[ بندر العنزي / TNT لم يُستخدم ] - نادي الهلال السعودي - شبكة الزعيم

حجرف القحطاني · #1 12/11/2008, 02:42 AM

السلام عليكم ورحمة الله وبركاته

كيف حالكم يازعماء ؟
هالرساله أحب أوصلها لـ" إدارتنا الكريمه " وعلى رأسها الأمير عبدالرحمن

موضوعي عن اللاعب ( بندر العنزي )
اللاعب من أول ماوقعنا معه وإلى الآن مالعب ، لا مُباراة وديّه ولا رسميّه
وتفرغنا لـ" التفاهات " و " الخرابيط " أمثال " محمد نور " و " سعد الحارثي " وغيرهم من ( كلام الجرايد ) .. وإنجرفنا مع مشكلة " الظهير الأيمن " و " مهاجم " بجانب ياسر وغيرها من المشاكل .. ونسينا إن عندنا مهاجم ( فـنان ) ولا فكرنا حتى إننا نذكر إسمه
مع العلم إن اللاعب ( كنز عظيم ) و ( ثروه كرويه ) للزعيم
اللاعب سريع ، وصغير بالعمر ، وطوله طول لاعب مثالي ، ولديه مهارات ممتازه ويمتلك ثقه كبيره بنفسه وبـ آدائه
واللي لحق عليه وشاف له مباريات مع التعاون والخليج وسدوس والخليج .. إلخ
راح يعرف أني أتكلم عن لاعب ( مهاري ) درجة أولى
أنا أتمنى من الإدارة الهلاليه إنها تعطيه فرصه قدام الإتفاق .. مع إني تمنيت إنه يلعب قدام الأهلي بحكم إنها وديّه .
وبصراحه اليوم قريت التقرير بخصوص مباراة ( الهلال × الأهلي ) وتضايقت
يعني عطوا " البيشي " و " العابد " اللي توّهم قادمين من درجة الشباب
وبندر إلى الآن ماأخذ فرصته ، يعني إلى متى وحنا دافنينه في دكة الإحتياط
اللاعب لما كان بنادي " هجر " كانوا يتمنونه أغلب الأنديه أمثال ( النصر / الشباب / الإتحاد ) وبفضل الله تمّ إنتقاله لـ" الزعيم "
عطينا المؤشر ( فرص ) .. وعطينا العنبر ( أطنان فرص ) والسعود كذلك وغيرهم من اللاعبين الشباب وصغار السنّ
يعني عطينا ( عبدالعزيز الدوسري ) فرصه ونجح
و ( الزوري ) كذلك ونجح ، و ( الفريدي ) وحقق نجاح لا يوصف بكل أمانه
ليه مانعطي بندر ( فرصة إثبات وجود ) على الأقل
ترى جوّ التمارين يختلف عن جوّ المباريات ( الوديّه / الرسميّه )
أتمنى أشوف بندر قدام الإتفاق . ليحلّ مكان ياسر . أو على الأقل آخر ربع ساعه من المباراة
صدقوني بندر موهبه ، ولحد يقول لي قرارات مُدرب أو نظرة إدارة
اللاعب من أفضل اللاعبين في دوري الدرجة الأولى بلا منازع
ليش مانستغل هالموهبه ونحاول نصقلها
عموما ً آسف ع الإطاله
وهذا مقطع حبيت إنكم تطلعون عليه وهو للاعب ( بندر العنزي ) في مباراة هجر ضد التعاون

http://www.hajerclub.com/gools/gools4m17.mpg

فمان الله