[ .. الـسلام عليكم و رحمة الله وبركاتــــه .. ]
في البداية ..
أسعد الله مساءكم .. بكل خير .. ورده
<<<---- طبعا هذا للي يقرأ الموضوع في المساء .. اما اللي يقراه في الصباح ..
فيقشر بصل الله لا يهينه ..!

والله انا منذ مبطي وانا احاول اني القى اي شيء اكتب عنه ..
بس مااااش .. عجزت ..

.....شوي
شوي الا نفسي تقول لي ..
يا عبيط نزل موضوع نقد ..
لكن تذكرت ان كل العالم تنتقد ..!!
فـ العسكري ينتقد الموظف الحكومي ..
والموظف ينتقد الاطباء ..
والأطباء ينتقدون المدرسين ..
والمدرسين ينتقدون الاهل ..
والأهل ينتقدون عبيط .. <<< هذي الاضافة من كيس فياض ..
وكل مين ينتقد كل مين ..
والمشكلة ما احد يناظر عيوب نفسه ..،

صلاة الفجر .. وسنعاود البث بعد الصلاة ..
وقولوا يا رب يجي في بالي شيء اكتب عنه ..
.,،

باك .. بعد الصلاة ..
عاد تعرفون " خنزب " .. والله ياهو يجيب افكار هالجحش ..
جات افكار بالهبل بس بصراحة بعضها " منقول " فخليتها انا لصيد الانترنت ..
ما راح تصدقون لو قلت لكم .. انه جاب لي افكار مواضيع لمنتدى الجمهور ..
..,
بس انا طنشته ..وحاولت اني اركز في الصلاة .. واول ما بديت اركز ..
الا والامام يسلم .. خرجت من المسجد وانا فيني احساس غريب
ولاحظت ان هالاحساس كل ماله يقوى ..!

كان فيه رغبة قوية بالنذالة ..
رغبة مرة ما قدرت اني اتجاهلها ( او استجهلها ) على قولة فراشتنا الهنوووف
.
.
.

فقررت اني استجيب لـ هالرغبة والاحساس ..
واكون نذل لأول 24 ساعة في حياتي ..
.
.
.
وتروها مصيبة لما تجتمع النذالة مع " * العباطة "

( * اللكاعة بمفهوم بعض الناس اللي رفعوا ضغطي ) ..

.
.
الموهييم : رحت لأقرب فوال واخذت بريالين فول .. وريالين عدس
( تصدقون انهم ما عاد يبيعون بريال قلت لهم ليش ؟؟
.. قالوا صاحب المحل رفع الايجار ) ..
ورحت البيت وخليت اهلي يفطرون لكن بدون تميس
يا حليلهم اكلوه مع خبز البارح ..

بالمناسبة .. انا افطر هالحين وانا اكتب هالموضوع .. وفيه فكرة نذالة جديدة لمعت براسي وهي اني ارسل هالموضوع لكم عضو ينسقونه .. وبالاخير اخذ واحد منهم والباقين اسحب عليهم كلهم ..
طبعا هالسطرين ما راح ارسلها لهم اكيد .. بس انا متأكد بتجيهم جلطة لما يقرونها بالموضوع .. على فكرة الاختيار بالقرعة .. ومبروك على فياض التعاون معي ..

ولعز الهلال ..

.. .. ..

بما ان الموضوع تم اختياره .. فهذا مقطع فيديو يبين حجم النذالة عند هالولد ..
[( double click on this ... link )]
/ \
/\

<<< ..
عيب عليكم .. وربي عيب ..
موضوع عن النذالة .. وتبوني احط لكم الرابط كذا على طول ..
ليتني ما تكلمت من الصبح عن احساس النذالة بداخلي ..
عموما .. حصل خير ..
ابحثوا عن الرابط في كلمة من كلمات الموضوع .. والله العظيم صادق ..

مرة كلمني واحد من الشباب يبيني احضره في الجامعة ..
وقلت له دندن يا ولد ارسل لي اسمك ورقمك الجامعي وازهلها ..

من شين حظه اني قررت اطقطق عليه ..
قدرت اقنعه من خلال صوتي واسلوبي اني انكشفت واني بانتظار الدكتور يطلع من عند رئيس القسم ويشوفون وش يسسون في مشكلتي ..

الرجال انفجع وصدق .. وقال لي شوي وارجع ادق عليك .. انا ما اخذت الموضوع جد .. وقلت بأقابله بعدين واضحك عليه وجها لوجه ..

خلصت شغلي على طول وجيت راجع للجامعة .. وانا على الخط السريع الا والرجال شاطفني من اليسار من ورى الخط الاصفر .. بغيت ادق عليه بس قلت خلني اشوف وين هو رايح بالاول .. والحقه .. ووراه الين ما وقف الا قدام بوابة الكلية ..

وانا اللي يوم شفت الموضوع كذا .. نزلت وقمت اضحك بنص الشارع ..
وهو اللي اموره متلخبطة ولا هو داري وش السالفة للحظة .. بعدين قام يسب ويلعن .. اعتذرت منه وقلت له وش جابك .. قال انه جاي يبي يشوف وش موضوعي .. وطلع انه كان مع امه بالمستشفى ..
والله اني نذل صدق ..

هذا مرة من المرارير من مبطي والله .. كنا راعين كورة في العصرية في المخططات ومن هالخراب عسى الله يهدي شباب المسلمين

<<< فاهم الخراب غلط ..

الموهييم : طلعنا مجموعة مجموعة من الشباب نبي نلعب .. والمخطط كان بعيد شوي .. وكان وقتها حتى اضاءة مافيه .. ووين وين تلقى واحد موجود في هذا المخطط بعد المغرب ..

وفي الطريق حسينا ان صاحب السيارة ناوي على نية شر ..

فلما وصلنا رفضنا ننزل الا اذا اعطى المفتاح واحد فينا ..

وبالفعل وافق هو .. واعطى واحد من الشباب المفتاح .. لكن للاسف طلع خائن و ونذل .. شوي واحنا نطرد ورى هالكورة .. الا والبواري والصياح والضحك ..

في البداية ما صدقنا انهم يسوونها .. لكن طلعوا انذال وسووها صدق .. وراحوا واحنا نناظرهم بعيون ملؤها الدمع وقلوب ملؤها الاسى .. ونصيح : الوداااااع .. وهم يقولون : الوداااع ..

<<< شطحة ..

وكانت اطول عصرية واحنا ننتظر .. لاهم استحوا على وجيههم رجعوا .. ولا فيه احد ناوي يوقف لسبعة اشخاص لأنهم شبهة .. ولا فيه امل يمر ليموزين .. الا اذا كان يبي يخربها مع احد في ذاك المخطط ..

المشكلة انه حتى اللعب ما كملناه ... واضطرينا نمشي على رجولنا مسافة كيلو وزيادة .. ولا وصلنا الا قبل صلاة العشاء

بس احلى مافي الموضوع اننا قررنا اننا نكمل المشوار مشي الى الحارة !

قبل ما اضيف الموضوع قلت يا عبيط تأكد يمكن الموضوع
احد نزله من فترة قريبة وانت منت متابع ..

طبعا الموضوع قديم من 2004 .. فاتوقع انه ما مر على بعضكم ..
واذا قد مر عليكم فما يحتاج واحد يتفلسف لاتوطى حوض بطنه ..

على فكرة .. اللي بيعطيكم النتائج هو الغريب .. انا طالع منها ..
<<< وهقه ..

هو ان كل واحد يسدح لنا موقف كان فيه نذل .. او حصل له موقف مع واحد نذل .. ولا مانع لدينا من ذكر الاثنين ان وجدت .. بالاضافة الى الاجابة على مواقف الغريب .. لأن الرجال يبي يعطيكم النتائج .. قبل ما يشغله شيء ..

<<< والله اللي توهق . وشكله بيوقفني ..

.. .. .. .. ..

انا بالنسبة لي جديدة .. واعجبتني ..
وان شاء الله نفس الوضع بالنسبة لكم .. لأني تعبت وانا اكتبها ..

لكل من بحث عن الرابط وما وجده ..
اقول له وبكل اسف .. ( تستاهل) ..
ما احد قال لك تستعجل .. كان انتظرت الين توصل الى هالسطرين..
وانا بعلمك بنفسي ..
الرابط موجود في جملة " في البداية " اللي تحت التسليم ..

واخرتها .. اعتذر والله اشد الاعتذار من اللي سحبت عليهم في الموضوع الاخير ..
لكن عاد مشوها انتوا .. هو كم عبيط عندكم ..؟!

كان معكم بجوار جنغل لاند / عريس البحر الأحمر
<<< هذي بعد من كيس فياض ..

.. .. .. ..
.
.