بسم الله الرحمن الرحيم
اولا هاردلك على الهزيمة بالتعادل وفي ارضنا وسط حضور جماهيرنا ولكن الخيرة فيما كتبه الله
سأتكلم عن كل ماهو فني في لقاء اليوم وسنترك نور يستعد لمباراته اليوم امام الاسماعيلي فلا اعتقد بأن الوقت هذا مناسب لمثل هذه المواضيع واتمنى من جميع الاعضاء ان يتوقفوا عن ذكر اسم نور ولو موقتا لمدة ثلاث ايام فبماراةالامارات قريبة فل نركز عليها ارجوكم كفى
المحزن اني صرت اقرا اسم نور والدعيع اكثر من كلمة بالتوفيق لمنتخبنا




اما بخصووووص ماحدث اليوم امام ايران فهو امر طبيعي جدا ويجب ان نفكر بعقلنا قبل عواطفنا فما ااكثر المنتخبات الكبيرة التي تهزم في دارها وامام منتخبات اقل منها وهذا امر طبيعي

أتفهم بعض الغضب الذي تعيشونه
من جراء هذا التعادل ولكن لنفكر بالقادم فاليوم انتهى وخرج علي دائي الذي ارى بأنه يصلح لتمثيل (بطولة فلم اكشن) وهو فرح بضربة حظ ومعه الاسترالي شيلد الحاقد على الكرة السعودية بطريقة غريبة وللعلم هو من حكم نهائي اسيا الاخير غظ عيناه عن التفل والرفس وغيره فبتأكيد يستطيع ان يغض عينه عن ركلتي جزاءللسلطان والحاااارثي وكروت كثير في هذا اليوم ليواصل مسلسل مهازله التحكيمية في لقاءات السعودية



فنيا تشكيلة الجوهر كانت مناسبةلظروف المباراة وفي الشط الاول قدمنا اداء سريع ورائع ومتميز ولم تكن هناك اي ملاحظة سيئة والامر كان يبشر بالخير لحد كبير



بالشوط الثاني حدث ماكنت اخشاه وكما حدث امام قطر من هبوط مستوى في الشوط الثاني حدث اليوم والسبب اللياقة
والله لا يجازك خير ياارينهو (مدرب اللياقة)فعلا كان اداء لياقي سيء جدا والاعبون فيه غير متهمين بل ارينهو وايضا التقصير يطال الجوهر لان يجب ان يعلم عن خلل اللياقة اذا كنا نحن المتابعين من بعيد نرى الشيء هذا...



واه ياعبداللطيف الحسيني لو تاتي فنحن نحتاجك والدليل نادي الهلال وماذا فعلت فيه لياقيا.....

ومن هنا اقول اخشى ما اخشاه على المنتخب هو اللياقة وتضيع الفرص...

في الشوط الثاني لا اعتقد بأن الجوهر وفق في تغيراته ابدا ....
عمر الغامدي لاعب ليس بمستوى الان جيد هذا اولا
ثانيا رغم اقتناعي بأحمد عطيف ومستواه الا انه كان سيء جدا في هذا اليوم واللي اكلها عزيز
فكان من الاولى بناصراخراج احمد مع بداية الشوط وادخل كريري لانه بالطبع نتوقع الضغط الايراني اللي يحتاج لاعبين اجسام وراسيات اوكيه
ومن الممكن بعده مرور ربع ساعة ومع نزول اداء الشلهوب اخراجه وادخال احمد الفريدي او القحطاني وكذا تسير حصنت الوسط الدفاعي بكريري وماخسرت الهجومي....!!

ومن ثما تخرج الحارثي او السلطان وتدخل ياسر...
ارى بانه كان انسب

اما عملية اللعب بثلاث محاور في ارضك والنتيجة واحد صفر لو اثنين ممكن فهو مغامرة سيئة وجبن فيه من طريقة باكيتا

لانك اصبحت تلعب بشكل دفاعي بحت فا ريكلمي العرب عفوا عبده تعب ومن الصعب ان يصنع كل شيء لوحده..


رسائل..::..::....::

منصور النجعي:سر امام فأنت رائع

رضا تكر:روعة فأنت بوجهة نظري مع عزيز الافضل وماسك القلب والظهير بسبب تقدمات شهيل الكثيرة...

اسامة:نوعا ما جيد وشد حيلك .

شهيل:رائع رائع في الهجوم ولكنك في اخر المباراة صرت تهاجم ومعد ترجع وصار الحمل على تكر

حسين عبدالغني:ممتاز وماقصرت ومحد مر من جهتك دفاعيا بس هجوميا ما شفناك واتوقع انه من

تعليمات الجوهر بس ليتك تقدم شوي وتشوت لان رجلك حلوة


عزيز:لاتعليق على ادائك المتميز ياوحش
ا
حمد:انا مقتنع فيك كانجم ممتاز لكن الليلة ماكنت قد الطموح ونتظرم امام الابيض

عبده:لاعب فنان وتلعب بعقل بس حسبي الله على اللياقة ماخلتنا نشوفك ابد الشوط الثاني.

الشلهوب:مستواه في تطور ملحوظ

السلطان :تحركاتك رائعة وحست دفاعهم بس ركز بالهجمات وماعليك كل اللاعبين يضيعون ولاتنسون ذي اول مباراة رسمية له مع المنتخب ونا بصراحة اعجبني

سعد:شكرا ع القول وماقصرت وتحركاتك حلوة بس العتب ع اللياقة وحسبي الله على ارينهو حق اللياقة واللي يقول سعد نزل مستواه الشوط الثاني اكيد بينزل لان ماوراه احد يصنع وش يسوي...

يااااااااااااااااااسر:بعد دخولك لمساتك تطمن وانت املنا في ابو ظبي يابو سعيد..

الغامدي:مستواه كان جيد وعادي...
ا
لجوهر:التشكيلة والاداء رائع بالشوط الاول اما الثاني تكفى لانشوفه قدام عيال زايد

الله يوفقك يامنتخبنا واووووووووووووووووووووووه ياسعودي


واتمنى التشكيلة امام الامارات

النجعي
عبدالغني
اسامة
رضا
شهيل
عزيز
احمد
عبده
الشلهوب
ياسر
السلطان او الحارثي لكن الحارثي افضل


وبعد الامارات وبعد الفوز ممكن نطالب ونغير على كيف كيفنا بس اللحين مافيه الا نقول

الله يوفق الاخضر بابو ظبي

22 دخلوا ولا واحد رد



ماحد عنده رأي

انا اقولك ليــه ما ردوا . لآنــه مع احترامــي لــك .. كلامك مــش مزبــووط .. تقبل مروري ..

هلا اخوي وشكرا على مروركـ


لكن ياليتك توضح كلامي مو مضبوط بوش عشان ارد عليك مو تزويد مشاركات
شااااكر مرورك

هلآآآ اخووي بــدر .معليـش . انا اختلف معك بكذذا نقطــه صراحـه يعني لازم تفكر فيها كويـــس .,, كيف تقوول احمد عطيف كان المفروض يطلع ويدخل كريري .. ومستوااه هابببط . يعني بصراحه وكأنك ماشفت المباراه . احمد كويسس اليــووم ما ادري كيف تطلبون كريري واحمد افظل منه بكل شي إلا الطــول .؟؟
وسعد الحاررثي كان علــة على الفريــق تأخير في الكــوره ولا عنده لا كنترول ولا ششي . ودايم مدنق راســه ..؟
والنقطه الثالثـــــه حسين عبدالغني كان سيء صراحه وثقيل وشايف نفسسه يوجـه طول المباراه ولا يعلم نفســه .. تقل جايبينـه عشان يعلم اللاعبين كيف يلعبون كورره .. . تقبل مرورري ..

بالعكس احمد عطيف مبــدع اليوم ..

بعدين مالك معاذ اتوقع يكون جاهز قدام الامارات .

شكراً

هلا اخوي عالي الشان بالعكس احمد نجم مبدع ورائع لكن اليوم كان مرتبك خصوصا في الشوط الاول وماهو في مستوى المباراة عشان كذا كنت اتمنى يطلع

وسعد بالعكس لما كان الفريق صاحي الشوط الاول كان مقدم مستوى حلو بس لما نام الوسط الشوط الثاني طبيعي هو ينام

وحسين ما اعتقد انه اخطاء من ناحية الادوار الدفاعية بس الهجومية ماسوا شيء ويمكن الجوهر يكون مطالبه بالشيء ذا

وترااااه الكابتن اذا ما وجه مين بيوجه

ههههههههههههههه وتقول مايوجه نفسه كيف يعني تبيه يتكلم مع روحه

شارك لك مرورك المميز اخي الغالي

إقتباس الرسالة الأصلية كتبت بواسطة DOSERY بالعكس احمد عطيف مبــدع اليوم .. بعدين مالك معاذ اتوقع يكون جاهز قدام الامارات . شكراً

يعطيك العافية ع المرور


واحمد نجم كبير بس بالشوط الاول ماكان قد الطموح ويمكن يكوون مرتبك شوووي

وما اظن مالك يجهز لو جهز اتوقع يلعب عشر دقايق

اولا شي يعطيك العافيه

فيصل السلطان افضل من سعد لان فيصل تحرك كثيرا باليمين واليسار

يمكن لو كان ياسر مع فيصل كان ضبط الفريق اكثر


بالنسبه لادخال الفريدي بدال عبدو عطيف انا اختلف معاك لان الفريدي بطيء


وليس سريع الحركه كان من الافضل دخول عبدالرحمن القحطاني مكان عبده عطيف


ونقل والابقاء على الشلهوب اللي قدم بالشوط الثاني مستوى مميز


احمد عطيف كان مميز بس كان يتقدم كثيرا ولا يقوم بالواجبات الدفاعيه كثيرا


وانا معك كان المفروض يدفع بسعود كريري مكان احمد عطيف وعبدالرحمن القحطاني بدل عطيف


وياسر بدال الحارثي والابقاء على المزعج فيصل السلطان


كذا نشط الوسط باللاعبين مميزين و الهجوم بياسر لان الدفاع الايراني بيركز مع ياسر وينسى السلطان


كلامك وجهة نظر احترمها وهذا وجهة نظري انا قلتها بصراحه

مشكور اخوي على الموضوع وعلى الجهد

والتشكيلة الجايه واتمناها

النجعي

عبدالغني هوساوي ماجد العمري شهيل

عزيز كريري

عبده عطيف

الحارثي القحطاني الشهراني

إقتباس الرسالة الأصلية كتبت بواسطة الزعيم_هلالي اولا شي يعطيك العافيه فيصل السلطان افضل من سعد لان فيصل تحرك كثيرا باليمين واليسار يمكن لو كان ياسر مع فيصل كان ضبط الفريق اكثر بالنسبه لادخال الفريدي بدال عبدو عطيف انا اختلف معاك لان الفريدي بطيء وليس سريع الحركه كان من الافضل دخول عبدالرحمن القحطاني مكان عبده عطيف ونقل والابقاء على الشلهوب اللي قدم بالشوط الثاني مستوى مميز احمد عطيف كان مميز بس كان يتقدم كثيرا ولا يقوم بالواجبات الدفاعيه كثيرا وانا معك كان المفروض يدفع بسعود كريري مكان احمد عطيف وعبدالرحمن القحطاني بدل عطيف وياسر بدال الحارثي والابقاء على المزعج فيصل السلطان كذا نشط الوسط باللاعبين مميزين و الهجوم بياسر لان الدفاع الايراني بيركز مع ياسر وينسى السلطان كلامك وجهة نظر احترمها وهذا وجهة نظري انا قلتها بصراحه

تشكر على مرووك اخي ولكن انا قلت يدخل عبدالرحمن او الفريدي بدل الشلهوب وليس عبده

إقتباس الرسالة الأصلية كتبت بواسطة king missi hilal مشكور اخوي على الموضوع وعلى الجهد والتشكيلة الجايه واتمناها النجعي عبدالغني هوساوي ماجد العمري شهيل عزيز كريري عبده عطيف الحارثي القحطاني الشهراني

الله يعافيكــ

بس تشكيلتك مغامرة كبيرة والجوهر مستحيل يسويها

عسى بس مايلعب بمهاجم واحد لان الجوهر لايحب الهجوم