اسعد الله جميع اوقاتكم بكل خير ...

اليوم رحت الحياة مول وبعد مناوشات مع السكيورتي دخلت للسوق وقلت يابن الحلال وجهي ماهوب وجه ترقيم وتراك مثل ولدي ...

المشكلة ادارة الهلال اختاروا محلات اثليت فوت وهي لاتوجد الا في اسواق عوايل

مثل الفيصليه وغرناطه مول ...

وعندنا في الرياض وخصوصا في رمضان الاسواق مليانه يعني ياليتهم خلوها في بيت الرياضة الفالح زي قمصان الزعيم العام الماضي .. بحيث يستطيع الشباب الدخول بدون عراقيل السكيورتيه ....وكذلك الهيئة

دفعت 239 ريال للقميص الاصلي من اديداس وعليه شعار النادي الجديد واهديته لولد اختي ...

القميص متميز جدا والوانه جميله والتصميم رائع وياليت ادارة الاستثمار في النادي

اتفقت مع المحل لطبع الارقام والاسماء على القميص وهذي فاتت عليهم فهناك من يحب ياسر واخر التائب وثالث الشلهوب ....الخ


لو حسبنا حسبة بسيطة وهي ان لو فقط 10000 مشجع( عشرة الاف ) اشتروا القميص الاصلي سيدخل خزينة الهلال مليونين وثلاثمائة وتسعين الف ريال فقط ..


وهذا مبلغ يدر على النادي دخلا اضافيا ..

يالله همتكم ياجماهير الزعيم ..



قفلة على غفله :
اللي يبي الارقام ممكن يروح محل اسمه الهداف ويطبع الرقم الفضي الاصلي بمية ريال وهو على شارع الامير سلطان ( الثلاثين ) قبل حلويات شهد ...

وكل عام وانتو بخير وتقبل الله صيامكم وقيامكم ،،،،،،،،،