30/09/2008, 11:40 PM
|
زعيــم جديــد | | تاريخ التسجيل: 18/04/2005
مشاركات: 40
| |
VIMTO كل عام وأنتم بخير
VIMTO
قصيدة صدتها من أحد المواقع للشاعر محمد الذرعي أرجو أن تنال أعجابكم
يا غافلين .. الهنا لو دام ما دمتو = ما دايم إلا الذي تسجد له الهامه
شهر الفضايل مضى .. وش فيه قدمتو؟ = غير السهر في "بلوت" و"كيرم" و"دامه"
ولاّ قدِم شاشة المغري تراكمتو = على مسلسل جديد ولا كمل عامه
نمتو .. صحيتو .. تثاوبتو ، وثم نمتو = والمسلمين لرضا الرحمن سوّامه
بلا وعي من شفا الحفره تقدمتو = ومحدٍ مشى طايعٍ للموت بأقدامه
في مُغريات الزمان إن كانكم همتو = إدنوا من الله ترى الشهوات هدّامه
باكر تهل العباير لا تندّمتو = وكلٍ يشوف القبر خلفه وقدّامه
يا ليتكم من كتاب الله تعلّمتو = إن الشهر يوجر المسلم على صيامه
ومن سنة المصطفى أيضاً تفهّمتو = إنه حدا خمسٍ إتكمّل له إسلامه
ويا ليتكم في تواليه العشر قمتو = حتى يبين الصباح بعين من قامه
ويا ليت في ختمة المصحف تكرّمتو = يوم الملايين تبكي ليلة ختامه
ويا ليتكم يوم تم الفرض تممتو = اصيامكم في عطا المحتاج وإطعامه
راح الشهر .. وأنقضى ياللي تنادمتو = وراح الثواب العظيم بروحة أيامه
إن كان راحت ثلاثينه ولا صمتو = أكبر خساره لمن عاشه ولا صامه
وكانه ربَـح بالشهر من ورّد "الفِمتو" = الربح الأكبر لصيّامه وقيـّامه
لـ محمد الذرعي
تحياتي |