انظمــه = مع السلامــه - نادي الهلال السعودي - شبكة الزعيم

هلاليه سنعه · #1 27/08/2008, 04:25 PM

بسم الله الرحمن الرحيم

صباحكمـ \ مسائكمـ ورد ورده
كل عام وانتم بخير ورمضان مبارك الله يعيينا واياكم على الصيام والقيام وسائر الأعمال

لكل مجتمع قوانين وانظمه وضعت لتسيير امورها ولجعلها تسير باعتدال ونظام
وهذه الانظمه والقوانين منها ماهو مرغوب ومنها ماهو مرفوض
النظام وضع للمصلحه وحتى لايكون هناك اعتداء على حق الاخرين او التطاول عليهم
وضع ليكفل لهم حقهم ..

نجد بالخارج الانظمه والقوانين الكل يحترمها سواء مواطن في البلد او مغترب
ومن يعتدي عليها يعاقب ولا فرار من العقاب ..
في المقابل نجد هناك في مجتمعنا من يتبعها ويحترمها وفي المقابل هناك اشخاص يحاولون تجاوزها ولا يعترفون بها ..
وفي بعض الامور الله بالخير تمشي بالبركه ..
لو اخذنا ابسط مثال .. اشارة المرور وضعت لتنظيم خط السير في الطرق ..
لكن نرى العجب العجاب ..!!

الاشاره الحمراء = اقضب ارضك
الاشاره الصفراء = توّلم (استعد )
الاشاره الخضراء = دربك خضر

هذا الشئ المتعارف عليه لكن الان صارت كل الألوان معناها امش ولاتفكر ولاتناظر

الطريق طريقك
وانت لك كل الاحقيه فيه ..

والشئ الثاني اذا كانت الاشاره حمراء فيه فئه ماترضى بالاخير مايبون يضيع وقتهم بالانتظار ولو خمس دقايق
وعملوا بالمثل من له حيله فليحتال ..

اللي متأخر يجي على السيد الايمن اللي هو مخصص للسيارات اللي بتلف يمين يجي اخينا في الله ويسقط عليهم
ويوقف قدام السيارات والثاني بعده الين يوصلون للمنتصف لوسط التقاطع ..
او يسدون الطريق للي يبي يلف يمين .. !!

لم يعطوا الطريق حقه وايضا لم يحترموا الانظمه والقوانين وايضا لم يحترموا الاشخاص الذين امامهم ..

هالمواقف تمر على الكثير ..
اشوفها وتمر علي لما اكون طالعه مع الاهل مشاوير ويرتفع ضغطي

..
ودك تخليهم يسوقون سياكل وبركه

..
وقد صار لي موقف كنا واقفين عند الاشاره بأمان الله في المقدمه الاشاره خضراء .. الطريق لنا
فجأه وبكل استهتار شخص مخالف صدمنا .. ولكن الحمدلله مرت على خير والسياره تأثرت ..

الابن يتربى وهو يرى هذي المفارقه بين كلام ابيه وبين افعاله ..

ياولدي لاتقطع الاشاره

.. البس حزام الامان .. لاتكلم وانت تسوق .. لاتدخن ..الخ
والابن لامفر عنده ابوه قدوه وراح يطبق اللي يشوفه امامه ..

ياولدي وش تبي نوع سيارتك .. وش موديلها .. وش لونها ..
مبروك ياولدي هذي السياره اللي طلبتهاالله يعطيك خيرها ويكفيك شرها ..

طيب هل وضح لأبنه فنون القياده .. احترام الطريق .. الالتزام بالانظمه .. اشارات المرور بأنواعها وغيرها..

والحمدلله اننا مانسوق

وهذي بحد ذاتها نعمه ..
والله يعين الرجال اللي يتعرضون لهذي الظواهر والمواقف كل يوم

..
من جد تصرفات لاتليق بشعبنا..
يعني كل هذا عشان الزحمه .. !!
او مافيه صبر ..!!

الحمدلله اطلع قبل المشوار بوقت عشان يمديك تاصل لمشوارك براحه من غير ضغوط واخطار ..

يكفي الضحايا البريئه اللي راحوا بسبب طيش واستهتار وايضا الدنيا مهيب طايره بتاصل للمكان اللي تبيه
اذا ربي كتب ..
وفيه بعض الشركات وضعت بعض الحلول لمن لايلتزم بالقوانين
اقتبستها لكم ..

إقتباس


	كشفت شركة تويوتا اليابانية لصناعة السيارات عن نظام يسمح بالحد من حوادث المرور على الطرقات، حيث يجبر السيارات على التوقف عند الإشارات الحمراء ويفرض عليها احترام عامة التوقف. ويتضمن النظام مرسلات إشارات على درجة عالية من الدقة توجّه السيارة بشأن وجود علامات حمراء، وكذلك نظام تحذير مرئي ومسموع يتم إرساله إلى داخل السيارة بطريقة واضحة جدا. وفي حال رفض السائق الامتثال فإنّ السيارة تتوقف تلقائيا. وتماما مثل غريمتها نيسان، ابتكرت تويوتا نظام تخاطب بين السيارات وكذلك بين السيارة والمترجل. وقالت الشركة اليابانية الصانعة للسيارات، إن التقنية الجديدة تتألف من حساسيات رادارية ونظاماً حاسوبياً لتقييم سرعة السيارة والمسافة بينها وبين السيارة التي أمامها. وتكمن فكرة التقنية بأن تتمكن السيارة بنفسها من تقدير الخطر المحتمل، بحيث يعمل السائق والسيارة بتناغم معاً.

بغض النظر عن مدى تطبيق هالحل في السيارات ..
اتمنى من كل قلبي ان الانسان يضع رقيب على نفسه مو خوف من مرور ولا كاميرا عشان المخالفه
كل هالانظمه النفع راح يعود عليه ..
هذا غيض من فيض من بعض الانظمه اللي تقابل بلامبالاة وعدم احترام الغير ..
نجي للاسئله ولكم الحريه بالاجابه ..

1- مارايك بالأنظمه .. ومامدى تطبيقك لها ..؟؟
2- امثله على بعض الأنظمه عامة وليست المروريه فقط وعدم تجاوب البعض معها .. ؟؟
موقف مر بك بسبب عدم تطبيقك لهذي الانظمه ..؟؟

اعذروني على رداءة الأسلوب بس حبيت القي الضوء على هالموضوع الخطير ..
اتمنى ارى تفاعلكم وطرح وجهات نظركم ..
لكم مني جزيل الشكر والتقدير ..

دمتم بخير ..‘‘

وليد القحطاني · #2 27/08/2008, 04:30 PM

أهلاً اختي هلالية سنعة

موضوع مهم وخاصة احنا في اجازة وزحمة سيارات

الكثير من يقود السيارة لا يحمل رخصة << ترى مو انا

الكثير لا يربط حزام الامان وهو اهم شئ تسويه قبل ما تسوق السيارة

لكن السواقة الحقيقية تعالوا هنا خميس مشيط

تبغون تحرمون ماتسوقون مرة ثانية تعالوا فروا عندنا هنا

هنا البوري عندهم عبادة وتقول انهم صنعوا البوري

توقف عند الاشارة لازم البوري , روتين متعودين عليه

صار لي موقف قبل اسبوعين والحمد لله نجيت منه بعجوبة :-

في يوم من الأيام اتفقت انا وولد خالتي نتسابق قال طيب .

مشينا على خط مزدوج وتسابقنا ,

وصلنا لشارع رايح وجاي المشكلة اللي يدخل الشارع اول واحد

بيصير اول واحد لانه المسار مسار واحد وصغير .

انا قلت بجي من المسار الثاني عشان اسبقه وانا عاكس السير

المهم في لفة قدام ماتشوف من اللي جاي

وانا جاي عند اللفة كرسيدا قدامي وجه لوجه انا فكيت كل شئ من يدي

وماعرفت وش اسوي .

الكرسيدا لفت من جنبي بعجوبة وتنطل يمين يسار من قوة اللفة وتضرب في عمود

انا هربت ومشيت

المشكلة الكبرى ا كانت في سيارة شرطة امام الحادثة ولا سوت شئ

هنيئاً ياشرطتنا

...

شكراً هلالية سنعة ورده

كان هنا · #3 27/08/2008, 04:45 PM

باختصـار شديد ..
من أمِن العُقُـوبة .. أسـاء الأدب .

h_s y t_2008 · #4 27/08/2008, 04:50 PM

أهلا أختي"هلالية سنعة"

موضوعك فيه جانب من الخداع الفكري
بمعنى

أني أقدر أتكلم عن أكثر من موضوع في موضوعك وهذا شئ يحسب لإسلوبك

أولا مسألة الإنظباط عند شعبنا خصوصاً معدومة تقريبا وهذا الشئ نشوفه في

المستشفيات الدوائر الحكومية حتى المخابز ماسلمت من قلة إنظباطنا وإستهتارنا

والسبب من وجهة نظري ليس جهل عندنا علم وثقافة لكن المشكلة في تطبيق الثقافة

على أرض الواقع الأمر الذي يجعلنا في حرج كبير أمام أبنائنا كما ذكرتي

ولو تعمقت أكثر في مسألة المرور كان وجدتِ فضائح بس خليها بيننا أحسن

وأنا مايفقع مراراتي ويخرب مزاجي إلا أني أشوف بنقالي ماسك له سيارة اللحين

في ديرته يسوق حمار- تكرمون- ويجي عندنا يسوق باص

قسم بالله خنقتني العبرة

طبعا أنا لا أعفي الشعب لأنهم حتى هم مقلعين من ناحية السواقة

يجيك واحد عمره ألف ومية واحد وخمسين

يسوق قسم بالله ودي أستحدث نظام اللي عمره فوق ال55

رخصته كل6شهووور تحدث ويسوي اختبارات

الكلام بالموضوع ذا طويل وسيأخذ في كل سبيل

وحبيت أشارك بموضوع مهم

"هلالية سنعة"أبدعتي أيما إبداع

تحياتي.....ورده
H_S Y T_208

بـنـ**الزعيم**ــت · #5 27/08/2008, 06:24 PM

لي عوده
____________
عوده بعد قراءه الموضوع

هلاااابك هلااليه
وموضوع مهم جداا ووفقتي باأختياره ورده
بالنسبه للانظمه الله يخلف ماعندك احد يطبق

تشوفين الواااحد يطلع عرض ولا يقطع الاشاره وكأن الشارع شارع ابوه الله يستر
اكثر هالحواادث من كذا ولا يجي لك واااحد معطي ولده سياره يالله يبين راسه من عند الدركسون

ولا يعرف للأنظمه ولا معه رخصه بس يبي يفتك منه

ولا السرعه يوووهـ حدث ولا حرج
ذااك اليوم واقفين عند الاشاره مع اخوي والله يجيك وااحد طااير خلااص انا عمضت عيوووني قلت رحنا فيها بيقشنا معه

ويمسك فرااامل اللي بطوكيو سمعووه

واشوى قدر يوقف قبل مايوصلنا ربي ستر

الف شكر لك على الموضوع المهم
اللهم بلغنا رمضاان واجعلنا من صواامه وقواامه

S K Y · #6 27/08/2008, 06:32 PM

عدم الوعي والتوعيه بعواقب أهمال أنظمه المرور هي سبب من أسباب كثيره تجعل الشخص لا يبالي ولا يحترم الأنظمه والسبب الآخر والأهم هو سماح أولياء الأمور بقياده أبنائهم المراهقين من لم يكتمل نضج عقله ولعل أكثر الحوادث ضحاياها المراهقين .. يجب أن يكون هناك رادع قوي وعدم التهاون لأن هذه المخالفات تقتل أرواح بريئه

هلاليه سنعه ..
لعل مثل هذه المواضيع تهتم بشئون الرجال أكثر وهم أكثر من يتضرر منها وحديثك عنها كفتاة ماهو إلا دليل على حرصكِ وأهتمامكِ الكبير وهذا محل تقدير تستحقين عليه كل محبه وإحترام
طرحكِ جميل وأسلوبكِ أجمل كل الشكر لكِ على ما قدمتيه لنا من نصائح وتقبلي مداخلتي البسيطه

dal3_uae · #7 27/08/2008, 06:40 PM

الشباب هالايام واااااااايد مستهترين ...

بس الحلوووو في قانونا اليديد ... اللي حطووووووه ...

والله نقعت من الضحك عليه ...

انه اللي يعدي الاشارة وهي حمره ... يخم الشارع

والله انهم سووها عندنا ونفع ...

سوو قوانين وسوو كل شي .. شافو انه ما في فايده الا هالشي ...

والله من سووه الحوادث قلت ... وناس يخافون انهم يقطعون الاشارة وهي حمره ... مب عشان شي .. بس عشان ما يتفشلون يدام الناس ...

والله ولد عمي الصغير اللي في المدرسة يقول يابو عندهم شباب في الطابور الصبح وخلوهم ينظفون ساحة المدرسة ... الشرطة يايبتنهم عشان يكونو عظة وعبرة للغير ... وسجن يوم واحد ... وينظفون في احسن شارع في الامارات ... عشان الكل يشوفهم ...

وفعلاااا طبقو هالشي وحطوووووه في الاخبار

شكراا ع الموضوع الرائع

ابوصالح222 · #8 27/08/2008, 08:50 PM

إقتباس

الرسالة الأصلية كتبت بواسطة هلالية سنعه


	والحمدلله اننا مانسوق وهذي بحد ذاتها نعمه ..

كما هي نعمة علينا أيضا يعني ما تزود الزحمه
نحن شعب بدوي همجي يمشي بقاعدة التويجري

" إن لم يكن مركزي بالصف الاول أمام / لا بصير غصب قدام "

في كل شيء البنوكـ المطاعم الشوارع بلا استثناء

العجيب إن الكل ينقد هالشيء والكل يسويه

الله يصلح الحال شكرا لك هلالية سنعه

هلاليه من زمان · #9 27/08/2008, 09:22 PM

تسلمي سنعه على الموضوع

والحمدلله اننا مانسوق سيارات

بصراحه لابد من تنظيم السير والسير وفق الآنظمه المحدده من قبل المرور

للتقليل من الحوادث التي تتزايد فيها اعداد الاموات يوما بعد يوم

واهم شيء

تقل زحمة الشوارع الزحمه صايره اربعه وعشرين ساعه

بصراحه الواحد يجلس ببيته احسن ولايخرج

هلاليه سنعه شكرا على الموضوع مرة اخرى ورمضان مبارك عليك ياغاليه

وعلى جميع اعضاء المجلس الرائع

عاشقة الزعيم15 · #10 27/08/2008, 09:46 PM

هلا وغلا سنعوووه

المفروض لاسلام ولا كلام جايه تتكلمي عن الانظمه وانتي ماتطبقيهااا هاااا

انا مو حاطه نظام اللي تعرفني تقولي انها بتنزل موضوع ليش ما التزمتي ؟؟

هالمرة بسامحك بس لاني اعرف مامتك

والمرة الجايه لي كلام تاني معاكي

في كثير يتخلفوا عن الانظمه بس مو كل الاشخاص تحاسب وهذا اللي حبيت اوضحوا ..!!
لو التزم كل شخص بالنظام ماصار هالشي

إقتباس


	كشفت شركة تويوتا اليابانية لصناعة السيارات عن نظام يسمح بالحد من حوادث المرور على الطرقات، حيث يجبر السيارات على التوقف عند الإشارات الحمراء ويفرض عليها احترام عامة التوقف. ويتضمن النظام مرسلات إشارات على درجة عالية من الدقة توجّه السيارة بشأن وجود علامات حمراء، وكذلك نظام تحذير مرئي ومسموع يتم إرساله إلى داخل السيارة بطريقة واضحة جدا. وفي حال رفض السائق الامتثال فإنّ السيارة تتوقف تلقائيا. وتماما مثل غريمتها نيسان، ابتكرت تويوتا نظام تخاطب بين السيارات وكذلك بين السيارة والمترجل. وقالت الشركة اليابانية الصانعة للسيارات، إن التقنية الجديدة تتألف من حساسيات رادارية ونظاماً حاسوبياً لتقييم سرعة السيارة والمسافة بينها وبين السيارة التي أمامها. وتكمن فكرة التقنية بأن تتمكن السيارة بنفسها من تقدير الخطر المحتمل، بحيث يعمل السائق والسيارة بتناغم معاً.

ماشاء الله عليهم يخترعوا حل لكل شي ماعندهم اي إشكال

إقتباس


	1- مارايك بالأنظمه .. ومامدى تطبيقك لها ..؟؟

لما اسوق سياره اجاوب

إقتباس


	2- امثله على بعض الأنظمه عامة وليست المروريه فقط وعدم تجاوب البعض معها .. ؟؟

ابسط مثال انظمة المدارس والجامعات محد يطبقها الا من رحم ربي

إقتباس


	موقف مر بك بسبب عدم تطبيقك لهذي الانظمه ..؟؟

ماقد تعاقبت من المدرسه او كتبت تعهد تعرفي كنت طالبه مثابرة وملتزمه بالانظمه مررة

مووضوعك روووعه ويناقش قضيه جيده

يعطيك الف عافيه ياقلبي وكل عام وانتي بألف خيير

ورده
تحياتيـ
عاشقة الزعيم15

T H U N A Y A N · #11 27/08/2008, 10:17 PM

. . . اذا كانت الاشاره حمراء فيه فئه ماترضى بالاخير مايبون يضيع وقتهم بالانتظار ولو خمس دقايق
وعملوا بالمثل من له حيله فليحتال ..

اللي متأخر يجي على السيد الايمن اللي هو مخصص للسيارات اللي بتلف يمين يجي اخينا في الله ويسقط عليهم
ويوقف قدام السيارات والثاني بعده الين يوصلون للمنتصف لوسط التقاطع ..
او يسدون الطريق للي يبي يلف يمين .. !!

قمـــة الانانيــة والاستهتــار وعدم احترام الاخـرين . . .
المشكلة ان الاجانب راعين الليموزين يلقدون ربعنــا . . . بعذرهم شايفن الفوضى ليش مايطبقونها

1- مارايك بالأنظمه .. ومامدى تطبيقك لها ..؟؟
الانظمة لدينا لفرض العقوبات وليس للالتزام بها والحد من ظاهرة معينة وقل ماتجد ان
الانظمة تطبق بحذافيراها . .. .
والمصيبة الموجودة ان اصحاب من وضع القراروالعاملين على ضبط نظام معين لايلتزم به ليكون قدوة لغيره في نظر الاخرين. . . لاننا وببساطة شعب تشًرب الفوضى مع غياب الوعي والانضباطية بالانظمة . . .

الحمد لله بطبعي انسان جاد وتطبيقي للانظمــةعامةوالمرورية بشكل جيد وسجل نظيف الى حد ما خلال 10 سنوات حصلت على 6 مخالفات رغم المشاوير المتكررة الى اكثر من منطقة وخاصة مابين الرياض والقصيم والرياض الشرقية . . .

2- امثله على بعض الأنظمه عامة وليست المروريه فقط وعدم تجاوب البعض معها .. ؟؟
المرورية منها اني احياناً اتجاوز الى الكتف > امشي ورا الخط الاصفر وهي وحدة من الثنتين بعض الناس بالطرق السريعة خاصة واللي ماسكين المسار الايسر تقول الشارع ملك ابوه مافي امل يبعد عنه تكبس يمين . . يسار مافيه فايدة . . آخاذ الدعوة عناد
اوتكون ماشي في آمان الله ماتدري الاواحد طالع لك بدون إشارة ولايحزنون

فيه شغلة مضيق صدري من زمان . . ليش انت تنزل للمروراذ وقفك حتى لو ماسويت شيء . . .

موقف مر بك بسبب عدم تطبيقك لهذي الانظمه ..؟؟

قبل فترة في تفتيش الغاط بسبب التجاوزالغيرنظامي . .
لكن هناك تناقض في الموقف توقعت ان يقول راعي امن الطرق انك مسرع لكن تفاجآت انه يقولك عندك تجاوز غير نظامي واهمل السرعة التى هي النقطة الاساسية ومن مهام أمن الطرق الحد من السرعة

هلاليــة سنعــة اشكرك على الطرح وحرصك رغم انك طرف غير موجود في العملية المروريـــة . . .

M E S H 3 L · #12 27/08/2008, 10:24 PM

وعليكم السلام ورحمة الله وبركاته ..

والحمدلله اننا مانسوق

وهذي بحد ذاتها نعمه ..

ايه والله بألف نعمة ..

أي يالسنعة علميهم ابلشونا ترا نبي نسوق نبي نسوق ..

وصحيح ترا السواقة بلشة .. أولاً ما فيه احد يحترم النظام زي ما قلتي .. وثانياً هالزحمات وش بتصير لا سقتوا ..

مارايك بالأنظمه .. ومامدى تطبيقك لها ..؟؟

رأيي أنه لو تحج بقره على قرونها ما تغير شي ..

.. أغلب السعوديين ما يعترفون بشي أسمه نظام ..

الحمدلله أطبقها بأنواعها أحياناً .. يعني لازم أخربها اذا شفت احد اوب مطبق ..

.. وحسب المزاج

موقف مر بك بسبب عدم تطبيقك لهذي الانظمه ..؟؟

الحمدلله ما فيه مواقف ..

..

هلاليه سنعه ورده

يعطيك ألف عافيه على هالموضوع المهم ..
أعذريني اذا اخذت للموضوع مسار آخر ..

الـسـلـطـان · #13 28/08/2008, 06:07 AM

هلا أختي

طرحتي قضية مهمة جدا , ويجب على المسئولين حلها بأسرع وقت .

وزي ما قلتي أن الأب يجيب سياره لولده وهو ما يدري أي شيء عن النظام , همه يمشي ويوقف بس , وهذا أكبر غلط .

في الإمارات على حسب ما سمعت : إن ما في أحد يسوق أقل من 21 سنة , واللي يسوق أقل من 21 سنة السجن , وهذا أنا أتوقع إنه حل سلبي أكثر من إيجابي , واحد يروح للمدرسة أو الجامعه وما يبغى يتعب أبوه !!! لكن يحتسب قانون للحد من الحوادث .

إقتباس

الرسالة الأصلية كتبت بواسطة هلاليه سنعه


	اللي متأخر يجي على السيد الايمن اللي هو مخصص للسيارات اللي بتلف يمين يجي اخينا في الله ويسقط عليهم ويوقف قدام السيارات والثاني بعده الين يوصلون للمنتصف لوسط التقاطع .. او يسدون الطريق للي يبي يلف يمين .. !!

والله ذي المشكله الكثير يعاني منها , وانا بعض الأحيان تجي توقف في إشارة , وتكون فرحان إنك أول واحد وبتمشي بسرعه

ويجي واحد ولا همه بأحد ويوفف قدامك , وبالعرض بعد , يعني سد علي وعلى اللي جنبي ,, هذي قلة أدب !!

بس أبغى أعرف / الحين في الشوارع العامة تلاقي طريق للمشاة قبل كل إشارة , وتلاقيها ممسوحه , والسيارات تجي توقف فوقها , مفروض إن نرجع شوي ونخلي هذا الطريق للمشاة , الواحد إذا يبغى يمشي , يقعد يلفلف بين السيارات كنه متسول

هذا اللي أبغى أقوله

ودمتي

"هلاليه أنا " · #14 28/08/2008, 06:41 AM

بعد التحية

موضوع مهم جداً

بالفعل قلة هم الذين يلتزمون بالقوانين والأنظمة المرورية عن قناعة تامة بأهمية

تطبيقها والإلتزام بها ولا أعلم ما السبب وراء ذلك فقد يكون الخروج عن

القوانين نابعاً من رغبة الشخص بممارسة حياته بحرية دون قيود .

بالنسبة لمحاور النقاش :

إقتباس


	- مارايك بالأنظمه .. ومامدى تطبيقك لها ..؟؟

كما ذكرتي فالأنظمة لم توضع الا من اجل مصلحة الجميع ومن ناحية مدى تطبيقي لها

فربما أجيبك مستقبلاً << إيه هين

إقتباس


	2- امثله على بعض الأنظمه عامة وليست المروريه فقط وعدم تجاوب البعض معها ؟؟

قد يكون للإنظمة المدرسية نصيب الأسد من التهميش وعدم التجاوب .

إقتباس


	موقف مر بك بسبب عدم تطبيقك لهذي الانظمه ..؟؟

ياكثر المواقف اللي تصير لي بس بذكر هالموقف مره كنت مع اخوي في مشوار

وكنت مستعجلة ابي الحق بسرعة

ومرينا في طريقنا على إشارة وكانت حمرا

وأنا بصراحة أكره الإنتظار

في الإشارة

وقلت لخوي أقطع الإشارة ولا تهتم

عاد هو ما صدق يبيها من الله

لإنه لو صار شي ووصل الخبر للوالد وجا بيصادر مفاتيح السيارة بيلقى من يرمي

البلا على ظهره

ومن رداة الحظ مامدانا نفرح الا وأنمسكنا

بس الشرطي الله يذكره بالخير كان متعاون وعداها على خير

المشكلة اني ما تعلمت من هالدرس ولازلت مصرة إن قطع الإشارة بالنسبة لي

اهون من الإنتظار << الحمد الله إن قيادة المرأة ممنوعة

هلالية سنعة ورده

موضوع رائع وألف شكر لك على طرحة

أطيب التحايا وأصدقها

فتاه هلاليه · #15 28/08/2008, 09:32 AM

إقتباس


	1- مارايك بالأنظمه .. ومامدى تطبيقك لها ..؟؟

اذا على انظمه مروريه ..لا تساليني لاننا زي ماقلتي مانسوق ...
اما على الانظمه الدراسيه رح اتكلم عن الجامعيه اعتبر نفسي 0%100 اطبقها ..

إقتباس


	2- امثله على بعض الأنظمه عامة وليست المروريه فقط وعدم تجاوب البعض معها .. ؟؟

اووووووووه والله كثيير وزي ماقلت الجامعيه والمدرسيه اظن قلة يطبقون الانظمه ..

إقتباس


	موقف مر بك بسبب عدم تطبيقك لهذي الانظمه ..؟؟

المواقف المدرسيه كاانت كثييره ومنها المخالفات اللي كنت اكتبها ...
أما على المواقف المروريه صحيح ماانسووق بس احيانا تطلع الوحده مع اخوها مع ابوها الا ويصير صادفها موقف ...بالضبط الحين مو ذااكره شئ بس اذكر رااجعه ..

هلاليه سنعه.."فيس معه بااقة ورد"
الف شكر على الموضوع ...
دمتي بود ..
اختك فتاه هلاليه ..FT FT