يازعمـاء ياناااس ياهوووه .. شفتـوا وش اللي صـــاااااار ... !!؟؟ - نادي الهلال السعودي - شبكة الزعيم

عمر المذله ماعزت رجل · #1 08/10/2008, 03:15 AM

السلام عليكم ..
وصباح الخير على جميع اعضاء الشبكه الموقره ..

بصراحه انا بدش ( يعني بدخل )

في الموضوع سيدا سيدا ... وخذ يمين

ياإدارة الزعيم ياكوزمين اولاريو ياناس ياهووووه
انتم اشتريتوا بدر ( مدري بندر ) العنزي شريتوه من هجر ليه ؟؟

إذا اشتريتوه عشان يقعد على الاحتياط وفي الاخير تنسيق ... هنا حراااام عليكم
اتركوا اللاعب يشوف نفسه في فريق ثاني من بدري أحسن لكم وله ..

أما إذا إنتم اشتريتوا اللاعب عشان انه يعرف يلعب ويمكن انه يفيد الزعيم وهذا اللي نبيه ليش ماتلعبونه عشان يكسب احتكاك وخبره ويتعود على أجواء المباريات والجماهير وايضآ نشوفه احنا كجمهور ..

اذا المباريات مع الفرق الصغيره مالعب فيها مثل أبها والرائد ونجران والوطني .......!!!!!!!!!!!!!
متى راح يلعب أجل
مع الاتحاد أو النصر أو الأهلي أو الاتفاق أو الشباب ..... الخ

وقتها راح تقول الاداره والمدرب ان الاعب ماتعود على أجواء المباريات ولا انسجم مع الفريق ومانقدر نلعبه في مباريات مصيريه مثل هذه المباريات

ياناس ياهووووووه ... اذا لاعبي الخبره والمنتخب مستواهم نازل مثل ياسر والخثران والغامدي والشلهوب وهذا واضح وتعرفه اغلب الجماهير الهلاليه
وطارق التائب ( البرنس الليبي) موقوف لمدة أربعه أشهر والاعب السويدي ( كريستيان ويلهامسون ) إسمه كأنه اسم فندق كان يسمونه ( راديسون ساس )

مصاب من يوم جاء

ليه مانعطي العنـزي فرصه ونشوف هو يصلح والا لأ ..
طبعا ثبت للجميع اننا فرطنا في عبدالعزيز الكلثم وهذا هو الحين يمكن يصير الهداف

سجل كل اهداف الرائد

راح نفرط في لعيبه غيره مثل العنزي والذياب وغيرهم .. بس الاعبين يبغون فرصه

مايجي بكره في مباراة مهمه وانت مهزوم تدخل العنزي وتقول يالله اقلب النتيجه والا انت ماتعرف تلعب اصلا وقتها انت لعبت في نفسية الاعب وماراح يقدر يسوي أي شي الا اذا الله أراد ذلك ...

مايمنع اننا ندخل العنزي مع ياسر الشوط الاول او الثاني من أي مباراة ونشوف مستوى اللاعب هو يقدر يخدم الفريق والا يتوكل على الله ويدور رزقه ..
بس الغلط من الاداره والمدرب الله يهديهم ويوفقهم ...

شكرا لكم ... انتظر آرائـكم ...

أخوكم : عمر المذله ماعزت رجل
ــــــــــــــــــــــــــــــــــــــــــــــــــــــــــــــــــــــــــ

للتواصل : [email protected]

الايميل للبيـع .. إلا .. ليــاسر ( القنـاص ) .. ببلا111111ش

فهد السويلمي · #2 08/10/2008, 03:19 AM

كلامك صحيح 100% لكن من يسمع لنا ؟!

هزاع الهلالي · #3 08/10/2008, 03:29 AM

يعطيك العافية

صراحة كلامك جميل ,, ودنا نشوف العنزي يلعب ويطامر بالملعب

وشفته في احد المباريات الودية وظهر بمستوى جيد

ويحتاج لاعطاء الفرصة لاثبات الوجود

عمر المذله ماعزت رجل · #4 08/10/2008, 03:59 AM

شكرا لكم على مشاركتم وفي انتظار بقيه الاعضاء

الوليد9601 · #5 08/10/2008, 04:49 AM

كلام سليم

تقبل مروري

السلمي 080 · #6 08/10/2008, 04:56 AM

والله ما تتكلام غير درر يالغالي
بس اخ
لو يفهمون

كوزمــين .. · #7 08/10/2008, 05:02 AM

يانااااااس ياهووووووو

شكرا على الموضوع

مبحر بلا ميناء · #8 08/10/2008, 06:48 AM

اخوي بصراحه كلامك عين العقل وياليت يلعبونه بصراحه انا شفت له مباراه وديه بصراحه
مبدع الولد بس ياليت يعطونه فرصه ابلشنا الله يهديه المدرب باالعنبر
تحياتي لك

mohd3321 · #9 08/10/2008, 06:55 AM

كلامك سليم ومنطقي جدا

وكان من اافضل الزج به خلال الاربع المواجهات الاولى ابها الرائد نجران واخيرا الوطني الليله لاثبات نفسه .

لانه من الصعب الحكم عليه في مواجهات كبيرة .

الخرزه الزرقاء · #10 08/10/2008, 07:14 AM

الله يعطيك العافيه يا أخوي ((زعيم جديد))

هلالي بالعقل · #11 08/10/2008, 08:13 AM

الله يهديكم تبونه يطلع الاسطورة العنبر ويدخل العنزي مهابيل انتم
يارجل حنا خايفين ياسر ما يقعد احتياط وينسقونه بعد عشان ابو عنبر .
تحياتي وشكرا وعقبال العنزي في الوطني والا الرائد .

Blue longing · #12 08/10/2008, 08:40 AM

صدقت في كلامك عندنا بندر ليه مالعبوه ؟؟

اليوم غير الفوز ما نبغى لو يدخل كوزمين يلعب بنفسه المهم الفوز بإذن واحد احد ومع الفوز مستوى