إقتباس الرسالة الأصلية كتبت بواسطة ANGELHH هلا والله باخوي القحماني والله لك وحشه........ انا رأيي في مشكلة صاحبك ان سببها عدم الاحساس بالمسؤوليه , يعني الاب مليونير والزوج على قد حاله والزوجه موظفه وراتبها عالي المفروض انها تحس وتساعده وتصير الحياه مشاركه مثل ناس كثير اعرفهم يكون الرجال ظروفه صعبه ويطلب انه يتزوج بموظفه عشان تساعده (طبعا يبغى زوجه وموظفه مو فلوس بس فاهمني ..فيس معصب..)ويساعدون بعض وتمشي حياتهم في نفس الوقت من حقها انها تساعد اهلها باللي تقدر عليه(طبعا مو بكل الراتب) ومو من حق زوجها (شرعا)انه يطالبها بالصرف على البيت>>> بس حلو لو هي تحس من نفسها.. وبعدين حلو ان الزوجه تحس ان زوجها يصرف عليها مهما كانت غنيه وحتى هو بيكبر في عين نفسه بس مثل ماقلت لك كل شي بالتفاهم يصير موضوعك متشعب كثير وفيه نقاط متعدده بس لانك تكلمت عن حاله وحده في قصتك اكتفي بهذا القدر>>>والله زين اكتفيتي

ياهلابك اخي الكريم والوحشه لكم اكثر


الف شكر حبيبي على التواجد شوف ياغالي انا اعرف شخص عاطل وزوجته معلمه وتصرف عليه وعلى العيال والله يديم المحبه بينهم ماكذ سمعنا عنهم اي شيء ولاخلافات ولاشيء


شخصيا مقتنع بأن ثقافة المرأة والرجل لها دور كبير في مثل هذه الأمور ولكن احيانا تعسف وتعنته واصرارة الغريب على فرضيات غير منطقية لها دور في حدوت مثل هذه المشكلات ..


بالعقل والمنطق ماذا يريد براتب البنت ذالك الاب حتى وان كان حق من حقوقه واليس من المنطق ان يترك لها جزء بسيط لكي لايسبب مشكلات لابنته ..


كامل تقديري واحترامي

إقتباس الرسالة الأصلية كتبت بواسطة Canada's gallant هلا بالراقي القحماني سلمني على خويك و قل له يقولك قالنت كندا حلك عندي و أنا أبو هندي بصراحة أحس الرجال مسكين مظلوم و المرأة تستخدم طرق ملتوية لتعقيد المسألة .. بالأول تعطي راتبها السبعة آلالاف كاملاً لأبوها و بالثانية تروح و تخليه في بيته و تلقى وضعه صعب .. أكيد الرجال إذا تعود على زوجته يتأثر بروحتها لبيت أبوها .. يعني بيته بيصير حوسة و بيصير ياكل لحاله و أشياء كثيرة راح تتغير فيه مثل انجليزي مطلعينه الشباب الكندي هنا يقول When something **** you , **** it back النجوم هذي كلمة يترجمونها ( اللعنة ) بالأفلام << على قولة المشاغب أسمع الحل و أنا أخوك خل خويك هذا المغلوب على أمره إنه يطلع إشاعة بزواجة حرمتن ثانية .. هي تقول إن الشرع يقول إنه مكلف بالنفقة عليها << يرد عليها و يقول الشرع حلل أربع يا امرأتي الحلوة الحرمة من بتسمع خبر الزوجة الثانية بتطلق أبوها بالثلاث و أبوها هذا بيعرف إنه نكب بنت .. يا أخي حتى لو كان محتاج مادياً .. المفروض يوم شاف بنته جته عشان هالسبب .. المفروض يعقلها و لا بس جيدن في راتبها بصراحة فيه ناس كثيرة حرام ينقال عنهم رجال << اسمح لي يعني أجل .. واحدن يقوم زوجته كل يوم و والثاني يودي زوجته كل يوم لوظيفتها و إذا جاء يوم الراتب وداها أبوها .. حشى سواق ماهوب زوج ... إلا أخس .. حتى السواق بيوديها يوم الراتب بعد على كذا بندور بنت الحلال الكندية واحدن من أخوياي مخاوي له كندية و في حياته ما قد عشاها و لا غداها برا حتى إذا جاء عيد ميلاده بالعربي و بالانجليزي تجيب له كيكة و تعزمه في المطعم بين كل فترة و فترة مع إني ماني معه في كونه عنده صديقة يعني المفروض يعقل .. بس و الله رجال .. كفو .. مهجدها عوافي يالغالي

الف شكر على التواجد


الرجال توه ماكمل سنه وتبيه ياخذ وحده ثانيه بس هالحل وانا اخوك ينفع وسبق ان استخدم واثبت جدواه في حالات كثير حدثت مع غير هالرجل

يارجال هاليومين مالها الا الاشاعات وصدقني بتجي تعتذرلو تسمع انه بيتزوج واحد ثاني .. بس خويي ذا خواف لكن الله يعين ابون على راسه يسويها


يا اصلح العلاقة بينهم


يا اخربها وياويلك مني


المسألة لاتحتمل حل وسط اما يرجعون ولايتطلقون من غير شر ان شاء الله والله لايقوله ..


يارجال ابو البنت قد يظن انه يفرض سيطرته او انه يعمل ماهو بمصلحة ابنته ويحفظ حقوقها بمثل هذا الأمر الذي نراه نحن امر غير مقبول


تراي قريت ردك كامل لاتقول وش فيه مارد على الجزئية اللي تحت في واحد اشغلني بالماسنجر ماخلاني اركز يابلوك يا اسحب على الموضوع


كامل تقديري وحبي واحترامي

موضـــوع حــلو تسلم اصابعك

انـا اتفق معك انو لازم الحرمه تســاعد زوجها
بــس لدرجه انه تقوله خلاص انا بشيل عنك كل مصاريفي
الخاصه فيني
اكيييد لا لان الحرمه كذا مارح تحس ان زوجها
مهتم فيها من الناحــيه الماديه

من رائئي انه يصرف عليها بالحد المعقول وعلى قد راتبه
ويخلي الاشياء الي يشوف انه مايقدر عليها تشترها من راتبها
اهــم شى ينفق عليها باستطاعته واذا ماانفق عليها
يعتبر الشروط المفسده لعقد النكاح>>> مانسيتها دارستها

وفيه نقطه ودي اعلق عليها ليش الرجل يفكر ومجرد تفكير بفلوس زوجته او بنته
هل هاذي من علامات الرجوله ؟؟
حتى لو كانت مو موظفه يمكن تصير وراثه من ابوها
بالعكس المفروض مايقبل حتى لو كانت تصرف على نفسها لانه هو مسؤل عنها
الا اذا قال علنا (انا مااقـــدر اصــرف عليـــك)

يصرف بشى الي يقدر عليه ويخلي الساعه الي بـ 30 الف والفستان الي بـ 6000
ولا يقارن براتبه وراتبها يعني هي اكثر مني راتب لازم
هي تصرف على نفسها ؟؟ طيب انت رجال وهي حرمه تقدر تشتغل لليل ونهار لين يصير راتبك اكثر منها بعد
سوا كان ابوها او زوجهــا

يعطيك العافيه
برايفتـ

الشباب علقوا بشكل ايجابي على الموضوع...لكن انا قاهرني (الشاكوش) ابوها ..والله زي هذا ما اناسبه..وزوجتي اذا تبي تعيش على مستوى معين لازم تضحي وتساعد والا ترضى بوضعها الحالي

هلا فيك القحماني ورده ..
موضوعك يثير الضجه
والله زوجة صديقك مدري وش تحس فيه الله يصلح الحال بينهم
اما عن نظرتي ..
فياطويل العمر أنا برأيي الزوج ملزوم بالصرف حتى لو كنت لي راتب هو عليه البيت ومصاريف البيت والاولاد والكسوة وفواتير اما مصاريفي أنا لا يتدخل فيها مو مشكلة أنا أصرف على نفسي أصلاً راتبي وين بيروح يعني الا لي ولعيالي ..
لكن وأشدد وأنوه أنا يطيح من عيني وبقوة الرجل اللي يطلبها تصرف على البيت أو حتى يطلب فلوس منها ..
أنا سياستي مستعدة أشتري له اللي يبي وأساعده لو محتاج ويفداه الراتب كلة لكن المستحيل إني أحط فلوس بيده يعني كاش كذا والله عيب
ولا عاشت شاكلة الرجال اللي تحط بطاقات زوجاتهم بجيبهم الظاهر متزوج البطاقة ماتزوج الحرمة مدري كيف يمد يده لزوجته
ما اقول إلا يازين الغناة في كل الحالتين عسى مانحتاج أحد

يعطيك العافية ياخوي



البقايا ..

هلا بك algohmani ..


الحرمة اللي تطلب مثل هالطلبات وهي عارفه انها تبي تكلف على زوجها وتقص ظهره .. هذي ماتستاهل انها تكون زوجة .. هي تشتغل ويجيها راتب وكل شي .. وزوجها ما طالبها بشي طول هالفترة وهي تشتغل .. وبحكم ان الراتب لها فهي حره وتصرفه وين ماتبي محد(ن) بقايلها لا .. لكن مسألة انها تعطي راتبها كامل لابوها وتجي عندي وتقول ابي فستان بـ 2000 وانا راتبي 4000 او 5000 ؟؟ هنا بقولها معصي .. والله لا يهينها تصرف من راتبها .. والشرهه مهيب عليها بس .. على ابوها اللي ماليه الطمع (استغفر الله .. الله يعافيه ولا يبلانا) ..

وجهة نظري :
اذا بغت تصرف على كماليات واشياء ثانوية ومهيب اساسية ولها هذيك القيمة .. تدفع من راتبها والا تنسى الموضوع .. مهوب معقول يكون زوجها راتبه 4000 وهي تطلب اغراض بهذيك القيمة ..!



قلتها اكثر من مره .. نار العزوبية ولا جنة الزواج ..

إقتباس الرسالة الأصلية كتبت بواسطة هلالي من ارض اليمن يبدو ان متطلبات الحياه وصعوبتها في ان اصبحت تستلزم التعاون المتبادل بين الرجل وزوجته اذا كانت موظفه ... واعتقد ان السنوات القادمة ستتحول عبارة " يبدو " الى " واجب " ،،، الرجل واجب عليه الانفاق وتوفير حياه كريمه لزوجته وابناؤه حتى لو كانت زوجته تعمل وحتى لو كن دخلها اعلى من دخله ... هذا الواجب ولكن يجب علينا ان لا نهمل ان كثير من هؤلاء استطاعوا ان يصيغوا لغة للتعاون المشترك فيما بينهم خاصة مع توفر التفاهم والاحترام والمسؤولية بين الزوجين ،،، قلت اعلاه انه واجب .. ولكن هل من واجب الزوج ذو الدخل ( 4.000 ) ريال ان يتكفل بنفقات باهضة من اجل رفاهية زوجته !! حقها ان يتوفر سكن ملائم .. حقها ان تعالج حين المرض .. حقها ان تجد القوت الذي يعين وظائفها الحيوية على الاستمرار .. حقها ان لا تتعرى وان ترتدي المناسب من الكساء .. ولكن ليس حقها ان انفق نصف راتبي لأجل فستان لكي تحضر فيه حفلة لزميلتها ،،، ان كان " برستيجها " الأجتماعي يفرض عليها مثل هكذا مصاريف فعليها ان تقتص ذلك من دخلها وليس من دخل رجل يقضي الشهر كله يقاتل لأجل توفير هذا الراتب لتوفير ضرورات الحياه وليس لأجل شراء فستان !!! والد الفتاه ايضا رجل ليس ذو مرؤة خاصة اذا كان مقتدرا !! وقد امنحه العذر اذا كانت الحاجه أكبر من قدرته وبالتالي واجب الزوجة ان تتحلى بقدر من المسؤولية والالتزام ،،، الحبيب ومشرفنا القدير " ابو عبدالله " استمتعت بهذا الموضوع المميز كما تمكنت من استفزازي حفظك ربي يا غالي

ياهلا وياغلا


لاشك ان التعاون بات امرا حتميا في ظل الظروف الحاليه التي نعيشها ومتغيراتها ولا اظن ان القادم من الأيام سيكون بأحسن حال من حالنا في هذا الوقت


هناك مقوله كانت تردد ولا ادري هل هي لديكم ان حلاوة الحياة الزوجيه بمشكلاتها


اتفق ووجهة نظرك وتتفق ووجهة نظري شيء جميل بل اصفق لك كثيرا حول رأيك ونظرتك لبعض الكماليات والتي لاتعد ضرورة من ضروريات الأسرة ..





كامل احترامي وتقديري

إقتباس الرسالة الأصلية كتبت بواسطة ..بقــ حرف ـايا.. هلا فيك القحماني ورده .. موضوعك يثير الضجه والله زوجة صديقك مدري وش تحس فيه الله يصلح الحال بينهم اما عن نظرتي .. فياطويل العمر أنا برأيي الزوج ملزوم بالصرف حتى لو كنت لي راتب هو عليه البيت ومصاريف البيت والاولاد والكسوة وفواتير اما مصاريفي أنا لا يتدخل فيها مو مشكلة أنا أصرف على نفسي أصلاً راتبي وين بيروح يعني الا لي ولعيالي .. لكن وأشدد وأنوه أنا يطيح من عيني وبقوة الرجل اللي يطلبها تصرف على البيت أو حتى يطلب فلوس منها .. أنا سياستي مستعدة أشتري له اللي يبي وأساعده لو محتاج ويفداه الراتب كلة لكن المستحيل إني أحط فلوس بيده يعني كاش كذا والله عيب ولا عاشت شاكلة الرجال اللي تحط بطاقات زوجاتهم بجيبهم الظاهر متزوج البطاقة ماتزوج الحرمة مدري كيف يمد يده لزوجته ما اقول إلا يازين الغناة في كل الحالتين عسى مانحتاج أحد يعطيك العافية ياخوي البقايا ..

إقتباس الرسالة الأصلية كتبت بواسطة شـــذى لا يختلف أي عاقل أن الزوج ملزم بالصرف على زوجته وإن ملكت مال قارون ولكن النفقة في ذلك تكون على قدر استطاعة الزوج وحسب إمكانيه وماكان فوق طاقته وتحديداً إن كان مطلوب منه النفقة على كماليات لا ضرورة لها فالله لا يهينها تفرك إيديها وتعرف اللي عليها << مثل حجازي صميم بمعنى أنها تصرف على كماليتها بنفسها . وحقيقة أنني من الناس الذين يمقتون وبشدة مايدار بين بعض الأزواج من هذا راتبي وهذا راتبك حلاوة الحياة الزوجية بالمشاركة سمعت من إحداهن وهي تحكي قصة صديقتها والتي تسكن بيت أشبه مايكون بقصر على حد تعبيرها أن هذا البيت كلفها وزوجها الكثير لعل أبرز ماذكرته تنازلهم عن أشياء كثيرة في سبيل بناء بيت يريحهم من الايجارات فقد مرت عليهم أيام كانت وجبة الغداء الرئيسية ( شابورة وشاهي وبعض المعلبات ) المذهل والمفرح في ذلك أنت البيت كُتب بإسميهما أي ( الزوج والزوجة ) وعن تراضي بينهما هنا نستطيع أن نقول طوبى لهكذا حياة زوجية قائمة على أساس متين من المشاركة والمودة الكريم / القحماني شكر الله لك هذا الطرح دمت بكل خير ورده

الف شكر لك على التواجد والمرور

ذكرتيني بواحد تشارك هو وزوجته في بناء بيت من دورين ماشاء الله تبارك الله ولكن عندما يحدث اي خلاف تزعجه الزوجه بكلمة ان هذا بيتي وحتى لو طلقتني ترا البيت حقي وانت اللي بتخرج .. وياحظه اذا اتصلت عليه وقلت وينك وقال انا عند امي اعرف انه متهاوش وزوجته


لهذا ومن خلال قصص واقعيه انا ضد مشاركة المرأة في دفع ريال واحد سواء في اثاث البيت واي امور متعلقة بالبيت معليش مو كل البنات سوى وليسو كلهم على نفس الأخلاق والتربية ولكن من باب اولى انها ماتحط يدها بشيء لها العناية بالبيت والأطفال وواجبتها الأساسية وفقط


وفي مثل هذه الحالة التي اتكلم عنها لك حق الأساسيات وليس الكماليات


كامل احترامي وتقديري

بعض الازواج ( رخوم ) تلقاه بالاسواق زوجته قدامه


ومن قعاطته لاجاء عند الكاشير ووقت الحساب راح يتصل


عشان ام العيال تدفع يا الله الاتصال ماجاء الا هالوقت ؟ خخخخخخخخخخ


ربك يعين خويك ويوفقه ان شاء الله