ابو عزيز شوف روبي انا اقولك فشل صح مع ليفربول هاذا شي ما عليه اختلاف لكن وش السبب الي خلاه يفشل وهو لاعب مبدع
هاذا المقصد من كلامي وكلام رئيسنا انه الاداره ومشاكلها ما ساعدته في التأقلم و ما أخذ الفرصه الكامله لاثبات نفسه
دخلو روبي كين في مشاكل الاداره و المسئله صار فيها شوي من العناد لان ريك باري هو الي جابه
و الضحيه ارجع واقول كينو بالعربي روبي كين انظلم معنا
عبدالمجيـد أنت قلبتها عداوهـ شخصيهـ لـ كين .. أفضل رد لـ كين كان بالملعب .. وكلام محمد العنزي سليــم100%
وهو اللي ابي اوصلهـ من أبد الابديـن
محمد لا عداوه ولا شيء
اصلا هو اقل من اني اعطيه اي اهتمام
حاله من حال اللي لبسو رقم 7 قبله
وهذا الرد عليك وعلى ابو هيبيا اللي مالحق على ملاقطنا قبل
كين جاء على انه نجم للفريق ماجاء على انه لاعب عادي او لاعب سيجلس على الدكه
بالاخير صار عطائه اقل من عطاء بعض اللعيبه الموجودين على الدكه { بابل - بن عيون }
فوين الاضافه اللي سواه ..؟؟!!
تبي تقولي ماخذ الفرصه كامله ... ؟؟ اقووولك طيب
اللاعب لعب دور كامل تقريبا ,, سجله بالاهداف شحيح وعلى فرق دفاعها شوارع باستثناء هدف الارسنال
اما عن قوله انه يحب الريدز
فهذي الامور ماتوخذ بالعواطف ,, قد ماتوخذ بالعطاء اللي يبي يقدمه
وعلى فكره كل لاعب لما يوقع مع فريق يقول .... كانت امنيتي وانا صغير اللعب بهذا النادي
حتى انا امنيتي وانا صغير العب بالليفر وتحت قيادة بينتز وبجنب الونسو
بالاخير :
تخلي بينتز عنه بهذه السرعه دليل على عدم قناعته به
وكلنا نعرف بينتز انه مدرب يصبر كثير على صقل اللعيبه
ف. اوريليو - بابل - اربيلو - اجيير - كاوت - والان لوكاس ونوغوغ
ضنك ليش ماصبر عليه الين يتاقلم ..؟؟!!
لاتقولي هو بعد متحامل على باجيو زمانه
احلى باكـ محمد
وصرت اعرفلك لغبت وطولت الغيبه
على طول اجيب طاري كين تجي تركض << وش القصه فيه وكاله فيه شيء
المهم ,, نيوكاسل هبط ,, لاتطلعلنا بكرى
وتقووول اوين بعد حرام ويكسر الخاطر
بعد هو يحب الانفيلد من يوم هو صغير ..!!:razz:
تخلي بينتز عنه بهذه السرعه دليل على عدم قناعته به
وكلنا نعرف بينتز انه مدرب يصبر كثير على صقل اللعيبه
ف. اوريليو - بابل - اربيلو - اجيير - كاوت - والان لوكاس ونوغوغ
الله عليك هنا وصلنا للنقطه اللي ابي اوضحها ...
رافا جاب لاعب جااهز ويبيهـ هداف على طول ما يبي يصقله من جديد او يصبر عليهـ لانه لو بغى كذا كان فيه لعيبهـ مواهب وصغاار بالسن كثيــر جدا وتصبلا عليه وتطورها .. لكن رافا ما يبي يحتمل انه يصبر ع اللاعب وهو ورااه بطولات كثيــره يبي شيء جاهز ..
وعلى حظهـ صادف كينو سوء طالع من جراء المشاكل العدهـ بالفريق .. ورافا لحق على عمرهـ وباع اللاعب قبل لايطيح سعرهـ عشان يجيب لاعب بقيمتهـ ...
احلى باكـ محمد
وصرت اعرفلك لغبت وطولت الغيبه
على طول اجيب طاري كين تجي تركض << وش القصه فيه وكاله فيه شيء
المهم ,, نيوكاسل هبط ,, لاتطلعلنا بكرى
وتقووول اوين بعد حرام ويكسر الخاطر
بعد هو يحب الانفيلد من يوم هو صغير ..!!
أجل تعوذ من ابليس قبل تقول اسمهـ
وابدا لا وكالهـ ولاشيء لكن كنت متفائل بـ هاللاعب .. وكان ينتظره مستقبل اكثر من رائع .. لكن تأزم الامور هو اللي ماسمح لهـ
ينثر ابداعاتهـ بالانفيلد مثلهـ مثل حاملي الرقم 7 من قبلهـ ..
وانغبنت بطريقة خروجه من الليفر الفريق اللي احبه من الصغر ...
اماا أوين فـ والله انا اعشق هـ اللاعب حتى كتب نهايته بانتقالهـ لـ مدريد ... "وقوول للزمان ارجع يازمان"...
رافا جاب لاعب جااهز ويبيهـ هداف على طول ما يبي يصقله من جديد او يصبر عليهـ لانه لو بغى كذا كان فيه لعيبهـ مواهب وصغاار بالسن كثيــر جدا وتصبلا عليه وتطورها
محمد لاعب بـ 23 مليون يبي صقل !!!
او يحتاج فرصه لاثبات نفسه ...؟؟!!
خذ فان ديرفارت الريال شراه لعبه كم مبارات ماقدم المامول مسك الدكه هو وديرنثي
هليب مع البارسا
بولسون مع اليوفي ,, بيرباتوف مع المان
كل هاللعيبه انتقلوا من فرق وسط الى فرق كبيره وماحققوا النجاح المامول (المستوى ) اللي قدموه مع الفرق المتوسطه
نقطه الخلاف بيني وبينك عشان مانتشعب اكثر واكثر
ان فيه نجوم ومبدعين بفرق متوسطه الطموح والمستوى
انا اصنف كين من ضمنهم وانت تقول لا
وبالنهايه بينتز اكتشف هالشيء وسرح اللاعب
وزي ماقلت لك انت كنت ترد علي بالمصادر والكلام
وانا رديت عليك بالافعال والنتائج اللي سواها اللاعب
بالاخير اللاعب فشل في تجربته بالانفيلد وهذا هو الواقع
ولا تقولي اصبر عليه ... يبين اصبر عليه يجي زي ماجاء بابل ونوغوغ واجيير
انا اول واحد يبي يرحب به
اضافه الى هذا كله رقمه رقم 7
ماشفت احد بالانفيلد فالح بالرقم على العكس برقم 8
أجل تعوذ من ابليس قبل تقول اسمهـ
وابدا لا وكالهـ ولاشيء لكن كنت متفائل بـ هاللاعب .. وكان ينتظره مستقبل اكثر من رائع .. لكن تأزم الامور هو اللي ماسمح لهـ
ينثر ابداعاتهـ بالانفيلد مثلهـ مثل حاملي الرقم 7 من قبلهـ ..
مجيد الله يخليك لاتقارن ليفربول بـ ريال مدريد ... اولا لانه حكاية فان دير فارت ماهي جديدهـ على مدريد وهذي عوائدهم شف هونتلار
وأوين وغيرهـ كثير ... يعني هذي مهيب مقاارنهـ ...
اماا عن نقطة الخلاف فـ أنا أقولكـ أن رافا ما سرح هذا اللاعب عشان انهـ مستواه متوسط .. بالعكس رافا ما اخذه الا انه عارف امكانياته
لكن مايبي يصبر عليهـ ورافا مهووب مثل مدريد يقدر يطش الاعب بالاحتياط الين يرجع لمستواه .. لان ليفربول ماعنده الامكانيات الماديه مثلهم .. فـ قرر اللحاق على نفسه والاستغناء عن اللاعب لانه بالعربي ما يدري كم يبيبله عشان يرجع لمستواه ...
ويبي يستفيد من المردود المادي بأسرع وقت .. والدليل انه باعه باخر يوم بالانتقالات الشتويهـ .. وهذا دليل على تردده الشديد ببيع اللاعب من عدمهـ
وزي ما قلت لك لو يبي يصبر كان جاب لهـ لاعب صغير بالسن او صعد نيميث من الشباب مثلا ...
اما عن مثل اوين فـ أتعقد لو خرج لمكان غير الي راح لهـ كان ممكن يثبت نفسهـ لكن " جنت على نفسها براقش "
وحرام عليك رقم سبعه له اساطيرهـ واذا ماني غلطان منهم داجليش ...
ياخي الكل يعرف إن كين جاء لليفر في وقت كانت هناك أزمه إداريه و أيضاً كان جيرارد مصاب [ ولا أحد يجي يقول : توريس يبدع دون جيرارد ] وانا اقوله ترا توريس من أول ما جاء الليفر ويوم كان يلعب فيه مباريات كان يلعب توريس بدون الليدر , فـ مع الوقت تعود يلعب بدون جيرارد وعرف يتأقلم مع باقي اللعيبه .
إلي بغيت أوصله لكم .. إن كين مو فاشل ولا أقل من مستوى النادي , لكن بالعكس كين لو بقى بالليفر , وكانت الأوضاع مستقره و جيده و جيرارد موجود كان والله بيبدع بالملعب .
هذا إلي بغيت أوصله للجميع بدون إستثناء .
//
شكراً يا هيبيا , قدمت لليفر الكثير و الكثير , وأتمنى لك كل التوفيق في الدوري الألماني .
وأتمنى كل التمني إن هيبيا يرجع لليفر ويآخذ منصب إداري
ماسكيرانو في محاولات لـ جلب تيفيز لليفر وأيضاً يأمل الليفر في جلبه للأنفيلد
كشف خافيير ماسكيرانو بأنه يأمل في رؤيه مواطنه كارلوس تيفيز في الأنفيلد الموسم المقبل .
وقد إنتقل ماسكيرانو و تيفيز إلى كورينثيانس البرازيلي , قبل أن ينتقلا إلى وست هام في أغسطس 2006 .
وقد ترك ماسكيرانو وست هام في يناير 2007 , وفي حين أنهى تيفيز موسمه مع وست هام الذي ساعده على تجنب الهبوط والذي إنتقل إلى مانشستر يونايتد .
ويرى ماسكي بأن عاشق المانيو الذي أٌعير للمانيو قبل موسمين بأن فكره جلبه لليفر ممكنه .
وقد ترددت الأنباء حول نيه رافا بالتعاقد مع تيفيز , ولكن رافا رفض التحدث عن هذا الأمر عقب مباراه الليفر و توتنهام التي انتهت 3-1 لليفر .
قال ماسكيرانو : [ أنا حقاً سأكون مسروراً إذا كان تيفيز مع الليفر , ولكنني حقاً لا أعلم ما هو الوضع الآن بالليفر و فرصه قدومه في نظري صعبه ] , [ لا أعرف بالظبط ماذا يحدث هنا , ولكن لا يسعني القول إلا بأنه لاعب عظيم و شخص عظيم ] .
محمد هذولا مايلعبون بالريال اذا انت منت مقتنع بالريال مع اني اخالفك بشان الريال
الريال فريق نخبه ومايظهر فيه الى سوبر
باستثناء ازمة راؤول
إقتباس
هليب مع البارسا
بولسون مع اليوفي ,, بيرباتوف مع المان
على العكس في سالفة تيفيز والنجاح اللي حققه
لكن استدراك للكلام اللي قلته وان سبب فشل ين مع الليفر هو ان اللاعب ماهو قد الفريق
(مع اني شبه جازم على هالشيء ) , لكن قد يكون الفشل سببه ان طريقة اللعب بالليفر ماتناسب امكانيات اللاعب
معروف ان توتنهام يلعب لعب مفتوح ومهاجمين على الاطراف (هذي الطريقه مايسويه الريدز )
يعني لو لعب كين بروما او البارسا او الارسنال ممكن ينجح بهذي الفرق (لو كان هذا منطقكـ انا اتفق معكـ )
إقتباس
إلي بغيت أوصله لكم .. إن كين مو فاشل ولا أقل من مستوى النادي , لكن بالعكس كين لو بقى بالليفر , وكانت الأوضاع مستقره و جيده و جيرارد موجود كان والله بيبدع بالملعب .
انس لانقعد نضحك على انفسنا وندور المبررات للاعبين والفريق
ونحاول نتغاضى عن الحقائق
كين لما جاء للانفيلد ضيع مركز جيرارد ...!!
ولما لعب جيرارد محور ضاع مركز الونسو
والفريق ماضبط الى لما رجع الونسو للتشكيلة الاساسيه
يعني التضحيه اللي صارت بمركز الونسو لعيون كين تعتبره ماسبب فشل لليفر
الليفر بقلب الدفاع والاظهره والمحاور مايحتاجون اي لاعب
لكن الفريق بحاجه الى اطراف صح انا معكم
والفريق بحاجه الى مهاجم ثاني (احتياط ) ايه نعم انا اول المطالبين
لكن اللي سواه كين بالفريق انه غربل الاستقرا اللي عاشه الفريق
طوال مرحلة البناء واللي استمرت اربع مواسم قبل هذا الموسم