إقتباس الرسالة الأصلية كتبت بواسطة MADRID CF . عشر دقائق من الذاكرة Fabio Capello .

الله يعطيك العافيه
ذكرتنا بالموسم الاستثنائي
كارلوس + رييس + كابيلو =


اعذرونا شباب عالغياب بس الظروف وماتسوي >>>> وينك ياقاهر الظروف

كالديرون يعلنها رسميآ

رونالدو مدريدي للموسم القادم


http://www.as.com/futbol/articulo/ca...sdasftb_34/Tes


http://www.cadenaser.com/deportes/au...csrdep_12/Aes/

إقتباس شفت ذا المباراة وانغبنت معليش على الخطمة اللي مادري شتبي

صدقني مو انت لحالك

ان شاء الله ترجع هيبة الريال ويتزعم أوروبا من جديد

ما أعتقد فيه مدريدي بيشوف مباراة الليفر و البلووز ولا انغبن

يآخي يكفي أن جمهور الليفر يصفق ومبسووط وطآلع من الملعب رآفع رآسه

مو مثلنا

هزيمة رآيح جآي من الليفر ، هزيمة رآيح جآي من روما ، وغيرهم الكثيرر

يعني لو أننا نقدم مستووى حلوو ونطلع ، ما عندي مآنع

بس خرووج ، و خرووج مذل بعد هذا اللي يغبن وبقووة بعد

هلالي بس مدريدي

beckham 0723

صدقوني بتشوفون كريس الصيف القادم في مدريد
وبذكركم اذا وقع لنا..

,,

إقتباس بصراحه شفت ذا المباراة وانغبنت معليش على الخطمة اللي مادري شتبي

منت الوحيد كلنا مثلك وبصراحة قهر تشوف غيرك يمتخطر في الشامبيون وانت
ملحط في الليغا ولا لعبك يجيب المرض وممل بصراحة اقولها الريال يبيله شغل
كبير وعلى قولة الاخ بيكهام 0723
مو سوبر ولا اثنين يكفون الريال يبيله اكثر من لاعب يفرق

..

كنت مأمل على ارهاق البارشا على المنافسه على ثلاث بطولات
بس اللي اشوفه حاليآ البرشا في عز قوته وصعب يتوقف واشوف
انه اقرب للدوري اكثر من اي بطوله قادمه...!!

ياليت يخيب ظني في الفريق الكتلوني ويتعطلون اقرب جوله

..

عيب المشجع المدريدي

انه طماع حتى في اسوا ظروف يبي الريال ياخذ بطوله
ساعات ابي الريال يجيب الدوري وساعات اقول لا ياخذ
شي ويصدق نفسه فريق كامل وما يحتاج الا لمستين
ابيه ما ياخذ الدوري ويغربل الفريق من اوله الي اخره

كثرة الهذره ادري

الله اكبر ياكريس اللي بيجيب العاشره او بيضف الشي الكثير للفريق

والله بديت احس وجود كريستيانو ماراح تغير شي الكثير

اوك رونالدو لاعب كبير وفنان ونجم وله ثقله

بس والله اعلم انه ماراح يسوي شي

فيه اكثر من لاعب

ريبيري اقرب واحد نقدر عليه وفوق كذا اللاعب ده بانجازات وده بالتشامبينز وده بالكره الذهبيه وافضل لاعب بالعالم

مع البايرن صعب يحققها

ريبيري لو تعطيه الكوره يدخلك من اي مكان تبي ماعنده مشكله ويقدر يسوي المستحيل

ماعاد ابي رونالدو والله مع اني استمتع فيه بس خلوه يخيس في المانيو مع الشايب حقه

جيبو ريبيري جيبو ناس تبحث عن الانجازات ولا حققتها

كثير منهم موجودين بس يبيلها تاشيره بس


الله يعين

الريال الحين يذكرني ببرشلونه في 2003 - 2004
كان الريال عنده من النجوم وبرشلونه ماعنده احد

والحين صار العكس





كل امنياتي اشوف الرود يوم 3-5-2009


وتصبحون على شمس

إقتباس الرسالة الأصلية كتبت بواسطة مملكة الريال كالديرون يعلنها رسميآ رونالدو مدريدي للموسم القادم

كـالديرون ماذكر رونالدو بالإسـم , هو قال " احد أفضل لاعبي العالـم ! "
الأس هي اللي ربطت رونالـدو بتصريح كالديرون واعتقـد انه هو الاقرب اذا صدق الكاذب
كـاديرون صاحب نفس دنيـئه وماينلام ! من محامي راتبه متوسط الى شخص تحت ادارته الملايين !
طبيـعي يكون كذّاب ونفسه دنيئه و مزور لكن الان في هذا الوقت بعد طرده من الرئاسه وش مصلحته يكذب ؟!
مـا اعتقـد له اي مصلحـه ولو اني في البدايه انا ربطت تصريح كالديرون هذا بـ شرشحة شوستر له في الماركا
واعتبرت انه محاوله من كالدي لـ تغطية فضائحه وشد الانتباه واكل الجو على تصريح شوستر
لكن تصريح كالديرون موب جديد وسبق ان صرّح بنفس المعنى تقريبا قبل فتره ! ..

بـ المنـاسبه مـا اتمنى ان يكون رئيسنا القـادم طفران او ماقد شاف خير مهما كانت عقليته الرياضيه
لآن نسبة تكرار مساويء كالديرون كبيره اذا شاف الملايين تحت يدينه بعد ماكان شخص عـادي

* * * * *

إقتباس الله اكبر ياكريس اللي بيجيب العاشره او بيضف الشي الكثير للفريق

الدعوه موب مسألة اعتقاد ان رونالدو معه عصى سحريه او بنفوز بكل مباراة اذا جاء رونالدو ,
هذا زيدان كان معنا ولا اخذنا ولا بطوله من 2004 الى 2006 , لكن الريال صرف مبالغ كبيره
في اخر ثلاث سنوات وبدون فائده على اشباه لاعبين , تخيل الريال يدفع اكثر من 300 مليون
على الصفقات من بداية موسم 2007 الى يومنا هذا !! .. مبلغ كبير جدا واللي يشوف المبلغ
هذا بدون مايشوف اسماء اللاعبين اللي جو راح يعتقد ان الريال تعاقد مع لاعبين ( سوبر )
و ينافسون على الكره الذهبيه !! .. لكن المصيبه انه ولا لاعب من اللي تعاقد معهم الريال
داخل ضمن قائمة افضل 30 لاعب في العالم !! ..

هذا يعني تبذير للاموال وعشوائيه في الاختيار , لذلك افضل دفع مبلغ محترم لـ رونالدو
مثلا على جلب اشباه اللاعبين بمبالغ كبيره وبدون فائده .. السالفه سالفة مبدأ قبل كل شيء
والريال يحتاج الى التعاقد مع لاعبين يعيشون افضل مراحلهم لخدمة الفريق بدل التعاقد مع
اشباه لاعبين وبمبالغ كبيره جداً .. اجل وش فايدة انه يكون فريقك اغنى نادي في العالم !؟

ورونالدو اكيد مايملك عصا سحريه وكرة القدم متكامله اداريا وفنيا و عناصريا و رونالدو
مجرد خطوه للتصحيح اذا اراد الريال العوده لمكانه الطبيعي ..

( فيا + سيلفا + اي لاعب ) افضل من رونالدو وحده او كاكا وحده , لكن ماذا لو كان الريال لديه الامكانات
الماديه لتدعيم الفريق في اكثر من مركز بـ لاعبين سوبر ؟ وش المشكله ؟ .. يعني ممكن بيريز
لو تم ترشيحه يكون قادر على جلب كاكا و رونالدو ومهاجم كبير وظهير ايسـر ومحور بديل لـ ممادو ,
ريال مدريد اغنى فريق في العالم حاليا والميزانيه تزداد في كل سنه بالرغم من هبوط مستوى
الريال في السنوات الاخيره وبالرغم من عدم وجود لاعبين يفيدون النادي اقتصاديا على شاكلة
بيكهام الا ان ميزانية النادي تزداد والفائض كبير فما المانع من تدعيم ثغرات الفريق بأفضل اللاعبين في العالم ؟
وما ننكر انه في النهاية كرة القدم منظومه متكامله واللاعبين موب كل شيء !

* * * * *

إقتباس اعذرونا شباب عالغياب بس الظروف وماتسوي >>>> وينك ياقاهر الظروف

ولكم بـاك عبدالله , موجودين في بـالك ..

قاهر قبل انام


شف بقولك شي... نهاية 2004 صارت هناك مشكلة بين زيزو وراؤل بس مشاها زيدان

وكان قبلها او تقريبا بحدودها راؤول ورونالدو صارت بينهم مشكلة بسبب تفضيل لوكسمبرغ رونالدو على راؤول ولعب فيه بالكلاسيكو

وقيل لي ان سبب ترك زيدان للنادي الملكي قبل كاس العالم ياتي سببه لكثرة المشاكل اللي كانت تحصل في غرفة الملابس وتحديدا من راؤول ...!!! ومن بعدها زيدان ماحب ينتقل لاي نادي وفضل الاعتزال وهو في مدريد

نرجع لاشباه اللاعبين


ياخي عندك اكثر من لاعب ممتاز ولا حقق انجازات

مثل فيا وسيلفا وريبيري وفابريقاس وكليتشي ومايكون واكويلاني ودي روسي واقويرو وكازورلا

وعد واغلط من اللاعبين المميزين ولا حققو شي

لو تجيب هاللاعبين هدفهم الاول والرئيسي يحققون اكبر بطولات اوروبا واثبات الوجود عن طريق الجوائز الشخصيه

بعدين كاكا ورونالدو حققو كل شي ولا مانع انهم يجون بس الافضل تجيب ناس مبدعه بس مع فرقها ماتحقق شي والسبب الناس اللي تلعب معها ...!!

في كذا فريق تلقى لاعبين مميزين بس الفريق مايساعد انه يبدع او ينافس على بطولات كبيرة

اليد الوحده ماتصفق

فيا يحاول يصفق مع سيلفا وماتا بس ماش عجز الولد يصفق