لحظه لحظه .. اجيب لكم شوازن تقعدو تطلقو فيهم على بعض .. ترى اريح والله ..

هنا كم مره تضغط على الكيبورد ؟ واجد .. بس لو اجيب سلام .. غطه وحده بس .. الا والدنيا صايره سايلنت بعدها ..

اولا كاسياس حارس موهوب جدا ووصل لمستوى رفيع بس لا هو مبتدئ ولا خبير .. كاسياس بنظري مازال في عمر صغير .. والحراسه تحتاج لسنوات عديده لاكتساب الخبره مهما كانت الموهبه كبيره ..

كاسياس بعمره سبق حراس كثار في مستواه وهنا اخص بالذكر فان در سار الا كان في عمر كاسياس حارس مستواه اشبه بسوق الاسهم مره اخضر ومره احمر ..

اذا على مباراة اليوفي .. هي تحتمل اكثر من احتمال ..

- كاسياس حط في باله انه ديل بييرو بيسدد الكره بطريقه مختلفه .. اشبه بالطريقه اللي نفذ بها الفاول اللي جابه على زينيت .. ولهذا حط الحيطه في نص المرمى ومن اول ماسدد الكره كان بيجري للزاويه اليسرى من كاسياس ..
- انا ماقلت هاالشئ الا لان حتى كاسياس كان يقول للحيطه ضمو شوي للنص ..
- الحارس يوجه الحيطه من الزاويه الا ماراح يوقف فيها علشان يسكرها .. لكن كاسياس راح وجههم من الزاويه اليسرى ووقفهم في النص ..

الاحتمال الثاني ..

- الحيطه كانت تضم مجموعه من اللاعبين المتفرغين للاحتجاج على الحكم واي شئ ثاني ونسوا وظيفتهم وهي اللالتفات لتعليمات الحارس ..
- الدليل على كلامي الثاني دفعة كانافارو للحيطه لتصحيح وضعهم وانضمام هاينزه للحيطه بشكل متاخر في المكان الا جا منه الهدف ..
- بعد ماانتهى كاسياس من توجيه الحيطه .. تحركت الحيطه شوي بشكل لايقال عنه الا انه غير احترافي لأنه ماكان لازم تتغير الوضعيه اكثر ..

تعليقي على الاحتمالين ..

كاسياس غلطان في وضعه للحيطه بهالطريقه اذا كان في مخيلته انه ديل بييرو راح يسددها بطريقة فاول زينيت لأن ديل اثبت لنا على مدار السنوات انه هو وجونينيو اكثر اللاعبين تنويعا لطريقة لعب الضربات الحره ..

الحيطه كانت سيئه ليس فقط بسبب توجيهات كاسياس .. ولكن بسبب توتر اللاعبين .. وهذا يعني انه الفريق قاعد يعيش مرحله صعبه .. اذا حتى فاول موقادرين يتعاملو معاه بتركيز ..

===

نرجع لمحور حديثنا ..

انتون ياللي جبتو طاري فالديز ايه اكلمكم ايه بدل لا تدخلو فالديز في كل صغيره وكبيره .. وبعدين تقولو موقصدنا نسوي مشاكل ..

ليه ماتقولو انه صاحب الموضوع منتقد وحراس فريقه امثال ليو فرانكو وكوبيه ..

كوبيه حارس ممتاز وكبير لكنه يعيش فتره سيئه في مسيرته .. وليو فرانكو له مباريات كبيره لكن عليه اغلاط ..

يعني حالهم حال كاسياس الحالي يمكن ..

===

السالفه موتصيد في الماء العكر للنجوم .. ولا ضريبة الشهره .. ولا كل ناجح محارب ..

الولد عنده فكره حب يطرح لها موضوع نقاشي .. بغض النظر وش طريقته .. اذا هو كانت طريقته ( سيئه ) من وجهة نظرك .. صير افضل منه ( وحسن ) صورة الموضوع بردودك ..

===

النينو توريس ..

اذا كان انتقاصك من كاسياس على ردات فعله في الضربات الحره .. وتمسكنا بالمصطلح المعروف ( صور يابعدي صوووووور ) .. فـ باقول لك نظرتك خاطئه واسمح لي ..

كثير الحراس الا يعانو من الضربات الحره .. والجمره ماتحرق الا واطيها عزيزي .. مافي احد يعرف صعوبة هاللعبات من خلال مشاهدة التلفاز ..

شفت لك رد في احد المواضيع على انه كاسياس مايستاهل يكون من افضل الحراس .. وحطيت اسم جوليو سيزار على انه افضل منه ..

اتفق معاك .. جوليو سيزار حارس غير عادي ومستواه كبير جدا ..

لكن ايضا جوليو سيزار لديه عقده من الضربات الحره .. وخصوصا امام ديل بييرو ..

قليلا من المنطق ياساده يعني ..

===

جائزة زامورا ..

ايييييه طيب طيب .. من العام الماضي ولما صار مستوى كاسياس كبير جدا .. او قبلها بعد .. ترددت كلمة انه جائزة زامورا مومقياس .. طيب ايش تبغوا يكون المقياس ؟

بينتو اخذ جائزة زامورا مع نادي اسمه سيلتا فيغو .. انا اجزم انه فيه ناس مايعرفو انه فيه نادي اسمه سيلتا فيغو .. وادري فيه ناس مايعرفو من مدافعي سيلتا فيغو في ذاك الوقت .. طيب مايستاهل انه ينعطى جائزه على مستواه ذاك الموسم ؟

يعني افهم من كلامكم .. انه كاسياس لما ياخذ جائزة زامورا يمديني انتقص منه ؟ لآنه هالجائزه مقاييسها مايؤخذ بها ؟

فالديز اخذ جائزة زامورا لأنه دفاعه كان وي وايضا هو كان مستواه ممتاز ( عدا ) بعض الاخطاء الا ممكن نرجعها لقلة خبرته ..

بينتو تألق في الموسم الا اخذ فيه هالجائزه والا مايشاهدو الليقا بشكل عميق رجاء لايفتو من عندهم ..

وابوندانزييري من اكثر الحراس رفعا للضغط في التاريخ الكروي .. يايشيل لك فريق بشكل مادري كيف يضيع فريق .. وبرضو اقولها الا مايتابع الليقا بشكل عميق لايعلق على هاالشئ ..

===

لغة الأرقام كنتو معترفين بها ايام قوتي وراؤول ومنتخب اراقونيس .. والان قلتو صح الكلام هالاثنين مالهم مكان في المنتخب .. الان جائزة زامورا ينتقص منها .. مع انه لما اخذها كاسياس اعترفتو بها ..

===

طيب ليه ماتحطو جائزه جديده للحراس علشان نعرف كيف نفضل حراس على حراس ..

اذا على عدد التصديات مثلا .. عادي تحصل انديه قريبه من الهبوط حراسها صدوا اكثر من كاسياس وفالديز وغيرهم ..

===

عموما اعذرونا على الازعاج .. بس صاحب الموضوع كان له رأي .. وانا مخالفه فيه .. وبعض اللي ردوا عليه كانوا بعيدين ايضا عن نطاق النقاش السليم ..

إقتباس الرسالة الأصلية كتبت بواسطة Z I D A N E . ** مستر قول ترى عادي تظهر ميولك وعادي تشجع

ياخي تصدق انك احرجتني , تصير صديقي

ياعزيزي لي وجهة نظر في كاسياس ومن حقي اقولها , ومش من حقك تصادرها , مثلي مثل صاحب الموضوع اللييي هذي وجهة نظره بكاسياس , هي تحتمل الصواب والخطأ , وكذلك وجهة نظري ووجهة نظرك وكلنا .

اذا قلت انا او انت او صاحب الموضوع او اي عضو آخر ان فلان فاشل او مستواه هابط او مايستحق كذا او كذا , ماهو معنى ان هذا قرآن مسلم به ولايمكن تغييره , كل شخص له وجهة نظر ومن حق الجميع يحترمها .

الان الاغلبية مثلا ترى ان راؤول عالة على الريال ومع ذلك البعض يرى غير ذلك .
كاسياس انا ومعي مجموعة نرى بانه لايستحق افضل لاعب بالعالم ولنا مبرراتنا , وانت ومعك مجموعة ترون انه هو الافضل , ولكم مبرراتكم .

يعني مثلا انا جيتك بلغة الارقام اللي تثبت هبوط مستوى كاسياس هالموسم , وسويت نفسك مادريت عن الرد لان هذي ارقام ماتقدر , تتفلسف عليها , ولما قلت هذا خطا وهذا من واقع مبحتي لك , حولت مسار الموضوع الى امر شخصي حتى انك صارت تناقش وش اشجع ووش ماشجع !!!

كاسياس حارس كبير
كاسياس قاد الريال الموسم الماضي وكان شايل الفريق
كاسياس قدم مستوى كبير وكان احد اسباب فوز اسبانيا باليورو
كاسياس حارس المستقبل امامه , واتمنى من كل قلبي له التوفيق بالمستقبل .

كل هالاشياء اتفق انا وياك عليها غصب عنا .

لكن اللي نختلف عليه وهو اللي انا اشوفه صح وانت تشوفه خطأ وكذلك هو مايرمي اليه صاحب الموضوع ,

كاسياس هالموسم مستواه في انحدار ابتداء من كاس السوبر , ولولا الله ثم الحظ والمجهود الكبير الذي بذله روبين لذهبت الكاس لفالنسيا بفضل اخطاء كاسياس اللي اهداء فالنسيا اهداف لاتاتي باي حارس مبتدئ .

كاسياس بالدوري في 9 مباريات ولج مرماه 13 هدف , وهالرقم مامر على الريال مع كاسياس من قبل كذا .

كاسياس بناء على ماقدمة بالموسم الماضي لايمكن انه يحصل على افضل لاعب بالعالم , ونتجاهل رونالدو اللي سوى معجزات خلت كالديرون يراكض وراه الصيف كامل ويدفع مبالغ خياليه والا انت ناسي!!!!

كاسياس اخطاء بمباراه اليوفي وفاز اليوفي مرتين على التوالي .

طبعا فيه اشياء مسلم بها , انه كل هالاخطاء لايمكن باي حال من الاحوال انها تلغى افضلية كاسياس وتميزه ولكن لايمكن ايضا انها توصله الى المنافسه مع رونالدو ابدا .

عموما اذا حقق كاسياس الجائزه فستكون مجامله فقط لا اكثر والا اقل , مجاملة من الفيفا , لان العالم اجميع يرى بان رونالدو هو الاحق .

احد الامور اللي ضحكت عليها في موضوع سابق ذكر انه من انجازات كاسياس افضل حارس وفق استفتاء موقع الويفا على الانترنت , طبعا اليوم طلعت نتائج تصويت موقع الفيفا ان ميسي هو افضل لاعب بالعالم , هل هذا يعطينا الحق باننا نقول انه الافضل بالعالم , مع انه لاعب كويس وقاد الارجنتين لذهبية الاولمبياد بس لايمكن انه يجي قبل رونالدو وكاسياس , والا نقول هذي مجامله بعد .


ختاما ياسيدي الكريم الاحترام هو كل شئ , ومتى ماحترم الشخص الاخرين وجد الاحترام المتبادل , اما اذا فقد احترام نفسه لن يحترمه الاخرين باي شكل من الاشكال.

تقبل تحياتي وانا اسف لاي شخص فهمني بشكل خاطئ ورده للجميع

بوفون رقم واحد بالحراسة.. ثم كاسياس..

لكن الأفضل بالعالم هو اللأعب كرستينو رونالدو مع أني اكرة هاذا اللأعب.. لانة سجل أهداف حاسمة وحسمت دوري الأبطال والدوري الأنجليزي..

كاسياس أرتفعت أسهمة كثير بعد اليورو الأخير..

باك آقين
.
عزيزي حازم حينما قرأت موضوعك للمرة الأولى لم أتحسس من المفردات
التي إنتقيتها و وصفت بها كاسياس لأني أعرف ما تكنه للريال
لكن وعند مراجعتي للموضوع أرى أنك أسأت لكاسياس بطريقه او بأخرى
بقصد أو بغير قصد , وهذا بالطبع لا يرضينا نحن عشاق الريال
كما لا يرضي أي شخص آخر محب لناديه

لا بئس بالنقد من أياً كان لكن أعتقد في خطوط حمراء لأن المدعو كاسياس أكثر من مجرد حارس

تحياتي الحاره لك
بس وش السر أنك قلبت علينا
لا يكون ناوي تتمرد بعد ما رجع الاتلتي قوي << والله امزح

إقتباس أفضل لاعب في العالم.....مبتدىء...

إقتباس جمهور الريال فقط لإعادة النظر في المدعو كاسياس

إقتباس لكن فقط.....ما أرمي إليه.....هو أن أفضل حارس....بل لاعب في العالم (((((ما يعرف يصف حيطة)))))

إقتباس الرسالة الأصلية كتبت بواسطة محمد بن فـ@ـد بـ هذي صدقت فيها .. توريس فقط يجامل فريقه الذي يلعب آمامه وآلا القلب كان مع الأتليتي .. ورده

سبحاااان الله دخلت بقلبــــه وعرفت مايدور به.... .

ياخي سبحااان الله فيه ناااس ماادري كيف تتعامل مع الامووور...

الله يهديك يامحمد..من بعد مااطلقت علــ جيرااارد الثوور وانت.... .

إقتباس الرسالة الأصلية كتبت بواسطة Carlitos 32 مساء الخير .. أولاً وقبل أبدأ بالتعليق على أي جزئية عنوان الموضوع ما يأهل أي شخص عاقل إنه يكتب رد ..!! كيف نقول عن حارس كبير وعظيم وداهية إنه مبتدئ ..؟ هل لأنه أخطئ بـ صفة حيطة ولا لأنه جاء فيه قول بالتسعينات ..؟ وعشان ماينبرش أحد ويقول كيف الموضوع مايأهل وإنت تشارك فيه أنا والله ماكنت ناوي أشارك لكن شدتني بعض التعليقات وحبيت أشارك بالنقاش ..؛ طبعاً الحكم على كاسياس وأحقيته بأفضلية العالم مفروغ منها نهائياً ..!! لو لعب ايكر ليلاً ونهاراً لمدة موسم كامل لن يفعل مافعل كريس ..؛ لماذا ؟ لأن كتيبة كريس تساعد على تحقيق أغلى الألقاب أما إيكر فهو مظلوم ومظلوم جداً لوجوده مع عناصر لا تؤهل أبداً ..!! طبعاً شي أكيد إن الأفضلية راح تروح لـ كريس لاعب سوىّ كل شي الموسم الماضي .. والله حرام تروح عنه ..!! بالنسبة للإخوان المدريدين أعتقد إن العاطفة طغت قليلاً على الواقع لديهم .. ماذا حقق ايكر لكي يخطف الجائزة من كريس ..؟ هل برأيكم أن تحقيق اليورو والليجا يكفي لمقارعة من حقق التشامبيونز والبريمر الكل يعرف أنه لامجال للمقارنة بين الليجا والبريمر ولامجال للمقارنة بين اليورو التي لايشارك فيها إلا الأوروبين ويخرج منهم البطل وبين التشامب الذي يلعب في كل نادي أنواع وأشكال من الجنسيات والبقاء للأفضل وللأسف لم يكن البقاء لـ كاسياس ..!! كان وبكل إستحقاق وجدارة لكريس أنا ماقول هالكلام لأني مانشستراوي أو أحب كريس ..؛ بالعكس لو كان الحكم بالعاطفة لن أعطيها كريس لأنه يحب الريال على مانعرف ..!! ولكن الجائزة ليست بالأهواء والمبتغيات الجائزة بالإنجازات ..؛ يمكن يقول قائل إن كاسياس حارس ولن يكون الهداف بالتشامب والبريمر مثل كريس حسناً إذا كانت هكذا دعونا نرى معدل الأهداف التي دخلت مرمى كاسياس في التشامب والليجا قد يقول قائل أن كاسياس لايتحمل مسوؤلية أغلب الأهداف التي تلج مرماه هو صادق في كلامه ولكن هل كريس لم يحصل على مساعدة زملائه في كل هدف أحرزه ..؟ بالتأكيد لا ..!! إذاً تبقى المسألة مسألة الفريق الكامل الذي يساعد على بروز النجم وهذا مالم يتوفر مع كاسياس لذلك يكون خارج المنافسة مع كريس بعض الشباب الله يهديهم حولوا المسألة إلى مسألة شخصية وجذبهم النقاش إلى أشياء أخرى لافائدة لها وليس لها علاقة بالموضوع لذلك من يريد أن يحكم بين كريس وايكر عليه أن يتكلم بلغة الأرقام والإنجازات فهي اللغة المناسبة للإنصاف ..!! خصوصاً إذا كان كل طرف غير مقتنع وفي هذه اللغة الأرقام والإنجازات تقول ان كريس الأحق بالجائزة ماكنت أحب إني أطيل بالكلام وأعيد وأزيد لكن النقاش شدني .. تحياتي ورده

^^^

بالعكس فيه نقاشات مو بس نقاش

اولا معظم الكلام الا كان موجود في الموضوع هذا على ان كاسياس افضل حارس في العالم .. مو على ان افضل لاعب في العالم ..

ثانيا .. موافقك في مسألة التشامبيونز واليورو على انه مجهود موسم كامل .. لكن كقيمة بطوله .. لنا في جائزة كانافارو عبره .. وكيف كان رونالدينيو قبل كاس العالم وكيف تغير كل شئ بعد كاس العالم .. لاتقولو اليورو وكاس العالم وفرق .. اعتبرهم نفس الشئ .. بالنسبه ليي يعني .. ومنظوري من ناحيه كرويه مومن ناحيه اعلاميه .. لأن معروف كاس العالم يجذب حتى الشياب .. كله من الاسم .. كاس العالم ..

ثالثا .. وش الا واحد يحقق ليقا موزي الا محقق البريمير .. اسمح لي انت ماتبغا احد يتكلم بالعاطفه عن كاسياس .. لكن انت تتكلم بالعاطفه عن البريمير .. بطولة الليقا قويه وماينقصها اي شئ علشان تكون الافضل على الاقل في نظر المعجب بها .. لكن الفلوس والاعلام لاعبين دور كبير في البريمير .. واذا انت بتجيب شئ تثبت فيه قوة البريمير انا باجيب اشياء تثبت وجهة نظري .. لكن بشكل عام انا اعترف بقوة البريمير بس بدون الانتقاص من قوة الليقا ..

ماراح اتشعب في النقاش عموما واطلع عن موضوع الكاتب .. لكن خلوكم واقعيين في نظرتكم لبطولات كل لاعب ونجم .. << ترى طلعنا من زمان عن جو موضوع الكاتب ..

اسمح لنا يالنينو توريس ورده

إقتباس انتون ياللي جبتو طاري فالديز ايه اكلمكم ايه بدل لا تدخلو فالديز في كل صغيره وكبيره .. وبعدين تقولو موقصدنا نسوي مشاكل .. ليه ماتقولو انه صاحب الموضوع منتقد وحراس فريقه امثال ليو فرانكو وكوبيه .. كوبيه حارس ممتاز وكبير لكنه يعيش فتره سيئه في مسيرته .. وليو فرانكو له مباريات كبيره لكن عليه اغلاط .. يعني حالهم حال كاسياس الحالي يمكن ..

هههههههههههههه والله إنك مهبول .
من أفضل فالديز وإلا كوبيه ؟ .. من أفضل فالديز وإلا بينتو ؟
فالديز وإلا ؟ .. لمّا أقول فالديز أفضل من هذولا كلّهم .. وأستغرب من جمهور فرق تعاني من حراسها مثل فالديز " الأفضل بين أندية الليقا اللي لها جمهور كبير هنا بالتحديد "
إنها تنتقد إيكر .. مو لأن الإنتقاد حرام عليهم ياصاحبي ولا لأنهم مالهم حقّ .. لا لا .. بس تخيّل آخر شخص تتوقّعه يُنتقد والعالم تشكك فيه .. تلقى هـ الجماهير تنتقده ؟
تحس الدنيا ظاااااالمة .. واللي ينطبق على هـ الجمهور ينطبق على غيره من أندية أصغر منه .
وماضربت المثال بـ البرسا إلا لأنه الكبير بين هـ الأندية بـ الليقا

المثال بصيغة ثانية .. لمّا أضرب ولدي الكبير كف خخخخخخ وأقول له لاتطلع بـ الشارع مثلاً
مو معناتها إن الباقين مسموح لهم ولا معناتها إني أخصص كلامي له .. لكن اللي ينطبق على الكبير ينطبق على الصغير .
فـ لمّا أستغرب إن إيكر يُنتقد من جماهير " كبيييرة " من نادي منافس وعندها حارس " ماصل "
لأني ماتوقعت يجي هـ اليوم اللي يُنتقد فيه إيكر .. فـ الكلام ينطبق على غيره


شف عاد .. توضيح أكثر من كذا مافيني وربي .. لامسن ولاخاص يمديني أشرح أكثر .. إلا لو جبت معك سبورة هههه .


فيه واحد كاتب ردّ .. إن إيكر ينخفض مستواه أكثر من مرة ومدري وش وإن بوفون ماينخفض مستواه ولاشيء .

بوضّح شيء .. إيكر صحيح منخفض مستواه بس كيف منخفض ؟

بـ اختصار إيكر الخورافي صار إيكر الممتاز .. يعني إيكر للحين ماجاء هدف على الفريق بسببه
هو يسوي اللي عليه .. لكن المشكلة إنه كان معوّدنا يشيل كلّ الفريق ومعودنا يردّ كور ماتنرد .
يعني بعض الكور اللي تتسجل عليه الحين .. لو جيت للعقل تقول ماينلام فيها صعبة .
لكن تلومه لأنه كااان يشيل أصعب منها ..
فـ هو لحدّ الآن ماوصل لـ مرحلة أقول إنه سيء .. هو لـ الحين حارس ممتاز ويقدم اللي عليه وبس .
بدال ماكان يشيل اللي قدّامه .. اكتفى بـ إنه يرد الكور اللي المفروض يردّها وبس .

نقطة ثانية بس عشان انهي كلامي .. الكلام عن إن إيكر منخفض مستواه .. حقين مانشستر ذبحونا كل شوي الجائزة والجائزة
ياعالم ترا والله كريس يستاهلها .. خلوكم واثقين شوي واتركوا هـ السالفة على جنب خخخ .
يعني كاتب الموضوع يقول إنه يترشح وهو مبتدئ .. نقاشنا كلّه مو على أحقية ترشحه
النقاش على إن إيكر مبتدئ وهل مستواه سيّء أو لا .. واحد أو اثنين اللي قالوا إنه يستحق الجائزة " لسوء فهمهم للموضوع بس "

إقتباس PUYOL Carles