إقتباس 2 - 5 - 3 قدّر الله علينا ياشباب مره ثانيه ولعبنا بخطة 2 - 5 - 3 نبي نشوف شطارتكم تحت

صباح الفُل ع الكُل
وحيّ خطاب ترى بنغير إسمك من الدون خطاب إلى الكوتش خطاب
.
نرجع لمحور حديثك
أولاً بتكلم عن خطه 3-5-2 بشكل عام
هذي الخطه علشان تنجح لازم يصير عندك لاعبين يجيدون أدوار مزدوجه
لأن خط الوسط يتشكل و يتغير على حسب وضع الفريق ( دفاعياً و هجومياً)
نرجع لريالنا
.
في هذي الخطه من رأيي ثلاثي الدفاع بيكون
آينزو - بيبي - كانافارو
خط الوسط طبعاً بيكون فيه خمس لاعبين وهم
لاس محور إرتكاز وحيد
مارسيلو في الجهه اليسرى و راموس في اليمنى
أمامهم شنايدر كصانع لعب
و كذلك فارت كلاعب جوكر يصير صانع لعب ثاني (وهمي) في حالة الهجمه
و في الحاله الدفاعيه يساند لاس في وسط الملعب
مارسيلو و راموس هم أهم عاملين لنجاح الخطه لأنهم متميزين
في التغطيه الدفاعيه إذا دعت الحاجه لمساعدة ثلاثي الدفاع
وكذلك بيكونون متحررين وقت ما يكون الفريق في وضع هجومي
لأن المناطق الخلفيه مؤمنه بوجود ثلاثي الدفاع ولاس
طبعاً أكثر من رأيته يجيد هذه الخطه في الوقت القريب هو منتخب مصر
.

إقتباس

أهم ما يميز الخطه هي قوة الوسط
والفريق الي يمتلك خط وسط قوي
ولاعبين ذو أدوار مزدوجه بيبدع في هذي الخطه
بس للاسف أنها أصبحت من الخطط المندثره مع تطور الكوره
و أساليب اللعب و تطوير الخطط
فصار في خطط جديده مثل / 4-1-3-2 / 4-3-1-2 / 4-4-1-1 والقائمه تطول
.

إقتباس

العيب الوحيد الي أشوفه في هذي الخطه
خط الدفاع قد يضرب بسهوله إذا كان الخصم لديه مهاجمين سريعين
خصوصا و أن بعض الفرق تجيد الارتداد السريع و يعتمدون في هجماتهم على الكرات
الطويله الي بتلغى قوة وسطك في ذيك الحاله.
.
خطاب
منور يا ناصر