إقتباس الرسالة الأصلية كتبت بواسطة وجــدان .. وعليكم السلام ورحمة الله وبركاته هلا اخوي .. مجرد شخص .. ورده بالنسبه للموضوع ماازيد على كلام اخواني الاعضـاء .. التهاون في تطبيق الحد هو السبب الرئيسي لكثرة الجرائم وتزايدهـا بشكل مخيف !! الله يستر ع ديرتنـا من كثرة الفتن اللي بدت تتزايد يوم عن يوم .. شباب طايش وسوس له الشيطـان لايوجد رادع لأفعاله لاضمير ولادين ولاحــد !! وش تتوقع يجي منه الف شكر لك وجزاك الله خير على طرحك للموضوع ..

الله يستر ع ديرتنـا من كثرة الفتن اللي بدت تتزايد يوم عن يوم .. شباب طايش وسوس له الشيطـان لايوجد رادع لأفعاله لاضمير ولادين ولاحــد !!

إقتباس الرسالة الأصلية كتبت بواسطة ولد عنزة والله انك صآدق .. يآخي سياره اخوي منسرقه الاستبنه ..العصر.. عاد السياره توها طالعه من الوكاله .. يعني قهررر ( ما حطيت اسم السياره )

و عليكم السلام و رحمة الله و بركاته ..

هلا خيوو .. ورده

بالنسبه لمووووضوعك بصراحه هالظاهره كل مالها و تنتشر أكثر من اللي القبل و السبب هو التهاون في أداء تطبيقات الشريعه الإسلاميه زي ما تفضلت و عدم الخوف من خالق السماء ..

هل إنعدم الامن في بلادنا؟؟!!؟!

لا بالعكس الأمن موجود ولله الحمد لكن المشكله عدم التشديد عليهم و التهاون في إصدار العقوبات و إقامتها على السارق و غيره ..

و نادر ما تسمع أنا يد السارق قد قطعت.. المجرم يسجنووووونه كم شهر و يطلعوووونه وش الفايده !!!

بيرجع على ما هو عليه لأن لا ضمير له و ما أوقيم عليه شئ صاااااااااارم و يخفوفه من الرجعه للعمل المشين ..

الله يستر علينا و يحفظنا من هالفتن ..

عافاك الله ع الطرح المميز ..

و آسفه على ركاكة الأسلوب ..

إقتباس الرسالة الأصلية كتبت بواسطة ملاك بطبعها ! و عليكم السلام و رحمة الله و بركاته .. هلا خيوو .. ورده بالنسبه لمووووضوعك بصراحه هالظاهره كل مالها و تنتشر أكثر من اللي القبل و السبب هو التهاون في أداء تطبيقات الشريعه الإسلاميه زي ما تفضلت و عدم الخوف من خالق السماء .. هل إنعدم الامن في بلادنا؟؟!!؟! لا بالعكس الأمن موجود ولله الحمد لكن المشكله عدم التشديد عليهم و التهاون في إصدار العقوبات و إقامتها على السارق و غيره .. و نادر ما تسمع أنا يد السارق قد قطعت.. المجرم يسجنووووونه كم شهر و يطلعوووونه وش الفايده !!! بيرجع على ما هو عليه لأن لا ضمير له و ما أوقيم عليه شئ صاااااااااارم و يخفوفه من الرجعه للعمل المشين .. الله يستر علينا و يحفظنا من هالفتن .. عافاك الله ع الطرح المميز .. و آسفه على ركاكة الأسلوب ..

هلا فيك أختي

كلامك(تهاون-إنعدام ضمير)


ذكرني بحتوته صغنطوطه


في رمضان ولاحظي عدم مراقبة الله في الشهر الفضيل
سرقت من سيارة أحد المقربين لي<ياكثرهم

أوراق رسميه وماوجده في السياره

بعد أيام يتصل عليه أحد الاشخاص يسئله عن إسمه

ويخبره أنه واجد أورقه وإثباتاته وأن في حال أردت تلك الاورق عليك

دفع المبلغ الفلاني

وبعد أخذ ورد في الكلام وافق قريبي لدفع الملبلغ وأتفق معه ع مكان معين

بعدها ذهب للشرطه ودخل ع الظابط


وأخبره بما حدث لوضع كمين عليه والقبض لإعادة الاورق الرسميه

لكن تفاجئ برد الظابط بقوله

(( رووح تفاهم أنت وياه))
..
لاتعليق


شــاكر لك أختي تواجد العطر

منوره
..

هلا والله

اي والله صادق من امن العقوبه اساء الادب اخرتها اختي توها ساكنه بيتها

انسرق كله لا وزيادة على كذا ضبطوا الشغاله وقت السرقه مع واحد سوري

ولما قالهم زوج اختي هو اللي سارق ضابط الشرطه ناظر بالسوري

وقال : هذا راعي شغلات مو راعي سرقات ... يعني وش تنتظر منهم اكثر من كذا ... ولا الى الان يتصل عليهم يقولون مافي جديد

والشغالة وش تقول لاختي : عادي هذي مو اول مره ادخل سجن . انا يدخل قبل كذا بعدين سافر مره ثاني بعدين يرجع ...

والله قهر قهر

الاسلام لايطبق بحذافيرهـ في السعودية
تخيل الوافدين اول مايجون السعودية يحسبونا مانخطي ولانكذب ولا نفحط يعني معصومين من الخطا
واذا جلس لهـ كم شهر صار يعرف ان مافي فرق بينا وبينهم واذا بيرجع بلاده يسب ويشتم في بلادنا لان اهلها اذاوهـ
انتبهوا ترى حنا نمثل صورة بلدنا اذا ذا سرق واذا سرق وش تبون الوافدين يقولون عنا

هلا بكـ اخوي ورده



لو المسألة تاقف ان الشخص يدخل ويسرق كان ميخالف


لكن تتعجب لما تحصل شخص داخل بيتكـ وانت فيهـ
ولا يسرق شيء
يعني عارف انكـ بالبيت انوار البيت كلها مفتوحهـ وانوار الحوش بعد

وانت بتطلع لحوش بيتكـ بتجلس فيهـ
وتتفاجأ تحصل اشخاص يتمشون داخل حوش البيت
وبكل ثقهـ
ويالله اذا شافوكـ هجوا


يعني لو الواحد يسرق تقول لهـ هدف عشان يجمع فلوس او شيء من هالقبيل
لكن من دون سرقهـ


ورجال تدخل بيتكـ وفيها محارمكـ
كيف الواحد بيحس بالامان اذا اشخاص مجهولين يدخلون البيت بدون اي غرض
إلا اذا لهم غرض مجهول بعيد عن السرقهـ ممكن



والله الحين الواحد يعيش برعب اذا طلع لو لحوش (بيتهم)
اذا بيتهم يتروع فيهـ
وين بيحصل الامان ..!!


زمن غريب !!
والله يستر

وللمعلوميهـ هذا مو بس في الرياض
الي في غير الرياض يمكن العن والعن
وانا اكلمكـ وانا مو من الرياض وهذا الحاصل عندنا

وعليكم السلام ورحمة الله و بركاته..

هلا أخوي مجرد شخص ,,,


للأسف انتشرت السرقة بكثرة الأيام هذه ...

و السبب في نظري يقع على ثلاثة أطراف ...

السارق اللذي رضى بأن يأخذ مالا حراما و لم يردعه دين أو ايمان..... و الشخص المسروق منه بسبب الإهمال بعض

الأحيان و كما يُقال (( المال السايب يعلم السرقة )) ... و الجهات المسؤولة عن الأمن بالتخلي عن كثير من مسؤولياتها


و ليس بسبب عدم تطبيق حد السرقة مثل ما قال الذين ردوا قبلي لأن المملكة والحمد لله لازالت تطبق الشرع في

في كل الأمور و أقرب مثال حد القتل و الحرابة ...!!

و حد السرقة يجب فيه شروط لازم توفرها بالسارق و المسروق منه و المال المسروق و أي شبهة بالأمر فإن الحد

يسقط و الحدود تُدرأ بالشبهات .

التوكل على الله وان نستودع الشي بقول استودع الله سيارتي مثلاَ ..

من اهم الأمور لحفظ العبد ..


مالنا غير ربنا

والله يصلح الأحوال

السبب (( غـــلاء الأســعــااار وعــدم وجــود الـوظـائـف الـكـافـيـه ))

إقتباس الرسالة الأصلية كتبت بواسطة A.K.N 505 و ليس بسبب عدم تطبيق حد السرقة مثل ما قال الذين ردوا قبلي لأن المملكة والحمد لله لازالت تطبق الشرع في كل الأمور و أقرب مثال حد القتل و الحرابة ...!! .

إقتباس الرسالة الأصلية كتبت بواسطة A.K.N 505 و ليس بسبب عدم تطبيق حد السرقة مثل ما قال الذين ردوا قبلي

سجلني انا واحد من ضمن اللي ردوا من قبل

ماذكرت من اسباب نعم في مكانه لكن يبقى تطبيق حكم الله هو الرادع الاول للسارق !!

تصدق يا اخوي فيه واحد والله ما ابالغ لو اقول اجرم واحد بالسرقات

يقول دام مافيه قطع يد اببتــــــــــــل

تصدق عاااطل ولا يشتغل ولا شئ .. توقع وش معه سياره ؟

BMW

من وين جابه هالسياره اللي بالآلآف

وش رايك اللحين ؟

صدقني والله ما ابالغ والسياره شايفها بعيني

الله يهديه ويهدي الجميع