بسم الله الرحمــن الرحيـم

بعــد التحيــه والإكرام ., بكـل صراحـة وشفافيــة .. هاردلكم التعــادل .. ضروري جداً قراءة الموضوع كامل يوجـد به أسرار كثيرة ..
سأسرد بعـض خبرتي في المجـال الرياضي الكروي وملاحظاتي على منتخبنــا ولاعبيــه وجمهورنــا إللي مدربي راسـه . ما اقصــد الكل طبعــآ البعـض .,,

بدايـة ً منتخبنــا قدم كورة حلـوة بالشــوط الأول أثمــرت عن سيطرة عامـة وفرص متعـددة كادت ان تنهي كل شي من الشــوط الأول . بفضل تحركات فيصل السلطان .. الظهير الأيمــن عبدالله شهيل مستواه ممتاز خاصـةً الهجومي قلوب الدفاع ما قصروا أدوا اللي عليهـم . الظهير حسين عبدالغني ثقل ونفخ حال يوجـه اللاعبين طوال المباراة بدون أن ينظر إلـى نفسـه واخطاءه ., المحاور عزيز وعطيف ., لا غبار عليهم ابــدآ عزيز دفاعي واحمد دفاعي إلى هجومي بشكل أكبـر ., وشهادتي في هـ الآعب ( أحمد عطيف ) مجروحـه ., لاعب يحرث الملعب بحماسـه وروحـه وصناعته للعب بالرغم من وجوده في التشكيلة كمحـور , اما عبــده والشلهوب انآ اخالف الجميــع على وجود هـ اللآعبين بجانب بعض لآن مستواهم متقارب وطريقة لعبهم متقاربـه وبنيتهم الجسمانيـه متقاربة وبطئهم متقارب يعني وجود لاعب يلعب بطريقه اخرى وبسرعه أكبر وبحجم اكبر كـ ( محمد نور) أفظل بكثير يعني لو يلعب عبده ومحمـد نـور بيكون كلام ثاني . بالنسبــه للهجــوم سعد سيء للغايـه بالغرم من تسجيله للهدف جاته باردة مبردة وتوفق فيها وهذي حسنته الوحيدة , أما السلطان كان مميز جداً لو أي لاعب ثاني مكانه ما فتح زي ما يفتح السلطان يعني هو يصنع لنفسـه هـ الفرص يعرف كيف يتمركز يعرف كيف يشغل المدافعين كان ملازمه سوء الحـظ وفرق كبير بينه وبين سعـد الحارثي هو أفظل من سعد بكذا ناحية , أما الشـوط الثانـي كان هناك تراجـع وتخبطات من السيد ناصر الجوهر بفظل توجيهاتـه لإستدراج الخصم واللعب على المرتدات على كلام ياسر القحطاني بالمقابلة . كيف السيد ناصر يلعب بالطريقه هذي وهو يلعب بملعبـه وبين جمهوره وعنده أفظل لآعبيـن الكـورة السعوديـة . عجبـاً فعـلاً وإللي بغاه الجوهر صار في مرمانا .. وزاد الطين بله بنزول عمر الغامدي كمحــور وخروج الشلهوب وريح لاعبين ايران . الشلهوب كان ماسك جناح على الخط مشغل وسط ايران ومع نزول الغامد تراجع المنتخب بشكل كبير جدأ وخروج فيصل السلطان اكبر غلط يعني افظل اللآعبين بالشوط الأول المتحرك مربك الدفاعات الايرانيه ويبقي على سعد الحارثي فعلاً خطأ فادح وصريح من الجوهر .,, وبكل اختصار التغييرات وتفكير الجوهر همــا من تسببا بالهزيمـه . بالإضافـة إلى برود عبدالغني بالشوط الثاني لدرجة ما فيه هجمات من جهة عبدالغني كل الهجوم والدفاع من عند شهيل . المسكيـن تعب ماسك صدره والجوهر يتفرج .؟؟ يعني ما غير اللآعب ولا غير لعبــه للجهــه الأخرى من عند عبدالغني عشـان يريح شهيل .. إضافـةً لمشكلتنا مع الدفاع والسرحان بالكرات العرضيه والضربات الثابته خاصة الركنيـة يعني تكر ترك لاعبـه يجيه من ورى ويكمل الكوره وهو يتفرج يعني يلعبون الدفاع كويس اخر شي بسبب هفوه بسيطه يجي هدف .. وعلى هـ الطريقـة والموال هذا إنتهــى الشوط الثــاني بالتعادل الإيجابي..


نقــــــاط مهمـــــه جـــداً ::::

#الحكــم الاسترالي يتقصـد المنتخب السعودي ويكرر ما فعله في نهائي كأس أسيـا حيث لم يحتسب ضربتا جزاء , والجميع يذكر حرب لاعبيين العراق على ياسر بالذات في نهائي أسيـا .

# لابــد النظر في الحراســة . فوجود وليد عبدالله أفظل بكثيــر من منصور النجعي ., يعني لا حراسـة ولا حماس برود في هـ الحارس الفريق يعتبر خاسر وهـو بطيء في لعب الكره .. وليد عبدالله غير الحماس يجيــد لعب الكوره في المكان المناسب يصنع اللعــب ويوجـهه من الخلف بطريقه جميله يمتلكها هـ الحارس ..

# الشهيل كلمـة رائع قليله في هـ الاعب , لا تنســون والده متوفي من فتره بسيطــة .. الله يوفق هـ اللآعــب [ باتريوت الكورة السعوديه ]

# قلوب الدفاع دائما ما يسهـون وبشكل عام يقدمون مستــوى جيـد .

# عبدالغني بطئ وبرود وشوفة حال طول المباراة يوجـه اللاعبيـن ولا يوجـه نفسـه , وإلى الآن ما تعدل هـ الولــد طالع زعلان حتى غيره الجوهر واشرك الزوري وبعد نهايـة المباراة رفض التصريح للقنوات بطريقـة سيئة . ما ادري متى يعقل بصراحـه ..

# خالد عزيز ما قصـر نطلب منه المزيد لديه اكثر .

# أحمد عطيـــف رائــع رائــع لاعب يلعب ويحرث الملعب طول وعرض ويصنـع لعب ويهاجم .. الله يقويـه يارب . وفوق هـذا يجي واحد بعد التعادل يطالب بسعود كريري مكانـه ما ادري كيف الناس تفكـر .. ما ادري اذا كريري عنده شي افظل من عطيف غير الطـول ..

# الشلهوب وعبده هنــا نقطة مهمـة جداً , بكل صراحـه ما يصلحون مع بعض يعني كل شي فيهم متشابـه وبطئهم يأثر على الفريق يعني نستفيد من ذكاء وصناعة لعب واحد كافيـه بالإضافـه لمحمــد نـور بعد عودتـه بإذن الله .

# سعد الحارثي مدنق راسـه ولا عنده حتى كنترول على الكورة لكـن حب الجوهر للحارثي هو ما جعل دخول ياسر على حساب السلطان .

#السلطــان ظلمــوك اليـــوم . فعلا إنت نجم المباراة الأول ولايهـون الشهيل واحمد عطيف .,, قبل كم يوم كنــت يا فيصــل السلطان افظل مهاجم مع ياسر واعجاب فيك من قبل الجمهور السعودي بعد اهدافك في الوديات . وبعد سوء حظ لشوط واحد إستطعت أن تصنع لنفسك بتحركاتك عدة فرص في مباراة رسميـة أصبحت سيء ويجب أن تستبعــد من المنتخب ,, فعلاً ظلمــووك يا السلطان ..

نقطـتين مهمـــة جــدأ للجمهــور :

* بعــض الجماهير تردد بإسم يـاسر عند ضياع هجمات فيصل السلطان .. يعني جرح مشاعر وتحطيم في اللآعــب وتبونه يسجل حسافـه بس الأنديه والتعصب غطى عيوننا ما فيكم أحد فكر بمشــاعر اللآعــب , ياسر لاعب كبير وعلى عيني وراسي لكــن ويــن الوطنيــه لاعب في مهمــه وتحطمونــه كذا .؟ وقبل هذا اثناء التشجيع ناس تنادي بإسم الهلال وليس بإسم سعودي وناس تنادي بإسم نصـر .. فعلاً حسافـــه جماهيــر بدون تفكيـر , جماهير أنديـة أصبحت الوطنيــة أخر همهم .

* جمهورنــــــــــا العزيــــــــز على طول انتقادات وتحكمــون بالفشل علــى لاعبيــن وتطالبــون بلاعبيــن والبعــض منكــم بكل صراحــه ليس لديــه فكرر كروي لذلك نصيحــه لهؤلاء من الجمهــور الإكتفاء بالمشاهدة والإستمتاع فقــط لا غيــر .. وصلت في بعض الجمهــور يطالب بسامي الجابر وفلان وعلان .. ما أدري كيف يفكرون بصراحـة ..

اعذروني على الإطالــة

محبكمممم: عــآلــي الشــــــــآن