بسم الله والصلاة والسلام على رسول الله صلى الله عليه وسلم


الامير الشاعر عبدالرحمن بن مساعد صرح واكثر من مره عن كل لاعب وفسر عن جميع الاسئله بشكل واضح وصريح ولا فيه لف ودوران ولكن للان فيه كلام وبنفس المواضيع والاسئله عن نقطه حنا انتهينا منها اساساَ

موضوع وليهمسون انتهى نهائي من الامير عبدالرحمن بن مساعد وعن كفائته وهل يستحق للزعيم ولا لا . وكان جوابه صريح ان اللاعب ما اخذ وقته رغم ادائه المميز حتى الان وصنع هدف على النصر يكفي حتى الان والقادم ان شاء الله خير
ولا ننسى ان وليهمسون ما زال ساكن في فندق وهذا يأثر نفسياً على الاستقرار


اما ياسر القحطاني وهو مو بمستواه اكثر الاعبين مو بمستواهم اذا تعرضوا لاصابات اوانتهاء موسم وبداية موسم جديد وياسر يبجذل كل مجهوده والى الان ياسر ما قصر


طارق التايب نسينا وش صار بقضيته المهم الحين نتعاطف معه ونفكر بشكل ايجابي للمكان الي تركه للفريدي . وهذي فرصه يثبت نفسه وان شاء الله قضيته خير


الظهير الايمن للهلال ما زال تحت النظر فيه من ادارة الهلال

انحدار مستوى الهلال امام الوحده شي طبيعي وروما خسر 7 واحد من مانشستر يونايتد وشوف مين روما كل فريق لازم يمر بمرحله والي علينا نفكر كيف نعالج هالمشكله بدل الجدل فيها .

كوزمين مدرب رائع وحنا كـ " جماهير " لا علاقه لنا بالتشكيله نهائي لان المدرب هو متخصص بالشي هذا ولو اخطأ وتشوف ان المدرب نزل تشكيله وخسرنا فيها عدة مرات هذي مسؤولية الامير عبدالرحمن بن مساعد ومو مسؤوليتنا

الامير مسؤول قدامنا فقط ولا علاقة لنا مع المدرب

وكل الي مطلوب مننا كجماهير الصبر والصبر

الهلال واعي بلعيبته وادارته وجماهيره ومو كل مباراة نحد بالكلام والنقد الي يضر ولا ينفع

ويا أيها الامير عبدالرحمن بن مساعد انت محل ثقه وسير وحنا وراك


وصلى الله وبارك على نبينا محمد صلى الله عليه وسلم