جماهير الهلال اصبحت اقل من جماهير فرق الدوري القطري والدوري الكويتي - صفحة رقم 2 - نادي الهلال السعودي - شبكة الزعيم

الزعيم /عبدالله · #16 06/11/2008, 07:19 AM

شاكر لكم مروركم واتمنى منكم الحضور والمؤازرة

بالتوفيق للزعيم

معجب بفن الهلال · #17 06/11/2008, 08:16 AM

من زين اداء الهلال اروح عشان يصقعنى نجران والوحده تتعادل معه ومستويات في غاية السوء الهلال مستواه نازل

الدنيا بلوووو · #18 06/11/2008, 09:08 AM

يعطيك العافية على الموضوع
اللي في عتب على المشجع الهلالي في الرياض

وش تبي احضر لفريق احرق اعصابي قدام الحزم
وخليني احط يدي على قلبي اكثر من ربع ساعه
اذا انت وكثير من الاخوان يشرهه على
جمهور الهلال في الرياض
جمهور الهلال احب اقولك علاج للفريق لانه اذا الفريق اذا ما قدم صح ما يحضر
ومن وجهه نظري المتواضعة هذا افضل حل

ليش انا اتعب واحضر في جو ماطر وبارد عشان اخسر نقطتين مع فريق ما عنده هجمات

المدرب الكبير واقول الكبير لانه كان منظره في الشاشة وهو على المدرجات كان حلو في عصبيته ونرفزتة على الاقل رسمت ابتسامة على كل وجه هلالي ما حضر للمباراة والحمد لله ما حضرت للمباراة علشان اشوفها وتبرد على قلبي شوي علشان يحس في اللي نحس فيه من المدرجات اللي ما لنا مكان فيها دام
هذا مستوى الزعيم

تبي احضر واحرق قلبي مرتين مرة بخسارة نقتطتين ومرة بالتعب اللي راح ابذلة في وصولي للملعب والله حرام ادفع فيهم قيمة نصف تذكرة لانه المستوى كانه الهلال هزيل هزيل هزيل
وذا الهزل من الوسط الى خط الهجوم اما الدفاع ما عنده شي يسويه وهذا دليل على ضعف الفريق الوحداوي

ملاحظه صغيرة
في البطولة الاسيوية انشاء الله ما راح يكون في جمهور
اذا لعب خارج المملكة
يعني راح يلعب على التعادل واذا جت مباراته في الرياض يفكر يفوز علشان في جمهور ؟؟؟؟؟

جمهور الهلال في الرياض والحمد لله مو تكبر و غرور
كان الاول في المملكة اللي كان خلف
الزعيم يعني الهلال
وليس الهلال فقط
لانه بالامس كان الهلال فقط وهو يخسر نقطتين مهمه
اما الزعيم هو زعيم الاندية السعودية كلها اللي كان الجمهور
يحضر وهو عارف انه الفريق راح يمتعه بالنتيجه والمستوى

(هذا الرد مستنسخ مع بعض التعديلات
من رد اضفته على موضوع سابق)

الهلالي الآسيوي · #19 06/11/2008, 09:13 AM

إقتباس

الرسالة الأصلية كتبت بواسطة الزعيم /عبدالله


	مروركم اسعدني والكلام الي كتبته ماطلع الا من القهر اخوي الزعيم الجمهور مالهم عذر امس انا جالس جنب واحد تعرفت عليه فالملعب سألته من وين جاي قالي جاي من حي الفواز ورى بعشرة كيلو عن حي الشفا جنوب الرياض والشفا يبعد عن الملعب حول 40 كيلو هذا ماقال انا ماني جاي والا الامطار مغرقه الرياض وتحية طيبة لكل الاعضاء

يا حبيبي إذا كنت كل مبارة أجي وتكون النتيجة والمستوى مثل مباراة الأهلي والوحدة الأخيرتين وفي المباراتين كيف تبينى نجي

الزعيم /عبدالله · #20 06/11/2008, 06:49 PM

إقتباس

الرسالة الأصلية كتبت بواسطة الدنيا بلوووو


	يعطيك العافية على الموضوع اللي في عتب على المشجع الهلالي في الرياض وش تبي احضر لفريق احرق اعصابي قدام الحزم وخليني احط يدي على قلبي اكثر من ربع ساعه اذا انت وكثير من الاخوان يشرهه على جمهور الهلال في الرياض جمهور الهلال احب اقولك علاج للفريق لانه اذا الفريق اذا ما قدم صح ما يحضر ومن وجهه نظري المتواضعة هذا افضل حل ليش انا اتعب واحضر في جو ماطر وبارد عشان اخسر نقطتين مع فريق ما عنده هجمات المدرب الكبير واقول الكبير لانه كان منظره في الشاشة وهو على المدرجات كان حلو في عصبيته ونرفزتة على الاقل رسمت ابتسامة على كل وجه هلالي ما حضر للمباراة والحمد لله ما حضرت للمباراة علشان اشوفها وتبرد على قلبي شوي علشان يحس في اللي نحس فيه من المدرجات اللي ما لنا مكان فيها دام هذا مستوى الزعيم تبي احضر واحرق قلبي مرتين مرة بخسارة نقتطتين ومرة بالتعب اللي راح ابذلة في وصولي للملعب والله حرام ادفع فيهم قيمة نصف تذكرة لانه المستوى كانه الهلال هزيل هزيل هزيل وذا الهزل من الوسط الى خط الهجوم اما الدفاع ما عنده شي يسويه وهذا دليل على ضعف الفريق الوحداوي ملاحظه صغيرة في البطولة الاسيوية انشاء الله ما راح يكون في جمهور اذا لعب خارج المملكة يعني راح يلعب على التعادل واذا جت مباراته في الرياض يفكر يفوز علشان في جمهور ؟؟؟؟؟ جمهور الهلال في الرياض والحمد لله مو تكبر و غرور كان الاول في المملكة اللي كان خلف الزعيم يعني الهلال وليس الهلال فقط لانه بالامس كان الهلال فقط وهو يخسر نقطتين مهمه اما الزعيم هو زعيم الاندية السعودية كلها اللي كان الجمهور يحضر وهو عارف انه الفريق راح يمتعه بالنتيجه والمستوى (هذا الرد مستنسخ مع بعض التعديلات من رد اضفته على موضوع سابق)

ياخي اول شي هذا الكلام يعبر عن صاحبه فاذا غبت انت وغاب الثاني فاعلم ان الجماهير الوفية هي من تقف مع الهلال في حال هبوط المستوى في الفريق او حصول مشاكل في الفريق .
فاذا لم اقف انا وانت من سيقف مع الهلال لاتنسى يا اخي افضل اندية العالم اذا تدنى مستواها فمثلاً جماهير روما وجماهير ليفر بول وجماهير الفرق العالمية انظر من يف خلفهم يقف خلفهم جمهور وفي يعشق اسم الفريق.
بكلامك هذا اثبت انك هلالي عند الفوز .
واذا كان على مستوى الفريق في السابق فلا تنسى ان ذلك كان جيل والان جيلاً اخر وان شاء الل يتفوق الزعيم ويرجع الى مستواه.
والهلال ماينقصه الا مهاجم هداف مع ياسر .
بالتوفيق للزعيم الاسيوي

الزعيم /عبدالله · #21 06/11/2008, 06:51 PM

إقتباس

الرسالة الأصلية كتبت بواسطة الهلالي الآسيوي


	يا حبيبي إذا كنت كل مبارة أجي وتكون النتيجة والمستوى مثل مباراة الأهلي والوحدة الأخيرتين وفي المباراتين كيف تبينى نجي

اخوي انا تكلمت ان الجماهير هي من ترفع من معنويات الفريق اذا قلت فاذ حضرت فلاتنسى انك تدعم ناديك
وبعد مبارة الوحدة اتضح لنا المشجع الوفي من الاخر
تحية طيبة

طويرق · #22 06/11/2008, 07:36 PM

جمهور مقاهي

******************