واحـد . اثـنيـن . ثـلاث . بـع !! .... أولـى ( أ ) لـلأمـام سـر - صفحة رقم 4 - نادي الهلال السعودي - شبكة الزعيم

نـــــــ15ــــــمر · #46 13/08/2008, 05:02 PM

ما يكتشف ما كتب
ان بلد القلق كان دايم يتصفق وانه مدلع وانه راعي تميلح

تشـــــــــاو

مرسى عيونك · #47 13/08/2008, 05:23 PM

إقتباس

الرسالة الأصلية كتبت بواسطة بلد الوليد


	نعود لذكريات الدراسه المره .. مسكت معني يوم انا والشله الكريمه استهبال على واحد قاهرني استغفر الله واتوب إليه الولد كان قبيح الخلقه .. ولا اذم فيه لكن للتوضيح . المهم حنا شقاوة أطفال وشوي لعانه .. نروح له ونضحك عليه ونطقه وننحاش دائما ومادرينا ان له اخ في المدرسه الولد حليم شكله متعود المسكين وساكت ساكت ساكت قفلت معه يوم من الايام قال ذا المبزره يبيلهم من يلعنهم يمسكني اخوه الكبير انا واثنين من اخوياي تحت صورة الملك عبدالعزيز

000
( ليس المسلم لا باللعان ولا الطعان
000

مشكور بلد الوليد على الموضوع
اللي يوسع الصدر

أما هذا الموقف صراحه
تستاهلون اللي جااكم ( مسويه رحومه
و لا ياقلبي هو صابر عليكم
و ما تبتوا
اجل ما حسيت بالضرب هين عاااد

تقبل مروري
اختك
مرسى عيونك

وليد القحطاني · #48 13/08/2008, 05:39 PM

إقتباس

الرسالة الأصلية كتبت بواسطة سيد الملوك


	خخخخخخخخخخخخخخخخخخ هذي والله العالم ياوليد انها ستارة

مقد خبرت دريشة في وسط الفصل !!

بس البنت ضعيفة ماشاء الله عليها

بلد الوليد · #49 13/08/2008, 06:06 PM

^^
بس بوضح شي لاختي مرسى عيونك

إقتباس


	قفلت معه يوم من الايام قال ذا المبزره يبيلهم من يلعنهم

قفلت معه يوم من الايام , وقال .
يعني هو الي قال موب انا

خلاص ابشري بوصل له معد يلعن

//

اول العنقود

ازيك ياتااااااااامر

انت بالله فيه احد تحبه ؟!

خلها مستوره يأبوقحط

سواليف الوليف والتصريف وطلعات الكورنيش

ثامر قل سكرتير خمس مرات .

إقتباس


	مشرف جماعة النظام و العريف الأول بالكشافة و مسؤول المصلى و كابتن منتخب المدرسة

وداشر المدرسه

.

الله يسعدك ياثامر على المرور

يكفي انك أول من رد

شف العالم شلون قامت ترد من بعدك أمم وجماعاات

وتراني والله كنت نظام بس ماحبيت اقول , لا يقولون ينصب علينا ذا

اذكر جت فتره طاحو بلعبه الطلاب .

ياخذون كروت دائره تجي وسط بطاطس ليز والبطل ويلعبون فيها .
وكانت ممنوعه في المدرسه .
عاد بما اني نظام اسطر الصغار واخذها منهم

من بكره جاي العب فيها

تستهبل انت والله يا كروتهم قويه

شرفت ثمور ورده

//

شرطه جايه فوق على شكل ثمنيه ( العنود ) شرطه جايه فوق على شكل ثمنيه

بالله وين الشرطات الي بيوزرك؟!حلفت اني ما انسخها وتورطت مالقيتها بالكيبورد .

---> نـــمــ15ــــر هذا التميلح الي تقصده؟

نجي لـ رد البزره أم 11 سنه ونص

المشكله اني اكبر منها مدري ليه تسميني بزر

بس يمكن قصدها بزر بالموضوع

( العالم ضيعت الحين من الكبير و من الصغير

)

ليه ما تجين قدام ؟! عشانك قصيره يعني ؟! الحين من تصرفات الطفل انه يحب يجي قدام , تجي العنووود وتجلس ورا ليه ؟!
على راشك ريسه يعني ؟ --> منتبه للغلط والله منتبه

بس جالس اوري نمر 15 التميلح على اصوله

اجلسي وين ما تحبين المدرسه مدرستك بس امزح امزح

العنود سوري على السماجه

حياك ربي ورده
نورتي الموضوع يكفي انك راده ثاني وحده , شفتي العالم شلون راده من بعدك امم وجماعات

ان لم ترد ثاني واحد

فأنت حتما خلف العنود

مره ثانيه لا تحجزين زي الحجز البايخ هذا

//

بنت الزعيم ****

ماعرفت اوزع النجوم وزعيها انتي

إقتباس


	يازين الطق لاصرت حااااااااقد من قلب ونااااااااسه

اووووووووووووووووووووف والله وناسه من جد .

كنت الاحظ هـ الشي دايم بوجيه الي يجلدوني

الصراحه في الابتدائي كنت ملطـشه

لكن مع المتوسط بدأ النبوغ عندي

وصار ابن أمه الي يغلط علي

يعني لو تبون موضوع عن المتوسط انا جاهز

احسكم تقولون ماتحملناك وانت بزر نتحملك وانت في المتوسط

إقتباس


	الله يخلف هااذا مربي اجيااال بالله لاصاار هاذا اسلووبه لكن موب الشرهه عليه الشرهه على اللي حطه

بس كان فله والله يضحكنا دايم

اذكر موقف مره صار معه .

طالب بلغ ابوه عن كلام المدرس فجاء الأب وصارت مشكله بسيطه وانحلت وكذا

دخل المدرس من بكره وقال ترا فلان الفلاني رايح يقول لأبوه اني ما اعطيكم دروس .

كلنا التفتنا عليه بحقد

من جد ذا الدافور يبينا ندرس

بعدين يابنت الزعيم حلاة الرد لاصار كله ضحك

ما يتعبني وانا ارد

بع

!!
حياك الله ورده

//

عسيريه النصابه

مرحبا عسيريه ورده

لا والله ماحنيت للدراسه ولا هم يحزنون , مجرد فضفضه

احمدي ربك لاقيه احد يخليك تضحكين عليه

لو تروحين تضحكين على احد سوا لك مشكله

ياحليلكم عندكم سارعي؟! ودي لو يسمعكم مسؤول كبير بأصواتكم الناعمه تقولون سارعي

ان يخلي اليوم كله طابو الصباح وطابو الضحى وطابور الظهر

بعدين الي واثقه من نفسها تروح قدام عند المدرسه

مافيها شي الا اذا كانت غلطانه مثلك اجل لاتروح

إقتباس


	بلد الوليد / موضوع توحفه وتراي اكتشفت المخفي على بالك حركه يعني بايخه ترا شُكرا بلد الوليد

الي قاهرني انه موضوعي ولا بعد اكتشفت ذا المخفي

لا تجلسين تنصبين علينا يالله بس

جيبي دليل ولا توكلي ماعندنا لك شي

شكرا عسيريه مصرقعه ورده
وتراني من اشد المتابعين لمواضيعك

//

عاشق 15 الفيلسوف

سالفتك وعرفناها ومسن واضفناك

توكل يالله

امزح وربي

وسلم لي على مصعب

ورده

شرفني مرورك عبدالله ورده كل يوم مر ورده

//

الهنوووف

عاد الهنوف استشاريه لازم نكتب يوزرها بالرصاصي ونرد بـ الهذا

إقتباس


	هلا بـ بلد القلق منزل مووضوع الدنيا فيها شي قول وفعل

هلا جرادة المجلس العام سابقاً , جراده استشاريه حالياً

والله المسأله مو قول وفعل لأن من ذا الناحيه مافيه ادج مني

بس الدعوه كلها مسكاااات

والله وانا اكتب ذا المووضوع والافكار تطامر على راسي من كل حدب وصوب

مجرد ماخلصت ابي فكره عشان اسجلها واكتبها بعدين ماحصلت .

عشان كذا هي مسكات زي مسكات القاضي ولاسهل اذا حطو ابتسامه

إقتباس


	توقعت بالاخير بلاقي المرسل ::ناقتي ياناقتي او هالحركات

اوكي يالهنوووف انا سامج .

بس لدرجه اني اسوي كذا !!

لا لا ماتوصل

يعني معليش اسمحي لي اقولك ماتووووووصل

إقتباس


	اتذكر ابلى نورة لما اجي احل على السبورة تجلس تغني علي

ابلا نوره ياعيوني

يالي لابسه الليموني

لابسه الساعه اللماعه تسوي كل الجماعااااه

بعدين بالله احد يكتب تحت يوزري بخيل الحرف

هذي استشاريه وما تتكلم عبث

بعدين الطالب الحرك تراه يصير دافور احيانا زي حالتي يعني

استشاريه المجلس العام . الهنوووف ورده

حياك الله ورده كل يوم تعالي ورده

//

بروح اتزبط واحلق عشان برد على واحد ما امون عليه

لي عوده ان شاء الله

ورده
);

المـشـاكـس · #50 13/08/2008, 06:18 PM

ههههههههههههههههههههههههههههههههههههه

كيفي أبي أضحك

ولا تبون الجد والله موضوع ساخر ورائع وخفيف وأحلى ما فيه الي كاتبه البزر فيصل .
فيصل عبدالله يسلم عليك

.

أولا من هنا أطالب بسداد فاتورتي من أبو وأم فيصل يعني معقوله يروح لندن وإسبانيا وممتحني كل يوم يدق ويقفل وأنا سبيكه أدق عليه مو لشيء لا بس لأني أحبه

.

يخي البارح وإنت تكلمني إنت وعبيط <========

وتقولون لي الموضوع حمستوني أدخل الموضوع غصبن عني رغم بعدي عن النت للظروف الي تعرفونها

.

بس أنا ما أبي أعلق على الموضوع لا

.

بعلق إني شفت يوزر ماجد مقبل أخضر يعني مشرف يعني مش مصدق عيني

.

الله يالدنيا يبو مقبل من مشرف إرشيف في منتدى محد درى عنه إلا مشرف شبكة الزعيم بكبرها

.
صدق من قال لو دامت لغيرك ما آلت إليك

.

بس تبون الصدق رغم إبتعادي قسريا عن المنتدى إلا أن الأسماء التي أختيرت تستحق وبعد عنها أسلوب المجامله

.

فماجد من زمان ونحن نقول هو أهل للإشراف والهنوووف تستحق من فتره بعيدة الإستشاريه وهلالي من أرض اليمن قلم يحبه الجميع

.

نرجع لموضوع البزر

.

فيصل بذمتك وإنت تكلم الشيبان مثلي ومثل ماجد ما تحس إنك إستفدت كثير في أمور الحياه وبالذات الأمور الي خبري خبرك

.

ذكريات جميله وأكثر ما أعجبني الكف الي جاك فوربي كأنه طالع من يدي

.

فيصل قلت وما قلت بعيد عن المجامله أنت خليفة المشاغب كقلم ساخر من غير تكلف

<<< أحلى يا المشاغب صرت مثال نشبه فيك الرجال والبزران

.

قبل الختام .

شفت نور الشمس ورده ومن زمان ماشفتها بالمنتدى يمكن لأني منقطع ولكن حقيقه فرحت لرؤية يوزرها فهي وبكل تجرد من الأقلام التي لا غنى عنها في هذا المجلس بس أكثر ما أثار إستغرابي مثلما قال سلطان في عودتها كلمة ياي

.
يعني بعد كلمة أستاذ عبدالرحمن صرنا في ياي

.

شكر خاص للمشاكس على يوزره وعلى فكره ترا فيه أكثر من عشرين إسم بيردون بيوزر المشاكس <=====يبي يوهق عبيط تراني قلت عبيط عبيط مو ؟؟؟

.

تحية خاصة للجميع ورمضان مبارك مقدما

zezoo00oo · #51 13/08/2008, 06:31 PM

إقتباس


	ويطقني طق حسبي الله عليه للحين والله ما نسيته ويجي الدلوع وياخذ مكاني , والحسره للحين بقلبي . اذكر مره من زود البرائه قلت له باخذ مكانك بالجنه ههههههههههههههههههههههه

ههههههههههههههههههههههـــ

اهم شي المكان

الله يرضيك بمكان بالفردوس الاعلى ان شاء الله

\\

موضووع متميز من تميز كاتبه
فكره حلوه وجديده

تقبل مروري

بع

مَاهِينُورْ · #52 13/08/2008, 07:09 PM

فيصل ورده
معليش كاثرة جياتي ( هون )

بس عادي نمون

..

هلا أستاذ

/ المشاكس ورده

يالله إنك تحييه

..

الله المستعان مبطينن ما شفناك

.. عشى المانع خير إن شاء الله

..

إقتباس


	شفت نور الشمس ورده ومن زمان ماشفتها بالمنتدى يمكن لأني منقطع ولكن حقيقه فرحت لرؤية يوزرها فهي وبكل تجرد من الأقلام التي لا غنى عنها في هذا المجلس

شهادة أعتز بها ورده

..

إقتباس


	س أكثر ما أثار إستغرابي مثلما قال سلطان في عودتها كلمة ياي . يعني بعد كلمة أستاذ عبدالرحمن صرنا في ياي .

إنا لله و إنا إليه راجعون

الله يصلحكم

تسانكم تمسكون علي الكلمة بسرعة وما تنسونه

..

أستاهل وقسم أنا وش يعرفني بالكلمات الناعمة

>>

..
..

>> ترى أمزح عشان ما أجي بعد شوي و أحرر ردي

>> صايرة حساسة بالحيل

..
المشاكس
من الأعضاء اللذين نفتقدهم كثيراً ..
فـ لا تحرمنا من مشاركاتك

..
..

فيصل ورده
شكراً ورده

.
..
لحظة قبل أختم

..
د سارا

الله يعطيك العافية على الصور ..
والله لو هذي ثانويتي تسان إلى الحين ماطلعت منه

..
الله يهنيكم ورده ..
..
::::::::::::::::::::::::::::
v
v
v
v
كنت شاكة

الأسلوب مو أسلوب المشاكس

بس توقعت مواصل ورده..
حيا الله المشاكس ومستشارييه الكرام ورده

..

المـشـاكـس · #53 13/08/2008, 07:20 PM

إقتباس

الرسالة الأصلية كتبت بواسطة nor alshams


	فيصل ورده معليش كاثرة جياتي ( هون ) بس عادي نمون .. .. هلا أستاذ / المشاكس ورده يالله إنك تحييه .. الله المستعان مبطينن ما شفناك .. عشى المانع خير إن شاء الله .. .. شهادة أعتز بها ورده .. .. إنا لله و إنا إليه راجعون الله يصلحكم تسناكم تمسكون علي الكلمة بسرعة وما تنسونه .. أستاهل وقسم أنا وش يعرفني بالكلمات الناعمة>> .. .. >> ترى أمزح عشان ما أجي بعد شوي و أحرر ردي >> صايرة حساسة .. المشاكس من الأعضاء اللذين نفتقدهم كثيراً .. فـ لا تحرمنا من مشاركاتك .. .. فيصل ورده شكراً ورده . .. لحظة قبل أختم .. د سارا الله يعطيك العافية على الصور .. والله لو هذي ثانوتي تسان إلى الحين ماطلعت منه .. الله يهينكم ورده .. ..

أقرأي التوقيع وتعرفين إني أحد مستشاري المشاكس ولست المشاكس

.

تذكري صويع بن دركوم

.

ومشكوره على الإطراء لأخي الفيضي المشاكس.

حتى ظلالي هلالي · #54 14/08/2008, 06:27 AM

وانا اشم ريحة نذاله من مسافة عشر طعش مليون كليو متر مكعب

اثركـ منزل موضوع

سالفة اني بنتظر لحد ماتخلص من الصفحات الــ 4
هذي صعبهـ شوي ..

عندكـ حلين لا ثالث لهم

يا انكـ تنقز كل الردود وترد على حقي

<< وش عندهـ طال عمرهـ

يا انكـ اذا ماعندكـ نيهـ فأنا بحذف ردي

يالله لك فرصة إلى بكرى
وبعدها بحذف ردي لان الجواب بيكون واضح

عشان ما أحرجكـ

<< يا شين اللي داخلهـ على شر

...

أنا اقول لازم ندور على يهودي ميت هالايام

لانهـ شيء غريب

بلد القلق منزل موضوع

صايرهـ حآجهـ بالدنيا

...

اجدع البعير يا مناحي يستاهل ابو قلق
<< الله من الهياط

إقتباس


	مواقف طفوله بريئه

متأكد ..!!

إقتباس


	مدرسه ابتدائيه مقصفها يبيع بطاطس مقلي !!

تسلفني اياها أكمل فيها آخر سنهـ

إقتباس


	هذا الطالب من الطلاب عضو من الاعضاء , اسمه بلد الوليد احد بلد الوليدات , هذا العضو من الاعضا...... ( صورة بلد الوليد متجمعين عليه الاعضاء وينجلد والقاضي جالس بعيد مرتكي على عصى ويضحك)

ـههههههههههههههههههههههههههههههههههههههههههههـ

أجل احد بلد الوليدات

باللهي من منجحكـ لغهـ عربيهـ

الجمع حتى ماتعرف تجمع

ياحيف بس

هذا جمع واحد كلها سنهـ ان شاء الله وهو طالب جامعي

<< من يتكلم

وأنا أول عضوهـ تجلدكـ

بالعجرا بعد

هذا توصيف حواري مو اسم

إقتباس


	كان الطالب الحبوب يأتي مبكراَ كل صباح ..

متأكد من ذي الكلمهـ

إقتباس


	ومكروه بين الدلوعين الي عندهم اخوان في سادس

يعني حتى انا مكروهـ بالنسبه لي

<< اقالهـ صارت دلوعهـ بعد هذاكـ الشيء

إقتباس


	لانه يجي مبكر عشان يحجز لهم الاماكن الاولى في الطابور

لاااااااااااهـ فيهـ مشروع دافور هنا

إقتباس


	طبعا عشان احجز وقفت في المربع الاول وحطيت الشنطه في المربع الثاني والمقلمه في المربع الثالث ..

الشنطهـ نمشيها
بس مقلمه تحطها للحجز

أبوكـ يالتحشيش

إقتباس


	شويات وجاي معه جدار موب جدار جدار بس اخوه يعني جدار ( افلقوني على الوصف )

آهآآآآ قصدكـ جدار جدار
يعني حيطهـ

<< بتنجلد

إقتباس


	اذكر مره من زود البرائه قلت له باخذ مكانك بالجنه ههههههههههههههههههههههه

ـههههههههههههههههههههههههههههـ
الله يرزقنا وياكـ

باللهي وش شكلكـ وانت تتذكر هالكلمه ..!!

إقتباس


	س \ قد طحتوا بدلّوع نكّد عليكم ؟!

عطني بنت مو دلوعهـ أصلاً

اذا صرتي ماتصيحين على كل شيء فيعتبرونكـ زاحفهـ

...

انا بالابتدائي ماكنت أصف بالاول
كنت بالوسط

عشان اسولف محد يدري عني

بس كانوا يرجعوني ورى آخر شيء

يقولون الطوال ورى والقصار قدام

إقتباس


	كأني اشوفك في ذاك السيب .. بشماغك .. بدون عقالك .. بلحيتك . الي اختفت يمكن مع اتيكيت الجنسيه القطريه ! سبحان الله كيف كنت قاسي ! طلاب عودهم ألين من الخيزران تذكر شلون كنت تضربهم ؟ تذكر عذابك ؟ والله ما انسى ظلمك لي واستدعاء ابوي للمدرسه بسبب كذبه لفقت . لو جمعت طلاب ابتدائية هارون الرشيد وقلت من اسوأ من درسكم ؟ قالو جميعاً / الله لا يذكره بالخير استاذ خليل ..

فيصل انت متأكد انهـ انت اللي كاتب هالمقطع ..؟!

اذا تأكدت علمني

إقتباس


	قلت هذا اهو بسسس !؟ قال ايه . قلت مشينا للوكيل نعلمه

هههههههههههههههههههههههههههههههههههههههـ
لا والله وجهكـ وجهت واحد جاي يفزع

اجل بسسس؟!

إقتباس


	ادري ان كلامي ماراح يوصل لأحد لكن اتمنى اني اشم امنيه ان عندنا تعليم يبرد الكبد . تعليم تتطمن تحط عيالك عنده

كلام كبييييييييير

والله يافيصل ما انت هين
حسيت انكـ شايب طايحة ضروسهـ اللي قدام ومعه عصا

ولابس ثوب رصاصي وسروال السنهـ طالع من تحت

والشماغ بدون عقال

إقتباس


	تعليم ثوبه نظيف تعليم يفرش اسنانه كل يوم ---> ترا الحكم الي كاتبينها على الجدران فهمنا لها في الابتدائي زي فهمكم لما خط بالرصاصي !! اجل التعليم له ثوب يامخفات ؟! الشرهه عليكم الي تقرون

اللي يقرأ ماينشرهـ عليهـ
الناس تشرهـ على الكاتب

حنا وش دخلنا اذا كان الكاتب غبي

إقتباس


	( عند كل فيس مثل هذا اتذكر برائة مشاغبونا )

وأنا اشهد

<< من جبنها

دام هذا (

) يذكركـ بالمشاغب

أجل هذا (

) وش يذكركـ فيهـ

إقتباس


	المهم حنا شقاوة أطفال وشوي لعانه ..

أنا اشكـ في هذي

إقتباس


	حنا كنا في حالة هيجان فينا هبال ثيران ذاك اليوم قلنا حنا وجلسنا نضححححك جا اخوه ومسكني وعطاني كف مع وجهي !! انا قال وجهي كذا ثم تحول لكذا بعدين وكذا وضحححححححححححححححك

ياشين هالحالهـ
تخليكـ تسوي شيء ماتدري عنهـ

الضحكـ اذا جاء جاء محد يوقف بطريقهـ

بس في بعض الاوقات مالهـ داعي

بس ماتقدر تمسكـ نفسكـ

واسأل مجرب وخبير مثلي

إقتباس


	شطحه صغيره مره تبليت ولد وقلت لأبوي انه سوا لي حركه وسخه جا ابوي صيحه في المدرسه وراح من بكره جا ابوه صيحني وراح والى يومكم ما درا ابوي ولو درا كان راح الحين وصيّح ولده اجل يرفع لي اصبعه واسكت ؟!

ألا يالمجرم

حرام عليكـ تتبلاهـ بهالشيء

الله يستر منكـ

اللهم حولينا ولا علينا

<< ماخافت ابد

إقتباس


	مر علينا مدرس في رابع ابتدائي اتوقع انه مجنون والعلم عند الله شوفو كيف يخاطب الطلاب الطالب : استاذ بروح الحمام المدرس : روح ** بالدرج مافيه طلعه ..

أحسن من اللي تقول لكـ
وشو له تروحين للحمام..؟!

يعني الوحدهـ بتروح ترقص مثلاً

إقتباس


	بيشرح وفيه ازعاج .. يقول : اسكت انت وياه يا ( مؤخرة ) العنز تخيلو في رابع ابتدائي صغيرين مانعرف شي --> احلف بقوه يابو قلق ماتعرف شي

افلقني كانكـ ماتعرف شيء

هي ليتها تآقف على مؤخرة العنز وبس

إقتباس


	برضو يوم اخر الموسوس للطلاب : ولا واحد يحرك ( *** ) من الكرسي عشان ما الونها له بالهذا يسمي القلم الهذا

مشكلتكـ ماتعرف تشفر أبد

إقتباس


	مرت علينا فتره في الابتدائي كان عندنا اختبارات ..

ايه والله كنا ننرحم

أجل احد بالابتدائي يختبر

مو مثل عيال هالوقت تقييم ونوم

<< وش دخل النوم مدري

إقتباس


	تذكرون هذي اللحظات ؟! تجي وعيونك كلها غمص يستقبلك عند المايك مدرس غثيث ! مدري ليه دايم مدرسين الطابور غثه

اصلا عطني مدرس أو مدرسة مو غثيثين

إقتباس


	ذكرتو اشكالكم في الطابور ؟! والمدرس يقول .. واحد .. ثنين .. ثلاث .. بع .! ما اذكرهم قد قالو اربع دام بع بع

الحمدلله حنا مايسوونها عندنا

بس بع ذي لحالهـ

أنت متأكد انهـ سعودي المدرس مو سوداني

..!!

إقتباس


	برايفت بالله لا تشوفه يالقاضي اول مره يجيني انذار ترا

حنا موأقل منكـ

تعيش وتآكل غيرهـ

إقتباس


	هناك كلام بين السطور . اكتشفه وعلمني يا لمّاح

مشكلتي مسطلهـ الحين

يعني مافيه أمل اكتشف شيء

..............

فيصلوهـ

الله يوسع صدركـ بالعافيهـ

والله يا انا ضحكة ضحكـ تقل شاربه شيء

<< يعني شاهي قصدي

كل ابو دايم بسافر عشان تنزل موضوع

يمكن تكون المشكلهـ مني مسببهـ لكـ أزمهـ

ورده
ان شاء الله كل سنهـ وانت تعيش برائة الاطفال

يا طفل

<< من جنبهـ والله

كاريزمـا · #55 14/08/2008, 11:20 AM

صبحه بحليب نيدو

هلا ابني قلقـــــول

إقتباس


	طبعا عشان احجز وقفت في المربع الاول وحطيت الشنطه في المربع الثاني والمقلمه في المربع الثالث ..

اجل مقلمه والله لو مكانهم لأرفسك انت وقشكـ

إقتباس


	قالي وخر عن مكان اخوي قلت والله ما اوخر جاي قبله والدمعه بعيني هو بس رفع يده بيطقني وانا صياااااااااااااح

طلعت انت الرخمه اوب اخوه

بدال ماتفسر عن ذرعانك تصيح يالنسوه هههههههههههههه

هههههههههههههههههههه

<< خفي على قلقول

إقتباس


	اذكر مره من زود البرائه قلت له باخذ مكانك بالجنه ههههههههههههههههههههههه

إقتباس

طقتني الغلتسه

تسيف يطقك .. طقه ان شاء الله حنك الحمار ..

من سمع جملتك المفروض انه ضمك وضحك وطبطب على جبهك

إقتباس


	كأني اشوفك في ذاك السيب .. بشماغك .. بدون عقالك .. بلحيتك . الي اختفت يمكن مع اتيكيت الجنسيه القطريه ! سبحان الله كيف كنت قاسي ! طلاب عودهم ألين من الخيزران تذكر شلون كنت تضربهم ؟ تذكر عذابك ؟ والله ما انسى ظلمك لي واستدعاء ابوي للمدرسه بسبب كذبه لفقت . لو جمعت طلاب ابتدائية هارون الرشيد وقلت من اسوأ من درسكم ؟ قالو جميعاً / الله لا يذكره بالخير استاذ خليل ..

وش يبي الواحد يطلع من هالدنيا غير بالذكر الحسن

والناس تذكره بالخير

في منتدانا موجود موضوع معلمون لازالوا بالذاكره

يمكن محصل اعلى نسبة مشاهدات وردود

وكلها ذكر طيب لمعلمون مازالوا بالذاكره وبعضهم متوفي الله يرحمهم ورده

إقتباس


	قلت مشينا للوكيل نعلمه يعني من جد مالها داعي اخوه الكبير وانجلد قدامه

ممتاز التزم بالقوانين يعني مالها داعي تفقع عينك قدام اخوك

خلك من الوكيل وجاي

يالله هالموقف ذكرني بسالفه يوم كنت بالابتدائي

اذكر صديقاتي تهاوشن عاد هن جنيات كل وحده ابليس انا مدري وشلون صرت صديقتهن هاديه ووديعه ومؤدبه

عاد كانت الخنقه الحصه السابعه وكنا نجتمع بالحوش

نلعب >>> امحق لعب

المهم تعالكن ووصلت وحده شقت مريول الثانيه عاد وحده اختها مدرسه

عندنا بالمدرسه جت طردت الثانيه برا حوش المدرسه هههههههههههههههه

اشوى اللي ماطردتني حيث اني مؤدبه وهاديه ووديعه

.

إقتباس


	شطحه صغيره مره تبليت ولد وقلت لأبوي انه سوا لي حركه وسخه جا ابوي صيحه في المدرسه وراح من بكره جا ابوه صيحني وراح والى يومكم ما درا ابوي ولو درا كان راح الحين وصيّح ولده اجل يرفع لي اصبعه واسكت ؟!

آسف والله آسف آسف والله آسف والله والله آسف ..شكلي بطلع من المنتدى

>>>>

.

لا منتب هادي اثرك وانا اقول الولد خربان من تالي جالس تصنع قدامنا

انت متفيهر من يومك صغير

>>>

//

[QUOTE]
من الصدف في عالم الدراسه ..
ولد درس معي في الروضه والتمهيدي ..
وكمل معي في كل سنوات الابتدائي وبعدها كل سنوات المتوسط وسنه من الثانوي
وقابلته مره في خارج المملكه بالصدفه
وليومكم والله ماعرف اسمه

توه يجي على بالي يوم بديت اكتب الموضوع !

[/QUOTE

//

تصيررررررررر معي كثير ..

انا نفسي اشوف وحده ايام ثاني ابتدائي اتأسف منها

كانت مسيكينه دبه وانا مصادقه شلتن فاهره

كانت اذا اكلت نقول

اشعب يا اشعب ..يالك من بطن اوسع من ملعب

ســامحيـــــــــــــــــــــنا يا اسماء

ترى انا مع الخيل اردد معهم والا انا هاديه ووديعه ومؤدبه

<< اقلقتي منامي

إقتباس


	مر علينا مدرس في رابع ابتدائي اتوقع انه مجنون والعلم عند الله شوفو كيف يخاطب الطلاب الطالب : استاذ بروح الحمام المدرس : روح ** بالدرج مافيه طلعه ..

إقتباس


	يوم اخر .. بيشرح وفيه ازعاج .. يقول : اسكت انت وياه يا ( مؤخرة ) العنز تخيلو في رابع ابتدائي صغيرين مانعرف شي --> احلف بقوه يابو قلق ماتعرف شي

ههههههههههههههههههههههههههه

على ان الفاظه مدري وش تبي بس موسع صدره

ذكرتني بواحد يدرس بقريه ..ويدرس صف رابع ابتدائي

ياهو يهستر بهم وموسع صدره على الاخر

مديره يحلف عليه مايغيب يفقده بالمدرسه

كان مهدد طالب يسمع له جدول الضرب

وجاء من بكرا وغاب الطالب

رح ركب سيارته ولقى الولد يلعب عند بيتهم

مسكه مع علباته قال يالله سمع ههههههههههههههههه

>>>

يوم رجع قال للطلاب خلاص الدرس خلص

ومره دخل الموجه حقه عنده لقاه راقي فوق الطاوله

يشرح لهم الف المد ههههههههههههههههههه

قال الموجه الله يخلف عليك

ما اذكرهم قد قالو اربع

دام بع بع

اللي صار مع البقه كان يصير معي نفس الحركات وارثتها مني ههه

يعطيك الف عافيه على الموضوع

الله يوسع صدرك بالعافيه

عقبال تكتب لنا شغب الثانويه بعد ماتخرج منها

احس علومها اووووف

عاد الرد مخربط مدري وش يبي بس سلك سلك

شكرا قلقول ..عقول ننتظرك دوماً

//

سبحانك اللهم وبحمدك استغفرك واتوب اليك ورده

بلد الوليد · #56 15/08/2008, 02:16 PM

سيد الملوك

موضوع جميل كـ عادة مواضيعي ؟!

من متى وانا انزل مواضيع اصلا

بس بالله لا ترجع للملف الشخصي

وربي فضايح

إقتباس


	المهم وكان جنبي جالس وهو تكروني وخشمه يصب وطالع لين شفايفا ابيض تقول خط ردميه

ياذا المقطع مزّعني ضحك

الله يوسع صدرك بالعافيه انت والقصه

التكارنه لي قصص معهم إلى بكره .
رجالهم ونسائهم

بس خلها مستوره والله سوالف ما تنقال .

ولا تدرون بقولك سالفه وحده

مره نمشي بـ رصيف قريب من مول . كنا طفشانين ونمتشى ونسولف .
المهم فيه ثنتين واقفات على الرصيف ما انتبهت لهم انا , بعد ما قربنا منهم قال خويي يؤ يافيصل تكارنه

مسوي يتميلح هو ووجهه .
المهم وتلتفت التكرونيه وتقول مين العبده ؟ قلت انتي وخويتك بعد

خذتني الحميه الحين ادافع عن خويي

الله لا يرده

قالت في امك خير تعالي عندي هنا , قلت يالله بس توكلي وش يجيبني

توني متروش منيب جاي

قالت ******************** مقطع طوييييييييييييييييل ماينقال

الزبده انه يذكرني بوساخه سلطان ذاك المقطع

وطلعت جوالها مدري بتدق على مين .
عاد انا بسوي بنسحب بشرفي عطيتها ظهري ومشيت وانا اقول يالله بس يالله بس

---> ما تلاحظون كل مواقفي دايم ماكل تبن ومنجلد ؟!

تقبلت مرورك ياسيد الملوك .
مع أن لي تحفظ على اسمك من الناحيه الدينيه . اتأكد وأرد لك

____________
بعد التأكد والبحث .
يحرم التسمي بقاضي القضاة وملك الملوك وكل مادل على هذا المعنى
فـ ملك الملوك هو الله وسيد الملوك هو الله لا شريك له .
اعتقد هذا سبب مقنع للإداره لو طلبت تغيير اليوزر ..!
منّور يا سيد

ورده

د.خالد

من طول الغيبات جاب الغنايم

نبي قصيده بصوتك

يادكتور كانك مابعد تخصصت

انصحك بقسم مسالك بوليه

تدري ليه؟
لأن الشعب هنا يستحون يفصخون للدكتور

عشان كذا بتجلس كل عمرك في مكتب وراتبك يمشي زي دكتور الانف والاذن والحنجره الي يكرف 24 ساعه

نصيحة أخ

واحد اثنين ثلاثه بع

الي بعدوووه

دكتور المسالك ورده منور ورده

&& هلاليه &&

هين إن ما رديت عليك بأقتباسات يالشينه

إقتباس


	يوووووووه ذكريااات اول نمشط الشعور ونلبس ونركب اول ناس بالسياره عشان نحجز الاول

شفتي انك غبيه

انا ما اركب الا اخر واحد

عشان اجلس عند الباب وانزل اول واحد

إقتباس


	انا اللي ماانساه من الابتدائي ابد شفت بنت تغير درجتها من دفتر درجات الاستاااذه ومير انا وش حليلي والله يوم شفتها ارتعت انا بس ماعلمت الا صديقاااتي واثر وحده من صديقاتي راحت وعلمت الاستاذه ومير ذيك البنت تحقد تحسبني انا اللي معلمه واذكر انها حاولت تخرب صداقاتي بالمتوسط بس ماقدرت كل شي عندي الا الصداقه واشوى صديقاتي يحبوني

انا لو اني صديقتس انتحرت

بالله وش لاقين فيك

اجل يالمخفه تشوفينها تعدل درجات وتخافين ؟! المفروض تقومين تشوفين درجتك كانها ناقصه ولاشي

إقتباس


	بلد القلق يمال العافيه على الذكريات اللي تونس مير ماودك تكتب لنا موضوع عن الخيال الواسع يالله سلااام ورده

وانتي يامال العافيه على الرد

تذكرين يوم انك نمله ؟!

يوم اكسر يدك

بفهمك انا وجهة نظري بس ان ماش رافضه

تكبرين وتفهمين ان شاء الله

حياك الله هلاليه ورده انتي وأقتباساتك ورده
سلام ورده

ماجد نكبه

قال ايش قال مشرف ياعمي طير

ترا هنا مو مثل الارشيف توزع انذارات على كيفك

هذي الزعيم ياحبيبي الانذار انذار

بعدين بالله جلست اتخيل شكلك تهايط وتتمشكل مع العالم والله ماقدرت

انت شكلك تجلس قدام عند المدرس ولابس نظارات مقعره ومتكتف وفي الفسحه تجلس في الفصل وتاكل خيارة وتفاحه

ومعك ( مطّاره ) مويه حاره تدز فيها

طبعا كلمة مطاره لزوم نقلب الذكريات

إقتباس


	اذكر واحد اسمه رائد والثاني ثامر لا يوهم لا ابو اخوهم

لا يوهم هاه

إقتباس


	وبعدين ماشاء الله عليك من يوم كنت صغير وانت ذكي

وهذي يبيلها مسأله حسابيه ؟!

وضوح الشمس ياحبيبي

ماجد الله يسعدك على المرور والله ان غير كل المرورات

عشانه منك

وألف مبروك الاشراف ياماجد ورده والله يقدرك على خدمة الشعب الهلالي

بالتوفيق ماجد ورده

nor alshams

حي الله حنيييييييييييييييييين ورده وين الناس يالقطوعه ما تنشافين

والله لك فقده ورده
بعدين لا تسأليني عن مواقف الثانوي وش تبين فيها هاه

مافيه شي قابل للنشر

على طاري موضوعي الي قبل ياااااااااااي كنت انتظر ردك بس نزلتيه

ارسليه بالخاص اشوفه الحين عادي

أما بالنسبه للمواضيع فأنا اشيل هم الردود .
لأني احب اعطي كل واحد حقه وماحب ارد بمشكور على مرورك .
حنين ..
مره مروووورك ياااي خطير

..
العفو .. ورده
..

تمت الصفحه الاولى .
سبحانك اللهم وبحمدك استغفرك واتوب اليك ..

G o L d E s T · #57 15/08/2008, 03:19 PM

//

:ايييييييييييه يا أيام الابتدائي

طبعا ما لي ذكريات كثيرة بحكم إني كنت مؤدب يعني من الطابور إلى الفصل وآكل سندويشتي بالفسحة وانتظر الطلعة

لكن أبرز الذكريات بعض الطلاب المهايطية اللي يحطون مع الفش فاش شطة

وأذكر إني كنت ما أطيق لعب الكورة بالمدرسة لأن اللي يلعبونه ركبي مب كورة

ومرة طلعت برحلة لفصلنا وطقيتها كورة وأبهرتهم بمهاراتي

حتى كابتن فريقنا استدعاني رسميا للفريق والذي إتضح إنه كان من أسوأ قراراته

طبعا بتقول نكبتهم أقولك لا لأني كنت وجه نحس فقط لا غير <<< انهزموا سبعة صفر

لكن إحقاقا للحق ذاك الوقت كنت ألعب مهاجم يعني ما لي شغل بالأهداف حتى إني جبت كورة بالعارضة <<< العارضة تحسسك بنشوة أحسن من القول

أيضا من الذكريات واحد الله يسامحه حرمني من أجمل أهداف مسيرتي الكروية وكان على طريقة الدبل كيك

لكن هذا المدافع الخبيث صد الكورة بيده مع إنها كانت بالتسعينات بس هو طويل والمشكلة أنكر تصديه للكرة بيده

وقبل فترة شفته بالجامعة مع إن وجهه تغير إلا إن ملامح الخبث وآثار الجريمة بيده اللي صدت كورتي لا زالت باقية

أما الطابور وما أدراك ما الطابور

بأيام البرد كنت أشوف يوميا سقوط ضحايا وجرحى بالطابور كل ما شفت واحد يتنافض بقوة عرفت إنه بيطيح وينتهي مصيره بغرفة الوكيل

يروح يكمل نومته على الكنب اللي هناك

بس والله أذكر مدرس الرياضة يلعب علينا بأيام البرد يخلينا نفرك يديننا عشان نتدفأ ويقول اللي يطلع نار أبعطيه هدية

وما تشوف الضعوف البزارين وأنا من ضمنهم إلا كل واحد يشد حيله ويقول يا رب محد يشب النار قبلي

وكان يخلينا نركض بمكاننا ويقول اللي يكسر البلاط أبعطيه هدية ومن زود الحماس حدث زلزال بالمدرسة درجته 6.5 على مقياس ريختر

طبعا الطابور إنتهي بنهاية الابتدائي بالمتوسط والثانوي كنت أروح من السيارة إلا الطاولة أكمل نومتي

بتقول لي شلووون أقول لك إسأل ماجد مقبل هو يعلمك

تنويه :

تم كتابة هذا الرد في ظروف صعبة حيث أن الكاتب مرهق من السفر ولم يستطع النوم لما يزيد عن اليوم

//

بلد الوليد · #58 17/08/2008, 03:24 AM

ملاحظة : الاقتباس يحوس الرد

وانا ماعرف انسق

عشان كذا كل ما كُتِبَ بـ الأحمر اقتباااااااااااااااااااااااااااااااااس

\..

v
v

~ مطيع الهميمي ~

حي الله مطيع

ورده الحاضر الغائب ؟
اقتباس ..
وقفت كثيرا عند هذه الكلمة .. انها التربية
بغيت اخلي ابوي يجي يقرا ردك

تسلم يالغلا

اقتباس
دامني دخلت خل اقول لكم سالفة تذكرتها
لما كنت في أول ابتدائي كان واحد مبهذلني في الفسحة كل ما شافني جا وطقني وراح

طفشت وعلمت الوالد قام الوالد شرا لي مسطرة خشب

وقال لي اذا نزلت الفسحة خذها معاك واذا جا بيطقك طقه بهالمسطرة

وفعلا في اليوم الثاني فطرت في الفصل وطلعت اتمشى بمسطرتي

شافني الولد جاء لمي شاف المسطر بيدي قلت له والله اذا طقيتني اطقك بذي

خاف ومشى ومن يومها فكني الله شره

ونععععععععععم والله بعدي

مزدي فيه هـ التسلب

والله حركة الوالد جهنميه

زين انك شرّفت يامطيع

الله يجزي الي كان سبب وجودك بينّا بعد الـ 1000 مشاركه كل خير

--> متابع بدقّه

مطيع المطرح مطرحك حياك بكل وقت ورده ولا تبطي علينا ورده
دايم أقول مطيع غير

//

~ فجر الرياض ~

توك تدرين اني بريء ؟!

اجل تبينه ياخذ مكاني واسكت له ؟!

بس احاول انسى ذا الموقف دايم

لانه يحسسني اني زلابه

فجر مانشوف لك مواضيع مع اني احس انك مبدعه ماشاء الله .
واحسن مافيك انك متابعه بقوه من قبل لا تسجلين

وتذكريني بـ نور الشمس

عصر الرياض ورده عضوه احس انها قديره

بس تظلم نفسها بـ ردودها

.
نـورتـي

//

~ سكب الهلال ~

أخيراً طعت شووري !!

ما أنا قايلكـ إن عندكـ أسلوب أحلى من المشاغب ..

تستهبل انت ؟ وهي يبيلها كلام

سكب حبيبي اذا شفتني اقول بابا طلع .. ماما راحت عزيمه .. اخوي الصغير تزوج ..
وقتها تعال قارني بـ المشاغب

بعدين وش الاحضان هي العنوان ؟ عيب احضان الرجال تصيح يامال الي

طيب لو كان في الرجال ذاك اليوم واحد مثل سالم لبى يور هيرت

وشاف الاحضان وقتها وش بتسوي ؟!

هذاك انسان ما يوفر شي انتبه منه

يعطيك العافيه اخ سبك

انا الأسعد بـ شوفتك يالغلا

ورده
فمان الكريم ورده

//

~ hilali88 ~

تسميها انت دلاخه ؟ اصلا من متى ناخذ رايك

بعدين ياخي حب ابو اديب حقك

ماقلنا لك

آآآآآآع ليته مدرسك

آآع يعني صرخة قهر

على طاري مدرسكم المجنون ولد خالتي يقول كان عندنا مدرس بالمتوسط يدري انجلش
يقول مره مسكت مع طالب وصفر
التفت المدرس قال من الطالب الي بيصفر ؟ محد رد
رجع المدرس يكتب وصفر الطالب مره ثانيه
رجع المدرس قال من الكلب الي بيصفر ؟ محد رد قال من السافل الي بيصفر برضو مفيش رد

التفت المدرس المره الاخيره وصفر الطالب برضو

تدرون وش قال المدرس ؟ التفت ورما القلم في الارض

قال من الكاااااااااااااااااااااااااافر الي بيصفر هههههههههههههههههههههههههـــ

----> ( سالفتك البايخه ياحبيبي لاعمرك تقول سوالف

)
بعدين على سالفة البلياردو ماطنشت ياحبيبي المسأله ومافيها اني ماعرفتك

لو عرفتك كان ريجيكت كبر راسك

من متى وانا اخاف على مشاعر التماسيح ؟!

تعبت وانا اكتب

نشوفك على خير

شرّف كل شوي ورده

//

~ وليد القحطاني ~

سمعنا بصاحب الالف روايه

صاحب الالف مدري ايش

بس صاحب الالف يوزر ماقد سمعت

اما موقفك ياحبيبي

كثر منه

اجل شهر مايسبح

شهر بس ؟!

الناس ماتسبح ثلاث اربع شهور عادي

مصري يجمع فلوس موب فاضي يتروش

اقتباس
المهم كان فيه طالب مصري << داخل اهلية من اول ابتدائي

تعلمنا انك داخل اهليه ؟! وش ذا الاهليه الي كلها مصري وسوري

؟! شكلها اجل اي كلام

لا تهايط بأهليتك مره ثانيه

وليد الله يجزاك خير على الدعوه

فعلا عقدتي الكيمياء
الله يسهل ورده نشوفك على خير حبيبي ورده

//

~ كان هنا ~

هلا هلا

هلا بالي يعرف طعم الابتدائي

بالله عطني حبه ابتدائي يابو طعم

ياخي من طول ردك ماعرفت ارد عليك

الزبده تايتنك تايتك

عز الله انهم خرجو دشير

//

اعقتد كافي لليوم

تسعدني ردودكم

--> قمت احس بـ أشياء وانا اتكلم كذا

بلد الوليد · #59 18/08/2008, 11:04 PM

القناصة الهلايه

اهلين القناصة حياك الله ورده
ايه والله ابد ما تنسى الذكريات

لاهنتي على المرور اختي القناصه

عقبال ما اصير زعيم مميز زيكم

ورده

=====================

الـمـشاغــب افندي

هلا بـ البريء ابو قلب حنيّن

إقتباس


	خير خير وش تبي أنت؟

إقتباس


	تبي تاخذ علينا بلد الوليد ويصير صديقك الأولاني؟ طس مناك بس بلد الوليد اللي كان معكم بالابتدائية خلاص انتهى .. زمن البراءة ولّى الحين هذا بلد القلق ورجاء لعاد تلحس مخ ولدنا ترى أمزح معك يا عاشق .. تبيه خذه من زينه عاد والله اننا مبتلشين فيه ولو بيدنا كان وديناه دار الحضانة وافتكينا

سلطان جالس تقول للرجال تبي تاخذ فيصل علينا ؟!

وانت مصدق اني تبعك الحين ولا اعرفك ؟!

توكل على الله يـ الأخو ماعندنا لك احد

الا على طاري سماجة سالم

هه هه هه صدق هو ضحكك ؟!

إقتباس


	بما أني طولت في الرد .. فراح أكتفي بموقف مختصر في أيام الابتدائية ..!

إقتباس


	عشان تعرفون وش كثر أنا بريء .. أتذكر ذيك الأيام كانت موضة " خطك حلو " اللي تحتمل معنيين فيه لها معنى عادي وبريء .. وفيه معنى فاهر المهم .. حليت الواجب عند الأستاذ مفيد اللويسي الله يذكره بالخير .. وكان معصب هذاك اليوم على بعض الطلاب اللي يحلون الواجب بدون تنظيم ولا تسطير ..!! أخذ دفتري ورفعه قدام الطلاب ويوريهم تنظيمي ويقول : " شوفوا دفتر سلطان منظم وخطه حلو ليه ما تسوون مثله؟" أنا يوم قال خطه حلو انقطع عني الأكسجين وبغى يغمى علي من هول الصدمة بس للحين الوضع هادي محد تكلم ...!! رجع المدرس دفتري ورجع لكرسيه .. وبعدها بدأ الطلاب كل واحد يناظر ويقول : الأستاذ يقول خطك حلو تخيلوا وجهي وأنا في قمة البراءة؟ .. ما قدرت أتحمل الضغط النفسي وقمت أصييييييييييييييييح وقعدت أعيط وأعيّط .. والمدرس يسألني وش فيك؟ وأنا أعيّط وأعيّط وياخذني يبي يغسل وجهي بدورة المياه وأنا أعييييييييّط أكثر وأعيّط .. وأرفض أرووح وأعيّط غسلت ورجعت الفصل والحمد لله قدّروا الطلاب حالتي النفسية ومحد قال لي شي .. وكان هذاك اليوم أكره يوم في حياتي الدراسية الله لا يعيد أيام البراءة اللي تدمر النفسية

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههههههههههههههههههههههههههههههههـــ

الله يرجك سلطان هههههههههههههههههههههههههههههههههههه

من اليوم واريح سلطان ابو خط

بعدين ترا نص العالم ما فهمتها

وضح ياخي وضح

ما نفهم حنا

soltan والله مرورك انت الحلو والكويس

يبقى لك فضل كبير علي ياسلطان .
يكفي اني احد طلابك

حياك الله سلطان ورده

==========================

الزعيـــــــــــــ999ـــــــــــــم
والله مناسبة الموضوع مافيه مناسبه

مسكت معي وكتبت ونزلت

اكتب وامش

اما المدرسة الي تسأل عنها والله علمي علمك ..!
الصور جمعتها من النت ..!
ياليت اقدر افيدك .
نـورتــ ورده

=========================

(الشموخ)

إقتباس


	ذكرتن بوحده داجه اعرفه تسولف قالت صديقتي وقالت صديقتي يوم سألته وش اسم صديقتك قالت هذى الي ناقص اسأله عن اسمه مشكور بلد الوليد على الموضوع الخفيف الممتع

ذكرتيني بوحده داجه بـ رد عليها مالقيت كلام اقوله

بعد هذا الي ناقص اعرف اسمه من جد والله

!!
مشكوره بلد الشموخ على المرور الخفيف التحيف

ورده

===========================

نور الشمس
ياااااااااااااااااي ماره علينا مرور ثاني

ياااااااااااي مره حياك ربي

يعني مرور ثاني بتعلمينا ان عندك شنطه حلوه ؟!
يالله بس

اشوى انها من ابو ريالين

وذاك السوق مدري وش اسمه في الرس

حياك الله على المرور الثاني يا إنو

==========================

الحلا مبتليها

إقتباس


	اما ع طاري خليلوه استاذك اللي كسر راسك قلت مابقى الايمد يده مسكين ولد خالي نفس حالتك يقول انه انذل خلق الله ولا مسوي نفسه ف شاعر المليون انواع الاخلاق يمكن ع قولتك الجنسيه غيرت من شخصيته

لايكون ولد خالك دارس معنا

؟!
:
قريت مواقفك ومت ضحك والله

بس المشكله بتكلم عجزت مدري وش اقول خخخخخخخخخخخخخخ

اما قصة انا والشنطه والمقلمه هذي سالفتها سالفه

احيانا يزيد كم شي معها

على طاري الابتدائي ..
اذكر مره جبت شماغ للمدرسه اتفلسف انا ووجهي

المهم كان حق ابوي
واجي المدرسه والشماغ اطرافه توصل للأرض
والعالم تناظرني ويضحكون علي

اذكر بعدها جتني عقده منه لما وصلت اخر المتوسط
بس الحين خلاص

بغيت اتعقد يوم يطيح عقالي في الاستراحه

بس الحمدلله ما تعقدت

الحلا مبتليها ورده اعتبر مرورك من افضل المرورات يالعملاقه

اهم شي عجبك الموضوع ورده
فمان الله ورده

==========================

رعبوبة الزعيم
هلا وغلا رورو ورده
ايه والله ان الابتدائي من افضل مراحل الحياة كلها .
الله يجعل ايامك كلها فرح وسرور ورده
اما من ناحية الشطاره ايام الابتدائي فـ كلنا كنا شاطرين مدري ليه

ما اذكر احد يقول ماكنت من العشره الاوائل في الابتدائي

مدري ذا العشره كم تكفي

اذكر يحطون لوحتين كلها العشره الاوائل
نصفها حرف م بعد الاسم
يعني مكرر
اما بالنسبه لأبلا نوال

الله يخليها حبيتها تصدقين .

ايه كفو تربيكم صح

رعبوبة الزعيم مرورك اروع والله

كـ روعة ردودك
انتي الي من زمااااااااان عن مواضيعك

ان شاء الله نشوف لك موضوع قريب ورده
هياااا انقلعي

باي

==========================

bojan 9

إقتباس


	هههههههههههههههههههههههههه أقص يدي إذا ماكنت مصفي

ياشيخ اقص شفتي السفليه كاني برد عليك

يـ الأخ منيب مصفي .
انا كلور ها ها ها

طس ياحبيبي

==========================

المحبره
دايم وانا اشوف يوزرك اقول وش تحس به الاخت الفاضله هذي

والله صاير استانس على ردودك
حلوه وكلها مواقف وكلام دسم
مو كلام فاضي ماينقرى

احس اني اقرى رد من جد
نشيطة الفتره الاخيره .
خليك دوم نشيطه

إقتباس


	بلد الوليد .. ماشاء الله .. اسلوبك حلووو مره .. وشيق

هذا طبع المجلس العام .. ارتقى بذائقتي لحد ماوصلت للي وصلت

مع اني ماوصلت شي بـ النسبه لكبار المجلساويين

نتمنى نشوف لك مواضيع ..
ايضاً طسي مع رعبوبه

شكرا

.
.
.

بقيت صفحتان

ونودعكم في هذا الموضوع

مرسى عيونك · #60 20/08/2008, 04:47 PM

إقتباس

^^
بس بوضح شي لاختي مرسى عيونك

إقتباس


	قفلت معه يوم من الايام قال ذا المبزره يبيلهم من يلعنهم

قفلت معه يوم من الايام , وقال .

يعني هو الي قال موب انا

خلاص ابشري بوصل له معد يلعن

خلاص مصدقتك لا تحلف

**
أذكر يوم كنت بالمتوسطه دخلنا أنا وصديقاتي
و أختي و صديقتها بسيب ضيق عند برادات المدرسه [ أتوقع تعرفون وشو سيب خخخخخ ] و مامدانا ندخل إلا ويجلسون بنات أكبر منا بأول السيب و يحجروننا حجره
محد يتمناها و ما نقدر نطلع إلا من عندهم و كانت أشكالنا تضحك وحنا متورطات
عاااد جلسنا مدة من الزمن وحنا ننتظر الافراااج
بس الحمدلله جات سليمه وطلعتنا أختي من غير هوشه