|
يالله خلوهم ينفعونكم الحين !! بحارتنا نصراوي .. كان يشجـع النصر من أيام الفيديو أبو شريط كبير!! ويحبّ يقرأ !! كل ما شاف شي قراه !! حتى ذيك الورقة اللي تجي بكرتون البندول يقراه من أول سطر إلى آخر سطر !! وهو بصراحة شخصية غريبة .. لدرجة ما استبعد عليه يقوم بخطبة الجمعة .. ويروح لم المكرفون والإمام يخطب .. ويمسك المكرفون و ( يعطس ) ثمين يرجع لمكانه !! ما استبعد عليه أي شي !! عاد هو وأبوه وأخوانه ( مردان ) يعني مالهم إلا شعر الحجاج وشوي براسهم .. و أما من ناحية شنب ودقن .. أنس !! وأبوه رجل فاضل ومطوع .. بس يوم إنـّا مبزرة كنا نلعّن عنده ما درينا عنه إلا عقب .. لأن مابه شي يثبت لنا !! المهم .. خويّي ذا مدمن جرايد !! ولا عمره شرا جريدة وحدة بحياته !! مبتلي (حفيظ) هندي البقالة في نفسه !! وصار حفيظ يدبّس الجرايد .. يبي يفتك من شره !! لكن ماش .. صار يدخـل ويفك الدبوّس بأثمه ويتفله على حفيظ !! ويروح لآخر البقالة ويتكـّي على ثلاجات (الدجاج و الثلج واللحم ) ويصفّ الجرايد بجنبه ويفلـّها ويقعد يقرا !! وتسانك ولدن لأبوك .. قلّ له : هيه لو سمحت .. وخّر شوي .. أبي الفريزر !! لأنّي اذكر مرة(ن) حنق عليه حفيظ .. وقرّر يستخدم معه العنف !! و قام و توطّى بـ بطن حفيظ .. و دخّل يده بالفريزر .. و سحب لحمة مفروم وحدة ثالجة و خفـّس وجه حفيظ فيها !! وعقبها صار ما يحارشه !! المهم إن خويـّنا هالمنلحس !! تغيّر شوي عن أول .. بس فيه بقايا فهوة !! ومتوظف الحين في الجمارك ما شاء الله عليه في الصادر والوارد .. وممتحن مديره في الدوام .. يفصفص المعاملة فصفصة !! وكل ملفاتهم قاريها ملف ملف !! حتى ملفات اللي يقدمون على وظايف قاريها كلها قبل يذبـها في الزبالة !! لقيته يوم (الجمعة اللي راحت) بالصدفة .. سلمّ علي وسلمـّت عليه !! وأثر عيونه من قوّ القراية غايصات .. وبؤبؤ العين آكلن تبن !! وأثر الرجـّال متكشّخ ولابس ذيك الساعة اللي توّلع بالليل !! ولابس كنادر وشرابـّات بيض !! وبادي يطلع زغب تحت خشمه بمكان الشنب !! قلت هاه كيفك بشّر ؟ وكيف استعداداتكم لمباراة بكرة ؟! وأثر الرجـّال مهوب لمـّي وأشوف براطمه يتحركـّن بلحالهن !! يوم دققت .. وأثري ناسي فاتورة مغسلة .. بمخباتي القداميـّة .. وباينة حروف الفاتورة من ورا المخبارة !! ولا قدر يقاوم نفسه وقام يتهجى ( طاقية .. ثوب صوف .. غترة ......) !! قلت .. وليـّن !! المهم هاه عساكم مستعديّن لـ ( الصكـّة بكرة ) !! يوم دريت مار يزعل علي ؟! قال لي : تستهبل أنت ؟! قلت : يخوك وش فيك زعلت ؟! تراي مانيب الحكم وإلا والله لا أفوزّكم !! قال هيّن بس !! رح الله يرحم أمك ما فزت على نجران تفوز علينا !! قلت له : بس نجران ما وراهم أحد ينفخهم !! ويطيّرهم بالعجة !! قال وش قصدك ؟! قلت أما وش قصدي !! و أنتم ما بقى إلا (عبلة كامل) اللي ما كتبت إنكم تبي تفوزون بكرة !! قال لي : طيب هم واثقين من إمكانياتنا !! قلت : شف أنا داري إنك من جنبها !! وبك سباهة !! لكن ما خبرتك (تسذوب) !! قال لي : وبعدين ترا (ياسر) مهوب اللي أنت تبي .. تراه تغيّر!! و(التايب) موب لاعب !! و (تفاريس) وراح !! قلت له : بس " روح الزعامة موجودة " !! وداري إنك ما تدري وش أنا أقول !! لكن والله موب مضيعكم وأنا أخوك إلا (هاللي لو بهم خير .. فادوا فريقهم ) !! شف وأنا أخوك .. جمهوركم مشكلته إنّه يبي يتعلق بأي شي !! ويصدّق أي شي !! وشف عيونك وشلون صايرات !! لكن وش النتيجة ؟! العبرة وأنا أخوك مهيب بكثرة ( القراية ) !! العبرة بـ ( لمين حنـا نقرأ ) ؟! وعشان أيش نقرأ ؟! يا كثر ( المضلليّن ) ويا كثر ( المرتزقة ) اللي يكتب بلـيـّا ( ذمة ولا أدنى حد للأمانة ) !! و مالين جرايدنا !! وقدروا يمرّرون عليك أنت و أمثالك .. ( أهوائهم ) و ( خزعبلاتهم ) !! لهدف ينتقصون غيرهم بدون أي مراعاة لـ ( حقيقة أو واقع ) !! الإعلام أمانة!! والكلمة رسالة !! وإذا كان يغيضكم إن ( إعلام الهلال ) بهالقوة !! فصدقنـّي بيجي بكرة (بعد المباراة وبجاوبك ) !! تدري ليه ؟! لأنهم - باختصار - واقعيين !! لأن اللاعب إذا قام يخربط ويلعب بذيله !! وقفـوه عند حدّه !! لأن الجو الهلالي ( صافي ) و ( نزيه ) !! ما يحتاج (الهلاليين ) إنهم يدلسّون !! ويبالغون !! ويزيدون وينقصّون !! مع زرع الثقة بنفوس اللعيبة !! بدون أي مبالغات !! أو تحجيم للخصم !! ولنفرض على هالمعطيات اللي يمّر فيها الهلال هالفترة !! إنهم خسروا لقاء بكرة !! أو فازوا !! رح شف ردّة الفعل !! إن ما داوت الجراح مستحيل تزيده !! وإن ما لطفـت الجو مستحيل توتـره !! وصدقنـّي أتمنى لكم الخير .. ونفسي ترجع المنافسة اللي كانت بيننا .. والعيارة اللي كانت حاضرة بعد كل مباراة !! لكن للأسف !! إن غيركم دخل معكم على (الخط) !! و استفاد من ( سذاجة بعضكم ) !! ( وأنا شاك فيك أنت وأثمك أنك من هالسّذج ) !! وقدر يخليكم ( تضيعون مشيتكم ومشية الحمامة ) !! فلا أنتم اللي ( انتصرتوا لكيانكم ) ولا أنتم (عشتوا بسلام مع غيركم ) !! زرعوا فيكم ( عقدة المسكنة والظلم ) وأن العالم كله ضدكم !! ويحاربكم !! وصدقتوا هالشيء وطبلتوا له !! وعشتوا على أطلاله وما زلتوا !! لخبطوا ( ثقتكم في أنفسكم ) !! ( خدرّوكم بتصاريحهم ) !! اشعلوا نار في قلب كل نصراوي !! وطالبوكم تهزوّن روسكم وتنفخون هالنار !! قسمّوكم أحزاب !! وفرقوّا وحدتكم !! وأنتم منشغلين عن (ناديكم) !! وصار بناءه آخر اهتماماتكم !! لأنكم انشغلتوا في أمور ثانوية !! دبرّ لها وخطط لها غيركم !! وباركتوها وأنتم ما تدرون !! وصرتوا تقرون لكل من هبّ و دبّ !! تبون اللي يشفي غليلكم بغض النظر عن ( وش يقول ؟! ) أو ( وش يبي بالضبط ) !! ضاعت هويتكم بمعمعة (تصريحاتكم) اللي ما تحمل أي معنى .. يقدر يستشّف منه النصراوي الصميم !! معانى الحرص على كيانكم !! --------------------------- هذا باختصار ما دار بيني وبين ( النصراوي ابن الحارة القديم ) !! انتهى الحوار !! حينما قاطعني بـ قوله ( بس بنفوز ) !! وذهب ليقرأ !! --------------- ( انتصارُ السبت ) : كان انتصارا ً ساحقا للرياضة النزيهة ِ والمتـّزنة !! فقد لفحت ( تلك النيران التي أطلقتها صافرة انتهاء المباراة ) وجوها ً غابرة مترصدّة !! وأوقفت تصريحات ٍ (ستلوث ُ) آذانا ً !! وتنتقم (خبثـا) وفجورا !! وأخرست أفواها ً كانت ستتشــّدق ُ (استذكاءا) و ( إسفافا ) !! وأخفت ( رويبضّيون ) سينطقون زورا وبهتانا !! و وأدت ( فتنـا ً ) كادت ستصلينا ( جورا ً وعدوانا ) !! ---- بيد أن .. ( انتصار السبت ) يجب أن لا ينسينا ترميم - بعض - صدوع جدراننا !! و لا رتق ما انشـّق من أطراف ِ أكمامنا !! ------ و ( انتصار السبت ) سيكون محفزّاً لاستقامتنا ( واقفين) !! و ثباتنا ( مهرولين ) !! فلم يتبق إلا أن نتغلب على أنفسنا !! فالحكمة تقول : " إن من ينتصر على غيره فهو قوّي !! لكن من ينتصر على (نفسه) فهو أقوى !! " و سننتصر !! |
[SIZE="4"]الله يعطيـــــــــــــــــــــكـ العـــــــــــافيــــــــــــــــهـ تقبل مروري كريستاله زرقاء[/SIZE] |
ههههههههههههههههههههههههههههههههههههههههههه دائماً مبدع يامغاط ..صراحه موضوع رااايق وملطف للجو وفي الصميم مغاط بكل فخر انا احد متابعيك .. وبقوه .. امانه عليك لاتتأخر علينا نبي مواضيع مواضيع كثيره .. شكراً لك على هذا الموضوع ,.,., |
فلم يتبق إلا أن نتغلب على أنفسنا !! فالحكمة تقول : " إن من ينتصر على غيره فهو قوّي !! لكن من ينتصر على (نفسه) فهو أقوى !! "</B> و سننتصر !! .................................................................................................... .................. باذن الله ولو طولت الغيبه مغاط عسى المانع خير ؟؟؟؟؟؟؟؟؟؟؟؟؟؟ |
مغاط والله لك وحشة...رائع ...جميل...مبدع كلها لا توفيك حقك |
هذي محاضره مب سواليف واللي يقهرك بعد هالمحاضره الطويله يقول لك ( بس بنفوز ) احس انك جلدته بعدها..... اعترف لكن اتمنى انك ما تغاب لأني اتفائل بمواضيعك مثل الموضوع اللي قبل مبارة النصر تقبل مروري |
شكرا لك على هذا الطرح اللى يوسع الصدر جميل ك العاده |
مغاط يارائع يا رايق !! عودة جميلة .. تشكر على ما كتبت !! تحيى عطرة |
بديتها تريقة وانهيتها بكلام ولا احلى .. ودي ترسل كلامك الاخير لكل نصراوي .. على العموم .. ابدعت .. ولنا الانتصارات .. ولهم التشكيك ! |
مغـــــــــــــاط يعطيك الف عاااافية وبالتوفيق للزعيم |
يعطيك العافيه اخوي مطاط بجد وربي اضحك على القصه والله يعينك عليه اذا جاك عطه مجله فواصل خله يفصل شوي |
لله درك قصه معبره ............... |
الله عليك يامغاط :smilie47: والله كلامك درر وخصوصا كلامك عن تظاهرهم بالظلم :naughty: لكن مع الحكام الاجانب ياما بنفوز عليهم لان فريق طيحني تضيع علومه اذا جا حكم اجنبي متعودين على خذ بلنتي واحصل على الاخر مجانا :clap: |
كنت أنتظر موضوعك على أحر من الجمر.. مبدع دااائما يامغااااااااااااااااااااااااااااااااط.. كأبداااااع نجوم الزعيم.. ألا أبسألك يامغاط وش معنى( زغب )اللي طالع مكان شنب صديقك المفهي..؟؟؟؟ تقبل تحياتي... |
بصرااحه مبدع يا مغااااط شكرا لك |
يعطيك العافية على الموضوع الرائع |
بعطيك العافيه اخوووي مغااط والله هذا اللي صااير الحين صدقت |
الحمدلله على السلامه مغاااااااااط وانت مبدع دائماً |
رووووووووووووووعه يامغاط سجل اعجابي بقلمك الفكاهي المبدع وياليتك معنا في الدوام ترد على النصراويين المرضى |
مغاط ... لن أقول طرح رائع ...لإننا لم نتعود منك إلا هكذا وأروع بصراحة مقالتك يجب أن يقرأها النصراويين قبل الهلاليين ليعرفوا أين مشكلتهم ... أما انتصار السبت فكان انتصاراً مدوياً انتصرت فيه الرياضة الشريفة بكل أطيافها.. وبالتأكيد كماقلت هناك بعض الاعوجاج في فريقنا يجب أن يقوم وبإذن الله مع الأيام سيضبط كل شيء تحياتي وشكراً لك |
موضوع رائع .. ورده أتمنى تواصل طرحك المتميز |
* أهلا و سهلاً بالاستااذ الفااضل و القدير " مغااط " أهلا بعودتك . . فلقد أطلت الغيااب . . * وكما ترى !! . . كان بودي الحديث عن أشيااء و أشيااء . . في موضوعك الساابق . . والذي كنتُ قد وعدت بالرجوع بعد الحجز فأخلفتُ موعدي . . و قد قلت فيه ما أثبتت الأياام أني لم أقل إلا كذباا فعذراا * كان بودي حينها . .الحديث عن الـ " ربيع " !! . . وجمااله " كسااءً " . . و روعته " منظراً " . . * كان بودي الحديث عن الـ " شتااء " !! . . ايضاً و " نقاائِهِ " و " صفاائِهِ " . . و " بيااضِهِ " ( مااءً و ثلجاا ) * كان بودي أن اقول . . كما الربيع " أنت " . . ( جماالا ) . . و كما الشتااء " نحن " . . لك ( حباً نقيااا ) . . لم يمتزج بـ " كرهٍ " . . أبدااا * أسعى " داائماً "!! . . أسعى " جااهداً " !! . . أن " تصعد " الكلماات إلى علاااك . . وأن " تلاامس " مساامعك . . و" ترتمي " . . في أحضااان نااظريك . . * ندرك أن " مغاط " . . قناعٌ راائع يُخفي تحته الـ " جمال " المتجسد حرفا . . و الـ " توااضع " . . المتربع عرشا * يُخفي تحته . . ما يظهر منه . . قناع من زجااج . . يحبس بداخله الـ " نقااء " ليطلقه !! . . و ( المعنى الرفيع ) ليخطه !! . . و الـ " ابتساامةَ " ليرسمها !! . . و ( الحجة الداامغة ) ليرسلها !! . . عبر الزعيم قذيفةً في وجوه الانذال . . * مغااطٌ وكفى !!. . * * صدقني أيها المقدام . . كان بودي الرسم على ايقااع الرجوع لا الحرف . . لكن لم أوفق في هذا و لا ذاك . . * خسرت محااولاً . . الاستبساال في وجه السعااده بمقدمك . . " عاائداً " . . خسرت الحرف و اللفظ . . و لا يسعني إلا الصمت أماام وميضك الأخضر . . الذي يخبرنا بحياااة معرفك الكريم . . * ليتني استطيع أن اطلب أن تبقى فلا ترحل . . و أم تكون بيننا . . لا عنا و لا حولنا . . * لكنني أؤمن أن ما أبعدك إلا الظروف !!. . ومن أحسن من الزعيم منتدى . . يتشرف بحضورك و يشتااق لك حال الغيااب . . بل و يدعو لك بخير . . * في النهااية . . لا يسعني إلا شكرك - و إن كنتَ في الحقيقة تستحقُّ أكثر - . . و أن تتقبل خاالص الود و فاائق التقدير . . * و بالنسبة للموضوع . . وما حوااه سأعود له متشرفاً . . * تحيااتي لك * |
s60sاخي العزيز مغاط تاسرني باسلوبك السلس الجميل الساخر وبقوه حجتك وقدرتك على الاقناع شكرا لك اخي العزيز والى الامام دائماs60s |
ههههههههههههههههههههههههههههههههههههههه ههههههههههههههههههههههههههههههههههههه <فاطس ماشاءالله عندك اسلوب :D قسم مدري من وين جايبه عافاك الله اخوي مغط ويعلم الله اني انتظر كتاباتك دايم :D |
مغاط... شكراً جزيلاً لك ... أتمنى أن يعي ويفهم كل نصراوي هذه الحقيقة .... كلام رائع جداً ... بارك الله فيك ... وبالتوفيق للزعيم ... |
يامغاط انت رائع ومبدع ورايق وانا من المعجبين بقلمك الجميل ت ق ب ل م ر و ر ي |
هههههههههههههههههههه اجل يروح يمسك الميكروفون ويعطس المهم لا عاد تطول علينا اقل شي نشوفك قبل وبعد كل مباراة للهلال تحياتي |
مغـــــــــــــاط يعطيك العافية وبالتوفيق للزعيم على هالطرح الرائع والراقي والمميز تقبل تحياتي |
دائـــــما مبدع..... سلمت يمناكـ.... لاتحرمنا ابداعاتكـ |
ألف شكر .. يمال العافية والله .. ولي عودة ان شاء الله .. إقتباس:
هو الشعر الخفيف .. وفيه أبيات كثير .. تذكر فيها هالكلمة .. من ضمنها بيت الخطيئة يوم يوصف عياله : ماذا تقول لأفراخ ٍ بذي مرخ .. زغب الحواصل لا ماء ولا شجر .. يعني إنهم صغار .. ويبي ياكلون هواء .. لو ما رحت لمّهم .. !! فأطلق سراحه عمر !! لي عودة بإذن الله .. |
لن امتدحك كثيرا فغير يفعل ذلك افضل مني .. و لكني من اشد متابعيك .. و حين فرصة من الوقت سأجمع كل مواضيعك في مجلد واحد و اسميه مغاطيات .. لا احد يشبهك في اسلوبك و ظرافة ابداعك .. وفقك الله |
إقتباس:
قويه بالحيل |
إقتباس:
والله انك جبته يامغاط بالثمنيات صحيح كل نصراوي يتكلم معك يبدا بالتسخط والتظلم والشكوى وان ناديه مظلوم إقتباس:
http://upload.alhilal.com/img/015/as47.jpg ماجاء من فراغ وعقبال 2008-2009 |
يعطيك العافية اخوي مغاط موضوع رائع وممتع جداً |
مغأأأط < دووٍم مبدع :) .. وسواليفـك ومقـآلاتك توسـع الصدر :) ورده الف شكـر لك , ورده |
مغاط يالغلا بصراحه موضوعك ممتاز الله يحفظك يالغلا ونطالع مواضيع اكثر وتكثر بنفس الجوده مشكوووووووووووور |
مقال رائع يحاكي حال الجــار . . . مغاط يعطيك العافيـــة |
دآئمــا مبدع يا مغـاط :smilie47: .. .. .. :clapping: s13s s60s .. |
فديت عمرك يا مغاط .. لله درك على هذاالاسلوب الفكاهي المبدع من متميز في شبكتنا المحبوبة عساك على القوة |
مغاط ... لن أقول طرح رائع ...لإننا لم نتعود منك إلا هكذا وأروع بصراحة مقالتك يجب أن يقرأها النصراويين قبل الهلاليين ليعرفوا أين مشكلتهم ... أما انتصار السبت فكان انتصاراً مدوياً انتصرت فيه الرياضة الشريفة بكل أطيافها.. وبالتأكيد كماقلت هناك بعض الاعوجاج في فريقنا يجب أن يقوم وبإذن الله مع الأيام سيضبط كل شيء تحياتي وشكراً لك |
مشكووور وموضوع رآئع .. :d |
والله لك وحشه يامغاط بس حسبي الله على بليسك .. صكوني انذار بسبتك << مسوي حجز أول واحد ونسى :) ياحبيبي كتابتك ع الجرح يسلموووووو يسلموووووو وسلم على ابو أظفر :naughty: |
يعطيك الف الف عافيييييييييه كتبت فأبدعت مـغ ـآط ماانحررمش منكـ |
قسم بالله ما دريت إن اليوم الأربعاء .. إلا العصر اليوم !! ولو إني داري والله ما محطت بالموضوع أمس .. أمسحوها بوجه هلالي ثنياني هالمرّة <<-- ورّط هالشايب !! والشكر موصول للجميع اسما أسما .. وبلا مغاط بل خرابيط مغاط !! نبي نركّز مع (الأزرق) الليلة !! \ بالتوفيق حبايبي .. ( قلب أزرق ) .. :smilie47: ورده منوّرين بقوة .. |
مشكور اخوي مغالط علي الطرح الراقي والمميز |
الله يعطيك العافيه يا مغاط ... وهذي عوايدك ... تكتب فنستمتع بطرحك . تحياتي ,,, |
مرحبا بعودتك سيد مغاااااااااااط اشتقنا لهكذا مواضيع تزيل الرتابة والحبس النفسي +++ عودا حميدا وموضوع سأقوم بارساله لكل نصراوي أعرفه لأنك كشفت الحقيقة كاملة بأسلوب لا يجيده الا انت +++ فأنت ومواجه والظاهره تجتذبني كتاباتكم كثيرا ++ شكرا لك وتقبل مروري +++++++++++++++++ اقتباس قسم بالله ما دريت إن اليوم الأربعاء .. إلا العصر اليوم !! ولو إني داري والله ما محطت بالموضوع أمس .. أمسحوها بوجه هلالي ثنياني هالمرّة <<-- ورّط هالشايب !! +++++++ انت بحد ذاتك مادة جديرة بالمتابعة في أي وقت لأنك تضيف لعقليتي دائما فلا تعتذر ايها القلب النابض |
شكرا لك على هذا الطرح اللى يوسع الصدر جميل ك العاده |
مغـــــــــــــاط يعطيك الف عاااافية وبالتوفيق للزعيم |
كأني بمغاط يقول.... " شـــــــــــكــــــــلــــــيــــــن مــــابــــحـــــكــــــــي " :naughty: ولي عودة..... |
.,.,.,.,. هالمره على غير العادة لا يوجد بالنهاية عبارة تلخص الاستفادة من القصة:d وان كنت اظن ان للفريزر علاقة بالموضوع!! مشكور يا مبدع |
تحياتي يالغالي ومسكين اللي ماعنده لا فكر ولا ثقافة ولا أسلوب حوار بمعنى مسكين اللي ماعنده مغاط |
هلا وغلا مغاط توني كاتب موضوع اسال عنك فيه http://vb.alhilal.com/showthread.php?t=658376 مشكور ياالغالي |
أعتقداي أنه أغلب النصراويين مثل خوييك .. شكرا لك ولقلمك الرائع .. |
يعطيك العافية وانتصارنا انتصار الحقيقة والابداع على الكذب والخداع |
ههههههههههههههههههههههههههههههههههههههههههه دائماً مبدع يامغاط ..صراحه موضوع رااايق وملطف للجو وفي الصميم مغاط بكل فخر انا احد متابعيك .. وبقوه .. امانه عليك لاتتأخر علينا نبي مواضيع مواضيع كثيره .. شكراً لك على هذا الموضوع ,.,., |
إقتباس:
|
هههههههههههههههه موضوع راااااائع ... |
الــــــــــــف شـــــــكــــــرا لــــــــك..} |
كنت أنتظر موضوعك على أحر من الجمر.. مبدع دااائما يامغااااااااااااااااااااااااااااااااط.. |
| الوقت المعتمد في المنتدى بتوقيت جرينتش +3.
الوقت الان » 01:51 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd