اهلين تركي

اعتقد ان كل عائله ولها عاداتها ولها تقاليدها

يعني هم وجهة نظرهم كذا .. تبي تقول لهم خطأ ؟

بالعكس شجعهم وقل لهم رايكم صحيح لكن لكل شي حدود

والله تعالى يقول " وكذلك جعلناكم امة وسطا ً " يعني لا افراط ولاتفريط ..

إقتباس " وأد 2008 "

طيب انا بقول بالنسبة لـ رايك " انفتاح 2008 " !!

تبي تزعل اكيد .. لذلك اعتقد انه لكل شخص حرية بالتعبير عن رايه ومسؤوليته تجاه اهله

اشكرك تركي .. لاعدمتك ورده

إقتباس الرسالة الأصلية كتبت بواسطة A B B O D اهلين تركي اعتقد ان كل عائله ولها عاداتها ولها تقاليدها يعني هم وجهة نظرهم كذا .. تبي تقول لهم خطأ ؟ بالعكس شجعهم وقل لهم رايكم صحيح لكن لكل شي حدود والله تعالى يقول " وكذلك جعلناكم امة وسطا ً " يعني لا افراط ولاتفريط .. طيب انا بقول بالنسبة لـ رايك " انفتاح 2008 " !! تبي تزعل اكيد .. لذلك اعتقد انه لكل شخص حرية بالتعبير عن رايه ومسؤوليته تجاه اهله اشكرك تركي .. لاعدمتك ورده

تم مناقشة الفكرهـ سابقا في المجلس

بموضوع كان الظاهر الظاهر لـ نمر 15

عاد وجهة نظري ناسيها

أببحث عنها وأجي أقول لك إن الله اكتب

يارجال هذا تفكيره متحجر صاير اللي يطلع اهله للمطعم عيب بدال مايصير الاقرب لاهله
ويعطيهم شي من وقته
على باله بيصير فكر اخته محدود لما تكون في البيت
فيه عوائل اقوى من كذا
يعطيك العافيه اخوي

هذا اللي في مقطع اليوتيوب لو احجره في البيت بين أربع جدران والله أن يطلع في راسه مواصير كهرب
وإذا كان يعتقد أن جلسه البيت راح تخلي تفكير البنت محدود فهذا قمه الجهل لأن البنت لابد تختلط في الناس سواء في العزايم أو الزواجات أو حتى السوق لما تطلع مع امها أكيد بتشوف الدنيا والناس
وعارك ياعزيزي يعتمد على التربيه السليمه في البيت والبنت ماهي طفل تتأثر بأي شي بسهوله
إذا كان تأسيسها سليم ماراح تتأثر

زبده كلامي : البنت راح يتوسع تفكيرها عاجلا أم آجلا .. لكن عندما يتوسع على أسس وتربيه سليمه سيتوسع لمصلحتها دينيا ودنيويا
وعندما يتوسع تفكيرها بعد كبت وسوء تربيه سيحين دمارها

×××

مايمنع الواحد يطلع اخواته لو مره في الأسبوع لمطعم في مول أو منتزه أو حتى ياخذ بها فره بالدايري
أمي وهي كبيره ومالها بالطلعات رقيتها برج المشاهده في الفيصليه والمملكه

ما عمري شفت تخلف مثل إللي في المقطع
الحمد لله على نعمة العقل

ياخي المقطع هذا قبل ما يبدأ يصور معلمهم وش يقولون .. !
لان ما يقوووولونه غير صحيح .. !

يعني احجر أهلي عشان أحافظ على الاعادات والتقاليد .. !
أمنعهم من الذهاب للسوق عشان ما يشوفون البنات وش لابسات .. !

لهالدرجة أهلنا متخلفين ما يدرون عن شي .. !

لايوجد وجهة نظر واضحة لان المقطع بكبرة لا تعليق عليه !!

ما اقدر ازيد كلمة على تعليقك كلامك 100% صحيح

ولا في ناس يقولون عيب تسوق المراة عادي وش فيها لا حرام ولا عيب بس الحكومة مانعة بسب هالذئاب البشرية

لو انه حران او فيها شي كان ما خلو المراة تركب جمل ولا حصان ايام الرسول صلى الله عليه وسلم

ما اقول الا الله يفشلهم حلال عليهم وحرام على البنات

لن استطيع أن أبدي وجهت نظري بالموضوع لعدم القدرة على تشغيل المقطع


بسبب سوء الإتصال...

إقتباس انا بتكلم عن المقطع فقط........وارجو ان لا ياتي احد ويناقشني في غير المقطع.. المقطع رائع........... وللعلم الي تكلموا في المقطع....ما تكلموا عن انفسهم...انا اعتبرهم اذكياء... حبوا يوصلون رساله ان السوق والمطاعم اغلبها فساد وان الشعب السعودي المحافظ مايقدر ياخذ راحته برى من الفساد..... كفوا عليهم......وصلو الراي....وو صلوا الامر الى ان كل واحد سمعه..... كان بامكانه يقول اختي عزيزة علي ولا احرمه واطلعه المطاعم والاسواق وحنا غير معقدين ولا جاءب البلبة لنفسه لكن اتوقع رسالة حبوا يوصلوه ووصلت...... الله لايغير علينا

أخي العزيزَ سعودي بعزه ومحد يهزه

احمد ربّك على نعمة عندك ما لقاهَا الكثير غيرك

أحلى شي اللي يقول: ما نخليها تتفتح

يبي المرأة معتوهة

الله يعافينا بس

ما اتوقع فيه تخلف اكبر من كذا ..

هذه الاشياء اللي خلت البنات يدخلون عالم النت وغزل و و و ... واشياء ما احب اذكرها ..

ـــــــــــــــــــــــــــــــــــ


انا ما ابي اعلق على الموضوع بس لي عتب على هذه العباره ... يعني البنات اذا دخلوا نت
صاروا يغازلون وغيرها من الي ماتبي تذكرها .. اخوي المتربيه مايئثر فيها نت او غيره
وياليت لا تعم كلنا عندنا خوات وبنات

وبعدين عنوانك احسه لوحة سياره