العهد الجديد .. هل انتبهنا له ؟!! وسيتعمدون النيل من سامي .. لأنهم اعتادوا ذلك .. و لأنهم يحسدونا على عبدالرحمن .. - صفحة رقم 2 - نادي الهلال السعودي - شبكة الزعيم

مسّتريح البال · #1 03/08/2008, 03:11 PM

شكرا" جزيلا" اخي مواجه هذه الرؤية النقدية التي نريد ان نجدها في كل عاشق لهذا الكيان العظيم .. من صغيرهم حتى كبيرهم بما يعكس الصورة الحقيقية الزاهية لهذا الكيان الشامخ مذ ان اسس على يد الشيخ عبدالرحمن بن سعيد البسه الله لباس الصحه والعافيه..
شكرا" مرة اخرى اخي العزيز وتقبل مروري.............

الجليد الازرق · #2 04/08/2008, 04:23 PM

يعطيكـ العافيه على المجهود والفكر الراقي

قوآتـ البرنس ـالخاصة · #3 02/08/2008, 03:59 PM

كلام جميل ويعطيك العافية

مشكوور على الموضوع الرائع

زعيـم هلالـي · #4 02/08/2008, 04:00 PM

مساءك سعيد يا مواجه

بالنسبة لكلام رئيسنا سابقا صحيح انه سليم والبعض يمكن يفسره مثالي .. لكن ماهو مثالي لانه ماطلب شيء تعجيزي من اللاعبين اللي مطلوب منهم اللعب باخلاق داخل الملعب بحيث ماتنفلت اعصابهم ويتوقفون ويخسر النادي .. والتصريح ضد الحكام يتركونها للادارة .. مع اني صراحة اشوف ضرب الحكام "بالتصاريح" يجعل هيبة للفريق ولنا بالجار اقرب مثال وكيف نجح نجاح صاعق بالبلنتات اخر موسمين والموسم الاخير بالذات ..!! طبعا منيب اقول صرحوا عالحكام عالطالعة والنازلة .. لكن مانسكت عن حقنا او نتغاضى عن فضايح تحكيمية

إقتباس


	كما ان المواهب في انديتنا كافة في هذا المركز نادرة وشحيحة للغاية ..

كيف شحيحة؟ الشباب لوحده يملك حسن معاذ وشهيل اظهرة دولية بنفس المركز ..
الاتفاق معه الرهيب .. الأهلي معه الجزار هزازي ومسعد .. النصر وهو النصر معهم شراحيلي .. حتى الوحدة معهم المر .. وباقي الاندية هالمركز مايشكل نقطة قوة .. لكن مايشكل ضعف كما ذكرت .. الا يمكن الاتحاد يعاني بالظهير مثلنا لكن اعتقد راح يصعدون طلال عسيري المميز هجوميا .. لذلك وين الجرأة بتصعيد الجيزاني؟

الموهوب يفرض نفسه مهما كان عمره .. بوضع اخر راح اقول لك الجيزاني لايصعد وخله يكمل سنة بالشباب او يروح اعارة ويرجع لنا اكثر خبرة ويرتكب اخطاء أقل .. لكن ليه مانصعد الجيزاني ونرضى بعيوبه اللي راح تتلاشى مع الزمن بإذن الله بدال ما احنا قاعدين عالعنقري وشغل الترقيع بلاعبين الوسط الايمن نلعبهم اظهرة ..!!

لكن الأسئلة المطروحة هي : هل راح يصبر الجمهور عليه ويتحمله لو أخطأ في البداية؟ والأهم لو الجمهور مارضى عن اللاعب هل راح تنجرف الادارة وتتخلص من اللاعب ؟

يامواجه الثغرة بالجهة اليمنى تطورت من الظهير للجناح .. هالمركز صار مثل العفن يصيب فاكهة ويطال جارتها ..!!

شغل الترقيع بنامي والعبدالسلام كأظهرة .. ماكان من الاولى دفع المبالغ المصروفة لسد هالثغرة بلاعب واحد ممتاز ..!!؟

الجهة اليمنى للأسف قاعدة تحتضر ..!! خالية من القوة الهجومية كليا ..!! ماعدا في حالة مَيَلان طارق التايب للجهة اليمنى ..

حاليا أتمنى رونالد يمسك الظهير ويحوله من نقطة ضعف .. الى خانة عادية او عالاقل قوية دفاعيا ونرقع الضعف الدفاعي فيها .. ونلتفت لجناح أيمن وبكذا نسكّن صداع الجهة اليمنى

دفاعيا قوية مع رونالد .. وهجوميا أتمنى تكون قوية بالمحترف الأجنبي او نتوفق بلاعب بهالمركز ورجاءا لحد يقول لي الكلثم ..!! ترانا حولنا هداف فئة الشباب لجناح علشان تعرفون كيف الظهير صار مرض معدي

بالنسبة لمركز سامي استغرب صراحة كل واحد يناقش ويتكلم ويتفلسف بشغل سامي لدرجة تحس اللي يتكلم عادل البطي ..!!

الجمهور مايحضر بشكل جيد بالمباريات وشغال نقد وتفتين عالطالعة وعالنازلة ..!! ؟ حتى لو يحضر المشجع كل مباراة ليه الكلام بشيء مافيه علم ؟

سامي معرض لاخطاء وراح يخطئ اخطاء ماهي قليلة حتى .. بس وش المشكلة؟ او بالاصح وش المصيبة اللي الجمهور يحتري اي شيء يحوله لمصيبة ؟

وضع الهلال الاداري ماعمره شكل مصيبة نتباكى عليها لذلك انا اقول نركز عاللاعبين واشباه اللاعبين والخانات المتصدعة أحسن من اخبار هوشات واستقصاد للنجوم بقيادة سامي

طبعا هالكلام ماهو موجه لك عزيزي مواجه تفاديا لمشاكل اخرى عن هالموضوع لكن موجه للجمهور ككل .

مواجه · #5 02/08/2008, 04:28 PM

إقتباس

الرسالة الأصلية كتبت بواسطة زعيـم هلالـي


	[COLOR="Blue"]مساءك سعيد يا مواجه COLOR]

عزيزي زعيم هلالي اولا اشكرك على مرورك الكريم وايضا لتفضلك بالرد والتعقيب ..

وسأرد عليك بشكل نقاط سريعة

الجار اكثر نادي يتشكى من التحكيم وهو الاقل تحقيقا للبطولات من الفرق الكبيره ونحن الاكثر تضررا و ظلما ونحن الاكثر تحقيقا للبطولات
اللاعب يجب ان يؤدي ما عليه في الملعب ولا ان ينجرف خلف اي احداث اخرى ولك في كأس الابطال الاخير في ذلك دليل
انسقنا خلف الاحداث فخسرنا التايب في وقت حرج
وخسرنا من منافسنا بالاربعه ..

وللاسف لن ينجح احد في الظهير الايمن لاننا نواجه عقدة وليست ضعفا .. جميع من شارك بهذا المركز قدم بداية مقبولة او جيده احيانا ولكن نحن لا يعجبنا العجب لذلك نساهم في فشل لاعبينا دون ان ندرك

اكرر الشكر

مواجه · #6 02/08/2008, 04:17 PM

سـ6ـام

التصانيف

هلالي شمالي_عرعر

أنا هلالي فوق العلال

كل الشكر والتقدير لكم على مروركم الكريم واتمنى ان استحق جزء من اطراءكم .. اكرر الشكر

0 الحوت الازرق 2 · #7 02/08/2008, 05:10 PM

يجب ان نبرز اهمية التفاف الهلاليين حول ادارتهم الجديدة .. فالجميع يحسدنا على شخص الامير عبدالرحمن .. وسيتم التعامل مع هذا الحسد بصورة الضرب والنيل من سامي الجابر .. لانهم اعتادوا ذلك ..!!

كلمات من ذهب اخوي

يعطيك العافيه وعساك عالقوه

...

زعيم الزعموي · #8 02/08/2008, 07:11 PM

ان نبرز اهمية التفاف الهلاليين حول ادارتهم الجديدة .. فالجميع يحسدنا على شخص الامير عبدالرحمن .. وسيتم التعامل مع هذا الحسد بصورة الضرب والنيل من سامي الجابر .. لانهم اعتادوا ذلك ..!!

كلام جميل والي الامام.

زعيـم هلالـي · #9 02/08/2008, 07:20 PM

عودة ثانية وأتمنى ما أكون ثقيل والعذر يامواجه ..

بالنسبة للتصريح ضد التحكيم انا اشوف محد يصرح الا مسؤول اداري وفقط بالفضايح او المهازل التحكيمية موب عالطالعة والنازلة زي الجار "الأقل فنيا واداريا" من الهلال ومناحاتهم بالتحكيم ماهي سبب ترديهم بس مانتشعب بهالموضوع كثير لانه مايهمنا ..

التايب فقدانه كان مخطط له .. وحتى لو حسبناها بدون هالنظرية ما اعتقد التايب غيابه كان سبب تحكيمي .. يعني حركته كانت بكل منطقية وصراحة ردة فعل طبيعية رغم انها تعتبر سيئة .. لكن هي موجهة للي رمى القارورة .. وبيني وبينك ابو قارورة يستاهل طق موب بس بصق

لكن بشكل عام تعتبر حركة مرفوضة ..

والظهير كلامك فيه من الصح وفيه من الخطأ حسب ماشوف .. يعني لو تذكر الياس كيف بدأ وكيف كل الجمهور وقف معه لين خارها ..!!

ليش طيب؟ لانه لاعب امكانياته على قده وكل امكانياته دفاعية .. خاصة ان جمهورك متعود على ظهير يمتر الجهة اليمنى رايح جاي وباقتدار

وبرضو العبدالسلام كان يرفع اوفرات بشكل جيد بس ماكان يهجم كثير ولا هو جيد دفاعيا حتى لذلك جاه ماجاه رغم انه وسط !

الجيزاني حسب ماشفت منه كان يهاجم بشكل ممتاز من اوفرات وتسديدات .. ماركزت عليه دفاعيا صراحة لكن الهلال حاليا يحتاج ظهير مهاجم اكثر من هو دفاعي .. خاصة ان الدفاع بالظهير اسهل نسبيا من الهجوم

اتفق معك انها عقدة .. لم يساهم الجمهور ولا الادارة السابقة بحلّ هذه العقدة .. أو على الاقل محاولات باءت بالفشل ..

أكرر اعتذاري لكن حسيت اني ماوضحت كلامي بالرد الاول واتمنى اني وضحته شوي بهالرد

مواجه · #10 02/08/2008, 09:10 PM

إقتباس

الرسالة الأصلية كتبت بواسطة زعيـم هلالـي

بالعكس اخوي زعيم هلالي تسعدني دائما بمداخلاتك واشكرك على ذلك ..

واتفق معك ان التصاريح التي تخص النادي والفريق يجب ان يتولاها شخص مسؤول .. واللاعب عليه التفرغ لمهمته ..

و بخصوص اللاعب الجيزاني حقيقة انا لا احب الاشادة وكيل المديح للاعبين الصغار .. وانا تحدثت دون التطرق لاسماء .. على الفريق ان يجدد .. وهذا المعسكر الرائع كان يفترض ان نستفيد منه بتجهيز ما يقل عن خمسة لاعبين صاعدين من درجة الشباب ..

ولكن ..

اكرر الشكر