في اخر تصريحاته

قال..في حال تحقيق المركز الثالث للميلان سوف استمر
وهذا هو شرط بقائي مع الميلان..!!

في حال تحقق الكلام اللي ذكره انشي
صعب الميلان يفرط فيه وهو صعب يفرط في الاستمرار

,,

حتى خيار مورينهو اراه صعب جدآ
واللاحظ ان ملف بيريز حتى االان خيالي
ومستحيل يتحقق ربع اللي ذكره..!!

الله يستر من القادم ولا زالت لا اثق في بيريز

إن شاء الله إنك بتجيب الثالث وإنت كفو لذلك .. وبيرجع لك كاكا من بعد الإصابة و بيجيب لك الدوري لو بغيت
بس إنت ما عليك خل ريال مدريد بعيد عنك و بتفلح صدقني
أحس إنه كابوس ذا الأنشلوتي
متى يجي يوم 15 إبريل و يقدم بيريز ملفه الإنتخابي بشكل رسمي
لأني قريت كذا ..

افلحنا اجل تبون انشيلوتي
اقول مايبيلها الا مورينهو ولا رافا ولا يخلون خواندي ويجيبون له لاعبين كويسين لان خواندي مسكين يستحي يقول لهم جيبوا لي ذا الاعب ولا هذاك

بالتوفيق للريال ولهونتيلار حبيب قلبي


بنزيما 10
تتابع فريق ليون بشكل دايم لان فيه لاعب بسئلك عن مستواه وش رايك فيه ؟؟

وش رايك في الاعب ايدرسون رقمه 7
مايصلح للريال

فيه من طريقة لعب روبن

انشالله بتعرفه مع الايام
وراح يطالبون به المدريديين

وعقبال مانسمع بخبر وفاة هاينز ودرينتي وميقيل توريس

ونسمع ان راؤول جاه حفا [مشق] مزمن لان تاريخه يشفعله حرام تتمنى له الموت

السلام عليكم ورحمة الله وبركاته


اعتذر يا شباب اني تأخرت بالتعقيب على نقاش مورينهو

إقتباس الرسالة الأصلية كتبت بواسطة the&&loRd صحيح كلامكـ يا النمر 15 ويا سكرو بس هذا مورينيو !! لمسته في الملعب تشوفه .. يسوي كل شي الا انه يطلع مهزوم يدرب بحماس تشوفه مع اللاعبين علاقه اقوا .. يعطيهم ثقه كبيرهـ و واكبر كثير من اي مدرب الا السير !! بيريز انا معاكـ في مورينهو .. جيبه .. جيبه والقلب داعي لك

حلو كلامك اخوي
هو اللي انا قاعد اقوله , مورينهو يهتم بالنفسية بشكل عام سواء مع لاعبيه او مع الاعلام
انا اتكلم عن التكتيك وهل يصنف مع دواهي التدريب والا لا

إقتباس الرسالة الأصلية كتبت بواسطة هلالـ2005ـــــي بانبرش معكم ممكن؟ -ممكن ليش لا؟- ماعليك من الحكي اللي فوق عندي انفصام .. رانيري نفسه استلم فريق تشيلسي عام 2003 وحاس مريره كان تقريباً نفس الفريق اللي استلمه مورينهو يمكن دروقبا هو اللي ماكان معه .. وماجاب الدوري ومنافسه ارسنال اذا مانيب واهم هذا غير انه شوي وينهي لاعبين مثل جوكول اللي كان قاب قوسين وينتقل من تشيلسي بسبة رانييري ومع مورينهو شفناه نجم ..وجاء مورينهو وجاب الدوري مرتين وبارقام خيالية ناهيك عن ارقامه الخاصة مع المدربين وخصوصاً فرغي.. شي ثاني رانييري نفسه استلم فريق فالنسيا فريق بطل ولافيه زيه ..فريق بطل دوري بطل اتحاد فريق ممتع جاء وحاس مريره قدم له كم مباراة وبعدها ماشفنا فالنسيا الا ينافس على الهبوط هذا غير شلة الايطاليين اللي جابهم يعني مهاجم زي ميستا هداف ومنافس على هداف الدوري تجي وتخليه احتياط لناس جايه من دوري ثاني حتى ماهم اعلى منه امكانيات !! اللي بوصله لك انه المدرب الفاشل يحوس الفريق حتى والفريق كويس .. هذا غير انه فيه اشياء تشوفه انت تشوف تنظيم دفاعي .. فيه تكتيك تحس انه الفريق يمشي على خطة معينة مب خطة شدو ياعيال .. بدون مبالغة اذا شفت فريق مورينهو كني اشوف فريق لكابيلو .. انضباط دفاعي تكتيك عالي لياقة .. ابد هم مدربين نفس طويل .. لك

هلا فيك اخوي
اشكرك على المداخلة , بس لاحظ اللي انا ملونه بالاحمر باقتباسك هو انتقاد لرانييري
طيب انا مأيدك 100% وقلت هالكلام اول ماتعين رانييري وقلت للشباب في رابطة اليوفي هذا مسك فالنسيا وهو فريق قوي وعززهم بثلاث ايطاليين [ كورادي + دي فايو + فيوري ] والنتيجة المركز السابع وخروج من الانتر بخمسه واحد في المستايا !
يعني انت قاعد تكرر نفس كلامي وهو وضع رانييري في مكانه في خانة المدربين المجتهدين ومن فئة مدربين الاعداد
يعني كلامك هو نفس كلامي من ناحية رانييري
بس عن مورينهو واللي لونته انا باللون البني , اتمنى منك تشوف الدوري الايطالي وتشوف لمسات مورينهو على الانتر , فريق سيء جدا واعتماد كلي على ابراهيموفتش
اذا غاب ابرا انهز الفريق وهذا شي مجمع عليه استديو الكالشيو حتى جماهير الانتر
ما شفنا لمسات مورينهو على الانتر الى الان , حاول يجرب خطته 4-3-3 وفشل ورجع لخطة مانشيني , والصفقات اللي سواها ما هي ناجحه , كوارزيما ومانسيني فشلو , مونتاري هو اللي مضبوط ولو فيه تحكيم زي الناس كان ينطرد بكل مباراة
مونتاري معروف بتهورة من ايام اودنيزي ,مرة عطاه الحكم كرت احمر وزعل وفصخ الفنيلة وحطها بظهر الحكم بس الحكام مزحلقين له هالموسم بالكالشيو لان التحكيم ككل سيء

إقتباس الرسالة الأصلية كتبت بواسطة عبودي المدريدي بـ الخير شباب ،، يعطيكم العافية جميعاً .. نـاصر منور يا سعادة الباشا موقفك من مورينيو لسى ما تغير .. يمكن عشانه يدرب الأنتر .. بـ صراحة كلامك منطقي جداً لكن ان عن نفسي مستحيل أقتنع فيه ،، وموب عناد او شي كذا لكن لأني أشوف في موري مدرب كبير وقـادر على صنع لاعبين قبل ما يجلب بطولات .. انت شف بدايته مع بورتو ! صنع نجوم لـ منتخب البرتغال ما كان يحلمون فيه من قبل ( ديكو - فيريرا - مانيش كوستينيـا - كارفيليو ) هذا غير الأجانب الي يعتبرون غير معروفين مثل ( مكارثي - ديمتري ألينشيف - كارلوس البرتو - ديرلي ) وبالذات الأخير ذا كان نجم من نجوم البطولة وكان سبب في تأهل بورتو لـ النهائي بعد ما فازوا على الديبور ،، حتى لما راح تشيلسي طلع لاعبين على مستوى عالي و أولهم دروجبا و لامبارد الي ارتفع مستواه كثير مع مورينيو ونفس الشي جون تيري الي صار كابتن لـ منتخب انجلترا بعد ما كان احتياط في الماضي .. يعني مورينيو له بصمات كبيرة على الكورة الأوروبيه وانا من وجهة نظري أشوفه الأفضل عالمياً .. بـ النسبة لـ تجربته مع الأنتر .. انا اشوفه ماشي كويس بـ الفريق في الدوري ويمكن الشيء الي اضعف حظوظه هو الخروج المبكر من دوري الأبطال ! لكن الأنتر بـ صراحة لا يقارن بـ المان كأسماء وهذا شيء مفروغ منه ومع ذلك كان من الممكن ان يخطف بطاقة التأهل فريق موري .. فيه نقطة مهمة نبهنا لها طارق النمر ياكلب والله لك وحشة :$ اذا موري بيجي لـ الريال موسم او موسمين ما نبيه أبداً .. نحن نبي الأستقرار وياليت اذا ما جا موري يستمر خواندي راموس .. خواندي مدرب ممتاز ولا يلام صراحة على الي يصير في الفريق .. أتمنى استمراريته وجلب اللاعبين حسب رغبته . عوافي شباب واصلوا الأستلجاج

لا والله موقفي من مورينهو من ايام بورتو وتشيلسي
فيه شخص حي يرزق وله يوزر بالشبكة , كنا نناظر انا واياه مباراة بورتو ومانشستر في ملعب الاحلام يوم تعادلو بورتو وتأهلو للدور اللي بعده
ذيك المباراة كانت باب واحد لمانشستر وتعرضو لالغاء هدف صحيح لسكولز على ما اذكر
المهم مورينهو كان يطامر بالمدرجات يوم جا هدف التعادل وبعد ماصفر الحكم ونزل يركض من الكرسي بشكل مضحك
عاد خويي هذا انتراوي ( لاحظ انتراوي ) وقالي وش هالمدرب المحظوظ اللي جت معه والله ما يستاهلون التأهل وحسافة مانشستر ماتأهل ذيك المباراة وانا ايدته بكلامه ومع تشيلسي قلت هالكلام 100 مرة ان الاندية الكبيرة كانت تمر بمرحلة غربلة وهو كان عنده فريق خيالي
طيب دوري 2006-2007 اخذوه مانشستر رغم ان نستلروي كان منتقل وكان المهاجم ساها والموسم اللي بعده هرب مورينهو للاسف بدون سبب من الدوري !

إقتباس الرسالة الأصلية كتبت بواسطة zizo4ever مورينهو مكسب كبير إن جا للريال مورينهو يعجبني في طريقه تعامله مع اللاعبين يعتمد كثير على الامور النفسيه , وقريب جداً من اللاعبين (من شافه يوم يطارد مايكون الين عند الركنيه و يخمّه ) غير كذا قوي شخصيه و يقدر يسيطر على نجومه و هذا اهم شىء لما تكون مدرب في فريق كبير فيه أكثر من سوبر استار

كبير يا عبدالصمد
هذا هو اللي انا اقصده بخصوص الحالة النفسية
بس سؤال / هل مورينهو يقدر يقاوم الماركا والاس اللي مافيه اغبى منهن ؟
هو الان انواع النرفزه بسبب اعلام ايطاليا فمابالك باعلام مدريد الخايس واعلام برشلونه الضد ؟ بتكون فيه شوشرة مالها من لزوم

انا اشوف ان هالجرايد يلزم لها واحد خبير , وانا اشوف والله اعلم ان الافضل لها اريسكون مدرب خبير واستقعد للاعلام الانجليزي العنصري وساحب على امهم 5 سنوات وطلع لهم فريق خرافي مايطلع الا بالبلبنتيات واستقال وهو ساحب عليهم
وابزر لنا روني ووالكوت رغم انهم كتاكيت بس هذي هي نظرة الخبير
اريسكون ولا غيره

إقتباس الرسالة الأصلية كتبت بواسطة هتلر الرياض بالنسبة للايطالي أعتقد الاتحاد الايطالي نفسه هو من تسبب في انخفاض مستوى الدوري لهم 3 مواسم والهدايا التحكيمية على فريق واحد فقط والأندية الأخرى متضررة بشكل كبير جداً حتى أصبحت المنافسة لافائدة منها فقط اللعب في الدوري الايطالي محصور على المركز الثاني والثالث ومادون ذلك أما الأول فهو محجوز منذ سنوات لـ نادي واحد وحتى لو تعثر فـ ان الفسفوري يجعله يعود من جديد إلى الصدارة

انت احسن واحد في رابطة مدريد
الشهادة لله ترا التحكيم في ايطاليا داج بزيادة هالموسم بس اكثر فزعاته للانتر لكن الفرق كلها تستفيد بس الانتر هو الاكثر استفادة
واللي يصير الحين اشنع من ايام اول ايام تلفيق الفضايح , ماكنا نشوف شكاوي مثل اللي صاير الحين , موجي يوم قرشعوه قال تراكم وخرتو ذرة من كومة غبار وهو صادق والله على هاللي نشوفه الحين


= == =

شباب اعذروني وصلت لين الصفحه 940 وشفت ان التوجه صار لمباراة بلباو فليعذرني اي واحد رد علي بعد هالصفحه لانه مشوار صراحة اقعد اقلب بـ 9 صفحات

شكرا لكم واعذروني على المداخلات الواجدة

كالديرون : يؤكذا ان كرستيانو رونالدو سوف ينتقل للريال في الصيف المقبل وما على الرئيس الجديد سوى تقديمة للاعلام !!!!!!!!!!!!!!!!!!!!!!!!!!!!!!!!
AS

إقتباس الرسالة الأصلية كتبت بواسطة ابن الخطاب نرجع لمحور حديثنا واليوم عندنا خطه جديده وارجو التفاعل من الجميع وعلى فكره نقاشنا للفايده بس يعني تطمنوا ماراح نجبر خواندي راموس يمشي على الخطه اللي نحطها زي مايعتقد جهاد واعوانه 2 - 5 - 3 قدّر الله علينا ياشباب مره ثانيه ولعبنا بخطة 2 - 5 - 3 نبي نشوف شطارتكم تحت 1- من سيكون ثلاثي الدفاع ؟ 2- لاعبين خط الدفاع على خط واحد او لاعب متأخر ؟ 3- من سيكون في خط الوسط ؟ 4- كيف سيكون ترتيب خط الوسط ؟ 5- نمط اللعب ؟ ( سريع او لعب على الاجنحه او .....) 1- مزايا اللعب بهالخطه ؟ 1- عيوب اللعب بهالخطه ؟

أنا دايم مستمع وقارئ لإبداعات المدريدين
لكن اليوم انا حاب اشارك لأن بصراحه اعجبني الموضوع

طيب نمسك الموضوع حته حته ...


من سيكون ثلاثي الدفاع ؟

كن كن ............. بيبي ............. متزيلدر

لاعبين خط الدفاع على خط واحد او لاعب متأخر ؟

يكون بيبي متأخر لأنه أفضلهم من ناحية السرعة والتغطية للهجمات المرتدة

من سيكون في خط الوسط ؟

شنايدر .................. روبن
ديارا
راموس ............................................. مارسيلو

كيف سيكون ترتيب خط الوسط ؟

راموس ومارسيلو
أظهرة متقدمين ويساندون الهجوم والدفاع

ديارا
محور ثابت

شنايدر وروبن
صناع لعب وأجنحة

نمط اللعب ؟

طبعاً سريع مع الاعتماد على الأطراف لأن بيكون عندنا صانعين لعب بالإضافة لظهيرين بيساندونهم من دون ما يأثر تقدمهم على الدفاع ...

مزايا اللعب بهالخطه ؟

1/ تأمين الخطوط الخلفية لأن في حالة الدفاع عندنا قلبين دفاع وليبرو غير المحور والأظهرة يعني 6 لاعبين..
2/ تفرغ خط الوسط لصناعة اللعب فقط ... مع المساندة الدفاعية قليلاً ..
3/ خط الهجوم ماراح يرجع كثير للخلف لسحب الكور مثل اللي صاير الحين من راؤول وهجواين..

عيوب اللعب بهالخطه ؟

1/ بيكون فيه جهد كبير على الأظهرة فلا بد من رفع معدل لياقتهم ..
2/ الهجمات من العمق علينا بنقضي عليها لكن الهجمات المرتدة من الأجنحة فممكن تسبب خطورة لنا ...
3/ ديارا الله يعينة على الخطه ... أحسه بيحقد علينا ههههه

إقتباس 2 - 5 - 3 قدّر الله علينا ياشباب مره ثانيه ولعبنا بخطة 2 - 5 - 3 نبي نشوف شطارتكم تحت

صباح الفُل ع الكُل
وحيّ خطاب ترى بنغير إسمك من الدون خطاب إلى الكوتش خطاب
.
نرجع لمحور حديثك
أولاً بتكلم عن خطه 3-5-2 بشكل عام
هذي الخطه علشان تنجح لازم يصير عندك لاعبين يجيدون أدوار مزدوجه
لأن خط الوسط يتشكل و يتغير على حسب وضع الفريق ( دفاعياً و هجومياً)
نرجع لريالنا
.
في هذي الخطه من رأيي ثلاثي الدفاع بيكون
آينزو - بيبي - كانافارو
خط الوسط طبعاً بيكون فيه خمس لاعبين وهم
لاس محور إرتكاز وحيد
مارسيلو في الجهه اليسرى و راموس في اليمنى
أمامهم شنايدر كصانع لعب
و كذلك فارت كلاعب جوكر يصير صانع لعب ثاني (وهمي) في حالة الهجمه
و في الحاله الدفاعيه يساند لاس في وسط الملعب
مارسيلو و راموس هم أهم عاملين لنجاح الخطه لأنهم متميزين
في التغطيه الدفاعيه إذا دعت الحاجه لمساعدة ثلاثي الدفاع
وكذلك بيكونون متحررين وقت ما يكون الفريق في وضع هجومي
لأن المناطق الخلفيه مؤمنه بوجود ثلاثي الدفاع ولاس
طبعاً أكثر من رأيته يجيد هذه الخطه في الوقت القريب هو منتخب مصر
.

إقتباس

أهم ما يميز الخطه هي قوة الوسط
والفريق الي يمتلك خط وسط قوي
ولاعبين ذو أدوار مزدوجه بيبدع في هذي الخطه
بس للاسف أنها أصبحت من الخطط المندثره مع تطور الكوره
و أساليب اللعب و تطوير الخطط
فصار في خطط جديده مثل / 4-1-3-2 / 4-3-1-2 / 4-4-1-1 والقائمه تطول
.

إقتباس

العيب الوحيد الي أشوفه في هذي الخطه
خط الدفاع قد يضرب بسهوله إذا كان الخصم لديه مهاجمين سريعين
خصوصا و أن بعض الفرق تجيد الارتداد السريع و يعتمدون في هجماتهم على الكرات
الطويله الي بتلغى قوة وسطك في ذيك الحاله.
.
خطاب
منور يا ناصر