اهلا بالاستاذ محمد نجيب ..
كل عام وانت بخير ..
اتمنى تقرا كلامي او يوصل لك من الاخوان اللي قدروا يتواصلون معه ..
استاذ محمد في البداية نشكر لك تجاوبك مع انتقادات الجمهور الهلالي وايضاحك
للحقيقة ولازلنا في بداية المشوار وامام قناة ابو ظبي "اللي استبشرنا بنقلها للدوري
السعودي " مشوار طويل لتثبت عكس ما تردد في المنتديات الهلالية وانها تلتزم
بالحيادية التي يبحث عنها كل الجمهور السعودي ..
وانا اعذر القناة كونها غير سعودية وغير مطلعه لما يدور يوميا في الصحافه السعودية
لكن اللحين انتوا بيننا وراح تشوفون كل شي بنفسكم ومن حقنا انا نوضح لكم دامكم
في بداية المشوار وكل شي يتصلح ..
انتقادنا ما حصل كون ضيوفكم غيرهلاليين ويسيئون للهلال فالهلال كبير ولا يلتفت للصغار وهذا سر نجاحه الحمد لله 
.. لكن القناة الان متابعينها من خارج السعودية وغير مطلعين على ما يدور في الصحافه
السعودية وفي الشارع السعودي فلما تجيب لنا في البرنامج متعصبين ويتحدثون عن
الهلال ويتهمونه من كل جهه ولا تجيب ناس يدافعون عن الهلال ...الجماهير الغير
سعودية بتعتقد ان كلامهم صحيح لا ن ضيفك اللي تزعم انه هلالي وهو اهلاوي
وختم مشواره في يد الاهلي ( الطريقي ) انه معهم في اللي يقولونه وما عنده شي يدافع
به بينما كل ما ذكر غيييييير صحيح من قضيه هوساوي وقضية عقد موبايلي وغيرهاااا وصوروا كأن الهلال نادي محابى ونادي استثنائي مثل ماقال الدويش ولو كان هناك شخص هلالي لاوضح الحقيقة وبين ان المتضرر الاكبر من الاتحاد السعودي هو الهلال ..
ونقل المباريات وسماح الاتحاد السعودي لبعض لعيبة المنتخب من اندية معينه من تمثيل انديتها في مشاركات ودية والمنتخب لديه مشاركة رسمية بعد ثلاث ايام من هذه المشاركة بينما الهلال الاكثر دعما للمنتخب بلاعبيه عندما طلب لاعبيه من المنتخب في مشاركة رسمية اسيويه امام فريق العين منع من لاعبيه بحجة ان المنتخب سيلعب مباراة ودية وخسر الهلال المباراة لانه يفتقد معظم لاعبيه مع المنتخب !!!!!!!!
والعقوبات اللي ما تطلع الا على جماهير بينما جماهير الاندية الثانية تسوي اعظم مما فعله جمهور الهلال ولا يصدر بحقها اي عقوبة !!!!
هذا جزء بسيط اخ محمد من الظلم الذي يتعرض له الهلال لاني احس انك يا اخ محمد صدقت ما يردده جستنيه والدويش والدليل انك تركت لهم المجال في التمادي عالهلال و اتهامه بتهم باطله ولم تتفوه باي كلمة !!!! ..
يا اخ محمد اللي نبغى نوصله القناة جابت متعصب اتحادي ومتعصب نصراوي ومتعصب
اهلاوي واخترتوا الطريقي واحد من شدة مثاليته ما يندرى وش ميوله واللي نعرفه انه
ختم مشواره في الاهلي وهو قالك انا لست هلالي وساكن في جده وبعيد كل البعد عما
يدور في اروقة نادي الهلال واخترتوه يمثل الهلال بينما كل الضيوف مصرحين بميولهم
ويدرون عن ادق تفاصيل انديتهم ما تحس انه ظلم !!!!!!!!..
فاذا كنتم بتحترمون المشاهد الهلالي وهذا عشمنا فيكم انكم تجيبون شخص مطلع على
احوال الهلال وهم كثر الحمد لله او انكم تجيبون ناس محاديين ما يندرى وش ميولها
مثل الطريقي تمثل الاتحاد والنصر والاهلي ..
اما اذا استمريتوا بهذا الاسلوب في استفزاز المشجع الهلالي فصدقني جمهور الهلال
يمثل نصف شعب المملكة القناة هي اللي راح تفقد حياديتها وتخسر مشجعيها !!!!
واسال احد المسئولين عن قناة الارتي وش اللي خلاهم يوقعون من نادي الهلال في قناة
تخص الهلال وليش ما تعطي القناة الرياضية الا مبارايات قليلة للهلال 
.. واذا كنت تقول انا صوت لكل الاندية فعالعين والراس اخ محمد لكن انا اول مره اشوف
واحد عنده طرفين متخاصمين وياخذ راي طرف بدون ماياخذ راي الطرف الثاني !!!!!!!
ترددت اتهامات كثيرة على نادي الهلال في الحلقات الماضية ما شفناك استوقفت ضيوفك وطالبتهم بعدم الاساءة حتى لو ماكنت ما تعرف الحقيقة ابسط شي تسويه تتصل باحد الهلاليين القريبين من النادي وتاخذ رايه في اللي يقولونه !!!!!!..
جميع ما ذكرته ليس تشكيكا في حياديتك اخ محمد لكن ربما انك تظن كما يظن اغلب الغير مطلعين ان صالح الطريقي هو من يتكفل بالرد على من يتهم الهلال !!!
بس مثل ما قلت قبل بيديكم تثبتون عكس ما يتردد المنتديات وكلنا ثقة فيكم ..
شكرا لمن اعطانا هذه المساحة ..
الوضع المتطور
