][ رابطة عشاق الـريدز ][ مع جونسون ... لادموع بعد اليوم ][ - صفحة رقم 604 - نادي الهلال السعودي - شبكة الزعيم

LIVER 4 EVER · #9046 01/07/2009, 07:03 PM

88

محمد اللي ماعنده يتفرج

له موسمين وهو ذابحنا باري وباري .. سوى باري وحط باري
وباري يحب الانفيلد .... ويعشق الريدز

حسيت هذيك الايام ان جيرارد يبي يتزوجه

وبالاخير دفعوا السيتي اكثر وراح ... وخان العشيق معشوقه << كلام فاضي

اما عن بيريز ... فهو انقذ الكره يوم شراء كاكا
والونسو بيكون اكثر نجوميه بمدريد لو راح

الونسو ماكان عنده نيه يروح لكن يوم جاء عرض اليوفي الليفر فكر
بعده الونسو فكر ..... وش اقعد اسوي بذاءعلى الاقل مدريد اسباني ومني وفيني

لاتلوم حتى توريس ان راح الموسم الجاي ... الليفر مايعرف وشلون يحافظ على لاعبينه

أسـير · #9047 01/07/2009, 07:55 PM

مساء الخير

إقتباس


	بينيتيز OK النينو يمتدح بينيتيز وبأنه هو السبب الرئيسيّ لـ تطور مستواه حيث انه الان هو يعد من افضل مهاجميّ العالم Lfc

اخوي ابوعزيز الخبر سبق وتم كتابته بالرابطة بالصفحة السابقة
ياليت اذا ماعليك امر اذا بتنزل خبر تأكد تم تنزيله أو لا من أجل الرابطة فقط لاغير
لأن الزوار راح يحسون باللذة وهم يتصفحون اذا ماكان هناك تكرار لنفس الأخبار

تحياتي

هلاليـــــــــ أصيل · #9048 01/07/2009, 08:21 PM

^^

انا لو مكان باري سويت مثلهـ ... اللاعب اهم عليه يأمن مستقبلهـ .. هو انتظر ليفربول سنه كامله وخربها مع مدربه عشان ينتقل
لكن الليفر ماتلحلح ... ورافا من بدأ الصيف ما قدم باي عارض حاط في باله ان الونسو باقي والريال صرف النظر ... لكن تفاجأ بالاسوأ
أتمنى ما نندم على تضييع باري من يدينا ...

وعلى حكاية ليفربول ما يحافظ على لاعبينه انا ضدك تماما .. لكن ليفربول عكس الانديه الثانيه .. ما يجبر احد يقعد بالفريق وهو مايبيه
مو مثل المان ولا غيرهـ ... النينو قالها من قبل وهو على طريقة الكبار والاوفياء الي ارتدو شعار الليفربول ...وزبدة كلامهـ انه يعشق ليفربول وماراح يطلع منه الا للروخا بلانكو مدريد ... ويكفيك كلامه عن الليدر ورافا والجماهير ...
ولكـ بالليدر ايضا اقرب مثال .. ونسثني اوين لانه حاله خاصه وعقبال كل من سوى زيه يلحق مصيرهـ ... للأسف راؤول مهاجم مهوب محور

...

وثانيا شلون بيريز انقذ الكرهـ ... اخذ كاكا نجم من فريقهـ ... واخذ الونسو نجم من فريقه وافضل لاعب هذا الموسم بليفربول وتوجوه بـ هاللقب اخر الموسم لو تذكر .. ومعزز مكرم .. وهذي عوائدهم قتل النجوم بفريق وااحد ... يالله نشوف بكرهـ من بيخق كـ العاده مع فريق النجوم الافلهـ ...

وما اعتقد انك تنكر ان اكثر فريق دمر مواهب هو الريال ولو تبي اعدد ما بأخلص ...

هلاليـــــــــ أصيل · #9049 01/07/2009, 08:25 PM

^^
ونسيت اكتب .. ليفربول لما فكر يبيع الونسو كان اللاعب راجع من اصابه ومستواه زفت ومصاب الموسم كامل مش حيا الله اصابهـ
يعني من حق الليفر يفكر ببيعه .. وطبعا هذا معقوول لان النادي يدور مصلحته فوق كل شيء وصبر على اللاعب كثير وهذا اهم شيء .. والان رجع لمستواه وافضل مما كان عليه .. وابدع وتألق معنا .. وبعد كل هذا التعب والصبر معهت يروح لغيرنا .. ؟!

صح من حقهـ ولانقول شيء .. لكنا انا اتكلم ان مصلحة الفريق اولا وفوق كل اعتباار ...

وصلت الفكرهـ يالاستشاري ...

هلاليـــــــــ أصيل · #9050 01/07/2009, 08:28 PM

إقتباس


	اخوي ابوعزيز الخبر سبق وتم كتابته بالرابطة بالصفحة السابقة ياليت اذا ماعليك امر اذا بتنزل خبر تأكد تم تنزيله أو لا من أجل الرابطة فقط لاغير لأن الزوار راح يحسون باللذة وهم يتصفحون اذا ماكان هناك تكرار لنفس الأخبار تحياتي

على طاري هـ الحكايه ولاتهون خالد .. الاخباار صايره تكرر كثير من اكثر من واحد مهوب بو عزيز بس .. ياريت لو تكونو اكثر دقه وتراجعون اللي ورا
عشان لاتكرر وتخرب المنظر العام

لاهنتم ع الجهد كلكم ..

L F C · #9051 01/07/2009, 08:52 PM

^ ^ ^

الموسمّ انتهىّ انتم توحون

وان تكررت الاخبار , فـ مافيه مشكلة , .. !!

الطفش ذبحنا قلنا نترجم الخبر بطريقتنا الخاصـة

والرابطة ماعاد باقيّ عليها وتقفل , الموسم قرب يبدأ .. !!
القوانين ذيّ خلوها للموسم الجايّ ,

Mr.Anfield · #9052 01/07/2009, 09:02 PM

اليوفنتوس سيفاجىء الريال من أجل تشابي ألونسو

كاد اليوفنتوس أن يحصل على تشابي ألونسو في الصيف الماضي، لكن تعثرت الصفقة بسبب مطالب ليفربول المالية...وحاول اليوفي هذا الصيف التعاقد مع دي أجوستينو لاعب خط الوسط في نادي أودينيزي، لكن مطالب مالية مرتفعة مقابل اللاعب يبدو أنها تسببت بتعثر الصفقة حي أن اودينيزي كان واضحا بأنه لن يسمح برحيل نجمه إلا مقابل 20 مليون يورو .

صحيفة اللاستامبا الإيطالية أطلت اليوم بخبر مهم للغاية، مفاده أن يوفنتوس سيحاول أن يفاجىء ريال مدريد بعرض مقنع لليفربول وبالتالي يستغل انشغال الريال بتقديم اللاعبين الجدد كاكاك ورونالدو وكذلك حسم صفقة مهاجم كبير مثل دافيد فيا أو كريم بنزيمه .

العرض الذي تحدثت عنه الصحيفة سيكون بمقدار 30 مليون يورو، لكن الصحف الانجليزية تقول إن رافا بينيتز لن يبيع تشابي ألونسو بأقل من 40 مليون يورو .

المصدر

هلاليـــــــــ أصيل · #9053 01/07/2009, 09:05 PM

ابوعزيز أنت واسطه سوي اللي تبي .. كم عندنا ابوعزيز يا بعد طوايفي كلها

^^
مشتهي أتغزل فيكـ حرام

الزبده يا شباب الله ياخذ هـ الحاله للي خلتني اتابع اخبار الريال

عشان اعرف وش صفقتهم الجديدهـ
عشان امهد الطريق لا انخرش بـ الانتقال فجااائهـ

..

وعلى فكرهـ كأنهـ صفقتهم الجديدهـ هي بنزيما مهيب اخويانا ...

محمد العنزي 9 · #9054 01/07/2009, 09:07 PM

إقتباس


	‏محمد العنزي 9, ‏FLORINTINO, ‏&9&سامي&9&, ‏أبـو عــزيـز, ‏A N A S, ‏al_margog al_naeem, ‏ABO SAIF, ‏هلاليـــــــــ أصيل+, ‏LIVER 4 EVER

اللهم زد وبارك

مساء الخير

بالنسبه لي الونسو في حال انتقاله مافي احد يقدر يغطي مكانه غير هو نفسه تقولوي ديار ومدري مين
هاذولي اللاعبين مايوكلون عيش المركز حق الونسو مركز حساس يبيله لاعب يظبط ايقاع العب
ويقراء الملعب زين ويمتلك القتاليه مو اي لاعب يقدر ينجح في هاذا المركز سوء كان ناجح مع فريقه او لا
طريقة لعب ليفربول صعب اي لاعب يتأقلم معها بسهوله بذات في مركز الونسو
انا اتوقع مافي لاعب يقدر يسد مكان الونسو اذا راح غير جلب ايسيان ادري من الصعب جلبه لكن المكرز يحتاج لاعب
مقاتل مثله

هلاليـــــــــ أصيل · #9055 01/07/2009, 09:14 PM

إقتباس


	اليوفنتوس سيفاجىء الريال من أجل تشابي ألونسو

هذي الاخبار السنعهـ .. وهذا الكلام الي نبيهـ يطلع هناك ولا يجي بفريق واحد مع كريس

...
وأفضل لليفر ان العروض تجي من اكثر من فريق عشان اذا كان طالع لامحاله يرتفع سعرهـ شوي ..
ويفيد الفريق معهـ ... واليوفي بعد سيسوكو صارو يبون كل محاور الليفر حتى لو لوكاس

..

أنس ويلكم بااك ... واحلى خبر مع العودهـ ياا بطل ...

محمد العنزي 9 · #9056 01/07/2009, 09:20 PM

إقتباس

الرسالة الأصلية كتبت بواسطة مساعد ؟


	888 88 8 هـلا ابوحميد طيب ياليت تذكر الاجابه الصحيحه بتاعت الصورهـ الاولى الاجابه على ما اعتقد مباراهـ ليفربول وتشيسي فـي ثمن النهائي في الاياب وانتهت 4-4 وخرج الليفر من تلك البطولهـ

ابشر مبارات نهائي كأس انجلترى في عام 2006 مع وستهام مباراه مجنونه

هاذا رابط ملخص المباره من اليوتيوب بتعليق الكعبي

http://www.youtube.com/watch?v=MFnrMDzAM0Y

اهداف وستهام كله غبيه ما عدا الهدف الثالث لهم

L F C · #9057 01/07/2009, 09:51 PM

إقتباس


	ابوعزيز أنت واسطه سوي اللي تبي .. كم عندنا ابوعزيز يا بعد طوايفي كلها

يـؤ يـؤ

دامنيّ واسطـه ياقلـبيّ , اجل خلنيّ نائب رئيس واكـرش عبدالمجيـد .. !!
غاثنيّ الله يغثـه حـده عضـو مميـز " هههههههههههههههههههههههههههههههههههههه امزح "

هلاليـــــــــ أصيل · #9058 01/07/2009, 10:07 PM

^^
أستانست أجل

يا ويلك من مجيد

إقتباس


	ابشر مبارات نهائي كأس انجلترى في عام 2006 مع وستهام مباراه مجنونه هاذا رابط ملخص المباره من اليوتيوب بتعليق الكعبي http://www.youtube.com/watch?v=MFnrMDzAM0Y اهداف وستهام كله غبيه ما عدا الهدف الثالث لهم

محمد بـ صراحه ملخص اكثر من رائع ... والله اياام .. ومباراه تستااهل الاعادهـ ..
لكن ما دخل مزاجي كفاح الكعبي من وقتها لانه يصرف من بيتهم اللي يبي ...
لاهنت بو حميد وعساك ع القوهـ أن شاء لله ..

Mr.Anfield · #9059 01/07/2009, 10:19 PM

^^

اليوتيوب مايزين عندي

لازم فلاش مدري وش سالفه امه

L F C · #9060 01/07/2009, 10:23 PM

^ ^ ^

مجـيد فكونيّ منـة بـ آلله

بـ يستلمنيّ مناقشه وانا مانيب رايـق له خخخخخخخخخخخ

اذا صار شي ولا شيّ بـ حولة عليك يامحمـد اوتسيّ