لا ومن زين الوجه شوفوا عنوان القصة ..

إقتباس الرسالة الأصلية كتبت بواسطة همـــ بروحي ـــي وشو.. تحسبوني امزح ..؟ ترى من جد اصلن م اكذب ي الهي .. ل تناظروني كذا انني في حياتي لم اخق ابدن ابدن بمثل ذيك الخقه .. اصلن يوم شفتها مدري شصار لي جتني قرعشيشه .. وحاجات كذا المووهيم مالكم بالطويلة اصلن وش الي خلاني اناظر فيها ؟ موب امي قالت جب خبز وتعال ..!! يقطع ابو اللقافة شتسوي بالواحد .. وبعدين هي الي حاطها صورتها الي م تستحي .. ثم انني رحت واخذت خبز وعطيته الفلوس وخليت الخبز وجيت ... ويوم جيت ابي ارجع اجيب الخبز اذن العصر صحيح اني تكفخت جدن جدن من امي.. بس ي ليت كل يوم اتكفخ واشوف زي كذا... لقد انني رقدت كويس ذيك الليلة... اليوم الي بعده رحت لامي واعترفت لها بكل شي وعلمتها كل شي الحمدلله التلفيات كانت بسيطه لاني اعترفت بدري شوي .. بس قلت لها شووفي ي ام الشباب موب على كيفك ي تزوجيني هذي الي بالصورة ول ترى م فيه قسم بالله م تشوفين عيالي... عاد المسيكينة مالها الا انها توافق طيب ي ولدي بعدين ليش عندهم بنات .. غير عندنا اكيد فيه بالسعودية .. عاد أنا مالي شغل جيبي لي زيها احتريت واحتريت واحتريت وكل يوم اقول ي رب لقت ي رب لقت صدق طولت شوي جتني خااااااااااااااااااالد وانا الي انط واقفن .. هاااااااع .. شسمها قالت منووور << بتشديد الواو قلت اييش اخص والله السعوديين صاروا يجيبون اسماء حلوه احسن من منيره وطقتها قالت ي درج هي اسمها منيره بس يدلعونها منووور عشنا وشفنا طيب وين صورتها ؟؟؟ وفعلن انصدمتو صدمتن اليييمتن مره مره يوم شفت البنت نعن بو بليسكم تروحون وترجعون على البثره هذي م فيه غيرها !!! كل شوي منيره بنت جارنا منيره بنت جارنا وش شايفين فيها ؟؟ يعني موب مكفيكم النظارات الي لابستهم من اول مرة شفتها وانا رايح المدرسة باولى ابتدائي ... ونفس العلك ملتصقه على طرف النظاره ولى الحين م شالتها؟؟ صار عمرها 20 ونفس النظاره عليها ,,, احس حاولوا يشيلونها م قدرو اخيرا خلوها ومن زين الخشة مسويه نيو لوك طالعه بجزمة ابوها للكلية ... يقالها نيو لوك ل تفوتكم الابتسامة بس شي 2 صراحتن سبحان الي خلق وفرق اشوريا الا ربع نفس الوجه والجمال والعيون قررت بعدها م اتزوج بتاتن البته .. خلاص انسدت نفسي وش الي تزوجوني منيره الكمخة ذي.. قسم بالله ان العزوبية أرحم

صدق ان السلك التعليمي عندنا يبي له شغل << م يقصد احد

/
\
/
\

السنة الي فاتت .. في الصيف .. دق علي واحد من الشباب .. قال ليش م تستفيد من وقتك .. بدل الـ تسدح والتبطح قدام التلفزيون والنتوالدوري الياباني..

قلت ي أخي وش تبيني اسوي يعني وش احسن من النوم .. قال رح المستشفى احضر عمليات جراحية مع الجراحين عشان تتعود عالجو ..
أنا : هاه .. من جدك انت .. بس م بعد اخذنا مادة الجراحة ...
قال إيه عادي يسمحون لك تحضر ..

الموهيم اني قعدت يومين افكر اروح ول لا ... في النهاية قررت اني اروح ..
وانا الي ادرعم للمستشفى الي فيه كليتنا .. واكلم احد الجراحين .. قلت انا بحضر عملية وكذا وودي اتعلم .. قال الدكتور ايه م شاء الله اذا تفكيرك كذا فـ انت طالب كويس << مغشوش فيني ..
يالله فيه عملية بعد ربع ساعة ..

طبعا العملية كانت (( عملية تجميلية)) .. طبعاً م قد دخلت عملية من قبل أبد ..

الموهيم يوم جيت أبي اخش .. وتمسكني الممرضة على وين !.؟ .. قلت فيه عملية مع الدكتور فلان .. قالت اولاً رح بدل ملابسك والبس ملابس غرفة العمليات .. رحنا وبدلنا ..
وخشيت الجناح حق العمليات .. طبعاً غرف كثيرة .. أنت تعرف غرفة الدكتور عن طريق اسمه ..

الموهيم اني م خليت غرفة الا خشيتها بالغلط .. لاني من زود الدلاخة م اخذت إسم الدكتور

اخيرا لقيتها .. خشيت الغرفة ..

طبعاً م اقدر اوصف لكم الجو .. لأني كنت انواع الربشة والخوفمع اصوات الاجهزة .. وواقف في الزاوية البعيدة م شفت شيء ..
شوي ناداني الدكتور قال تعال .. وانا الي اجي ..

طبعا العملية كانت لـ طفلة عمرها 7 سنوات .. كان عندها زوائد لحمية في الأذنين .. يعني كانت الأذن طويلة مرة لأسفل ..

الموهيم قال الدكتور هذي ايش .. قلت انا م بدهاش بسيطة .. : هذي أذن ي دكتور .. قال ل ي شيخ .. متأكد انها ميب ركبة .. تبي تتبقس شكلك ..
طلع الأخ يبي يسأل عن هذا الشيء الي في الاذن .. يعني وش المصطلح حقه ..
طبعاً إلى وقت السؤال وانا م بعد ناظرت مكان العملية ..
وأحاول استرجع المعلومة عيت تجي .. قلت خلني أشوف الدكتور وهو يشتغل يمكن تجي الكلمة .. وليتني م ناظرت
الموهيم أول م ناظرت ... حسيت كن الدكتور طلع فوق.. والي جنبي بدوا يبعدون .. قسم اختلط كل شيء ..

فجأتن

طرااااخ << ل ولا شيء .. بس أغمى علي ..

وم صحيت الا في غرفة الإنتظار حقت الرجال..
وأنا الي أعطيهم ملابسهم وأحط رجلي.. قسم م وقفت إلا عند أمي والدوري الياباني .. قال إيش قال جراحة

..

الحمدلله بعدين سألت عن الطفلة وطلعت العملية ناجحة وكل شيء .. انا قلت الحين الدكتور بيفقدني وبيخبص في العملية .. واثره م ارتاح الا يوم حطني في الانتظار
بس الحمدلله ..الحين تعودت مع الوقت
/
\
/
\

وين رايحين
..

خلاص خلصت القصص

..

أتمنى تكون أعجبتكم .. ووسعتوا صدوركم شوي .. وغيرت من رتابة المواضيع في المجلس
..

طبعاً ل يفوتني أن أهنئكم بــ قدوم أفضل الشهور .. شهر رمضان الكريم .. وأسأل الله العظيم أن يكون شهر نصر وخير وتمكين لأمتنا الاسلامية
وأن يبلغنا صيامه وقيامه ونحن في أحسن حال وأتم صحة
..

طبعا م أنسى أشكر أختي الي ساعدتني في تصميم الفواصل والأشياء الفوتوشوبية .. الاشياء الي م عندي سالفة فيها .. الله يعطيها العافية

تحياتي ..

:: أخوكم خالد::

وعليكم السلام ورحمة الله وبركاته

ماشاء الله يعني تتمتع بخفة الدم وتونا نكتشف

أجل تبي تصير ربة منزل

والله ياكنت بريء براءة الذيب من دم يوسف << لاحد يدقق

إقتباس فجأتن طرااااخ << ل ولا شيء .. بس أغمى علي .. وم صحيت الا في غرفة الإنتظار حقت الرجال..

الحين هالأشياء صدق تصير

يعني الواحد لامن شاف عملية يغمى علية

على بالي هالشي بس بالمسلسلات

DR.KHALID ورده

موضوع جميل و مواقف أجمل ذكرتنا بالطفولة

الله يعطيك العافية

أطيب التحيا وأصدقها

أذكر وانا بزر كنت أحب كاترين زيتا جونز البريطانية الي مثلت في زورو .. الي جتهم فترة وقالوا انها سعودية


ههههه وقالو انها عنزيه صدق شعبنا فاضي خخخخخخ<<<<<ماركز الا على هالنقطه




الله يسعدك يالسمي ويوسع صدرك على موضوع هيك
لي عوده بعد ماانوم

ياحبي للطفولة ياخي وناسة اختلاط عيال وبنات ههههههه << وش تحس به

بس أطلق اطلق شيء يومنك تبي تصير ربة منزل ذكرتني يوم انني بزر << يقاله الحين كبير ههههه
كان فيه أحزاب سياسية البنات شله والعيال شله وهاتك طقاق وحروب طاحنة كنا نفوز دايم إلا إذا جت وحدة "قشرا" تخلينا ننحاش ههههههه
وأحسن شيء هواية " الترطيش" ياهي وناسة بس الله إذا خلصنا كل واحد ينحاش لأن البيت صار " يرطش " هههههه ما تكفينا الحديقة بعد ما نخرب الزرع اللي فيها خخخخخخخخ

بس والله الأطفال كانوا يحبون وقلوبهم خضر بس حب صافي ونقي وبعد شوي يتزاعلون وينقلب الحب إلى كره وتطلق لهم قرون وذيل راسه سهم وهاتك طقاق هههههههههه

أحسن شيء في الطفولة حلاو المصاص عاد العيال يكسر الحلاوة وياكلها على طول والبنيات تجلس تلحس بالحلاوة لين بكرة بس بيني وبينك أطلق شيء لما تكون الحلاوة مشتركة لحسة لك ولحسة لها خخخخخخخخخخخخخخخخخخ

يالبى قلبك على فرفشتك والله انك تونس

تحياتي .........

لله في خلقه شؤون ..
أول مرة أشوف دكتور خفيف دم ..
الله يتمم عليك ..

//

مـوضوعك جميل جداً .. ومواقف رائعة .. ومبين عليك ظريف من يوم انك بزير ..
الله يحفظك ويوسع صدرك ..

\\

ورده

يوووووووووهـ اثاريك صدق دختور وانا احسبه كووشخه بس
اثاااريك مشااعرك رقيقه

ههههههههههههههههههههههههههههههههههههههههههاااي
بتصير ربة منزل تووحفه
انا اذكر يووم انا بالروضه كاان عندنا بنت اسمها وعد وانا اعااجبني اسمها
قعدت اسبووع كاامل وانا اصيييح على امي تغير اسمي لوعد بس رفضت

الله يوسع صدرك بالعافيه على هالموزوع الزريف واللتيف

رووووووووووووووعة

ما وقفت ضحك من البداية وحتى النهاية

أكثر شي عجبني

ربة منزل

حسيت من جد بريء

يعطيك كل العافية

ننتظر قادمك الأجمل
بالحب والإشراق

هلا والله دكتور :ربت منزل >>>>>>>>> برا

اما ربت منزل هذي شي ثاني وبعدين نوير ذي ليش ما حطيت عند باب بيتهم كرتون مويه لها

البيطري خالد..

قريت الموضوع ..بس مستعجل ..
وانا اذا ما رديت بالصفحه الاولى يقل حماسي بالرد ..
فلذا لي عوده يالخواطرجي..

ـــــــــــــــــــــــــــــــــــــــــــــــــــــــــــــــ

انا جيت..

اخيراً شفت لك موضوع غير الخواطر يالمليح ..

إقتباس (( عنـُدمـآ.آإرى.عينـآهـآ.آخـق.خقتـن.مآهـُيب.صآحيـُه ))

هههههههههههههههههههههههههههههههههههههههههههههههههههههههه

تصدق..اوقات ادخل ملفي الشخصي واجلس اضحك على مواضيعي القديمه..يا فيها دلاخه..وسماجه لا يعلم بها الا الله..
انا ابي اعرف كيف الاشراف استحملني ولا جلدني بباند محترم؟؟..

إقتباس طرااااخ << ل ولا شيء .. بس أغمى علي ..

يا شيخ لو يعرضون علي شهادة دكتوراه بالطب من دون ما ادرس ما قبلتها..
يا شيخ اقسم بالله ما ادري كيف الدكاتره يعيشون؟؟ان جلست مع اخوي مرافق لمدة يومين ..كرهت ام الحياه وكرهت عيشتي ..


الله يشفي مرضانا ومرضى المسلمين..



د.خالد..

مبارك عليك الشهر..
الله يعطيك العافيه ..وبالتوفيق ..






سلاااااااااااااااااااااااااااااام

هلا دكتور خالد ورده

إقتباس يوم افكر احس فاتورة الموية حقت بيتهم المفروض انا الي اسددها بعد إسبوع استحيت على وجهي شوي وصرت ثقل وصرت أشرب بس نصف المطارة <<هذا وانت ثقل

لاصراحه مالك حق المفروض شربتها كلها
اجل كل يوم قاط معها في المويه غربيه هي ماعترضت شكلك مستقوي على هالضعيفه

إقتباس طرااااخ << ل ولا شيء .. بس أغمى علي .. وم صحيت الا في غرفة الإنتظار حقت الرجال..

اقتبس كلام هلاليه انا من جد احسبها حركات مسلسلات


دكتور خالد

يعطيك العافيه على هالتنوع الحلو ورده

وكل عام وانت بخير ورده