[CENTER]

والله كلامك جميل وصحيح

الى متى واحنا نشوف الخطئ ونسكت

اما ان يباع الاصلي بسعره او لا يباع من الاصل

والجمهور فعلا مستغل من الجميع الاتحاد السعودي والعارتي وادارات الانديه

للاسف

الاتحاد السعودي لابد ان نساند الاخضر في الملعب والتشكليه على المزاج

ادارات الانديه لابد ان يشترك الجمهور في موبايلي الهلال و العارتي والحضور في الملعب لمسانده النادي

واذا شفنا غلط نسكت ليه [/CENTER]

إقتباس الرسالة الأصلية كتبت بواسطة علنده يعني تشوف ان عبدالرحمن بن مساعد يصدر قرار بإعفاء وزير التجارة والصناعة ورئيس الغرفة التجارية عشان معد يصير فيه غش ولا تزعلون ،،،؟ الحين الإدارة ,,؟ طيب واللى جالس يحصل في الجوازات من اللى غش الثاني المواطن ولا المسؤول ,,؟

يمكن مافهمت الموضوع بس ماعندي مشكله اشرح لك


بس اذا شريت طقم الهلال علمني وقتها وش شعورك

إقتباس الرسالة الأصلية كتبت بواسطة دمي أزرق موووت ختاااما : إذا أردنا أن لاتستغلنا أي جهه فعلينا أولا أن لا نستغل بعضنا البعض وأرجوا من أخواني الذين سيقدمون شكوى لوزارة التجاره عن الأطقم المقلده ان لاينسوا أن يقدموا شكوى على هذا الطقم الذي يريدوننا بالقوه أن نقتنع بأنه الأصلي أخوكم دمي أزرق موووت

السلام عليكم ، ، ،
أن معك أخوي دمي .. إذا مهوب الأصلي الأصلي ليش أشتريه طيب وبسعر غالي نسبياً 230 وحتى فيه ناس ومتأكد من هالشيئ إنها ماتقدر تشتريه ،،
ودمتم بود

والله سمعنا ان الشعار مع اول غسلة يروح وماندري ان كان جد مششششششششششكلة

إقتباس الرسالة الأصلية كتبت بواسطة دمي أزرق موووت * أتمنى من المشرفين أن لايعاملوا موضوعي كمعاملة الإتحاد السعودي للدغيثر وشكرا

هلا بك ياأخي
أسلوبك في الانتقاد هو من يحدد بقاء موضوعك من عدمه
الإنتقاد حق مشروع لي ولك ولكل مشجع هلالي بالتأكيد وليس من حقي كمشرف أن أمنعك من أن تنتقد طالما أنك تستخدم الأدوات الصحيحة للإنتقاد
موضوعك لم يهاجم ولم يتهم ولم يسيء لأي أحد فلذلك تأكد أنه لايوجد أي سبب يجعل أي مشرف يحذفه خصوصا وأنك تحدثت عن مشكلة تخص المشجع الهلالي وهي مشكلة حقيقية موجودة وملاحظة من الجميع


شبكة الزعيم هي الصوت المسموع للمشجع الهلالي ومن أبسط حقوقك أن يصل صوتك للإدارة لكي يتم التصحيح
والتصحيح هو مانبحث عنه دائما .. ولكن تذكر أننا ضد الاتهام والإساءة والتجاوز في النقد وسيكون مصير أي موضوع يتجاوز أو يسيء هو الحذف بكل تأكيد
ولهذا السبب سيتم تعديل العنوان بشكل طفيف فقط

تحياتي لك

الناس ما يعجبها العجب والا الصوم في رجب

وغير كذا متى كان كل الي نشتريه اصلي روح محلات الملابس وشوف تلقى فستان 5000 ريال تروح لمركز تجاري ثاني تلقاه 350 ريال وكلهم خامه وحده يعني السرق عندنا صار موضه

إقتباس الرسالة الأصلية كتبت بواسطة غامد والقلب جامد بصراحة ماتستااهل 220 مدري 300 !! الشعار ( بنفسجي ) !!!! حلوة ذي نبي الشعار اللي يلعب فيه ياسر وطارق ،، ذيك الساعة اشتريها لو بـ 400

صاادق والله
ويعطيك العافية يالغلا

والله كلامك عين العقل وهو الصواب والسبب الرئيسي
(الادارة والاستقلال الواضح ) ؟؟؟؟؟؟؟؟؟؟؟؟؟؟؟؟؟؟؟؟؟

شكرا اخوي على تنبيهيك للاداره لهذه النقطه التي ممكن تخفى على الاداره

والله شف يا اخوي ان كانت الاداره عارفه بهذا الشي فوالله انها المصيبه بعينها,,,,,,


بس يمكن ان الاراره ما تدري وحنا ووياك نتظر رد الاداره وبنشوف,,,,,,,,,,,



تحياتي لك ويعطيك العافيه

ممممممممممممممم



بصراحه انا ماا شتري ملابس رياضيه عشان هالسبب



الله يخلي الماركات ^^

يالغالي

للاسف هالمشكله على مايبدو لي انها عامه

انا في العام الماضي اشتريت تي شيرت المنتخب السعودي (الاصلي) بمبلغ 210 ريال من نقطة البيع الحصريه

وبعد ماشريته اكتشفت فيه اختلافات كبيره عن التي شيرت اللي يلبسونه لاعبي المنتخب.. خصوصا في الرقبه والاكمام

علشان كذا صارت عندي قناعه تامه انه يستحيل تلقى نفس التي شيرت اللي يتم توريده للانديه او المنتخبات

اللي تلقاه في المحلات (الحصريه) بعنوان (الاصلي) هو فعلا اصلي لكن (درجه ثانيه) مصنوع خصيصا للجماهير


وعندي اقتراح بسيط اتمنى يوصل للاداره :

لماذا لايتم تخفيض سعر التي شيرت للمقاس (الولّادي) لسن 10 سنوات فأقل ؟؟

بدل 220 يصير بمبلغ 120 مثلا ؟؟

هل عندكم خبر انه تم توزيع تي شيرتات النصر (مجانا) في المدارس بداية العام الدراسي حسب ماقرأنا قبل فتره ؟؟


تحيتي لكم جميعا