صباح الخير
كان ودي اكتب الموضوع في الليل
على ما قالوا اضرب الحديد وهو حامي
ولكن لتعبي بدنياً ونفسيا بعد المباراه
ما قدرة اكتب وانا اكتب من الدوام
الان من القهر اللي حسيته من بداية
المباراه امس لان اللي حصل
ماينسكت عليه ابد


يعني الكل شاف مباراة امس وكيف
كانت التشكيله خاليه من اي تكتيك
واي لعب هجومي نشوف بعد التشكيل
ونعلق على التشكيله :
1 _ الدعيع 2_ الزوري 3_ المرشدي
4_ اسامه 5_ خيرات 6 _ الغنام
7_الخثران 8_ صالح الدوسري
9_الفريدي 10_الشلهوب
11_القحطاني

ياكوزمين يعطيك العافيه
لم تبدا بظهيرين جنب
كانو قلوب دفاع الاثنين
يعني ثقل في الطلوع والرجوع
صحيح الزوري ما قصر
في مساندة الهجوم ولكن نرجع
ونقول ظهير ولا يحاسب
عند ضياع الهجمات مثل المهاجم
الخثران + الغنام + صالح الدوسري
ليه 3 محاور تلعب مع البرازيل انت
وش الخوف الزايد اللي عايش فيه
ومعيشنا معك فيه صالح الدوسري
محور ومعطيه مهمة وسط ايمن
يعني مثل الفريدي او فهد المبارك
وش ذي الحوسه وش التأليف
ياخي ولله لو يجي مدرب مبتداء
ويعرف مراكز اللعيبه ان يحط
تشكيله افضل من تشكيلتك
عندك الصويلح وفهد سرور
والمؤشر وحاط صالح الدوسري
صالح لاعب ينتظره مستقبل ممتاز
ولكن في منطقة المحور اذا ماعندك خبر
ياكوزمين
لما تشوف التشكيله تقول في المناطق الخلفيه
ما عليه خوف بس من اللي يصنع ومن اللي
يسجل اذا ما عندك الا الفريدي والشلهوب
والقحطاني والا تبي تنتظر اي ركنيه والا
فاول عشن تجيب هدف عرضيه وتقفل
ياخي اول شي كثف التدريب على العرضيات
ثم اعتمد عليها وحط لك اطراف نشاط
ثم اعتمد على العرضيات ياسيدي


فيه كلام كثير ودي اقوله بس انا كثرة عليكم
بس عندي سؤال ودي احد يجاوب عليه
وياليت كوزمين :

وش تكتيكك ياكوزمين وش اللي تطلبه
من اللعيبه هل تطلب لعب العمق وانت
ماعندك العمق المطلوب اللي يمرر لك
هدف والا تلعب على العرضيات وانت
ما عندك لعيبه طوال ولا عندك اللي يرسملك
اوفر صح يعني ماعندك اطراف بالعربي
لان اللي حصل المباريات اللي راحت
يخوفني كثير من اللي جاي سوء في
اللعب عدم الانظباطيه في الملعب
لايوجد تكتيك يمشي عليه الفريق
يعني فريق ماشي بالبركه
ارجوا احد يفيدني في سؤالي ؟؟؟


فضفضه:
يعلم الله ماقلت الكلام هذا الا حب في
الهلال واني احبه اكثر من كوزمين ياللي
بتدافعون عنه وتقولوا انه داهيه المدرب
لديه كنز عظيم من اللعيبه وقاعد يلخبط
انا اشوف انه مفلس وما راح يعطي
اكثر من اللي عطاه في السنه الماضيه
المهم انا من وجهة نظري واسمحولي

باي باي كاس اسيا
باي باي دوري المحترفين




واقعييييييييي جدااااااااااااااااا

أعتقد الغرور هو ما يضيع الهلال

لأن الهلال أعتقد بصفقاته الضخمه أنه سيأكل الأخضر و اليابس و لكن للأسف الهلال بدأ يُؤكل

بدل أن كان يأكل !!!

إقتباس الرسالة الأصلية كتبت بواسطة الـوفـا ديـــنــ أعتقد الغرور هو ما يضيع الهلال لأن الهلال أعتقد بصفقاته الضخمه أنه سيأكل الأخضر و اليابس و لكن للأسف الهلال بدأ يُؤكل بدل أن كان يأكل !!!

صدقني مو غرور
الادوات والخامات
موجوده بس وين اللي يعرف يحركها
في الملعب بالشكل الصحيح

باي باي كاس اسيا
باي باي دوري المحترفين




واقعييييييييي جدااااااااااااااااا

احسن شي فيك انك ماتطلب المستحيل

واتمنى انك تلقى لي اسألتك جواب كافي

من كوزمين

يعطيك العافيه

الله يوفقك ياواقعي كلامك واقعي

والله كان وادي اكتب نفس الكلام الي انت كاتبه.......

من جد فريق سئ للغايه بهذه التشكيله


والله يعين بيضحكون علينا فريق الفقر بعد مبارتنا الجايه الله يستر.........؟؟

اي مدرب يدخل العنبر في اخر الدقايق عشان ينقذ الفريق اعرف انه ماعندك احد

مشكورعلى الموضوع ومن حقك طرح رائيك

إقتباس الرسالة الأصلية كتبت بواسطة ( سكون العاصفة ) اي مدرب يدخل العنبر في اخر الدقايق عشان ينقذ الفريق اعرف انه ماعندك احد مشكورعلى الموضوع ومن حقك طرح رائيك

يا أخي إتقي الله , العنبر كاد أن يفعل في أقل من عشر دقائق مالم يستطع عمله ياسر القحطاني والصويلح طوال المبارة لولا براعة المسيلم حارس الأهلي , شاطر على العنبر حضرتك أما ياسر وتخبيصه في أربع مباريات حتى الأن ممنوع اللمس , هذا انتم ياجماهير الهلال مجرد جماهير لاعبين فقط.

وبعدين نجي للمدرب كوزمين , المدرب بصفة عامة يضع الخطة ويجهز الفريق لكنه لا يستطيع أن ينفذ أفكره أثناء المباراة بوجود أسماء تلعب بفنايلها فقط بدون روح واحساس بالمسؤلية , فالأولى قبل أن توجه اللوم للمدرب وجه لومك للاعبين الفاقدين للاحساس بالمسؤلية.
التشكيل الذي لعب به المدرب كان هو الأنسب وركن خالد عزيز كان جيد حتى يتعلم هذى العشوائي معنى المسؤلية والاحترافية أما عمر الغامدي فمستواه في انحدار , باختصار لاعبي الهلال هم علة الهلال بتقاعسهم وعدم احساسهم بالمسئولية , وطول عمره الهلال ما أعتمد على المدربين يوم كان عنده لعيبه تقدر تنجح المدربين الله على ذاك الزمان.

إقتباس الرسالة الأصلية كتبت بواسطة مخلص للهلال يا أخي إتقي الله , العنبر كاد أن يفعل في أقل من عشر دقائق مالم يستطع عمله ياسر القحطاني والصويلح طوال المبارة لولا براعة المسيلم حارس الأهلي , شاطر على العنبر حضرتك أما ياسر وتخبيصه في أربع مباريات حتى الأن ممنوع اللمس , هذا انتم ياجماهير الهلال مجرد جماهير لاعبين فقط. وبعدين نجي للمدرب كوزمين , المدرب بصفة عامة يضع الخطة ويجهز الفريق لكنه لا يستطيع أن ينفذ أفكره أثناء المباراة بوجود أسماء تلعب بفنايلها فقط بدون روح واحساس بالمسؤلية , فالأولى قبل أن توجه اللوم للمدرب وجه لومك للاعبين الفاقدين للاحساس بالمسؤلية. التشكيل الذي لعب به المدرب كان هو الأنسب وركن خالد عزيز كان جيد حتى يتعلم هذى العشوائي معنى المسؤلية والاحترافية أما عمر الغامدي فمستواه في انحدار , باختصار لاعبي الهلال هم علة الهلال بتقاعسهم وعدم احساسهم بالمسئولية , وطول عمره الهلال ما أعتمد على المدربين يوم كان عنده لعيبه تقدر تنجح المدربين الله على ذاك الزمان.

طيب اسمع انا ما ابي على قولك تطبيق
افكار انا ابي منه يحط كل لاعب في مكانه
وكفايه اما يحط صالح الدوسري وسط
ايمن وهو محور كنه بادي المباراه 3 /0
هذا اللي يقهر وبعدين اذا ما عندك
ظهير يمين حط الخثران لانه يلعب بالرجلين
اما تحط قلب دفاع هذا بيموت الخانه
هجوميا واذا فيه لاعب منافس سريع
بيخترقه الف مره في المباراه
بس لا تقولي هذي التشكيله المناسبه
الله يخليك
وشكرا لمشاركتك

اللهم اشف شقيق ماجد
اللهم اشف شقيق ماجد
اللهم اشف شقيق ماجد
اللهم اشف شقيق ماجد
اللهم اشف شقيق ماجد
اللهم اشف شقيق ماجد
آمييييييييييييييييييييييين
يارب العالميــــــــــــــــن

فضفضه:
يعلم الله ماقلت الكلام هذا الا حب في
الهلال واني احبه اكثر من كوزمين ياللي
بتدافعون عنه وتقولوا انه داهيه المدرب
لديه كنز عظيم من اللعيبه وقاعد يلخبط
انا اشوف انه مفلس وما راح يعطي
اكثر من اللي عطاه في السنه الماضيه
المهم انا من وجهة نظري واسمحولي

باي باي كاس اسيا
باي باي دوري المحترفين




ردد ياليل مطولك من العام وهو على هذا النهج والاسلوب

والبطوله تغطى على العيوب

من زمان وانا اقو ل هالمدرب ماعندة سافة . بس فية من الاعضاء من شكك فى ولائي اللزعيم

ماهو كل شي على كوزمين ..

اللاعبين يتحملون الجزء الاكبر

إقتباس الرسالة الأصلية كتبت بواسطة تمياط 2000 ماهو كل شي على كوزمين .. اللاعبين يتحملون الجزء الاكبر

انا ماني معك
اليوم كل اللوم على المدرب
وشف الشوط الثاني كيف حس بغلطه بس بعد ايش