!! .. زمن صار فيه " الانسان " .. خروف .. !! - صفحة رقم 2 - نادي الهلال السعودي - شبكة الزعيم

غيمة عطش · #16 07/10/2008, 03:05 PM

إقتباس


	صدقوني لا احد ينغر بالمظاهر وظاهر الناس ... فيه منهم الحقير لكن تراه كالبدر في السماء ...وفيه منهم من تحتقر منظره لكنه جوهرة نادرة.... وفيه منهم الطيب والخبيث وكل الانواع تجدها ...

هذه الأسطر في كفه , وبقية الموضوع في كفةٍ أخرى .

إقتباس


	الكثير اعتقد ان دخول عبدالرحمن للمجلس هدفه منه ان يتعلم كيف ممكن ان يصبح خروف بس خروف خروف يعني

صدقني من قال لك هذا , لا يعرف من المجلس العام سوى اسمه , لأنه من يعرف طبيعة المجلس العام و طبيعة أعضاءه و سياسته و سياسة مشرفيه يستحيل أن يقول مثل هذا الكلام !

إقتباس


	والله حصل لي موقف وانا صغير اعتقد بالابتدائي ... شخص لحيته ومظهره تعطيه امام مسجد ... كنت وقتها بمعرض للكتاب مع المدرسه ... وكان يلاحقني انا واخوياي ويلمح لنا تلميحات جنسيه وقحه مثل نفسه الدنيئه بالمقابل صديق لي ملتزم يقول وقفنا عند بقاله دخل واحد شكله جدا فاسق ومن شباب هاليومين وشعره وكل شي ... يقول تكلمنا على شكله وقلنا الله يهديه ... دخلنا نشتري اغراض شاف معنا غرض معين قال الله يجزاكم خير هذا دنماركي واعطانا انواع ثانيه بديله له يقول خويي ناظرنا بعض انا واللي معي ودنا نقول شي ما عرفنا سكتنا وطلعنا سبحان الله ... المظاهر جدا خادعه هالايام ... لكن للاسف الاكثر يحكم بالمظاهر

إن مر الغالي / بيرت بلس على هذا الموضوع , ولم يُعلق على هذا الموقف
سأعتزل الأنترنت

sa3don · #17 07/10/2008, 03:24 PM

إقتباس

الرسالة الأصلية كتبت بواسطة HOoLiGaN


	سلآإأآأإمـ <<وراك وراك ياحليلكـ الصراحه كتبت رد طول عرض لكن ملعون الـ****** قطع الاتصال وراح كل ابو شي لكن موضوع رايق وجهد اروع ...... شطـــــــــححححه اليييييمهـ....>>> هذا من الخرفان النوع نمبر واحد الله يعزكمــ طبعا اهله موظفينه مظله متنقلهـــ اخيرأآأآأ........ حيأآأ‘كم معايا.....

والله كنه شجره معوجه عند بيت جدي وطبعا مظله للبيوك حقت جدي خخخخخخ

&& هلااااااليه && · #18 07/10/2008, 09:03 PM

وعليكم السلااام
هلااا وغلااا بالتلفزيون الملون

ماشاء لله ماشاء الله المجلس سحبك من هونيك

وشسمه اولا الموضوع تحيف وشيق وجميل
ولقد انني استمتعت بقرائته

.

إقتباس


	تلقى ناس فعلا محترمه جدا ... هاديه و "خلوقه" ... تتغاضى عن اشياء كثيره جدا لمجرد انها ما تبي مشاكل ووجع راس ... تغلط عليه يلعب على عمره ويقول ما يقصد ... تاكل حقه يقول "معليش" عادي تصير بكل مكان ... هو طيب جدا وهذا شي حلو لكن للاسف بهالزمان صارو الناس اذا تكلمو عن هالنوعيات ما يقولون طيب وقلبه ابيض !! يقولون "اهبل" وعلى نياته وتضحك عليه بسرعه ليش كذا ما ادري !!

بالنسبه لهالناس لو بيدي لااخليهم مثل غيرهم عشااان يقدرون يعيشون
في هالدنياااا ويصيرون مثلهم مثل غيرهم

.
تلفزيون ملووون

يمااال العااافيه ع الموضوع التحيف
ورده

Madridi Moot · #19 07/10/2008, 10:32 PM

هلا بولد العالمية المخلص عبدالرحمن

..

موضوع احسه تحفه توني ماقريته

..

يعطيك العافيــة آآقرآآه وراجعلك ياحلو

مجرد احتكآك يالدحمي

FLORINTINO · #20 07/10/2008, 10:51 PM

هلا والله بالدحمي

دايم مواضيعك مميزة و فكاهية

لاعدمناك يا شيخ

بالنسبة لموضوعك

كلام واقعي ومنطقي جدا

صراحة نشوف الكثير من هذه الشخصيات الي ذكرتها بمجتمعنا

الرسول عليه الصلاة والسلام بما معنى حديثه انهم لو دخلو جحر ضب حنا بندخل
وراهم

للأسف الكثير ماخذ الموضة من تحت

ياخذ الشي السيء ويطبقه ويشوف نفسه هو الصح

طبعا الكثير يقول ان الله جميل يحب الجمال

ما نقدر نقول شي

بس الجمال موب بالتشويه وتطويل الشعور لدرجة التشبه
بالنساء والكفار

هذي بالنسبة لمظاهر الشباب اليومين هذي

اما بالنسبة للمظاهر

فأعتقد ان الكثير يكون مظهره طيب ولكن باطنه سيء

هذا شي ما يعلم به الا الله

بس تبان الاخلاق من التصرفات

وسبحان الله ما يلقون شي يبعد عنهم الشبهه الا رجال الدين

المشكلة الكثير من الشباب صار ياخذ موقف من المطاوعة

ياناس فيه مطاوعه والله يحرجك ويخلي وجهك ستين الف لون بأخلاقه

ان شاء الله نقضي على هالمشكلة والحد من تشويه صورة رجال الدين عند المجتمع

فيه جملتين اعجبتني

1
الجمال جمال الجوهر وليس جمال المظهر

2
الناس مخابر موب مظاهر

شكرا لك يا بطل

كثر من هالمواضيع الهادفة

Msh3al_37 · #21 08/10/2008, 01:05 AM

هلا عبدالرحمن

ياخي تصدق انك جبت التشبيه دقيق جداً

يعني حتى مالي مجال اعلق على اي وحده ولا اقدر ازيد على كلامك اي شي

واكيد ماراح ينذكر يوزرك الا بالخير وانا اخوك

تقبل مروري

ورده

مَاهِينُورْ · #22 09/10/2008, 07:12 AM

..

وعليكم السلام ورحمة الله وبركاته
هلآ ومرحبا عبد الرحمن ورده
..
ما شاء الله تبارك موضوعك جميل جداً

يحكي واقع الكثير من شبابنا الله يصلحهم والله يثبت الصالحين على طاعته

.
(الخروف الرابع )
هذا أنا بس مو خروف" نعجة"

.
..
بأسلوب فكاهي جميل أوصلت لنا فكرتك

الله يوسع صدرك بالعافية ورده
ليتك طولت بوصف الخرفان عشان نتعرف عليهم أكثر
خبرك عيد الحج قرب و محتاجينهم للضحايا

.
.
سؤاال

أبي أعرف وش سالفة ( مستاانسين )؟!!

أشوف الكل يقوله وأنا ما دري وش بقصدون!!

..
بالنسبة لـ الخرفنة

بصراحة مثلي مثلهم ما سمعت بَهْ إلاّ هنا بالمجلس

..
ماكنت أعرف وش سالفتها لكن الآن عرفتَه

وتفسيري لـ سبب تسميتها بهذا الاسم
أتوقع والله أعلم أن اللي سماها بالخرفنة كان يدخل الشات

> والمعروف أن اسم الشات يُطلق على أنثى الخروف

لذلك سمى أنفسهم بالخرفان لأنهم يذهبون للشياه أقصد للشاة

.
>>

....

بالنسبة للي قالو عنك خروف لما شاركت بالمجلس !
خير إن شاء الله وش يحسون بُه ذولا !؟

اللي يشارك بالمجلس جاي عشان يتخرفن على بنات خلق الله !!

أجل بيقولون إذا شاركت البنت بالمنتديات الرياضية إنّهْ مسترجلة !!

و اللي يشارك بالاسلامي يبحث عن المدح والعياذ بالله !!

واللي يشارك بمنتدى الألعاب بزر !!

.
الحمد لله كم لنا بالمجلس ولا شفنا أحد يتخرفن

واللي يسوي هالشي مشرفيننا الله يجزاهم خير لهم بالمرصاد

.
وبعدين اللي يبحث عن الأمور هذي لها مكانه بـ غير مجلسنا

..
للأسف بعض الناس همهم فقط تتبع الغير والبحث عن أي زلة يقع فيها
وترويج الإشاعات عنهم

لهؤلاء أذكرهم بقوله تعالى

~{(إِنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوالَهُمْ عَذَابٌ أَلِيمٌ فِي الدُّنْيَا وَالآخِرَةِ وَاللَّهُ يَعْلَمُوَأَنْتُمْ لا تَعْلَمُونَ)}~
اللهم يحفظ الجميع ويستر عليهم ويكفينا شر من أراد بمسلم سوءا

,.

...

جازاك الله خيراً عبد الرحمن ورده
أبدعت ما شاء الله

مرورك خفيف على مجلسنا وحياك الله بكل وقت

.

عُذراًَ إن كنت قد سببت لك أزمة نفسية مع القلوب

> متفشلة

ترى والله ما كنت أقصد ( لما مسحت القلب اللي عند اسمي من ردك ) إنك تتخرفن زي ما قالوا عنك

لا والله بس أنا من اللي يفضلون الوردة على القلب إذا اختلف الجنسين

..
ولو أنا دارية إنك عجّاز تروح الوضع المتقدم وكل همّك التنسيق كان ما بدّلت القلب بالوردة

..

,..

الهلالي 11 · #23 09/10/2008, 01:14 PM

^
^

Don't Worry ورده

مستانسين هذي كلمه انتشرت من ورى مسلسل شر النفوس اللي كان يعرض برمضان على MBC

عموما هو مسلسل سخيف كما هو حال اكثر مسلسلات هالقناه هالسنة

شكرا للجميع على المرور

F.C.Blaugrana · #24 10/10/2008, 02:52 AM

السلام عليكم

..
وش هالإبداع ؟!

ماشاء الله عليكـ دحوم ..
أعتقد القضايا اللي تطرحها في مواضيعكـ .. مهمة جداً

..
بس يمكن أسلوبكـ البسيط .. وحسكـ الفكاهي يخلي البعض يقول " خرابيش "
فكاهية

.. مادري عنهم يمكن يبون ما تستعمل هالسمايل

..

بالنسبة للخرفان

.. أعتقد الأصناف اللي ذكرتها كله موجودة في مجتمعنا

أكثر ما يغبني من الأنواع

أعتقد إنهم أخذو مسمى الرجال .. وتركوا الأفعال للرجال ( الحقيقيين ) ..

الهلالي 11 ( الدحمي

)

أين ماذهبت خطفت النور عن الباقين

..
فهنيئاً لنا بكـ ..

قفلة لكـ :
خل العذال يموتون قهر

ابوشوق الاحمري · #25 10/10/2008, 04:17 AM

يعطيك العافيه على هذا الموضوع الذي يحكي بعض حال الشباب هداهم الله

المحبره · #26 10/10/2008, 08:15 AM

أهلاً الهلالي 11 ورده

موضوعك جميل .. وهادف .. ومرح .. و .. و .. خلاص يكفي

هالأشكال اللي حكيت عنها .. نشوفها .. حتى في مجتمع البنات ..
<< يجي بنات متخرفنات

لا والله جد ... يعني تجي الوحدة متحمسة بس تبي هوشة .. ماعندها مشكلة .. جاهزة على مدار الساعة .. هذولي إذا مريت جنبهم .. أصير لاأرى لا أسمع لا أتكلم

والله .. أبي روحي

وفيه بنات أحس إنهم فاضيات من جوى .. ولاكلمه مهمه .. ولا سالفه تنفهم

وفيه بنات حليوات وذوق << مثلي

يتعاملون حلو .. والأغلبية تحبهم ..!

الفئة اللي مو الكل يفهمها .. البنات اللي مايلفتون الانتباه لا بأشكالهم .. ولا بحضورهم الجذاب ..
لكن إذا جلست معهم تحت اي ظرف .. أنصدم بثقافتهم و بأخلاقهم !!

مثل ماكتبت .. المظاهر بعضها خداعة ..

الهلالي 11 ورده ..
كرر هذه المواضيع .. وكرر التواجد بالمجلس

ورده

بو فهد عم جواهر · #27 10/10/2008, 09:45 AM

الهلالي 11
شوووهد المووضوع

موضوع هو الحقيقه بعينها
نعم تغير المجتمع
واصبح الحكم من المظهر فقط

الله يعطيك العافية

واقدم لك خالص شكري وتقديري لك

وننتظر جديدك

تقبل تحياتي@

abu_riman · #28 10/10/2008, 02:19 PM

حياك الله رجلاً لا خروفاً حتى يتبين لنا خلاف ذلك

ستجد من يحسن النية و ستجد من يسيئها ، فاحرص على أن ترضى عن نفسك .

عسيريه · #29 10/10/2008, 04:20 PM

.

.

هلا ومرحبا أخونا تي في ورده

حياك الله بالمجلس مره ثانيه

أجل جاي عندنا عشان العريف

يعني بكل مكان تذكرونا بالمدراس

نخش بالموضوع
انا جيت هنا ودي أعلق على نقطتين

الاولى
بـ أعلق على الخروف المايع اللي يقابل من الناحيه البشريه الشاب المايع ابو عجره سنكرز

أنا ماتحوم كبدي الا اذا شفت رجال مايع وبنت مسترجله

أنا بس بعرف هـ الغباء الحين الشاب يومه يسوي نفسه كذا مايعتز برجولته
البنت ايضا المسترجله وين انوثتها وين رقتها قسم بالله شي يحوم الكبد
لكن والله اللوم كل اللوم على الأهل هم يشوفون عيالهم كذا ويسكتون
والله حاجه غريبه

النقطه الثانيه
بتعدى أنواع الخرفان وأروح لـ آخر نقطه

أحييك على هـ النقطه
بالفعل الأنسان بأفعاله وليس بالشكل
ياما انخدعنا بناس كنا نظن ونعتقد انهم من أفضل الناس لأن ظاهرهم يدل على كذا

لكن اذا جلست معه وعاشرته تكتشف انه بعيد كل البعد عن ما كنت تتصوره

أما موقف الشاب اللي يقول هذا المنتج دنماركي

صحيح فيه كثير كثير من هـ الأشكال بمجرد رؤيتهم نحس كل شر العالم فيهم
وهم عكس ذالك تماماً

هالموقف وهالفقره ذكرتني بسالفه صارت لزوج اختي
زوج اختي هذا لو أحد يشوفه يقول أجنبي من حركاته وكلامه بس يرطن انقلش

وقصة شعره ولبسه (مايعترف بالثوب ابداً)

يعني اللي يشوفه يتوقع انه أدشر خلق الله

كان يوم من الأيام يتمشى على البحر وكان حاط السماعات على اذنه ويسمع
مر عليه واحد من الملتزمين وقام ينصحه لأنه كان يتوقع ان زوج اختي جالس يسمع اغاني
زوج اختي ضحك لأنه متعود على هالشي بعدين قال له طيب ممكن تسمع معي

قال له استغفر الله الله لا يقول واسمع هـ الأشياء
المهم بالأخير أقنعه زوج اختي ان يسمع وماراح يخسر شي

يوم سمع الشيخ على طول قام يسلم على زوج اختي ويقول الله يجزاك خير
الله يجزاك خير ويبارك فيك

والحقيقه ان زوج اختي كان يسمع قران ويمشي على البحر

الله يعطيك العافيه اخوي عبدالرحمن على هذا الموضوع الرائع
ببدايته أمتعتنا بأسلوبك وبآخره تكلمت عن فقرة تعتبر موضوع بأكمله

شكراً جزيلاً لك ورده

مع التحيه