بسم الـاـه الرحمن الرحيم
،
بعد التحيـة ، مسائكم / صباحكم كادي
/
صراحة الكل شاهد المنتخب السعودي اليوم وإبداعـه المتوقف على الشوط الأول فقط
كأننا الحين ضمنا الفوز وانتهت المباراة من الشوط الأول كأنه مابوهـ شوط ثاني !!
طبعاً في الشوط الأول صراحـة مستوى الأخضر كان يبشر بـ الخير
وأشوف عدة مواضيع على فيصل السلطان
طبعاً فيصل السلطان والله انه نجم قادم لـ الكورهـ السعودية والكل يعترف فيه
بس يالجوهر مب الحين وقتـه ابداً
يعني لو تلاحظون ،
أول مباراة بالتصفيات يلعبـه فيصل السلطان هي مباراة اليوم
قسم بـ الـاـه كانت مباراة كبيرهـ عليه ،
اتفق معك يافؤاد انور على انه خلق لـ نفسه الفرص
بس حنا مانبي اي فرص ، نبي هدف يهز الشباك ، هذي المباريات ماينفع معه إلا زي كذا
الشي الثاني ،
لو إنكم تلاحظون بعد .. مدرب السعودية ناصر الجوهر
مدري شلون يفكر بـ الضبط
يعنـي خلوكم معي على هـ الفكر الراقي < ما أحسدهـ ماشاء الـاـه عليه !! يسحب محمد الشلهوب واللي هو صانع الألعاب الثاني جنب عبدهـ عطيف اللي اليوم مب مستوآهـ ابداً بعد كسرهـ اللاعب الإيراني في الشوط الأول < ماقصر ، عدمـه المهم ،
يسحب محمد الشلهوب صانع الألعاب الثاني ، ويبقى بـ صانع لعب واحد
وينزل عمر الغامدي كـ محور ثالث أملاً في المحافظة على النتيجـة !!
طبعاً بعد هالتغيير ، قلت اكيد الحين بيسحب السلطان
وبينزل احمد الفريدي ، وينزل ياسر بدل سعد
بس صراحـة يوم شفت ياسر داخل بدل السلطان
بأفهم شلون يفكر بـ الضبط ، يعنـي يلعب بـ مهاجمين وصانع لعب واحد ودااايخ اليوم
ويعنـي اشوف الكل يلوم ياسر على المستوى اللي قدمـه
ياسر لعب تقريباً حدود الربع ساعـة
جتـه هجمتين فيها ، وحدهـ مرت من جمب القائم ، ووحدهـ احتسب فيها فاول بعد ماسدح لوهـ اثنين من لاعبين ايران ، وبـ الأخير تسطيحـه من عطيف !!
،
المشكله كل المشكله في مباراة اليوم
ان ناصر الجوهر استعجل بـ تطليعـه الشلهوب
يعنـي والـاـه الشلهوب اليوم كان مبدع وينقل كرات ولا أحلى
ليش تسحبــه وأنت لاعب على أرضك وبدري يعني على الدفاع
وشفنا طبعاً بعد التغييرين تغير المنتخب السعودي 180 درجـه
،
كلامي في الفترة القادمـة لـ الأخضر
الجوهر تكفى لاتستعجل في تغييراتك , وامامك الآن 3 مباريات على ارضك
و4 خارج ارضك ..
اليوم مستوانا حلو في الشوط الأول
بس الشوط الثاني استعجالك ماكان في وقته ابداً
مباراة الإمارات ،
مباراة لا يمكن وصفـه .. يجب ثم يجب على المنتخب السعودي بعد توفيق اللـه ثم دعائكـم ان ينتصر الأخضر على الأبيض الإماراتي
رغم إن الإمارات راح تدخل المباراة بـ كل قوهـ ، واتوقع المباراة ابداً ماراح تكون سهله علينـا ، بس إن شاء الله التوفيق من رب العالمين
،
لـ اللي يطالبون بـ نور
اتوقع صعب التأقلم حالياً وخصوصاً إن مباراة الأخضر بعد اربع ايام
يعنـي اتوقع لو ضم احد الجوهـر حالياً ، مدرب فيه شي .. صعب انك تأقلم لاعب مع مجموعـة في اربع ايام فقط
وإن شاء الله انتصار لـ الصقور امام الأبيض الإماراتي وبعدهـ فيها توقف اكثر من شهرين ، ونقول لـ كل حادثٍ حديث :
وبـ الأول والأخير .. الحمدلـاـه على كل حال
تحـياتي لكـم ..
كريزي