سامي وسامي تاج راس الأساطير::أول قصيده أكتبها للذئب سامي:: - نادي الهلال السعودي - شبكة الزعيم

الـوفـا ديـــن · #1 13/09/2008, 06:56 AM

السلام عليكم ورحمة الله

سامي وسامي تاج راس الأساطير
سام و يسم عداه من لدغ كوره
معيار لاعب فوق كل المعايير
تطرب له الأنظار لحظة حضوره
لامن لعب تلقى خصومه مزايير!!
ذاك يتراقص ..ذاك فاقد شعوره!!
واحد تهياله هالسامي ايطير!!
واحد يشوفه برق يجهره نوره!!
كم جندل خصومه جندلة" تصير
أحلى حدث منقول صوتن و صوره
ياخي تحسه شخص مجنون تسطير
دومن يسطر ناس تحفظ سطوره!!!
يجذبك لعبه دون ادناة تفكير
ايبرمجك تفرح ساعة ظهوره
في كل مركز له دروب ومشاوير
ذيب يعوي من فوق رجم الخطوره
نوبن وسط نوبن يدافع مع الغير
نوبن هجوم يقود للقول ثوره
ويصفق الملعب قبل الجماهير
لا اهتزت الأشباك طوعن لشوره
وينبت بوسط العشب ورد ونواوير
وترقص على الهتان زاهي زهوره
انسان ضاعت فيه كل التصاوير
يعجزك لكن قلت ارضي غروره
ماهو غرور (السام) يا نافخ الكير
أقصد غرور الحرف ودافي شعوره

تحياتي
أختكم
الوفا دين

فارس الناصر · #2 13/09/2008, 07:15 AM

إقتباس


	كم جندل خصومه جندلة" تصير أحلى حدث منقول صوتن و صوره

صرااحة .. القصيدة تجنن

لكن هالبيت جلست أقراه أكثر من مرة وتذكرت به أيام سام 6

صح لسانك على هالأبيات

وينك من زمان ... ننتظر منك شي بعد مباراة يوم الأحد لو خاطرة بسيطة ..

لاتحرمينا من هالأبداع ... الله يوفقك

تقبلي مروري

الملكيه الهلاليه · #3 13/09/2008, 07:18 AM

صح لساااااااااانك روعه القصده اهنيك عليها

واصل ابداعك ولا تحرمنا من جديدك...

الـوفـا ديـــن · #4 13/09/2008, 07:22 AM

إقتباس

الرسالة الأصلية كتبت بواسطة فارس الناصر


	صرااحة .. القصيدة تجنن لكن هالبيت جلست أقراه أكثر من مرة وتذكرت به أيام سام 6 صح لسانك على هالأبيات وينك من زمان ... ننتظر منك شي بعد مباراة يوم الأحد لو خاطرة بسيطة .. لاتحرمينا من هالأبداع ... الله يوفقك وياليت تنشرين المشاركة في منتدى الجمهور الهلالي تقبلي مروري