مع الاسف ما بٍقي أئمه بالرياض !!! - نادي الهلال السعودي - شبكة الزعيم

هــــلاV X Rلــــي · #1 07/09/2008, 03:20 AM

بسم الله

السلام عليكم كلكم من اولكم لآخركم....

بالامس القريب فرحنا للشيخ عادل الكلباني حين قرأ اول صلاة له في الحرم المكي..لاكننا حزنا لأنه .ترك الامامه بالرياض...

بالامس البعيد فجعنا بخبر طوي قيد الشيخ ناصر بن علي القطامي ولن يصلي في مسجده..

بالامس البعيد مره قبل سنه

اعتذر الشيخ بن جبرين عن الامامه وطلب الاعفاء.......

كثير أئمه ما لهم حظ من الشهر مثل الامثله الماضيه تركوا الامامه....

بس وين نصلي حنا اهل الرياض ؟؟؟!!!!

والله اذكر السنة اللي راحت ولد خالتي من اهل الدمام يقول يا حظكم يا اهل الرياض بأي مسجد امامه زين وصوته كويس

ادري كثير منكم يقوللي الفكره بالصلاة موب بالامام = الكلام صحيح 100٪

لاكن ما أحد ينكر ان الامام له دور كبير مره في الصلاة وتحسينها والدعاء،،،،

ياليت لو فيه أحد يعرف القطامي ممكن يصلي برمضان ذا او بيرجع لمسجده،،،،

ان شا الله يكون الموضوع عجبكم

ولكم تحيتي

كان هنا · #2 07/09/2008, 03:38 AM

مابالبلد الا هالولد !
أكثر ما كثر الله الاصوات الزينة ..
وكونك ذكرت 3 او 4 امثلة ما يعني ان الأئمة خلصـوا..
وانت قلتها .. في أي مسجد تلقى إمام صوته كويس ..
معنى ذلك ان الدعوة ماهي واقفة على 3 او 4 او عشرة ..
/
عندك ياسر الدوسري .. محمد اللحيدان .. سعد السبيعي .. فيصل الرشود .. حمد الحقيل ..
كلهم ماشاء الله تبارك الله اصواتهم ابداع ..
لا وهذولي بس الي اعرفهم .. والله اعلم بالي ما سمعت عنهم .. شكثرهم ..
\

عـز الهلال · #3 07/09/2008, 03:44 AM

.. [ و عليكم السلام ورحمه الله ] ..

..

و الله نفس [ الحاله ] مـعي ..!!
قله الأصوات الـي تستـاهـل نروح لـهـا .. "

"

و مـا نلوم الا .. أهل الشرقيه
اجازاتنا وحسدونا عليها ..

و الحين اإمتنـا مـا خلوهم

ع العمووم [ الله المستعان ] ..!

Fata_alryadh · #4 07/09/2008, 03:52 AM

القطآمي يقولون بيصلي في الشآرقه مع إني آستعبد ذآلكـ ..

الآئمه كثير في الريآضــ ومنهمـ مآجد الزآمل وفهد الغرآب وخآلد الجليل وغيرهمـ ..

وفيهآ وآحد نآشئ يصلي بجآمع الصفيآن صوته جميل مرهـ ..

وإن شاءاللهـ نفرح بعوده القطآميــ ..

F I N A L · #5 07/09/2008, 04:13 AM

وعليكم السلام ورحمة الله وبركاتهـ,

يكفيكم خالد الجليل

ما شاء الله عليهـ,

عـز الهلال · #6 07/09/2008, 04:16 AM

إقتباس

الرسالة الأصلية كتبت بواسطة F I N A L


	وعليكم السلام ورحمة الله وبركاتهـ, يكفيكم خالد الجليل ما شاء الله عليهـ,

و الله بنظري هـو أفضل الموجودين الحين

الله لا يضره ويوفقه .. يارب

>>الامبراطور<< · #7 07/09/2008, 04:36 AM

انصحكم في مسجد في العقيق في الحاره اللي خلف مطعم الحمراء البخاري << احم احم

صوته زين

وفيه مسجد في ام الحمام اسمه جاممع الملك عبدالعزيز صوت امائمه زين
التوصيف

بعد مستشفى الملك خالد للعيون اول محطه لف بعده يسار وامشي طووالي لما يجي مستوصف الرويس على يسارك المسجد مقابل للمستوصف

وشكرا

الدال على الخير كفاعله

هــــلاV X Rلــــي · #8 07/09/2008, 04:53 AM

شاكر لكم مروركم اخواني،،،

ممكن توصيف الجليل بالتفصي الممل الله لا يهينكم

بحيث تعم الفايده بالموضوع ذا ،،،

تحيتي

الـسـلـطـان · #9 07/09/2008, 05:31 AM

لا يفوتك إمام حارتنا

صوته كويس

ويخلص التراويح إن كثرت 9:10

أحس إنه أول إمام يخلص في الرياض

إذا تبي الوصف كلمني

تبي الجد

في إمام إسمه ياسر الدوسري

سمعت إن صوته فله

لكن للأسف

ما أعرف وين يصلي فيه

إن شاء الله الاعضاء يفيدوني ويفيدونك

Financial 3ziz · #10 07/09/2008, 05:58 AM

الله يصلحك..

أحد عنده الشيخ/ محمد بن إبراهيم اللحيدان

و يقول مافيه أصوات زينه..

الله لايضره ماشاء الله..

وإذا تبي الوصف..

طريق خريص خلف (جيان و خريص بلازا)..
جامع الناصر..

الله يوفقنا واياك..

شكرا لك..

(التميمي)

Fata_alryadh · #11 07/09/2008, 05:58 AM

السلطآن ..

يآسر الدوسري بمسجد القآضي مخرج خآلد إبن الوليد ، آول م آتآخذ المخرج يجيك آول شآرع آدخل معهـ وآمشـ يمكن 200 متر

بتشوفهـ بوجهك ..

وإعذرني على التوصيف البآيخ ..

الـسـلـطـان · #12 07/09/2008, 06:05 AM

إقتباس

الرسالة الأصلية كتبت بواسطة Fata_alryadh


	السلطآن .. يآسر الدوسري بمسجد القآضي مخرج خآلد إبن الوليد ، آول م آتآخذ المخرج يجيك آول شآرع آدخل معهـ وآمشـ يمكن 200 متر بتشوفهـ بوجهك .. وإعذرني على التوصيف البآيخ ..

.......................... ألف شكر لك

..........................

hm-911 · #13 07/09/2008, 06:25 AM

اللحيدان والدوسري شرق الرياض وشمال الرياض الجليل وجنوب الرياض الزامل وياكثرهم ماشاء الله تبارك الله والله يرجع القطامي ...

القيصر رهيب · #14 07/09/2008, 12:41 PM

إقتباس

الرسالة الأصلية كتبت بواسطة Fata_alryadh


	السلطآن .. يآسر الدوسري بمسجد القآضي مخرج خآلد إبن الوليد ، آول م آتآخذ المخرج يجيك آول شآرع آدخل معهـ وآمشـ يمكن 200 متر بتشوفهـ بوجهك .. وإعذرني على التوصيف البآيخ ..

وصف صحيح لكن اسم المسجد الدخيل موب القاضي

القاضي اللي كان يصلي فيه القطامي سابقا

ياليت تعلمونا وين الجليل فيه حمستونا

مجنون الزعيم(9) · #15 07/09/2008, 12:46 PM

القطامي يقولون والعلم عند الرواي طبعا تخبرون الاشاعات اللي عرفته والله

ناس يقولون راح للامارات ,, وفي ناس يقولون الجيران مشتكين عليه انه مايصلي برمضان عشان الزحمه ,,

هذا اللي اعرفه والله ,, ويمدحون الجليل ماشاءالله يلحن القران الله يحفظه بس يبيلك تجيه بدري المسجد يبتلي بالدورين وحتى برى