هالسالفه

وأنت تفتحها من جديد!!!!

بعدين الشلهوب بادي يرجع تدريجياً لمستواه المعروف

حتى أن كوزمين يقول أن الشلهوب هالموسم أفضل

لذلك سكر هالموضوع وأتمنى أن تشاهد الشلهوب

في مباراة كوريا الجنوبيه لتتأكد أنه يتحسن،،،

أتمنى أن يعود الشلهوب شلهوباً أمام كوريا الجنوبية غدا ، وصدقني أني أكثر واحد يحب محمد الشلهوب وأستمتع بلعبه ، ولكن نحن نريد شلهوب زمان ، وأنشاءالله راجع راجع.

مشكورين أخواني على ردودكم ونقدكم لي اللي بصراحة استفيد منها.

والله والموفق،،،
مضيع بيتهم

ممكن تفتح الموضوع هذا

http://vb.alhilal.com/showthread.php...7#post10027567

(أنا كاتبه قبل شهر تقريبا عن الشلهوب)

أتمنى تطلع عليه

وصدقني بتغير وجهة نظرك

..

تحياتي لك

شكلك والله اعلم طبل من ابواق البلوتوث وجاي تفتح مواضيع تأثر على نفسيات اللاعبين
وش هالمعرف اللي نايم ست سنين وتوه يصحى
مثل ما قلت لك في موضوعك الثانني انقلع لمنتداكم

أنا بصراحة أوافقك الرأي وسبق أني رديت على كذا موضوع طبعا من خلال المواضيع بمثل هذا الرأي
أنا متأكد أن محمد الشلهوب راح يرجع وبقوة لو يعطى أجازة يسافر فيها لأحد البلدان الأوروبيه يريح فكرة ويوسع صدرة ويجيك فارد ضراعيه ويبي يحرث الأرض حرث

أتمنى من الأدارة الموافقة على على طرح الجمهور لبعض الحلول..

من جد وش جاك على الشلهوب ماصدقنا تقفل كل المواضيع عن مستواه

ترجعون لها

الموهوب نجم وراح يظل نجم وانا اشوف مستواه كل ماله بتصاعد واذا بنعطيه

اجازه بهالوقت مو فايدته بالعكس بتأثر على لياقته وحاليا حنا بحاجته

يعطيك العافيه

محمد الشلهوب مو محتاج إجازه

محمد الشلهوب محتاج وقفه من الجمهور كما وقف مع طارق !

محمد يبي يرجع مستواه وهو متحمس وانتوا هنا بترجعوووون المنتدى من جديد الى مد وجزر يعني والله بتصير مواضيع بعد المبارااة لو ضيع هجمه من مليون هجمه بيقووول يا مضيع انت صااددددددق يعني البعض ماخذ مقولة من ماشى قومن صلوا صلى ومن ماشى قومن غنوا غنى

يعني هدووووووا اللعب شوووووووووووويات