عاجل :. لجماهير الهلال الوفية ساعدوا الإدارة بالقبض على _ سارق _ الزعيم ( تقرير _ صور ) عن هوية السارق.( تم اضافة صور جديدة). - صفحة رقم 6 - نادي الهلال السعودي - شبكة الزعيم

الصقر الهلالي · #76 01/11/2008, 09:52 AM

الوليد لك يومين تلعب ع الوتر الحساس ((إستغلال جمهور الزعيم))

و كل يوم تكبر بعيني زيادة

الله يقويك ويعطيك ألف عافية

الجليد الازرق · #77 01/11/2008, 09:54 AM

الوليد .. يعطيك العافية على التنبيه وعساك على القوة

هلاليه بحق · #78 01/11/2008, 09:59 AM

صدق لاقالو شين وقوي عين

حسبي الله عليهم من ناااس وين التجاره عنهم خل يشلعونهم الي مايستحون

al9yyad · #79 01/11/2008, 10:02 AM

هذا يعتمد على امكانية المستهلك اخي الوليد

يعني المستهلك لو حصل شي ارخص بيشتريه على طول

ولاتنسى ان سعر الطقم الاساسي 200 ريال مبالغ فيه كثيرا

المسؤول · #80 01/11/2008, 10:05 AM

شف انا رحت لغرناطه ابغى اشتري لاخوي الصغير شعار الهلال الجديد

قلت بكم قال 240 انا كنت اظنه شعاركامل ( 11 ) فانيله

قلت له لا ابغى وحده بس .. قال ايه الوحده بـ 240

مشنا وحنا نضحك عليه

استغلال اعمى

وصراحه تشتري باربعين ريال
افضل من 240

LAMBRD-8 · #81 01/11/2008, 10:07 AM

إقتباس

الرسالة الأصلية كتبت بواسطة العلم


	هاللي يسرقون الزعيم عساهم على القووه الحين من بيشتري طقم الزعيم بسعره الحالي!!!! معقول اب بيشتري لابنه اللي يعشق الزعيم طقم ب200 ريال !!!!!! ياتقلل اسعارها لمقاسات الاطفال اللي توهم بادين يحبون الزعيم يايتركون هالاطقم المقلده للي ماهم قادرين على الاصلي وشكرا

اعتقد فيه فرق كبير بين الخامه المقلده اللي تبي تشتريها لأطفالك

والخامه الأصلية الموجوده بالسوق...

بالعربي المقلده غسلتين ويروح لونها

اما الأصليه فجودتها باقيه .. ولاتنسى حقوق النادي محفوظه فيها

زعيم متقاعد · #82 01/11/2008, 10:09 AM

مشكورين على التوضيح 00

لابد من الوقوف لما فيه مصلحة الزعيم 00

زمن النسيان · #83 01/11/2008, 10:13 AM

والله شي مخجل وين حماية المستهلك وحماية الغش التجاري

يعني في اوربا لايمكن تشتري الامن معرض النادي فقط !!

هلالي بريده2 · #84 01/11/2008, 10:18 AM

كفو ان شاء الله يقضون عليهم

شنيور1 · #85 01/11/2008, 10:18 AM

مشكور اخوي والله حتى انا اخواني الصغار اشتروا ثنتين من التغليد طيب الاصليات متى ينزلون؟

الله يحاسبهم السارقين

اموووت فيك · #86 01/11/2008, 10:31 AM

ياخي وين اذا الفنيله بمتين وعشرة والورت بميه وخمسين انا قل واحد بشتريه بس اللي عنده كذا ولد؟؟؟

ترى فيه طبقات في هالمجتمع اتمنى مراعاتها

هيلانو · #87 01/11/2008, 10:34 AM

والله بصراحه
اذا كان الطقم الاصلي 230 ريال والتقليد 35 اشتري التقليد ابرك هذا اولاً
وثانيا ليه نطالب وزارة التجاره تمسك هالي يقلدون ونفسها وزارة التجاره تاركه محلات الماركات وهي نصب بنصب اسعارهم خياليه ويدبلونها بالمواسم ونقول امسكوا الي يقلدون عشان التاجر يربح
الا معصي جعلهم يتركونهم يقلدون الين نلقا حل لهلغلا الي حنا فيه

احفظو حقوق المستهلك قبل التاجر

أمير الظـلام · #88 01/11/2008, 10:36 AM

ألف شكر على إهتمامك بحق من حقوق الزعيم وأتمنى من الجميع الإقتداء بك .

التويجري4445 · #89 01/11/2008, 10:51 AM

إقتباس

الرسالة الأصلية كتبت بواسطة العلم


	هاللي يسرقون الزعيم عساهم على القووه الحين من بيشتري طقم الزعيم بسعره الحالي!!!! معقول اب بيشتري لابنه اللي يعشق الزعيم طقم ب200 ريال !!!!!! ياتقلل اسعارها لمقاسات الاطفال اللي توهم بادين يحبون الزعيم يايتركون هالاطقم المقلده للي ماهم قادرين على الاصلي وشكرا

تدري برا بكم سعر الفانيله ؟

بــــــ500 ريال !!

احمد ربك

3abo0o0odi · #90 01/11/2008, 10:54 AM

موضوع جداً رائع ، نعم صحيح كلامك .!!

ارى مواضيع في المنتدى ( مناديل + علك + قمصان + اشرطه بلاستيشن ) .!!

عليها شعارات الزعيم ، !!

والاعضاء ماقصرو والله وينزلون .!!

لازم نحارب كل من / يحاول سرقه الزعيم وشعاره وكيانه .!!

اتمنى من الامير عبد الرحمن بن مساعد مثل ماقلت يالاخ الوليد .!!

ان يجعل ناس يراقبون المحلات التجاريه الي تسوق على حساب الزعيم .!!

موضوع جداً رائع يالوليد .!!