ألغاز إبداعية (أرجو مشاركة الجميع) ( التحدي الكبير ) - صفحة رقم 6 - نادي الهلال السعودي - شبكة الزعيم

الحربي2004 · #76 26/09/2008, 04:28 AM

إقتباس

الرسالة الأصلية كتبت بواسطة الهنوووف


	السلحفاة جواب اختي تراه

السلحفاه تصلح عشا

ننتظر ونشوف

@$%alshlhoob%$@ · #77 26/09/2008, 04:41 AM

اخوي اسفين لو طمرناك بس جواب سؤالك اتوقع انه ( الفـــقع)

الـمـشـاغـب · #78 26/09/2008, 04:44 AM

يقولون البيض

<< جواب أخوي

تلقطه حصا .. يعني مثل الحصا شكله ..

وتاكله عشا .. يعني مثل شكشوكة كل شاب عزوبي

وان تتركه مشا .. يعني اذا ما أكلت البيضة بتفقس وتطلع كتكووت آآآآآآآآد كدا هوه

الحربي2004 · #79 26/09/2008, 04:45 AM

إقتباس

الرسالة الأصلية كتبت بواسطة الـمـشـاغـب


	يقولون البيض << جواب أخوي

ابصملك على العشره انه صح

الهنوووف · #80 26/09/2008, 04:53 AM

المشاغب
وش يبي اخوك

احس كل الاجابتين صحيحه >>>ع كيفي

بس البيض مو قاسي مره

حصا الا شووي

السلحفاه
لالقيناها قاسيه

حصا
ولاطبخناها تصير عشا بس والله ماقد كلناها

الي هي توكل

؟؟
ولاتركناها مشت

الـمـشـاغـب · #81 26/09/2008, 05:01 AM

الحربي .. أنت كل شوي تقول أبصم لك أبصم لك وبالأخير تطلع الإجابة غلط

ارفق على أصابعك يا أخوي مو كل شوي تبصم بها كنك مسنتر بالمحكمة 24 ساعة تشهد لكل من هب ودب

إقتباس

الرسالة الأصلية كتبت بواسطة الهنوووف


	المشاغب وش يبي اخوك احس كل الاجابتين صحيحه >>>ع كيفي بس البيض مو قاسي مره حصا الا شووي السلحفاه لالقيناها قاسيه حصا ولاطبخناها تصير عشا بس والله ماقد كلناها الي هي توكل ؟؟ ولاتركناها مشت

سلمي بس على أختك وقولي لها يقول لك أخو المشاغب يا أخت الهنوف لا يكثر

اجابتك ممكن تكون صحيحة لو السلاحف تنوكل

.. وممكن تكون صحيحة في حالة ان اللي يقيم الإجابة اللجنة إياها

ننتظر ونشوف .. يا أخوي يا أختك

عمر 2006 · #82 26/09/2008, 05:43 AM

إقتباس

الرسالة الأصلية كتبت بواسطة الـمـشـاغـب


	يقولون البيض << جواب أخوي تلقطه حصا .. يعني مثل الحصا شكله .. وتاكله عشا .. يعني مثل شكشوكة كل شاب عزوبي وان تتركه مشا .. يعني اذا ما أكلت البيضة بتفقس وتطلع كتكووت آآآآآآآآد كدا هوه

جاوابك هو الصح

لكن انا ما عمري شفت سلحفاه تنوكل

اما الفقع يمشي

هذي مدري من وين جت

يالله ننتضر سوال المشاغب

الـمـشـاغـب · #83 26/09/2008, 06:01 AM

بما أن ودي أشغل عقولكم ومخوخكم المتحجرة .. جبت لكم لغز تستاهلونه ورده

بأنزل لكم اللغز اللي بتدوخون وانتم تحلونه , حتى لو حليتوه بتدوخون بعد وانتم تشرحون طريقة الحل . لأنه لحسة مخ

اللغز يقول :

ثلاثة نفر من الطلاب الأذكياء : فيصل و خالد وسعيد ..!!

وقفهم المدرس قدام بعض بهذا الشكل >> | | |

( الأخير فيصل يشوف قدامه خالد وسعيد .. وخالد بالوسط قدامه سعيد .. أما سعيد فما فيه أحد قدامه ) ..!

وأخذ خمس طواقي ملونة ( 3 زرقاء و2 صفراء ) .. وقال للطلاب : بتلبسون 3 طواقي منها يا عيال الطواقي

<< مدرس نصراوي

المهم .. غمضوا عيونهم ولبس كل واحد منهم طاقية .. وحط الطاقيتين الباقية في جيبه ..!!

ثم قال لهم فتحوا عيونكم .. ويالله لازم واحد منكم على الأقل يعلمني وش لون طاقيته والا بأجلدكم ..!!

سأل الأول : فيصل ناظر في طاقية خالد وطاقية سعيد .. بس ما عرف لون طاقيته ..!

ثم سأل الثاني : خالد ناظر طاقية سعيد .. بس مع هذا ما عرف طاقيته وقال ما أعرف ..!

ثم سأل الثالث : سعيد ( اللي قدام ) .. عرف لون طاقيته ..!

السؤال : وش لون طاقية سعيد؟ وكيف عرف ؟

ملاحظة مهمة : ( الأخير يقدر يشوف طواقي اللي قدامه .. واللي بالوسط يقدر يشوف طاقية اللي قدام .. اما اللي قدام ما يقدر يشوف طاقية أحد ) ..!

ورده

الوافـــ*8*ـــي · #84 26/09/2008, 06:09 AM

^
مندس

اللون إزرق وعرف لانـه شاف ان الطواقي اللي بجيبـه صفرآء اللون

الـمـشـاغـب · #85 26/09/2008, 06:12 AM

^
^
خطأ وطس مناك بس

ملاحظة مهمة : ( الأخير يقدر يشوف طواقي اللي قدامه .. واللي بالوسط يقدر يشوف طاقية اللي قدام .. اما اللي قدام ما يقدر يشوف طاقية أحد ) ..!

الحربي2004 · #86 26/09/2008, 06:13 AM

^^^^^^^^^^^^

طيب ممكن يكلم خويانه ويتكلم معاهم ولا لا!!!!!!!!

الـمـشـاغـب · #87 26/09/2008, 06:21 AM

الحربي .. اللغز ما فيه لف ودوران .. اللغز شغلة استنتاجات وذكاء محض

<< الفيس الواثق عشان كلمة محض

محد تكلم من أخوياه أبد .. مجرد جاوب كل واحد منهم بأنه ما يدري عن لون طاقيته ..! وطبعاً ما يقدرون يغشون لأن المدرس

النصراوي

عندهم واقف

الســفيرة · #88 26/09/2008, 06:24 AM

لون قبعة سعيد ازرق واذا تبي الاستنتاج مستعدة انزله بس قولي صح والا لا

الحربي2004 · #89 26/09/2008, 06:25 AM

مادام المدرس نصراوي

فاكيد لازم طاقيه وحده منهم صفراء على الاقل...

مدام خالد وفيصل ما عرفوا....

فاكيد طاقية خالد وسعيد وحد منها صفراء...

ومدام خالد ماعرف فاكيد شاف طاقية زرقاء....

اذن طاقية سعيد زرقاء....

سبب معرفته....

ان فيصل الاخير لم يعرف وهذا يدل ان شاف قدامه وحده صفراء والاخرى زرقاء...

وبما ان خالد ماعرف فاكيد شاف قدامه طاقيه زرقاء........

رعد الشمال · #90 26/09/2008, 06:31 AM

الحل عندي وانا ابو هندي

الاخير لون طاقيته صفراء ،طيب كيف عرف ؟

هذا سلمك الله لان الاول عرف لون طاقيته زرقاء لانه اكيد اللي قدامه لابسين اصفر

طيب كيف عرف الاول

لان الطواقي كلها خمس ثلاثة زرق واثنين صفر

اتوقع هذا الحل

فهمتوا شئ ؟