|
توضيح: بشأن العطل الحاصل لشبكة موبايلي .. السلام عليكم ورحمة الله وبركاته .. ما حدث لشبكة موبايلي بعدم وجود ابراج في الهواتف النقالة من الساعه الثالثة عصرا تقريبا هو وجود اصلاحات لشبكة موبايلي الخاصة بالشركة وسيتم الاصلاح والتحديث في غضون الساعات القادمة علما بأن العطل في الابراج قد حصل في اكثر مناطق المملكة وكانت بداية العطل في منطقة الرياض والمحافظات القريبة منها .. بالتوفيق لكم يا زعماء والانتظار لأن هذا اصلاح وارد لك شركة اتصالات من اجل التحديث فقط .. تحياتي لكم ابو شوشن |
الـــلـــه يــــكــــتــــب ا لــــــلـــــي فــــيــــه خــــيـــــــــــر |
والله طفشونا هم وذا العطل طالع بجيب لهالي اغراض وادق والى ما في شبكه رفعو ضغطي |
الحمدله انك كتبت هالموضوع والله متقفل مخي هههههههههههه توني شاري الشريحه امس وصار كذا توني بروح لابو هنوود مشكورررررررررررررررررررررررررررر |
مشكووووووووووووووووووور خيوووووووووووو على التوضيح |
عساهم على القوة ان شاء الله .. بالتوفيق لمـــوبايلي وحلوه اللوحات الجديدة اللي مركبينها على محلات اجهزة الموبايل . ( ازرق وابيض ) s13s احلى من السماوي يعطيك الف عافيه اخوي ابو شوشن . |
عسى مايطولون بس اللي يبي يمسك خط وش يسووي ..؟؟ |
خلووهم يسنعون ارسالهم بس ارسالهم ضعيف من قبل مو بس اليوم :( |
إقتباس:
الانتظار وخلال الساعات القادمة باذن الله سيتم انهاء الاصلاح والتحديثات للشبكة .. |
مشكوووووووووووووووووووووور بي المفروض انهم يخبروووووووون الناس اول |
ههههههههههههه والله من ردااتهم موبايلي ما تجي جمب الاتصالات الاتصاالات لها اكثر من 10 سنيين بالسعوديه في بنيه قويه موو موبايلي الي لسا ما غطت السعوديه !!! |
المفروض من شركة موبايلي انها تقوم بإرسال رسائل قصيره لعملائها توضح فيه انه سوف يتم اقفال الشبكه مو بهالطريقه يعلقونا والناس عندها اشغال ومسؤوليات الحمدلله عندي شريحه اتصالات ولا كان تعلقت مع هالمساكين اللي ماعندهم غير شريحة موبايلي آلله يكتب آللي فيه آلخير للجميع تحيآتيـ |
إقتباس:
ياخي بس الاتصالات حراميه يحطون فواتير عليك وانت ما تكلم ويقولون رسوم اشتراك |
شاكرلك ع التوضيــح يالغالي ,.!! ورده وان شاء الله يتم تصليح العطل في الابراج .!! ورده |
اقسم بالله قبل لا ادخل المنتدى وانا العن في جهاي احسبه هو السبب .... مشكــــــــــــــــور اخوي نورتني |
يا زينهم على قلبي لو توصل ختى لأيام ولا احط اسمي بسجلات الانفصالات |
وانا معصب على الجهاز بغيت اكسره ................ |
وان اقول وش السالفة !!! ان شاء الله اهم مايطولون !!! ............................... |
الشبكه ترفع الضغط من اول ماشتغلت بس الله يعين لاجل الزعيم والاانها ماتسوى مع الاتصالات |
الحمد لله انك وضعت الموضوع والله اني بغيت اشترى سوا بس الحمد لله انك كتبت الموضوع شكر لك |
عاااااااااااااااااادي وتحصل في أكثر شركات الإتصال نسينا أول شركة النصب والإحتيالات كم تتعطل من مرة مشكور أبو شوشن على التوضيح |
أنا قاعد اقول شالسالفة .. ولا مو عوايدهم |
إقتباس:
عموماً قابلوني ان ارسلوا لنا رسائل تفيدنا بأنه يوجد خلل ؟ على بالك في امريكا لسان حالهم يقول وش فيها خلهم شوي بعدين نرد الارسال ؟ ارحموا عقول العملاء ياموبايلي ولا تهون الاتصالات وانتبهي يازيـــــــــــــــــن |
الحين الساعه 8:08 ولآ اشتغلت . وش الموضوع . نبى نكلم . يآ بو شوشن دبرنـــآآ !! |
والله طفشونا هم وذا العطل طالع بجيب لهالي اغراض وادق والى ما في شبكه رفعو ضغطي |
كسرت جهازي هل تعوضني موبايلي كنت حاط عيالي في السوق وتوهقت اعتقدت ان الجهاز عطلان وصرت اضربه الين انكسر بس الموقف الي صار لي من التسول اصعب من كسر الجهاز حيث اني استحيت اطلب من احد اكلم وكنت اقول والله مشكله ماعندي ابراج وانا محتاج اكلم اهلي ويناظرني ويقول لسه ماجتك ابراج اقول ايه ثم يتركني حتى كسرت الجهاز من قل المروة في الناس حتى وصل العدد الي تسولت منهم لثمانية اشخاص فياقلب لاتحزن بس تدري من الي عطاني جهازه طبعا ليس سعودي رغم انني لم اطلب من غير السعوديين عزة نفس حتى اطريت في الاخير اطلب من احد اخواننا العرب(سوري) للاسف على ضياع المروة بيننا حتى انه رفض ياخذ مقابل اتصالي شكرا موبايلي على هل موقف وشكرا لك على التوضيح |
شاكرلك ع التوضيــح يالغالي ,.!! وان شاء الله يتم تصليح العطل في الابراج .!! |
تسلم اخوي والله حتى انا انفجر راسي حتى اني اتصل على 1100 مب راضي يدق |
المفروض من شركة موبايلي انها تقوم بإرسال رسائل قصيره لعملائها توضح فيه انه سوف يتم اقفال الشبكه مو بهالطريقه يعلقونا والناس عندها اشغال ومسؤوليات الحمدلله عندي شريحه اتصالات ولا كان تعلقت مع هالمساكين اللي ماعندهم غير شريحة موبايلي آلله يكتب آللي فيه آلخير للجميع تحيآتيـ كلام أخوي السر عوف سليم 100% الحين حنا توهقنا الي ماسك خط والي منزل اهله في مكان عساس يكلمونه اذا خلصو ؟؟؟؟؟؟؟؟؟ |
اووووووووووووووووووووف 48 ساعه ورانا التزامات حنا ياربي شي يقهر ... عوافي ع الخبر |
آه .... حتى الشرقية ما سلمت ... نبي تعويض :) ......................... |
حياك الله اخوي فهد وش نسوي انا مثلك والله يعين |
48 ســاعه ووين ويين ورانا التزامات ولابد من وجود تعويضات ولا موبايلي ستخسر الكثير |
الله يفشلكـ ياموبايي بسم الله الرحمن الرحيم بدخل في الموضوع بدون مقدمات اليوم موبايلي أثبتت أن شبكتها أي كلام أن لاقول هالكلام لني عميل في الاتصالات أو تهمني الاتصالات بشي لاوالله انا محول لي اكثر من شهر في موبايلي من أجل الزعيم فقط طول الشهر الابراج تروح وتجي طول الشهر لازم تسوي اعادهـ أرسائل لرسائل لنها بعض الاحيان ما تروح من أول مرهـ أنا ما أنكر أن عندهم أشياء أفضل من الاتصالات بكثير من ناحيهـ الاسعار ومن ناحيهـ خدمهـ العملاء ولكن ما حدث اليوم شي يفشل كل خطوط موبايلي مفصولهـ من العصر s60s خدمهـ العملاء 1100 مفصولهـ ولا تعمل :clapping: تروح الفرع يقولون لك عشان زين داخلهـ على ابراج موبايلي (( طيب ابراجكـ اي كلام ليهـ تخليها تدخل معكـ يعني الاتصالات خايفهـ على عملائها ما سوت هالشي وانتم ما شاء الله ضياع )) تروح الفرع ما يعطونكـ خبر يقولون خلال الساعات القادمهـ من العصر وهذا كلامهم:surprised: بصراحهـ موبايلي خلتنا نندم أنا حولنا أرقامنا لهم ياخوي افرض واحد مسافر وعلى طريق ومحتاج الجوال وما عندهـ غير موبايلي :bigeek: اكيد مصيبهـ أتمنى من موبايلي انها تشوف حل ولا بصراحهـ راح تخسر عملائها لن الواحد يبي راحتهـ ودمتم |
انا ماسك هاي وي الرياض _ الدمام وتلتهت وانا اخوك احاول اتصل بخويي اللي مواعده في مطار الدمام وماقدرت الا عن طريق بقاله |
انا منيب فاضيلهم لازم يعوضون المشتركين ............................. |
ان شاء الله خير وودنا تشتغل الان يافرحه الدويش الحين |
طيب لو كانت الأتصااالاااات كان قالوا لك .... ترا ازعجتنا ولا تجي ولا يكثر العطل غير متوقع .... وموبايلي مقدره .... وراح تعوض جميع المشتركين :) |
ايه انا اقول وش فيه جوالي حتى عندنا بالجوف نفس المشكله |
مدري من ايش العطل ، المهم انها ترجع في أقرب وقت .!! ورده |
خطاء لن يغفره المشتركين في شبكة موبايلي ومن الممكن تحويل عدد كبير جداً من موبايلي الى الاتصالات بسبب هذا الخطاء و 48 ساعه كثيره جداً حتى الى الغد كثيره جداً الاتصالات مع أي كـان ( موقوفه ) تماماً . نتمن أصلاح الخطاء باسرع وقت ممكن وآن شاء الله يكون التعويض للمشتركين كفيل بارضائهم :naughty: |
يارجال انا لي فوق شهرين محول لموبايلي وبالاخير الأبراج مثل الأسهم مره فوق مره تحت نفسي لو مره تثبت حرمت نفسي من الوسائط عشان الزعيم واليوم تقطع فجأه بدون أي رساله يعلمونا فيها |
مشكووور والحمدلله إنك كتبت هالموضوع وعلمتنا وإلا كنت أبتفلت على 1100 إذا رجعت الأبراج :d |
حبيبي الاتصالات أكثر من 10 سنوات تشتغل بالمجال هذا وتوها تصير جيده قبل سنه او سنتين وموبايلي مالها سنتين من نزلت وشفها كيف تنافس شركه لها اكثر من 10 سنوات موبايلي مسألة وقت وتنجح لأنها جالسه تشتغل صح وحرام تحكمون عليها وهي توها نازله والسعودية كبيرة وش بيقدر يغطيها بمده زمنية تعتبر قصيرة أنا جوالي سوا وبسافر الأسبوع الجاي بجلس سنه برى المملكه واذا رجعت برجع وبطلع رقم موبايلي لأنها بعد سنه بتكون أفضل بكثير من الأتصالات |
ياشباب حتى جوال خالد الكاف عطلان هههههههههههههههههههههه |
طيب تتوقع هم مسوين الحركه عمداً .!! يارجال قضاء الله وقدره ، فكونا من ، الازعاج ،!! |
اتذكر قبل 3 اشهر الاتصالات انقطعت ولا هن تعويضات وانا جوالي لنا مافيه ابراج لكن موبايلي راااح تعوووضك وبالتوووفيق |
موضوع ماينسكت عنه والله عالم بحاجة الجوال تخيلوا واحد تعطل بخط وماعنده الا موبايلي وبعدين اول مره اشوف عطل كامل لجميع الشبكات |
لالالالالالالالالالالالالابد من التعويض.. زعيم سدير.. استغفر الله.. |
إقتباس:
عين العقل كلامك اخوي نتمنى تكون موبايلي قويه في ردها |
إقتباس:
ان شاء الله خير لاتستعجل اخوووي كلنا متضررين |
تحديث على حساب هالبشريه !!!!!!!!!!!!!!! لازم موبايلي تحترم عملاءها وتعوضهم |
قبل اسبوع جات نفس المشكله وأتصلنا عليهم ويقولون عندهم تحديث والحين يقولون تحديث ومن هالكلام الفاضي بس نشوف متى تنتهي ذي التحديثات ... _______________ وبالنسبه لكلام barca-inter فللمعلوميه ترى الاتصالات الى الان لم تغطي السعوديه في أما كن الان مافيها تغطيه _________________ حبيت أوضح لك علشان تكون في الصورة أن الثنتين حالتهم زي بعض |
تعاني شبكة موبايلي حاليا من شلل شبه تام في مدينة الرياض خاصة و بعض مدن المملكة . و ذكرت مصادر من داخل موبايلي أن عطل مفاجي داخل المركز الرئيسي قد تسبب في توقف الاتصال في الرياض و عدد من مدن المملكة و يجري حاليا مع كامل فريق الدعم الفني بعد اعلان حالة الطواري اصلاح العطل و يتوقع ان تدخل الشبكة في وضعها الطبيعي بشكل تدريجي بعد ساعات من الان إلا أنه من الغير المرجح ان يرجع الوضع كما كان عليه في السابق في وقت مبكرا من اليوم |
يازينهم وياحلوهم ......بننتظرهم لين يصلحون العطل وبارد على قلوبنا ............. بدل شركه الاحتكارات سيئة السمعه والخدمه !!! موبايلي فور ايفر !! |
مهزله والله العظيم مهزله شركة موبايلي لا تحترم عملائها ملينا من هالكلام وشلون ننكلم الناس يعني والله قهر |
بصراحه انا عندي خط للأتصالات وخط لموبايلي لكن للأسف كنت استخدم موبايلي اكثر من الاتصالات والمكالمات الضروريه كلها على موبايلي لكن بعد الي صار انا من يوم السبت بحول للجوااااااااااااااااااااااال وبستين داهيه على موبايلي دامها كذا 48 ساعه كان خلوها شهر احسن ولا سنه هذا وضغط رمضان والعيد الفطر توه ما جا . . . . . إذا كان الرقم المجاني ما يشتغل ترجون خير وراهم . . . . سلمووووووووووووووووووووووولي على موبايلي . . . . |
الله يصلح ابوهم ياشيخ ياخي عطلووونا ياخي |
سلمووووووووووووووووووووووولي على موبايلي . . . . والله ياموبايلي تبي تاكلها مبرده |
الله لايوفقهم ان شاء الله الله يلعنهم ياجعلهم بالخسارة إن شاء الله طيب يرسلون لنا رسالة والا خلل فجأة حدث |
| الوقت المعتمد في المنتدى بتوقيت جرينتش +3.
الوقت الان » 05:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd