اشوف بعض المواضيع اللي مالها داعي كثرة ذا اليومين خاصه
بعد المباريات الوديه...

ياناس تدرون وش معنا مباريات وديه؟؟؟ يعني الوقوف على جاهزية اللاعبين
واشراك بعض الوجوه الشابه للاحتحاك مع فرق قويه...

كل واحد يحكم ويقول اللاعبين الفلاني ماله داعي..
والثاني يقول ياليت ينسق اللاعب الفلاني..

ياناس والله انتم اللي تحطمون اللاعبين وتنزلون من مستوياتهم بكلامكم اللي ماله داعي..

زي عبدالعزيز المفرج اللاعب اللي توه يلعب مع الفريق الاول..
تنزلزن مواضيع تقولون نبي تنسيقه وهو مالعب الا مباراه واحده. وشلون حكمتوا
ياناس. بالله هذا حكم من مباراة واحده...خخخخخخخخخ لا بعد مباراه وديه اللي لعبها.

والبعض الاخر يقول العنبر نبي تنسيقه.. وشلون تقولون ذا الكلام .. ويوم طلع
اشاعات جرايد ان الاداره تبي تنسق العنبر قومتوا المنتديات وجلستوها علشان
ذا الخبر.. ياعالم اركدوا ترى الفريق في مرحله اعداديه للموسم المقبل.
نرجوا عدم التجريح في احد او المدح الزايد..

ثقوا ثقه تامه بالاداره انها مارايحه تقصر..

تدرون ان هذا المعسكر مكلف الاداره مايقارب 30 مليون كل لاراحة اللاعبين
واعدادهم الاعداد التام..

فارجوا من الجميع عدم المدح الزائد او التجريح في لاعب معين...

ياجمهور ترى انتم اللي ترفعون معنويات اللاعبين وانتم اللي تحطمونهم..

اللي ماعنده نقد هادف الرجاء ان يكتفي بقول الله يوفق الزعيم....

اسف على الاطاله....