انظمــه = مع السلامــه - صفحة رقم 3 - نادي الهلال السعودي - شبكة الزعيم

بنت عبد الله & · #31 14/09/2008, 03:48 AM

وعليكم السلام

هلا والله بالسنعه صدق سنعه ^_^

شوفي اختي اول شي مافي شي هنا فالحين فيه والله العظيم

بقولك اختي رايحه للندن وتحكيلي عنها والله العظيم شي شي نظام صدق يعني تقولين هذا النظام والا بلاش مو عندنا الله يخلف بس

والا الامارات في واحد نعرفه رايح يدرس بالجامعه في الشارقه ويقول انو يوم طلع

من الجامعه وراح للبيت تذكرانه ناسي جواله على الطاوله بعدين خذله تاكسي

ويسولف هو واللي يسوق باكستاني سأله الباكستاني ليش بتروح الجامعه قاله بأروح

ادور علي جوالي ضايع قال الباكستاني لا تخاف راح تلقاه في نفس مكانه يوم دخل

لقى جواله في نفس المكان مو عندنا ياخذون الجوال وهو بيدك

هنا لو في نظام كان كل شي تمام بس ماعندك ناس

هذا اللي اقدر اقوله ما عننننندك ناااااااااااااس

مشكووووووووووووره خيتو ع الموضوع

تقبلي مروري بنت عبد الله&

كاتلووووني هلااااالي · #32 17/09/2008, 12:45 AM

هلاليه سنعه

وربي إنك سنعه من جد

مشكوره

والقوانين عندنا الله يخلف بس

في عرض الحائط؟؟؟؟

وعد أنا هلاليه للأبد · #33 17/09/2008, 05:00 AM

جبتيها على الجرح اختي

والله شي يحزن وانا اكثر شي يقهرني يوم يمنعون الجوالات الكاميرا في الاماكن النسائيه والنساء يجيبوها

ولا يوم يحطون في مكان عام مكان مخصص للنساء ويجون الرجال

استغفر الله هذا قسمنا ايش جايبك

ولو بنتكلم عن مخالفة الانظمه مستحيل نلقى انسان متقيد بكل الانظمه يا اما جاهل فيها وهذي اتوقع نادرا مانلاقيها

ولا يكون مو عاجبه النظام

وبعضهم بس كذا مزاج

Sn3ah

Thanks

الهنوووف · #34 17/09/2008, 05:26 AM

وعليكم السلام ورحمه الله وبركاته

هلا والله سنعه

الانظمه عندنا للاسف من جرف لدحديره التطبيق سيء جدا
يمكن ماقدروا يغيرونها لان للاسف هالشي ترسخ بعقلياتنا كلنا
اننا شعب غير منظم

انا والله احب النظام خصوصا بالمرور

صحيح ماسوق
بس الواحد لو يفكر اذا هو مستعجل دقيقتين يمكن بتهورة وسرعته
يروح ضحيه طفل او شاب
صدقوني بيتوقف وبيمشي مثل الناس

انا والله الحمد لله ابوي الله يخليه لي

منظم
بس البلى بالسواق

يان عقلي يطير لاركبت يسرررررررررررع

الله يحفظنا بس

مارايك بالأنظمه .. ومامدى تطبيقك لها ..؟؟
رائع

الحمد لله انا دائما ماتقيد باالنظمه سوا بالمدرسه الجامعه

وبالاصح خوافه

2- امثله على بعض الأنظمه عامة وليست المروريه فقط وعدم تجاوب البعض معها .. ؟؟
الدراسيه
امممممممممم بالمستشفى دائما تحصل تجاوزات وكسر للانظمه
اماكن الترفيه او البنوك مثلا طابور ينتظر يجي يتقدم
موقف مر بك بسبب عدم تطبيقك لهذي الانظمه ..؟؟
ماحصل

يعطيك العافيه ع هيك موضوع

الهنوووف

كانت

هنا
ورحلت

مَاهِينُورْ · #35 17/09/2008, 11:18 AM

..

هلا وغلا سُن سُن

موضوع جميل جداً

قاريتُه من مبطي بس مادري ليش توني أرد لكن شكل ماعندي نظام

..
بصراحة نحن آآآخر من يطبق الأنظمة
النظام فقط على الورق

في كل شيء لا نلتزم بالنظام لذلك أمورنا دائماً متعطلة ..
بالنسبة للمرور فهذا هو أكثر شي يقهرني ويخليني موسوسة من يوم ماأركب السيارة إلين أنزل أو أشوف أحد رايح على سيارة خاصة إذا مسك طريق سفر

كله خووف من المخالفين بسواقتهم سواءاً سرعة أو قطع لإشارة أو في طريق السفر رعاة الإبل مخالفين بترك إبلهم سائبة بطرقات المسلمين

>> موسوسة بس معذورة ياما فقدنا أرواح وترملت نساء و تيتموا أطفال بسبة هالمخالفات

كل شي يهون من المخالفات إلا مخالفة أنظمة المرور هي ماحطْوَهْ إلا للمصلحة الخاصة والعامة ليش نخالف !!!
ذاك اليووم جاء أخوي معصّب صادمه واحد قاطع الإشارة ومسرع

لكن الحمد لله ماصار له شي

بسس إنعدت السيارة وتعطلت أشغالنا

>إي طيب

مارايك بالأنظمه .. ومامدى تطبيقك لها ..؟؟
كما قلت سابقاً

لم توضع إلا للمصحة العامة والخاصة

..
بالنسبة لتطبيقي لها : فالحمد لله أمشي و أنا أباري الساس

ماحب أخالف

سواءاً عندما كنت في المدرسة أو في أي مكان

إلا والله أحيانا بالمدرسة كنت أخالف بالأشياء اللي ماتعجبني مثل بعض الزينة الممنوعة

من حقي أتزيَّن و أتكشخ من الفطرة هذي ومالهم حق يمنعوني بما إني ماخالفت الشرع والدين ولا تشبهت بالرجال

>> إي طيب إخلصي

لكن ياما وياما كتبت تعهد وقفت عند باب الإدارة

اللي يقهر مخالفة الطالبات بالهرووب من المحاضرات وغيره

>إييه سقى الله تلك الأيام

..
حتى في المنتدى ماوضعت الشروط والأنظمة إلا لمصلحتنا لذلك الحمد لله أنا مطبقة لها عشان كذا ما شاء الله علي ماعمري أخذت إنذار

..

2- امثله على بعض الأنظمه عامة وليست المروريه فقط وعدم تجاوب البعض معها .. ؟؟
البنوك > معناة قريب لي مع العملاء

هم يخالفون النظام وهو اللي ينقص راتبه وتضيع الحوافز اللي له

وغيرها الكثير المدارس الجامعات المستشفيات .....إلخ

موقف مر بك بسبب عدم تطبيقك لهذي الانظمه ..؟؟
ممكن مخالفتي فقط لأنظمة المدرسة المواقف كثيرة لكن فششله أقوله كلها كم إنذار على الزينة فقط

..

هلالية سنعة

جزيت خيراً ياغالية ورده ..
دائماً مبدعة ما شاء الله

..
و إعذرين إن تساني شطحت ترا أرد على حسب الذاكرة والأسئلة غشيت من رد الهنوووف

^
^
اسمحي لي سرقت تنسيقك

..
بس ترا أوا مرة و آخر مرة

..

في أمان الله

..

بنت الـ ع ــز · #36 17/09/2008, 09:10 PM

هلا والله وغــلا .. سنعـه

موضوع مهم .. وعلـى الوتـر الحســاس

الكـل يعانـي مـن مخالفـات الناس في الأنظمة

تضرب بعرض الحائط

يعني وجودها مثل

عدمهـا عند بعض الناس موكلهم ..

لا تحضرني الموااقف الآن

يعطيكـ العافيـه أختي سنعه أبدعتــي في طرحكـ

أيمـــا إبدااااااع

ســـــلااام

كارولين · #37 17/09/2008, 09:11 PM

اللي متأخر يجي على السيد الايمن اللي هو مخصص للسيارات اللي بتلف يمين يجي اخينا في الله ويسقط عليهم
ويوقف قدام السيارات والثاني بعده الين يوصلون للمنتصف لوسط التقاطع ..
او يسدون الطريق للي يبي يلف يمين .. !!

ـــــــــــــــــــــ
والله كلامك صــح

كل يوم عن هالأشارات ساعه نستنىآ وحنىآ بنلف يمين
وشكــرا ياهلاليه علىآ الموضوع

مرسى عيونك · #38 18/09/2008, 10:56 PM

و عليكم السلام ورحمة الله وبركاته

مرحبا بـ هلاليه سنعة << ورده

إقتباس


	اللي متأخر يجي على السيد الايمن اللي هو مخصص للسيارات اللي بتلف يمين يجي اخينا في الله ويسقط عليهم ويوقف قدام السيارات والثاني بعده الين يوصلون للمنتصف لوسط التقاطع .. او يسدون الطريق للي يبي يلف يمين .. !!

اووووه هذه كثير نشوفها لدرجة أن تعودت
و أختي أذا شافت أحد سوى كذا تقعد تعلق و تتعب نفسها

لكن صراحه أخطرها اللي يقطعون الاشاره و السرعه
هذه تروح فيها أرواح نسأل الله السلامه

و أحيانا يكونون واقفين على سير المشاة وين الالتزام بالانظمه

صراحة بعضنا ما يطبق الانظمه بحذافيرها و يتهاون فيها كثير
و أكيد الحل بالعقوبات الجديه و الصارمه

و فكره المرور السري جدا حلوه وأحس صاروا يتخوفون منها

شكرا أختي على طرحك

أخــــتــــــك
مـرسـى عـيـونـك