يقولون ان المباراة انتهت مدري مضبوط الاخبار اللي سمعناها !! - صفحة رقم 5 - نادي الهلال السعودي - شبكة الزعيم

MU 7 · #61 22/08/2008, 05:11 AM

الدحمي احمد ربك ما جيت ولا كان فشيله

هياط وهياط وتهديد وتووعيد واخرتها 3 -1

اجل تكسير خخخخخخخخخخخخخخخخخخخخخخخخخخخ

دايم الفريق المهزوم يحط ويحمل الحكم الخساره خخخخخخخخخخخخخخخخ

تركي الله يعينك

موفقيـــــــن

hilalemooot · #62 22/08/2008, 05:16 AM

.
.

مالت عليكم

يا فشلة

مبروك للمجلس .. على كلام عبدالله يستاهلون .. الميزة انهم يجتمعون قبل المباريات و يشوفون اللي يلعبون من اللي من جنبها

.. عبدالله من هنا و رايح لا تسوي مباريات بدون ما تقولي

.
.

مــــهــــنــــد · #63 22/08/2008, 05:23 AM

صباح الخير ياحلويييييييين

هارد لكم

الو الو واحد اثنين ثلاثه فيه صوت ؟

محدثكم الحارس اللي ما لمس ولا كورة

هي كورة وحدة كانت ترفيعه ولا شفتها كان مغطي علي واحد من الشباب والصامولي بفمي فـتكاسلت لا انقز عليها خصوصتن أنني تو محشيه جبن ومربى ههههه

شوفتكم عندنا تسوى المباراة وهلالي 11 والله بدع الولد لكن ماحوله احد هههههه

حارسكم بطل بطل بطل وبصراحة هو كنج المباراة .

أسير الزعيم ههههههه أجل مباراة حبيه هههههههههههه بس والله أثاريكم لياقة ما شاء الله هههههه

القهر أنني حارس ما حصلي أهجم ما طبيت إلا آخر ثلاث دقايق لكن يالله خيرها في غيرها .

جو المباراة كان رااااااااااائع وأكثر من رائع إذا جاء احد بيسدد مغير تشوف هالفلاشات تقادح تقل برق الله يجيب المطر هههههه

أجمل مافي المباراة أنه أذا واحد اخطى على خويه كأنه مخطي على أخوه يجي ويعتذر ويقومه حسيت أننا فريقين لكن أخوان .

في الأخير ماراح يكون فيه ثالثة ما شبعتوا هزايم هههههههه عندي عروض من منتديات أوروبية للعب في فرقها كل اللي شاركوا طالبين التعاقد معهم وخصوصاً الحارس يقولون أنه أطلق من ديدا ههههههههه

تحياتي ....

الـمـشـاغـب · #64 22/08/2008, 05:40 AM

مهند .. والله الشرهة عليكم اللي لعبتوا معهم بحارس .. المفروض توفرون مركز الحارس وتحطون لاعب هجوم مكانه

عشان يزيد الغلة من الأهداف

بلا مباراة حبية بلا خرابيط

هذا تاريخ يسجل

الحمد لله كشفنا الكديش على حقيقتهم .. مسوين راقين ويتابعون المباريات الأوربية وهم ما عندك أحد

ودي نلعب مع منتدى الجمهور أحس عندهم لعب وفن أحسن من أصحاب البطون العظيمة والكروش الأليمة

وهارد لكـ يا تلفزيون ملون ومن معك من شرذمة العالمية

يوسفو 15 · #65 22/08/2008, 06:28 AM

بـ صرآحه ..

صدق انكم تلعبون ياعيال المجلس : | .. والله ياعندكم نآس محترفه .. فيه رقم 8 فنآآآآن .. لو يطلع من الفريق يضيع فريقكم !! ..

وفيه وآحد آسمراني .. سوا حركه رونالدينيو وعطى رقم (37) من فريق العالمية كبـرري .. هذا بررضه يلعب ..

بس آحسن النآس اللي لعبـوا .. آبو عـآبد وأيوب .. :hrt: .. هم اللي صدق فنآنين <

..

العآلمية .. نآقصهم وآحد مثـلي <

.. ينظم اللعب ويحرك الفريق ويصنع آهداف ويساهم في تسجيل الآهداف <الله من النصب

..

مبـروك للمجلس .. والله ياعسيريه مدهـّره تصـآميييييم

..

عسيرية ماودك تصممين لنـا ان المستوى آهم من النتيجه

؟!

سـلآآآآم ..

zezoo00oo · #66 22/08/2008, 07:24 AM

\\

السلام عليكم

صباح الخير جميعا ً .. وجمعه مباركه ع الجمييع ورده
اول شي نشكر كل من ساهم بالتجمع الحلو

وبصراحه تشرفنا بمعرفة جمييع من حظر ورده

\\

اهم شي تعرفنا ع اللي حظروا
تركي لايهموونك

حنا فريقنا حوسه شووي الحكم لنا وعلينا اغلاطه !

واهم شي الشباب اللي مع المجلس ماشاء الله مستواهم متميز ومتفاهميين
اهنيييك ياماجد على فرييقك

والنعم بالجمييع وياليت اذا في احد دخلنا عليه او عورناه يسامحنا !

اخوكم .. عبدالعزيز
اللي لابس برازيل ازرق !

إقتباس


	منهو اللي لابس البرازيل وتنادونه عبدالعزيز,هذا ماشاء الله عليه,أزينكم

صلوحي

.. خلاص تكفيني مدحتكـ

قررت اعتزل

\\

إقتباس


	موب هيّن زيزو نجم المتشين اجل من ناحيتكم هذا اظاهر يدل على ان ماعندكم لعيبه

وش تقصد يعني

؟!
والله مدري ذي سبه ولا مدحه يبو حمييد

\\
بس كلمه بالنهايه
ايوب

الحارس

ابو دحييم 11

دل بيرو

نجوووم اللقاء
\\
و يمكن اررجع اذا احد من المجلس جا يتكلم

لان فريقنا مايشد الا بالمباريات الرسميه وذي وديه ولا .؟

ورده

عاشق الفن الانتراوي · #67 22/08/2008, 07:59 AM

أجل 3 فيه تطور من 5 الى 3

كل مباراة تنقصون 1 المرة الجاية 1-0 لـ المجلس

،،
والله كان ودي اجي واشوف الشباب الطيبة لكن الله ماقدر !!
وزي ماقال تركي لأن الفريق فيه انجليز واجد فـ الهزيمة مؤكدة

!!
المرة الجاية انا وتركي سناتر ولا وش رايك تركي

!!
ننتظر الصور على احر من الجمر

!!

محب الذئب9 · #68 22/08/2008, 08:37 AM

يـآ حيـف بـس .. !!

لـيتني فيـة بـس .. كـآن تصـير بـدل آلـ 3 .. 6 ..

هـآردلك عـآلميـة .. مبـروووك للمجلسـآويـة ..

آلمبـآريـآت آلجـآيـة يمـكن آحضـر رئفـت بحـآل فريقنـآ ..

العسيماوي · #69 22/08/2008, 09:40 AM

ويعني جرا ايه اذا انرقعنا بثلاثة بعد مانرقعنا بخمسة

الكبار والكبار فقط من يلحظ العالم سقوطهم

والسبب واضح ولايحتاج لمزيد بحث ،، العالمية لاتعطي المجلس مايستحقه من الاعداد

على قولتهم معطينهم على جوهم

وإلا المباراة الأولى هجوم ايطالي

والمباراة الثانية هجوم انجليزي

الأكيد إن المؤتمر الصحفي بعد المباراة لمدربي الفريقين
عرفت إن مهاجمنا اللي حنا وثقنا فيه ومسوي فيها مسحور
مهاجمنا ابو عين بنفسجية ((موف))

صار أبو الشباب طالع على لاعبه المفضل وجايه عرض من المجلساوية

ومسوي مايرد ع الاتصالات إني يعني دحمي رونالدو

طبعا ولضيق الوقت وشرط المجلساوية الحكم على أداءه فالملعب جاك متهيض

قال ايش قال سحر وبكس وثلاث دقايق مسوي مروحه للملعب

علينا دحومي

يالله هارد لكم

وأنا ماشفت أحد مثلكم ينهزمون ويجونك يهايطون من الصبح

لكن أحب أقول للمجلساوية

صعبة قوية يالعالمية

طالعين عالميين صدق نتعذر بالحكم وبالسحر

G o L d E s T · #70 22/08/2008, 10:25 AM

//

إقتباس


	جولديست تصدق ما شفتك و ماعرفتك طيب سلم و عرف عن نفسك :@ طيب انا اوريك .. انت اللي في تحالف سنايبر في السيرفر 15

الله أكبر يا أسير اللي يشوفك يقول ما كنك شايفني مرتين باستراحتين بطلعتين باجتماعات المجلس

والله كان ودي أتعرف على شباب العالمية لكني جيت متأخر وحتى بعض شباب المجلس ما سلمت عليهم

المهم إني سلمت على أبو حمد بوسط المباراة

أنا لعبت ببداية الشوط الثاني باك يسار أو تقدر تقول مدافع أيسر <<< تأثير مالديني

أما ترافيان فتوقعك صحيح أنا عضو بتحالف سنيبر بس تكفى لا تحط حرة الهزيمة بي

//

R D H · #71 22/08/2008, 10:26 AM

السلام عليكم

أسمع البعض يطرح فكرة أننا نلعب مباراة ثالثه معهم ..!

أحب أٌقوله .. من جدك أنت ؟

لو لعبنا ضد المجلس 100 مره ..

رح يهزمونا مئة مره ..

لأن فريقنا طريقة لعبه جدا عقيمه ..

بالشوط الأول .. كان الفريق مشتت جداً وبطيء ..

وصار اللي كنت متخوف منه وهو .. ترك المساحات الواسعه امام الدفاع ..

فأصبح هنـاك فراغ كبير للخصم أمام منطقة الـ 18 .. وقدروا يسووا اللي يبون ..

بالشوط الأول الهجـوم ماكان مرتب .. وماكنا نعتمد على طريقه معينه باللعب ..

بعكس فريق المجلس .. كانوا يعتمدون على اللعب الجماعي وتوزيع اللعب على الأطراف ..

وطبعا ساعدهم في ذلك تباعد المسافات بين لاعبي خط المسافات .. وكذلك الفجوه الكبيره بين خط الدفاع .. ومايسمى بـ ( خط الوسط )

والوسط كان مشتت .. لا هو اللي يهاجم .. ولا هو اللي يدافع ..

وعبدالرحمن صراحة ماقصر .. كان يحاول بالهجوم لحاله ..

لكن مافي احد معه ..

كان يمسك الكوره ويحاول ينقزها من فوق المدافعين . لكن ..

ياأما المدافعين يقطعوها منه بأيديهم .. او يحشرونه 3 مدافعين وياخذونه منهم ..

مافي أي مسانده للهجوم ..

المسانده من الوسط تتوقف فجأه ..

ماعندنا أسلوب لعب مثلهم ..

ماكنا نفتح اللعب لبعض ..

كنا ساكتين .. سآيلنت .. وكان التفاهم منعدم تماماً لأننا يمكن اول مره نلعب مع بعض .. بعكس لعيبة المجلس العام .. اللي عرفت أغلب أسماءهم من مناداة لعيبتهم لبعض ..

دليل أنهم دايماً يلعبون مع بعض ومندمجين ..

طبعا بالنسبه للهدفين اللي جو بالشوط الأول .. أنا أتحمل جزء من المسؤوليه .. كان بإمكاني أمسكها ..

لكن قسسسم بالله ياعبدالرحمن .. ويشهد الله على كلامي ..

أن ببداية المباراه صديت أحد الكرات بطريقة خاطئه ( الكوره ضقعت أحد أصابعي بشكل عامودي )

وربي إنها إلى الأأن منتفخه ومورمه وصار لونها أزرق .

وعلشان كذا ماتمكنت من أني أمسك أي كورهـ ..

لو تلاحظ كل الكرات كنت فقط أكتفي بإبعادها عن المرمى دون أن أمسكها ..

حتى الكرات الخفيفه ماكنت امسكها على مرحله وحده .. لازم مرحلتين ..

وربي هذا اللي غـابني ومضيق صدري ..

أن اهدافهم كلها تعتبر سهله وكان بإمكاني أصدها لولاً الألم الفظيع اللي بأصبع اللي مامكني أمسك أي كوره طوال المباراه بشكل جيد ..

..

بين الشوطين ..

قعدنا نتكلم واتفقنا أنه لازم نكثف خط الوسط علشان نمسك اللعب ..

واتفقنا على اللعب بخطة .. 4 - 3 - 1

وطبعا بمهاجم واحد اللي هو الدحمي ( الهلالي 11 )

ووصيت المحاور الدفاعيه أنهم يقفلون المساحات اللي امام مدافعينا علشان مانسمح لهم بأن ياخذوا راحتهم ..

بدأ الشوط الثاني ..

وبدأت معنوياتنا تنزل بشكل واضح لما شفنا المهزله اللي بوسط الملعب ..

الوضع أزداد سوء عن الشوط الأول ..

على الاقل بالشوط الاول كان الفريق بدون وسط .. لكن كان فيه هجوم يساند عبدالرحمن ..

لكن بالشوط الثاني .. لا فيه وسط يقفل المساحات .. ويهاجم .. ولا فيه وسط يساند بالهجوم

عبدالرحمن كان بلحاله قدام .. محاصر مابين 4 مدافعين مقفلين عليه ..

والله أنه ماقصر أبدا عبدالرحمن .. وكلكم شفتوا أمس أنه ماكان فيه مسانده له ..

يادوب كانت توصله الكرات العاليه من الخلف .. يستلمها ويحضن ويلف يبي يهاجم .. يلاقي 4 مهاجمين مطبقين عليه .. ومافي احد يسانده أو يفتح له على الأطراف ..

هذا غير أن وضع الدفاع أزداد سوءاً

أنعدمت اللياقه تقريبا ..

وازدادت المسخره ..

والمهزله ..

لعيبة المجلس العام .. كلهم رشاقه ولياقه وأناقه ومهارهـ ..

مااتوقعتهم كذا ..

ومن المستحيل على فريق مثلنا أنه يقدر على هزيمتهم أو الوقوف في وجههم ..

بصراحة .. أفحمونها بأداءهم ..

أكثر 4 عجبوني هم : الدحمي ( كان يبذل قصارى جهده بالهجوم .. لكن مافيه مسانده .. وفيه تقفيل دفاعي أليم من الخصم )

أيوب ( ماشاء الله عليه رجل ممتازهـ .. وهدف صراحة قنبله ..)

ديل بييرو ( بصراحة ماقصرت وسويت اللي عليك وزياده )

زيزووو ( بصراحة أكثر واحد حسيت أن لعبه قتالي .. يقاتل على الكوره ويحمس الفريق .. ويحاول يغطي المساحات بالوسط .. لكن لحاله طبعا مايقدر يسوي شي )

طبعا مايهونون الباقيين

احنا على المستوى الفردي كنا كويسين

لكن على المستوى الجماعي .. كنا صفر ع الشمال ..

المستوى الفردي للاعب ممكن يخدمك لما تكون قدام الخصم مان تو مان ..

ولعيبتنا تميزوا نوعا ما بهالنقطه ..

لكن عمره المستوى الفردي بينفعك علشان تفوز ..

ومارح نقدر بمستوى الفرد لأي لاعب .. أنه يوقف لعيبة الخصم وهم يلعبون بطريقة جماعيه ..

مناوله .. مناولتين ... تسحيبه تسحيبتين .. تلقاهم وصلوا للمرمى ..

والسبب في ذلك .. انهم وجدوا مساحات كبيره يرتعوا فيها ..

عالعموم ..

خيرها بغيرها

وبصراحه ماكنت أتوقع ان المجلس يكون بهالمستوى بقيادة العملاق ماجد مقبل

لكن إن شاء الله .. لنا لقاءات ثانيه ... مو شرط كرة قدم ..

ممكن بلاي ستيشن .. يمكن نفلح ضدكم

صحيح خسرنا المباراه .. بس عوضنا الهزيمه بكسب شوفتكم والله ..

طبعا شعور مختلف لما تكون رايح تقابل ناس عمرك ماشفتهم .. مجرد بس تكلمهم بالمنتدى ..

تلقى الواحد يتخيل وهو بالطريق .. ياترى شلون خشة الهلالي 11

بصراحه أتفاجأت في البعض ..

تفاجأت بالهلالي 11 .. يوم جا يسلم عليا ويقولي انا الهلالي 11 .. حسيت انه رسمي ووسيم

ولا ماجد مقبل .. خشيت مزاجي من اسلوبك << يحتك يبي يوقع عقد

<< اطلع براااااا

بس أبستفسر عن كم لاعب .. والعضو اللي يكون هو المقصود يقول انه هو علشان اعرفه ..

..

بعد المباراه جو اثنين سلموا عليا .. واحد ضخم شوي ولابس شماغ وعقال .. والثاني طويل ووسيم شوي

.. وكانوا مبتسمين لي ابتسامه مريحه

.. لكن من الغبنه بعد المباراه نسيت أسألهم عن نكاتهم ..

ياريت لو قرأوا سطري .. يعلموني من هم ؟

..

فيه واحد كان لابس قبل مانبدأ اللعب .. زي روما الإيطالي ..

وهو تقريبا أول واحد سلمت عليه من أول ماجيت وعرفني عليه أسير الزعيم ..

كانوا اثنين جنب بعض .. واحد بزي روما والثاني بثوب وشماغ ..

ياريت لو قرأوا سطري .. يعلموني من هم ؟

..

فيه لاعب معنا سمين شوي .. ورقمه 37 ..

ياريت لو قرأ سطري .. يعلمني من هو ؟

..

فيه لاعب معنا .. كان على ماأذكر لابس فانيلة الهلال ورقم 14 على ظهره ( التايب )

وبنهاية المباراه كان يجي يتكي عندي بمنطقة الجزاء .. ويقعد نص قعده على الأرض ..

ياريت لو قرأ سطري .. يعلمني من هو ؟

..

بـه لاعب بفريق المجلس العام .. اللي احكيت انا وياه بالشوط الثاني احتكاك قوي .. وللحين يدي توجعني منه

سألته بعد المباراه عن نكه .. وقالي ياه .. بس من الغبنه نسيته

ياريت لو قرأ سطري .. يعلمني من هو ؟

وأسفين لو جاك شي من الاحتكاك .. حسيت انك رحت فيها من الصدمه .. وانا حسيت أن رجلي طالعه مكان يدي

..

فيه لاعب من المجلس العام .. كنت قاعد أنا وأخوياي بالقرب منه قبل بداية المباراه .

وهو كان سامع سواليفنا يوم نتكلم عن مصر وعن القطار

أنا بالأول ماكنت اعرف انك مع المجلس .

بس بعدها شفتك تلعب معهم بالمباراه ..

ياريت لو قرأ سطري .. يعلمني من هو ؟

..

فيه لاعب من فريق العالميه ... قالي قبل المباراه : ورا ماجبت كؤوسك معك ؟

ماأذكر هل أنا سألته عن نكه أم لا ؟

لكني نسيت كل شي عقب المباراه

أنا الأن أهدئ

ياريت لو قرأ سطري .. يعلمني من هو ؟

..

فيه لاعب من المجلس .. كان شعره طويل وحاط ربطة سوده ..

وكان متفلت بالجهه اليمين .. وأنواع التسحيب ماشاء الله عليه ..

لو قرأ سطري .. ياريت يعلمنا بإسمه ؟

..

هذول اللي أذكرهم تقريبا ..

وبصراحه افتقدت ناصر ( سكرو )

غريبه ماجا ؟

كنت انتظر سيسوكو العالميه كي ينقذ مايمكن إنقاذ من المذبحه اللي بوسط الملعب ..

بالنهايه

ألف مبرووك للمجلس العام

ويشهد الله أنك فناااانييين

ولعبكم مميز ..

ولما كنت اهايط انا والتلفزيون الملون ..

ماكنا ندري انو مستواكم كذا ولا حتى كنا ندري انو مستوى العالميه كده ..

هاردلك للعالميه ..

وإن شاء الله لنا لقاء ثاني .. وبنصككم .. وبنخلي عسيريه نفسها تسوي لنا تصاميم وتقلب عليكم

شكراً من القـلب ..

لمن كان سبباً بعد الله في تجمعناً أمس ورؤية الوجيه الطيبه ..

رؤيتكم .. تكفينا عن مليون مباراة

<< ترا جاد

ايه هين

شكراً أسير الزعيم على كل شيء فعلته

شكراً مستر جول ..

أنت ماقصرت .

رضا الناس غاية لاتدركـ ..

وشي طبيعي نبرر هزيمتنا بأنك كنت تغش ..

بس تحكيمك كويس وجاملتنا مره .. وجاملتهم مرات

مشكور

..

برآيفت ماجد مقبل ..:

أنتظر مني رساله خاصه خلال الأيام القادمه .. بما أنك مدرب الفريق .. سأعلن عن تحدي بين فريقكم .. وبين فريقي الخاص .. لكن عندمـا أجد الوقت والمكان المناسبين .. وأنسق مع الشباب ..

..

ادعوولي أصبعي يخف بسرعه .. قسم بالله منتفخ ومزرق وحالته حاله .. ذوبت كيسين بازلاء مجمده عليه ..

دمتم بوود

قفله :

العـالميـه .. لاتحزنِ .. لم يضع شيء .. لأنه لم يكن شيء لديك

zammamwek · #72 22/08/2008, 10:52 AM

إقتباس


	صلوحي .. خلاص تكفيني مدحتكـ قررت اعتزل \\

يابعدي والله

جازلي صراااخك وتجيهاتك
وماشاء الله عليك ,تقرأ الملعب وتوزيع
بس الفريق كــ كل ضاااايع,ولا فيه تنظيم بالنص
فريقهم ونتوات ,وخذو وهات,ومربعات ومثلثات
صح,ورى ماكتبت لاارابطة انك بتلعب؟!!عشان نحاول نعرفك قبل؟!!

R D H · #73 22/08/2008, 10:56 AM

إقتباس


	يقولون ان المباراة انتهت مدري مضبوط الاخبار اللي سمعناها !!

يقولون ؟

هما مين اللي بيئولوا ؟

خل عنك الوسوسه ..

ترانا فزنا

بهالنتيجه

من قـدك .. أخذنا بس 3 ..

فيلسوف · #74 22/08/2008, 11:00 AM

R H D

وراك متحمس ... مهزلة ومدري ايش .. الدعوة كلها مباراة حبيّة وتعارف ... وهذا هو المقصد قبل كل شي

ورده

بقولك اللي اعرفهم ... اللي بفريقنا رقم 37 .. هذا يوزره Msh3al_37 من رابطة المان ...

والثاني رقم 14 اللي تاكي عندك

هذا دمتم بود قصدي K I N G M I L A N

وللمعلومية ,,, ناصر ( Skroo ) حاضر المباراة وكان لابس ثوب ... وجالس مع ( تورام ) المشرف الجديد للعالمية ... وتورام كان لابس ثوب وشماغ وكان جالسين مع بعض قبل المباراة هم واسير وتركي مستر قول ...

وجاء ميلانيللو بنص المباراة تقريبا وكان لابس ثوب ... وهو طويل ماشاء الله ,,,

وفيه دنــيــدل جاي من القصيم عشان المباراة بس مالعب

وفيه كذا عضو بس نسيتهم ...

ايه ... فيه ابراهيموفتش بس بالعنقليزي ... وفيه الأنتر @ الانتر وفيه المرجوج النايم وفيه مممم

بس هذا اللي اذكرهم ..

ورده

R D H · #75 22/08/2008, 11:06 AM

وآخيبتــــاهـ ..!

وآحسرتــــاهـ ..!

وأمصيبتـــــأهـ ..!

واتاريخــــــأهـ ..!

وآآآآآمجلســــــــــاهـ ..!

سحقاً لهذا الزمـان .. ماأقسـاه ..!

<< أقول أنقلع برآآ أنت وكؤوسك