=_^ إضحك مع ( أحلى ) البــشر :( شارك بصورتك ) - صفحة رقم 5 - نادي الهلال السعودي - شبكة الزعيم

الحربي2004 · #61 06/09/2008, 07:25 PM

سوف يتم تبليغ جمعية الرفق بالاطفال على

التشهيير بهم و هم في سبات عميق..

جهز محامي يا بو طلال

مرسى عيونك · #62 06/09/2008, 09:45 PM

مشـــــــا الله تبــــــــارك الرحمن

على هالصور الحلوووووووه ( عجبتها

الله يصلحهم و يخليــــهم لأهاليــــــــهــم

أبو طلال أشكرك على الموضوع

للاسف صور ولد أختي غير مسموح بتنزيلها
و حقوق الطبع محفوظه

أخـــــــتــــــك

عسيريه · #63 06/09/2008, 11:05 PM

.

.

عودة مره ثانيه

رآجعه بإذن الله للي شككوا بنومة ديفيد

حرام عليكم قسم بالله انه الحين بالرياض وانا بمكه وش جابه لي أصلا هالصوه من زمان بجوالي لا تشككون مره ثانيه

بعد التفتيش والتنقيب

في جوالات العايله وجدت صوره ثانيه لـ حفيدنا

وهذي الصوره كان هلكان بالسوق ونام علينا

.
.

.
.

أحسه يقول الله يقلع بليسكم ماتتعبون من السوق

باقي برجع أعلق ع الصغار اللي يهبلون ماشاءالله

بس مافيه وقت برجع بكرا ان شاءالله

ماجد مقبل
الله يرحمهم ويغفر لهم يارب

شكرا لـك يابو طلال ويا انت

تراي ارسلت الصور لأبو طلال وأخليت مسؤليتي

مع التحيه

بـنـ**الزعيم**ــت · #64 06/09/2008, 11:34 PM

إقتباس

الرسالة الأصلية كتبت بواسطة الـمـشـاغـب


	^ ^ يقول لك أرسليها للمشاغب وهو بيتصرف <<< أولفت بتصدق هلا أبوطلال .. يعني إلا مصرّ يعني؟ لازم أحط لكم صورة بنت أختي آلاء؟ خلاص خلني كم أسبوع وأنزلها على بال ما أتصل على أختي وتنوّم البنية وتصورها وترسلها تراها أقل من سنة لأن ما عندنا بنات للتصوير وأعمارهم فوق السنة

مشاااغبوووه قسم قسماات انغرف قليبي قلت وش ذااا بينزل صورتي

ياحليلك اثاريك خالي وانا ماادري

بس مااذكر لي خاال اسمه سلتان

لا تصير اخو ام دحيم

ابو طلو
والله بالنسبه للصور ممكن انزل لك كم صوره وهم نايمين بس اذا انت نااوي اني اشنق ولا عااد ادخل نوبتن ثانيه انزلهن ماعندي مااانع

والله منجس عياال هاليومين بحااول القط كمـ(ـن) صوره وابطحهن هنا
تشنكراتي على الموزوع الزريف

برب بروح ادور صور وارجع لكم
........................................
كااان ودي انزل صوره لاخوي بس مامي رفضت

وحرجتني بعد قهــــــــــر كاان ودي احطهااا

الـمـشـاغـب · #65 07/09/2008, 01:17 AM

^
^
خلاص من اليوم لا تناديني إلا : يا خال

أول مرة أدري ان بوه أحد اسمه آلاء .. كنت أحسب الخبل زوج اختي مخترعه من راسه

حلو استفدنا منك شي

ورده

أبو طلال .. والله ما تدري وشلون معاناتي

هماني أقول بأنزل صورة آلاء؟ رحت كلمت أختي وقالت انها بتستاذن من الكمخة زوج أختي .. وطبعاً رفض يقول ما عندنا بنات ينزلون النت

كاتب عدل متشدد :@ قلت طس من زينك أنت وبنتك الشيفة , انا غلطان اللي كنت بأخليها تشتهر على المستوى الدولي

رحت عند أخوي الكبير .. قلت له بأصور ولدك سلّوم

قال ليه؟ قلت عشان موضوع بالزعيم يحطون هالمماليح بالنت .. قال تخسي

قلت ليه؟ قال .. أخاف بعدين يركبون على صورة ولدي ويحطونه مفسخ

.. قلت الله أكبر عليك أنت وولدك .. أصلاً ما يحتاج تركيب .. على الطبيعة ناظره بالشارع يمشي زلط ملط

.. << مشكلة اللي فاهم الشرف غلط والا لا يا ابوطلال

في آخر معاناتي .. قلت مالي إلا أختي رزان

هالبنت شرّانية ومشاغبة بدرجة خيالية والله .. ما ترضى تتزين ولا تتصور إلا بكيفها ومزاجها ..
حاولت فيها يمين يسار بمساعدة الأهل وما قدرت أصورها إلا صور مفتحة عيونها ..!!

طبعاً ما نزلتها عشان ما أخرّب الموضوع أو أخالف أوامر المخرج

.. عشان كذا جيتك أستاذنك إذا أقدر أنزلها أو لا ..!

وبالتوفيق لجميع المبزرة .. بس تكفون يا جماعة لا تصورونهم إلا وأنتم متأكدين ان حفايظهم نظيفة لأني أشم ريحة بزر من هالبزران موب طيبة

والظاهر انه البرز حق فرصة ضايعة

ابو طـــــلال · #66 07/09/2008, 02:11 AM

^^^
موضوع مايشارك فيه هالأطخم ( سدّه وإستريح )

الله على روقانك .. يامعلم

راجع بنفس هالصفحة مع صور ...

رجعت بالصور :

بس بالأول خلونا بصورة إستهباليه .. إتفقت انا وطلال انه يسوي نفسه نايم والقط صورته .. عاد راح وقتي وانا اعلمه شلون يستهبل بالنوم .. وبالأخير طلعنا بهالصورة .. والباقيات كلها فاق خشته ويظحك يقاله الموقف اعجبه

^^^
حاط رجل على رجل .. تحس انه طالب راس معسل

صورة القعدة ( فروسي ) مربط بالكرسي وطفش .. ونام

وهذي صورة ثانيه لأبو الفوارس

ولاتنسون ذكر الله .. قولوا ماشاء الله على كل صورة تشوفونها

ورايح اشوف الصور .. وراجع مع تعليقاتكم ..

الهنوووف · #67 07/09/2008, 04:37 AM

8
8
8
ماطلعوا صور فروس وطلول

الله يرحمه ويجعله طير من طيور الجنه

ماشاء الله

ربي يحفظهااا ويخليها لعين ترجيها

ماشاء الله
باين عليه عسوول

الله يخليه لكم

تدنن

ماشاء الله
المواليد

يجننون بس اخاف اشيلهم

المكان يخووف >>>>>>ماتحب المستشفيات

ماسويتو خير بهالصغار

ياعمري شكله يكسر الخاطر
ربي يحفظه

لاعاد تسهرونهم وتودونهم الاسواق

\
/

المشاغب
تسوي دعايه قبل تنزل صورة
اخلص

حمستنا

بريماكس · #68 07/09/2008, 07:05 AM

ماجد

الله يغفرلهم ويرحمهم ويسكنهم الفردوس الاعلى من الجنان .. ويجعل عبدالقارد شفيع لاهله يااارب ..

ياليت ماقريت ولا شفت صورته

والله فيني من الهم والاوجاع مايكفيني ولا له داعي ازيد اوجاعي بشوفة وقراءه مثل هالسوالف

ماودي اغير جو الموضوع لذلك اقول الله يكفينا واياكم الشر يارب ويغفر للامووات يارب العالمين

نرجع لموضوعك يا بوطلال

ياخي بسبة موضوعك اجرمت باعيال اخوتي

قلت امصوركم امصوركم الله لايعوف بشر .. لو تصفى اني اجيبلكم حبوب روزيريم بتااعت النوم بس ابصوركم وانتم نايمين !!

بس للااااسف مخلصه في كل حته وصيدليه هالحبوب من حظ الورعااان

صراحتن كنت ابي انزل لكم صورة خااصه لمحبوبتي الصغيرونه ( فلووه ) بس سلك الكام اللي يوصل فيه للجهاز ماهو موجود وحست البيت كله وماحصلتهوووش

المهم يوم صار المغرب دورته وحصلته يمكن الجوع لاعب فيني الصبااح

المهم هذي صورة لاحد افراختي

فلوتي صغيرونتي دلوعتي

بس كل خوفي يكون احد اقاربه معنا هنا ويشوف صورته ونروح فيها امه يمكن ماتبي احد ينزله

نتفائل خير ونقول مافيه احد ان شاء الله

واللي يصير يصير ماعلينا

اهم شئ المشاااركه وحب الوطن

واذكروا الله ترى العين حق

.

اهذب تحيه لكم

جرح يشكي · #69 07/09/2008, 07:17 AM

يا لبى خشممممه

.. بسم الله ما شاء الله عليه

ايه ما شفتوا سلمان اخوي .. اذا راح السوق يقعد يبكي الين نطلع منه

وهذا بسم الله عليه طاقها نووومه

احسها شقيه هـ البنت

ما اقول الا الله يعينها وقول لها يا برهوم ان العم ولي والخال خلي

اجل انت تصير خال يالخال ههههههههههههههههههههههههههههههه

الله يخليها لكم ويحفظها ..

SANDRA · #70 07/09/2008, 07:39 AM

وقلبووووش على الصور ..

والله يا ابو طلال انك جبتها عالجرح بهالصور ..

وش أحلى من البزران وهم نايمين ..

بس تفرق بزران عن بزران ..

بعضهم يفطس ضحك

قسم بالله يدنون ماشاء الله .. تبارك الله .. الله يخليهم لعين ترجيهم ياربـ

والله اني حاولت بشتى الصور أني اجيب لكم صوره بزر نايم بس للأسفـ كل اللي عندي .. طاقين الطعش تبونهم

بس حمدالله ان جهدي ماراح سدى ..

لقيت لكم صوووووووووووووووره متعووب عليهـا

قولوا ماشاء الله أول ..

مع أنه على جنب .. بسم الله عليه ترى مايحب الشهره

عاد تراها كبيررررررررره شوووي

اللي تضايقه وتسوي عنده زحمه .. يصغرها الله لا يهينه

انا ما اعرف هالحركات

بعد عندي صوره ثانيييه

.. لوحده مب نايمه يعني كنه نايمه تستهبل شوي ..

ينفع ولا ماينفع

؟؟؟؟؟

بربـ اراجع نفسي انزلها ولا ما انزلها ..

SANDRA · #71 07/09/2008, 08:10 AM

يالبى قلبه .. يقوووطر براءة .. احسه مبسووط ومنهمك بالنوووم

ماشاء الله .. تبارك الله .. الله يحفظه ويخليه لأهلـه ياربـ

يالبى الهلاااالييين كلهم ياربـ ..

.. يفدااك الهلال وابو الهلال ..

بس عليك وضعيااات وانت نايم

تجنن .. بسم الله عليك

كل اللي حاااطين صورهم يهبلووون ماشاء الله ..

الله يحفظهم لكم

بس خقيت على هالأثنييين ..

الغدير الازرق · #72 07/09/2008, 08:20 AM

ابوطلال يالزلابة صور عيالك ماطلعن

تلعب علينا واااضح إن رووس عيالك كبار تقل كور بولنج

عشان كذا احتاست الصور وماطلعت

بسرعه صلحهن خلنا نتمقل بالسمي

بسم الله ماشاء الله عليه

ياحليله يالبا جبهته

باين إن الأخلاق قافله عنده

عسى الله يحفظه ويخليه لعين ترجيه ,,

يالبا قليبها بسم الله ماشاء الله عليها

بس يابريموو مو تسنها ولد

الله يخليها لكم ويحفظها من كل شر

الـمـشـاغـب · #73 07/09/2008, 03:03 PM

أبوطلال .. بما أنك ما رديت علي بالقبول أو الرفض .. فسأعتبر أن السكوت علامة الرضا

الهنوووف .. لا دعاية ولا هم يحزنون .. لكن المسلمين على شروطهم .. وأبوطلال قال نايمين يعني نايمين

ترى 80% من الصور ما تطلع لي مدري ليه؟ يمكن من الجهاز أو الاتصال

بأشوف حل وأتفرج على مماليحكم

هالحين بأنزل لكم صورة أختي الصغيرة ( رزان )

بلا ( آلاء ) بلا ( سالم ) بلا هم

طبعاً الصورة هذي قعدت ساعتين حتى ضبطت

أقول لها يا رزان خلك كيوت يا بنت الحلال .. وتعاند

مدري وشلون دفيتها وطاحت على الدبدوب وهووووبـآآآ ألقط الصورة قبل ما هي تقوم

الصورة جت كذا لأني لقطتها بسرعة .. لا تغركم براءة خشتها .. وربي هالبنت شرانية

الصورة الثانية : بما أنك قلت تبيهم نايمين حاولت في رزونة انها تسوي نفسها نايمة قسم بالله عيت بقووة

كل ما سدحتها تصيح وتقوم

بالأخير قلت أوك نامي وأنتي واقفة

يا حليلها مثل أخوها حبّوبة هالبنت

dal3_uae · #74 07/09/2008, 03:16 PM

إقتباس

الرسالة الأصلية كتبت بواسطة ماجد مقبل


	صورة ابن خالي اسمه عبد القادر ... مدري وش اقول لكم عن ها الصورة !؟ سبحان الله على كثرة البزارين ما لقيت الا صورة عبد القادر !!! عبد القادر هذا توفي قبل شهرين في حادث هو وامه وابن خالتي محمد الله يرحمهم جميع ... اعتذر ان كان ماهو من المفترض ان انزل صورته وبصراحة انا كنت متردد بس في الاخير قلت انزلها ... وهذي هي حال الدنيا ... دمتم بخير ,,,

الله يرحمهم ويغفر لهم ... ويدخلهم فسيح جناته ...

أدميت القلب يا ماجد ...

وأنا بعد اقول ياليتني ما دخلت وما شفت ...
الله يحفظ بنتي ... ويخليها لي

::
..جعل يومي قبل يومها ..

راشــد · #75 07/09/2008, 03:21 PM

إقتباس

الرسالة الأصلية كتبت بواسطة ماجد مقبل


	صورة ابن خالي اسمه عبد القادر ... مدري وش اقول لكم عن ها الصورة !؟ سبحان الله على كثرة البزارين ما لقيت الا صورة عبد القادر !!! عبد القادر هذا توفي قبل شهرين في حادث هو وامه وابن خالتي محمد الله يرحمهم جميع ... اعتذر ان كان ماهو من المفترض ان انزل صورته وبصراحة انا كنت متردد بس في الاخير قلت انزلها ... وهذي هي حال الدنيا ... دمتم بخير ,,,

الله يرحمهم جميعا ويجبر عزاء أهلهم ,,
ياالله صورة تقطع نياط القلب ,, أعانكم الله على مصابكم