.
.

الف الف مبرووك الفوز اللي مابغى يجي

بصراحه مستوى غريب وسيئ مره...!

ماقول الا يالبى قلبك يا مايكون بس

والشي اللي خلاني انبسط غير الفوز هو تواصل

ادريانو في تسجيل الاهداف واعجبني احتفاظه بالكوره بشكل ولا احلى منه

وبإذن الله يتعدل المستوى ويرجع انتر لوضعه الطبيعي

السلام عليكم

يازين الصدارة بالرغم من المستوى السيء لكن تبقى النقاط الثلاث أهم من كل شي .
شوط أول أشبه بالمصارعة بالاضافة الى كثافة لاعبين السامب بمنطقتهم وعدم وجود صانع لعب حقيقي للانتر ، تقريبا هذي الاسباب اللي خلت الشوط الاول بالصورة هذي .
الشوط الثاني ماتغير شي ظل الانتر على حالة لكن اللي اختلف هو تقدم السامب للامام وشكل ضغط على الانتر .

سانتون موهبة قادمة قدم أداء رائع على المستوى التكتيكي والمستوى الفردي ، لاحظنا عليه الثقة وتحسب له خصوصا اذا كان بعمر 19 .


النقاط أولا ثم المستوى ومبروك الصدارة مرة احرى

مباراه ترفع الضغط

والسبب هو الحكم الحقير + لعيبة السامب

واضاف 6 دقايق هو وراسه .... ما ادري منين جت

على العموم مبروك الفوز

ياحكم اتعبتنا مع هالوقت الضافي ..

بس صافرة النهاية كانت لحظة تثلج الصدر ..

مبروك الفوز ومبروك برجعة الإمبراطور بحق وحقيق بعد الأداء البطل الي قدمه
بوقت حاجتنا له ..

لم يخيب توقعاتنا واحساسنا بأنه سيكون حاضراً بغياب ابرا ..

اداء قتالي رائع من الفريق جلب الفوز لنا .. لم يكن لعبهم هجومي مركز وهو ما أفقدنا
تعزيز الهدف .. لكن القتالية كانت حاضرهـ من جميع اللاعبين .. استطاعو بها المحافظة
ع الهدف الوحيد ..

اوضاع فاجأة الكوتش لم تكن بالحسبان وهي اصابة صامويل وتعويضه بقرطبة لكن المفاجأة
هي بأصابة السنتر الآخر شيفو واجبر الكوتش ع رجوع كامبي .. لكن لازالت المشكلة ضدنا
ولايوجد محور بدكة البدلاء يعوضه مكان كامبي .. مما جعله يلعب بـ ماكسويل محور ومن
الصعب ع ماكسي هذا المركز ..

لكن الحمدلله مشت الأمور الى نهاية الصافرة بنفس الهدف ..

ارجعت الآن الصدارة بعد الأختطاف الغير شرعي ..

مبـــــــــــروك الفـــــــوز

انتهت المباراة بفوز الإنتر و بقاءه في الصدارة بعد استمتاع عشاق اليوفي بها لمدة 12 ساعة ونصف فقط لا غير

شوط ثاني جيد جداً مقارنة بالشوط الأول اللي كان سقيم و ما فيه اي فرص او جمل تكتيكية حتى من الفريقين

بصراحة الدفاع بعد تبديل مورينهو كان جيد و متماسك أمام هجوم السامب و باتزيني القلق الكبير

على مستوى خط الوسط كامبياسو و مونتاري كانوا الأروع بصراحة يدافعون و يلعبون بذكاء و قتالية

أدريانو .. أفضل لاعب في المباراة غير الهدف كان يرجع و ياخذ الكورة و يتقدم بها

شاف ان ما فيه تقارب بين خط الوسط و الهجوم و هو صنع الفارق في الشوط الثاني

و في الوقت بدل الضائع أدريانو بروحه قدر يحافظ على الكورة دقيقتين بذكاء

سامويل

سيزار وحش و شفناه رغم الإصابة ما طلع و أنقذ الانتر في آخر الدقائق



نجم المباراة برأيي بدأت الثقة ترجع له و هذا هو يرد على اللي طرح نقاش انه انتهى خلاص



يالبّا الخوال كلهم بس

و الله بطل و قتالي و عنيف و كلش



كامبياسو صمام وسط الإنتـر





من شاف الخبل ذا اليوم

و تلوموني فيه .. ذكاء و ثقة غير طبيعية في التحرك

بصراحة لو يغيب ماكسويل و تشيفو ما فيه خوف على الباك اليسار

* * *

اللي عنده اي تعليق على اللقطتين اللي لكوردبا يحتفظ فيه لنفسه لأن الكل أخذ حقه الجولة ذي

ألف مبروك الثلاث نقاط بغياب إبرا و يبقى الإنتر في الصدارة

لكمـ

مبروك الفوز ..

كـ العادة التحكيم ضدنا دائما وابدا ..

لي عودة ان الله كتب .. !!

,,

مبرووك الفوز شباب ..

مالي نفس أتكلم عن المباراة..

بس الفريق اليوم أثبت لنا إننا نملك ضامن الفوز بمبارة مانشستر

أثبت لنا إن عندنا مهاجم خيالي ينسينا إبراهيموفتش

أثبت لنا إننا نملك أوراق رابحه فتااكه ( فيجو , مانسيني )

..

.. ماودي أتكلم صراحه .. مباراة تعور البطن ..
أحلى مافيها كامبياسو وسيزار ..

إقتباس نجم المباراة برأيي بدأت الثقة ترجع له و هذا هو يرد على اللي طرح نقاش انه انتهى خلاص

أي نجم االمباراة واللي يرحم لي والديك ..
دخل هدف لكنه ضيع فرصتين ما تتضيع ..
أدريانو أثبت في هذي المباراة إنك ما تقدر تعتمد عليه قدام الفرق الكبيرة

حتى هدفه جاي مقشر ..
ولو سيزار مكانه كان جابه ,,

أدريانو إن بغى يتحسن لازم ينحف زيادة ويزيد من سرعته..
حاليا ثقيل وبطيء بدرجة تسمح لأي مدافع عادي إنه يقطعها منه بسهولة (إذا كان متجه للمرمى)
الشي اللي تحسن فيه هو إنه صار يستغل جسمه وصار يلعب لمسة وحدة ,,


* نجومية المبارة يتقاسمها الثلاثة :- مونتاري , مايكون , كامبياسو

إقتباس الرسالة الأصلية كتبت بواسطة هلااالي وأفتخر أي نجم االمباراة واللي يرحم لي والديك .. دخل هدف لكنه ضيع فرصتين ما تتضيع .. أدريانو أثبت في هذي المباراة إنك ما تقدر تعتمد عليه قدام الفرق الكبيرة

لو انك شفت المباراة ما اتوقع تقول الكلام ذا من قلبك

في الشوط الاول كان سيء و الفريق كله كان سيء و الكل شاف هذا

الشوط الثاني شفناه بدأ يرجع و يستلم الكورة و يحاول يصنع هجمات و فرص

بعد عدة محاولات و توزيع كور على الأجناب سجل هدف اللي تقول عنه مقشر

و غير هذا كلهـ في آخر الدقائق كان هادئ و يتصرف صح و في الوقت بدل الضائع هو بس قدر يحافظ على الكورة دقيقتين

الله يغثك !!

مدري الجزيرة للدرجة ذي ما يشوفون مستوى المعلق ؟

هم يبثون للشرق الأوسط و الخليج العربي خاصة .. الدراجي و اشكاله لا صار بث للجزائر و المغرب و الدوري الفرنسي يعلق

الله يعين بس .. الاستديو حنا نسلك لان فيه الفاهم العاقل الميلاني الخلصي اما حفيظ شوي و يقول لعنبوا الانتر ما يستحقون النقاط

الله يعين بس

ياليل .. مباراتنا مع كاتانيا النشبه الاربعاء .. !

الله يستر من الارهاق .. ولي عودة بكرا وتصبحون على خير ان شاء الله ..