اولا : يعطيك العافيه وياليت كل المدرسين مثلك

لانك تدور على الاسباب اللي تخلي الطالب يحب الماده اللي تدرسها

ثانيا :انا لاحظت شئ من خبرتي الطويله << مسوي شايب

فيه طلاب مافي امل يفهمون بس يحفظووون بسرعه

وفيه طلاب مافي امل يحفظون بس يفهمون بسرعه

وفيه طلاب ما في امل يفهمون ولا يحفظون

وفيه طلاب يفهمون ويحفظون بسرعه

اتوقع اللي يحب مادة الرياضيات هم الصنف الثاني والاخير لانها ماده تعتمد على الفهم قبل الحفظ

وطبعا المدرس يلعب دور في حب الطالب للرياضيات

انا من الاشخاص اللي كنت اكره الرياضيات رغم اني كنت افضل طالب فيها وكنت احبها كمادة وليس كحصه لان المدرس اللي درسني بالمتوسطه كرهني بشئ اسمه رياضيات لكن لما كملت الدراسة وطحت في مدرس بريطاني والله صارت افضل ماده عندي هي الرياضيات وصارت درجاتي من افضل الدرجات في الماده هذي لان اسلوب المدرس هو اللي حببني فيها وصراحه عندنا طلاب كنت اتوقع انوما في امل واحد منهم ينجح لكن والله كلهم نجحوا لان شرحه ممتع جدا جدا بالرغم ان الشرح كله انجليزي لكن حتى اللي ماكان يعرف انجليزي نجح

تقبل مروري ورده

شكراً لك أخي الفاضل ...

بالنسبة لي من عشاق الرياضيات ...

أنا لاأنكر أن المادة صعبة ... ولكن أعتقد أن للمدرس دور كبير في حب الطلاب للمادة ...

كان أملي وطموحي عند دخولي الجامعه بقسم الرياضيات ولكن أحبطت بسبب تعامل أعضاء

هيئة التدريس القاسية ... فاخترت تخصص آخر ولله الحمد ...

أعتذر لإطالتي عليك ولكن أعذرني هذا بعض مما في قلبي ...

هلآ..!
كنت انتضر مثل ذالموضوع من زمان

بنسبه لي اذا جات حصت الرياضيات اسجدها نومه

بصرآحة جربت اني احاول افهم بس ماقدرت
بس اذا جات اخر السنه جبت مدرس وفهمني

اما بنسبة للنومة بسبب تحطيم المدرس والفاضة الماصخة مثل(الناس وصلت للقمر وانتو للحين ماتفهمون / وربي ماتفهمون لحد ماتموتون يافاشلين) <<ياسلام عالتشجيع يأستاذ انت

موضوع يطول

الى القاء

اخي fff اوافقك الراي ان سبب فشل الطلاب السعودين هم الاساتذة الغير سعودين
بعد الاساتذة يبحث عن المال باي طريقة
وما عليه ان يصب الشرح علشان الطلاب يدرسون خصوصي
أخي زعيم عرعر انت تتحمل مسؤولية فشلك بمادة الرياضيات ليس للمعلم دور فيها
ماعليه الا انه يصحيك من النوم

إقتباس الرسالة الأصلية كتبت بواسطة محب الجنه الخرج والله ان كانك تبي الصدق السبب الاول لكره مادة الرياضيات هي انها فيها مواضيع واشياء ماتستفيد منها في حياتك صرااااااحة انا والحمدلله توني مخلص الثانوية اقسم بالله بعد الجمع والطرح والضرب والاشياء هاذي اللي اخذناها بالابتدائي ماعاد في شي يفيدك في الدنيا يعني اللوغارتيمات والدوال والتفاضلات وقباس اشكال مالها اي وجود في الدنيا بل في مجرة درب التبانة كيف تبيني افهمها ولا المشكلة يعقدونه تعقيد انتو الحين فهمونا الفايده وراها غير الدرجات ثم تعالو شرحوها وثانيا انا درسني مدرس من الجنسية السورية صراحة ماكان في العن واوسخ من هالمدرس كان يدعوننا للتقوية وندفع فلوس وعلى الكلام انه له النص والادارة لها النص من دخل التقوة عن كل طالب ودفعنا اموال طوال السنة وباخر حصة تقوية قبل الاختبارات بيوم او اقل او اكثر يقول ذاكرو هاذي ترا هذا اللي بيجي بالاختبار ولما نذاكره مايكون بالاختبار على اللي قال لنا ذاكروه الا بالكثير خمس درلاجات والباقي كله ييكون هو معقده بالشرح او مو معطيه اي اهمية اثناء الشرح مسائلة وحدة ويمشي عنها مع العلم ان كان في نفس ذاك الوقت مدرسين من الجنسية المصرية كانو يسبون ويلعنون فيه وكنت اسالهم عن السبب وكانو زي اللي يقولون شفرات او شي ماتفهم وش فيهم بس لمن اختبرنا وتوهقنا عرفنا ليه كانو يسبونه لانه كان يشرح لنا بالطريقة السورية البحتة وكان يوهمنا انه اسال من الطرق اللي واضعتها وزارة التربية والتعليم لدينا وكانت كل المسائل يحلها بالطريقة السورية اللي درسها هي فهل هذا مدرس يستحق ان يدرس لدينا ومن احضره ومن سمح له بالتدريس لدينا مع العلم انه لازال يدرس ولا عندك احد هذا موقعه من التعليم طالب فااااااشل لايعرف الا الذي تعلم عليه فهل يستحق ان يدرسنا هاذي احد الاسباب فقط والا سباب كثيرة لو اعدها لن انتهي منه ولا بكرة تقبل مروري

نعم اخوي المدرس الاجنبي لا يعطي مثل السعودي وليس كلهم بل الاغلبية ولكن صدقني من حببني لمادة الرياضيات هو مدرس فلسطين
تعتمد على اخلاص الشخص في الشرح

اما مسالة ليس هناك فايدة فهذه كارثة بالنسبة لعلم الرياضيات
اتعلم ان الحاسب اتى من الرياضيات ومن اصل اللوغاريتم
اتعلم السيارة اتت من حسابات دقيقة من اصل الرياضيات
اتعلم الجوال الذي تتكلم فية يقوم بعلم الرياضيات

كرررررره الماده

سوآآء
رياضياات أوو غيرهااا


تعتمد على المدرس قبل كل شي
إذا كان محبوب لدى الطلاب

تكون الماده شي ثاني

والعكس صحيح

بسم الله الرحمن الرحيم
الحين باتكلم معك عن الرياضيات من جانب اخر
سؤالي يقول ..
اعطني فوائد لهذه الماده في حياتنا ..؟؟<< واذا ماكان لها فوائد ليه ندرسها ..
فوئدها تكمن في الابتدائيه فقط ( الجمع والطرح والضرب والقسمه ..)
اما بعض الدروس والله مدري وش تبي ..
اصلا مادري كيف يدرسونها وهم يدرون انها مالها فايده..
كيف تبي طالب يفهم معك ويذاكر وهو مايدري وش الهدف من الماده ولا الدرس ..؟
هي الشغله نفســـــــــــــــــــــــــــــــــــــيه ..<< وسيبوكم من المدريسين
والله ياني حاقد على الماده هاذي .. <<< عندي كلام كثير بس ..
اتمنى انك تجاوبني على اسئلتي ...
تحياتي لك اخوي ..

ملاحظتك في محلها , و الغالبية ما تحب المادة لأنها تشكل نسبة صعوبة مقارنة مع المواد الأخرى

بنظري المشكة تبدأ من التأسيس المنهجي , الرياضيات علم مستقل و بفروع كثيرة جداً و مهمة , مسألة الدمج غير موفقة
لو لاحظت مثلاً أصحاب التخصص أحياناً يكون تحصيلهم في مواد الهندسة أعلى من المواد التحليلية أو الجبرية و العكس
يعني في تفاوت بالتحصيل من فروع العلم نفسه , فيكون الحكم بشكل مطلق على العلم كاملاً غير مقنع تماماً
نفس الشي ينطبق على الطلاب خصوصاً في المراحل المتقدمة , بعضهم يبرع بدروس الدوال
و النهايات و ممكن يقل منسوبه التحصيلي بالهندسة التحليلية و نظرياتها

لكن لو تم التعامل مع الرياضيات كعلم قائم بذاته و صنّفت المناهج بدقة أكبر بتقل الصعوبة لأن الطالب يصير فاهم بشكل دقيق و مركز أفضل من الفهم البسيط عن أمور عديدة بالرياضيات

بالنسبة لي أستمتع بمواد معينة دون الأخرى في الرياضيات و حتى تحصيلي فيها يكون متباين بشكل واضح جداً

بالعكس أنا أحب مادة الرياضيـة
واحسها ممتعه

إقتباس سؤالي : انت الآن طالب أو كنت طالب ما هي الأمور التي دعتك الى كره مادة الرياضيات ؟؟؟ هل المدرس , ام المنهج ,, (((ام الطالب)))

المدرس لها دور كبير في انه يجعل الماده محبووبه لطلابـه
ويمكن البعض يكره المنهج بسبب استاذه والبعض يكرهها كماده

إقتباس هل كنت تذاكر أسبوعيا ؟؟؟؟؟؟؟؟؟؟

تقريباً نذاكرها اسبوعيـاً لكن في بعض الأستاذات عندنا
يفرضون علينا اننا نذاكرها يومياً وهذا شي فادنا كثير بالأختبارات

صح تعبنـا في البداية بس بالأخير استفدنـا


الله يوفقكـ اخووي ويعينك على الطلاب

اهلين بالمعلم الفاضل ماده الرياضيات ممله وترفع الضغط حبيت الماده سنه وحده بس

وانا صف ثاني متوسط كان يدرسنا مدرس عسل كان يدخل الماده غصب

اما الثانوي كان يدرسني مصري مكروه من بدايه الحصه الى النهايه شرح ولا يسكت

اعتقد كثره المنهج وضغط الحصص يعني الثانوي 6 حصص تكره الطلاب فيها