حلمي .... طااااااااااااار - صفحة رقم 3 - نادي الهلال السعودي - شبكة الزعيم

أسيرة الزعيم · #31 20/07/2008, 01:13 AM

حلمت .. واجتهدت لتحقيق حلمك !
هنا أنتِ أخذتِ بالأسباب بعد التوكل على الله ..

الآن احتفظي بالفرصة المتاحة بقبضة يدك ، وابحثي عن بديل أفضل ولحلمك أقرب ..
وثقي أنك وإن - لا سمح الله - لم يتحقق ما تريدينه فذلك خير من الله ..
الأهم أن يبقى ( الطموح ) ويبقى ( الحلم ) في داخلك .. وإن تغير شكله قليلاً !
فتكون طاقة بداخلك هي من تحركك ..

العنود .. الله يوفقك وييسر أمرك

ويوفق كل من تخرج يارب العالمين ،،

وحمدا لله على سلامة عودتك

هـ20ـلالـيـه 100% · #32 20/07/2008, 01:16 AM

تبين تدخلين القسم اللي تبين ؟؟ << لا تفوووتك الواااسطه

انا كنت زيك ونسبتي 84 %
ومارضوا يقبلوني بقسم رياض اطفال بس جبنا واسطه وقبلوني غصب عليهم

وردهتحياتوووووورده

هلالية حرة · #33 20/07/2008, 01:40 AM

والله قهر من جد
علمتيني عشان أفلها ما أشد حيلي دام السالفه كذا
وبعدين ليش العيال إختبار القياس يدخلون عده مرات والنسبه الزينه ياخذونه والبنات مره وحده

الهنوووف · #34 20/07/2008, 02:05 AM

وعليكم السلاام ورحمه الله وبركاته

هلا بك خيتو وعودا حميدا

ولاتشيلي هم تاكدي انه خيره لك
والواحد يرضى بنصيبه

ولانزلت نسبتك البنات مثلك بتنزل

للاسف الحين ماينفع الا الواسطه الا اذا كانت نسبتك 100 % هي الي تضمن شوي

احيانا احس اختبار القدرات افضل من نظام السنوات الماضيه
على الاقل ياخذون بالاحقيه مو مثل قبل
يقارنون تعب بنت بمدرسه حكوميه ببنت باهليه دفعت مبلغ وحصلت على 99 %
هذا الظلم بعينه

هذي حاله الكل مرينا فيها والاغلبيه طموحههم وحلمهم طار

والله مرات الواحد وده يدعي عليهم

التعليم للهاويه والله
المدارس الاهليه وبعض الحكوميه الغش عندهم مثل شرب الموية
يعني قهر لاصارت مدرستك عندها ضمير وتتقارن بمدارس ثانيه

تذكرت وحده تقول لي باسئله الوزاره دخلت الاستاذه تنقلهم الاجوبه
شي يرفع الصغط والله

انا اتعب واتقارن ببنت ماتذاكر وتجيها الاجوبة

لامدارس صاحيه ولاجامعات
الواحد يمشي بالبركه والحظ

يالله خيره لك ياوخيتي وواذا الانتساب تقدرين تحولين بعدين ادخلي
او الجامعات الي بالفلوس الحين كل شي تسهل

تحمست اختبر قدرات بشوف كم بجيب

الهنوووف

كانت

هنا

ورحلت

كونتراتاك · #35 20/07/2008, 02:23 AM

شئ يقهر صراحه ويغبن

خساير وروحات وجيات وتعب وآخرتها مآيقبلون

0000000000000000000000000000000000000

المحبره · #36 20/07/2008, 03:00 AM

اهلا العنود ,, ورده

لا يطير حلمك !! يمكن تكون خيرة وتغيرين اختيارك وبعدها تقولين الحمد لله !!

صدقيني الجامعه تطلع القلب

لذلك لا تحكمين على حلمك وانت بالبداية !!

ما ابي اخوفك بس ,, الطموحه

فينا تنقهر اكثر !!

تقبلي مروري ,, وبإذن الله تبشرينا بقبولك قريب ,, وتخرجك يارب

أختك ,, المحبره

بــنــــوتــــهـــ** · #37 20/07/2008, 04:57 AM

هههههه اهي اهي
وأنا بعد مثلك متحطمه فاتني تسجيل القدرات نسبتي 82% ومتخرجه من العام والله شي يقهر جامعات مثل وجيهم ويتشرطون بعد
روحه وجيه اخر شئ نجلس بالبيوت
متى نصير بس مثل الامارات تعليم ومستشفيات ورواتب عاليه البنت والولد أول مايولدون يكون له راتب > في الحلم
لي اقارب هناك بناتهم جايبن نسب في الستين والسبعين وقبلوهم في الجامعات
عندهم قرار هالسنه جديد ماحد يجلس بالبيت حتى لو كانت نسبهم ستين
ياااااااابختهم بس
اسفه اذا كنت طولت بس والله من الحره إلي فيني أغنى دوله عربيه ومواطنيها مب مرتاحين

تغريد · #38 20/07/2008, 05:02 AM

ع الاقل الادبي حظهم احسن من العلمي!

انتو اخذو 70% من تعب سنتين و30% من القدرات

لكن العلمي الي ظالمينهم
ماياخذون غير 30%من الشهاده و 70% من القدرات!!!!

اللغز المحير؟ · #39 20/07/2008, 05:34 AM

هلا اختي العنود لالالا تزعلين ان شاء الله يتحقق حلمك .....

دائما اقول في حياتي اذا صكت الدنيا في وجهي حديث الرسول عليه السلام في معنى حديثه:

((( ما قضاء الله قضاء لعبد الا كان خير له )))

لاتزعلين الخيره في مااختاره الله والله يالعنود وحده نسبتها في (( الستين))
ودخلت الجامعه وانتظااااام العام الماضي...... الامر بعد الاجتهاد الدعاااااااااء بس ....

وعلى فكره كلية التقنيه ما تبي قدرات ... بس على حد علمي انها دبلوم...

واذا انتي لديك القدره ادخلي على حسابك الله يفرج امرك وامرنا ياااارب...

اتمنى اني ساعدتك ...

تاريخ الثنيان · #40 20/07/2008, 05:34 AM

هلابك العنود مبروك النجاح عقبال الدكتوراه

إقتباس

الرسالة الأصلية كتبت بواسطة مواصل من عام 1413هـ


	يعني الآن تعب سنتين يساوي 30% بس !! وإختبار 3 ساعات يوازي 70% من النسبه !!! هذا التطور في التعليم اللي يقولون عنه الحمدلله ان شهادتي تحت مخدتي ولا لحقت على تطورهم ( سكارى ) والله انهم من جنبها

بلادي وان جارت علي عزيزة

يابنت الحلال ريحي بالك يعني بتوظفين اذا تخرجتي >> نوع من تخفيف المعانه
الله يوفقك ويكتب لك اللي فيه الخير

أميرٍ · #41 20/07/2008, 05:42 AM

والله اني مثلك ، في القدرات طيحت نسبتي 10 نسب .!!

تخيلي من 87 % علمي الى 78 .. شفتي كيف .!

الله يعين خليها على ربك بس .!!

باسكن روبنز · #42 20/07/2008, 07:16 AM

هلا غلا بالعنود

والله فاقدتك وكنت اتسائل وين هالبنت شفيها قطعتنا

مبروك النجاح .. شوفي القرار هذا افشل قرار ..

والي يقول انه قرار يساوي بين الطلاب في الاهلية والحكومية
هذا القرار اضر بالجميع ..
اختبار قبل مايدخلونه البنت تدفع مئة ريال ..

شوفي كم بنت راح تختبره
وكم بنت راح تنقبل .. شوفي الفرق بس ..
والفلوس كلها وين بتروح في جيب وزير التربيه والتعليم
الله راح يحاسبه عن كل شي ..

بنت اختي وهي عضوة معنا هنا جابت نسبة 99%
واختبار القدرات والتحصيل جابت نسبة في السبعينات مو قهرررر
تعب سنتين يرووح كذا ...
هذا هدفهم تقليص اكبر عدد من طلاب الجامعات ..
الله ينتقم منهم ..
العنود انتي توكلي الله وعيدي حساباتك من جديد ..
وفكري زين قبل ماتقدمين على اي خطوة
والله يوفقك ويوفق الجميع ..

محبة الزعامه · #43 20/07/2008, 10:43 AM

الف مبروووووووك

تبين الشور ..... سجلي بأبها لانهم ماياخذون اختبار قدرات

طبعا بس بالكليه الادبيه يعني اقسام معينه.<< احسن من لاشيء

(( ادب انجليزي :تاريخ:دراسات :جغرافيا : عربي )) <<< احسن من لاشيء

وبعدين حولي لمدينتك.....

الله ييسر امركـ.....

محبة الزعامه · #44 20/07/2008, 10:47 AM

تذكرت ادب انجليزي على دفعتي العام قبلوا من فوق 95 %

محبة الزعامه · #45 20/07/2008, 10:51 AM

تحطم حلمي قبلك .. من العام كان حلمي (( لغه فرنسيه )) بس مو عندنا هالتخصص

فكانت نهايتي رياضيات حتى الانجليزي من 96% وفوق