الأخ شاهين

السلام عليكم

وش أقول لك كلمة رائع ما تكفي ، صراحة موضوع متعوب عليه يقطر بالحقيقة والألم بنفس الوقت ...؟؟؟

ولكن ياخوي أظن ما حولك أحد ، الجماعه في سابع نومه ، وآخر ما يفكرون فيه العدل اللي تدوره .

أو أظن انهم ماخذين بالمثل اللي يقول ( خشمك هو خشمك لو هو أعوج) على اللي أنت خابر.

أخوي : سبق أن قال لي أحد أعضاء الإتحاد السعودي بكل صراحه ( لو مشت الأمور طبيعية كل سنه لإنفرد الهلال بالبطولات ) ، وهذا اللي ما يبونه (الربع) ، وعلشان كذا مخلين (الدرعاء ترعى) .

جماعة (حج ولم يعد) لقوا اللي يبونه في هالمصروع ، ما دام الأمور تمشي لصالحهم ، وآخر اللي يبونه العدل اللي تدوره وأنا أخوك ..؟؟

قاموا الجماعة وكثروا في الطنطنه ، وأنت تعرف إعلامهم متعود على الدجل من أيام (خراط الندوه) وقبله بعد ، و(بصراحه) لقوها فرصه (لمعوا) الرجال اللي قاعد يلعب بعقول الناس ، المشكله إنهم يقولون لو ربطوه أو راح (خربت الكوره) . ،

ياخوي بعض الأحيان الواحد يطفش ويمل إنه شجع الكوره ، لكن المشكله ما عنها غناة ، خلاص تغلغلت ما منها فكاك .

وهذا المكتوب لنا وهلالنا ، وما دام حنا في المقدمه ومعنا الحق ، بإذن الله دايما منصورين

وتقبل تحياتي : أزرق هلالي