:: المسابقة الرمضانية " الثعبان والسلم " :: - صفحة رقم 5 - نادي الهلال السعودي - شبكة الزعيم

الهنوووف · #61 05/09/2008, 06:46 AM

إقتباس


	إلا يا هنو عندي سؤال الحين المباراة تصير بين فريقين من المجلس فريق عيال وفريق بنات ..؟! << ماخافت بعد هالذبهـ وإلا فريق من المجلس وفريق من العالميهـ ..؟!

تصير بين اربعه فرق من المجلس
يتاهل واحد
واليوم الثاني نفس الشي بين اربعه من المجلس
يتاهل 1
والثالث كذلك

بالنهايه يتاهل ثلاثه مجلساوين و3 عالميين
بعدين فريق من المجلس مع فريق من العالميه

يعني المرحله الاولى تصفيه من قلب

12 يتاهل بس 3

وشباب المجلس وبناتهم واحد

كلكم تمثلونا

وابوقلق وابوناصر فيهم الخير والبركه

بس انتٍ خلتس بفريقتس اصرف

..بقــ حرف ـايا.. · #62 05/09/2008, 07:04 AM

إقتباس

الرسالة الأصلية كتبت بواسطة BLUE-STAR


	انتي تشوفين يالبقه اننا ماغير يجينا ذبات ...وشو قصر قصرورتس يابنت هكتور نغره ياليتهن هن اللي بنقابلهن تسان نفوز وحنا نطق اصبع بعدين انتي خلي عنتس القدر ترا حامت تسبدي من المطابخ بس ان المهم والعهده على الراوي..ان ريري وليز مابهن عــز جدارهن قصير على طول تتقمزونهن .. اما بق بق وبلووو سنقف جنب الطوفان وامامه وخلفه وترا من خاف سلم /// /// يعطيكم العافيه ..ورده

انتي تشوفين اللي انا اشوف

ولا ماتشوفين

كان الدعوه جت على العنز وخويته فإن الفوز بالمخباة ازهليه بس

الريري نخلية على نومته

وخلي ليز تحوس لحالة تقل ضب مغرق بجحره

وش طوفان ما طوفان لا تهايطين واجد عشان ماناكله بالحيل

بس شكلنا بنشوت من الاسم حق الفريق

هلا هلا فحز فحز

>> فارتسي لا توقفين بس وتبلش هالضعيفه بالمسابقة

مَاهِينُورْ · #63 05/09/2008, 09:15 AM

/,

ودي أشارك لو مرة بمسابقة هنا

ليش دايم حضي ردي

ليش ماتصير المسابقات إلا بوقت أكون فيه مشغولة

ليش ماتصير في مسابقات بوقت الدراسة

ليش

.. >> خلاص من الصبح ليش

}}

..

مسابقة شكله حليوه

ولو اني ماقريته

الله يعطيك العافية مشرفنا القاضي و مساعديه الكرام ورده

..
كأني فهمت إن بالمسابقة عازمين العالمية

يعني دايم حنا نعزمهم على مسابقتنا طيب هم ليش مايعزموننا ولو على موضوع لـ الشتشته

>> و أنتي وش دخلتس

أمزح معكم ياحقين العالمية حياكم الله المجلس مجلسكم ومتى مابغيتوا تجون حياكم الله ورده
بس تفوزون بالمسابقة لأ

..

بالتوفيق لمجلسنا الحبيب

وتذكروا يا ممثلين وممثلات مجلسنا إني معكم قلبا وقالبا

حتى لو أنا ماني موجودة

وتذكروا أيضاً إني العام كنت أقود رابطة جمهوركم وتذكروا عندما قلت عنكم
لا عالمية ولا جمهور ,. والمجلساوية تقود رابطتهم نور

والآن أقول

لا عالمية ولا جمهور ’, المجلس بيفوز لو مافيه نور
>> لا والله بيفوزون دام إني ماني فيه

هههههههههههههههـ الصيام مأثر علي والله

..
مادري مين الأفرقة

اللي مشاركين من المجلس

لكن مو بلازم أهم شي يكون الفوز حليفكم

..

في أمان الله ورده
..

صدى الامس · #64 05/09/2008, 11:26 AM

إقتباس


	- أن يكون أعضاء الفريق من جنس واحد " الاختلاط مرفوض "

منول بشارك بس يوم شفت هالشرط وانا اهون

!!

حتى لو كانت سكرتيرتي الشخصية ؟؟!

طيب واللي يبي يصير لحاله يصلح ؟؟ دامكم ماتبون الا عصير كبس ماتبون خلاط ؟؟

ماش مستواي اكبر من الاعضاء مع احترامي وتقديري لهم ( صورة قلب + بوكية ورد + سمبوسة ) ..!

<< ترفق بس

ما اقول الا الله يوفقكم ..

واضح ان الهنوووف هي اللي تبي تمسك المسابقة ماتشوفونها مسنترة بالموضوع

هلاليه سعودية · #65 05/09/2008, 12:55 PM

:
مسابقـــة شــــكله حــلوه
الله يوفقك الجـــــــميع
:

الـمـشـاغـب · #66 05/09/2008, 01:06 PM

إقتباس


	واضح ان الهنوووف هي اللي تبي تمسك المسابقة ماتشوفونها مسنترة بالموضوع

أهلين يا عميدنا .. وربي حكم حكم تنزل من بؤك

بالنسبة للهنوف والله انك صادق .. أنا من شفتها تحط من هالكور الحمراء

وأنا دريت إن هذي موب خويتنا الأولانية

والله وكبرتي يالهنوف وصرتي تحطين من هالكور الحمر

الجرح الخالد !! · #67 05/09/2008, 01:18 PM

بلد الوليد لا عادي ياعزيزي ماحصلش حاجة

الحين مادري شي يقرقع في مخيلتي

الكور الحمراء ذي وش معناهـ

ثاني شي دام مافي اختلاط انا من هنا اطالب بالتفريق بيننا يعني الهنوف تمسك البنات ونادوا لنا مستشار يمسكنا

>> ياشين التميلح

المنتدى الاستشاري · #68 05/09/2008, 01:49 PM

.

الأحبة هنا جميعاً أسعد الله أوقاتكم بكل خير .

نفيدكم , أن الوقت المحدد للتسجيل أنتهى , و أيَّ ملاحظات أو إستفسارات
حول المسابقة يرجى منكم مراسلة معرِّف المسابقة .

تقّبلَ الله صيامكم وقيامكم في هذا الشهر الفضيل .

لكم كل الشكر والتقدير من مشرفيي و استشاريي
المجلس العام على تفاعلكم , و مشاركتكم في هذه المسابقة .

الجرح الخالد !! · #69 05/09/2008, 02:08 PM

الله يرحم والديكم ترا توهـ خوي يرد والحين يرسلها لكم تكفى

نرجوا منكم سرعة التسجيل قبل الـ 72 ساعة القادمة

انتم كاتبين كذا وامس منزلين المسابقة وشلون مرة 72 ساعة ؟؟

بس خمس دقايق وقت اضافي

انتظر موافقة التمديد بليز متحمس ترا