أوضح المهاجم الأوكراني "اندريه شيفشينكو" مهاجم نادى ايه سي ميلان الايطالي ولاعب تشيلسي السابق أنه إنتقل لقلعة ستامفورد بريدج من أجل عائلته قبل أن يكون هذا من أجل مسيرته الإحترافية في عام 2006.
وأشار "شيفشينكو" في تصريحات لشبكة سكاي سبورتس "لا يوجد ندم في الحياة، ليس هناك شيئاً كامل، فكرت في الأفضل لعائلتي وليس لمسيرتي الإحترافية، كان من الصعب أن أترك ميلان لكني فكرت في عائلتي وأولادي الذين بقوا في لندن".
اللاعب علق أيضاً على الإختلافات بين الكرة الإنجليزية ونظيرتها الإيطالية قائلاً "تكلمت عن هذا من قبل، أعتقد أن الكرة الإنجليزية تتنوع بشكل أكبر، هناك ضغط على المنافس دائماً والمساحات أقل ،ولكنه ليس كالضغط الاعلامي الموجود هناك".
على جانب أخر تحدث عن "جوزيه مورينهو" مدرب البلوز السابق والذي لم يبدأ بالمهاجم كثيراً "أعتقد أنه يتكلم بكل وضوح مع لاعبيه يقول الأشياء كما هي وكما يفكر فيها وكثيرين يقدرون هذا، أحب أن لا أتحدث عن علاقتي معه، ولكني أحترمه كثيراً كمدرب وكشخصعملت معه".
ولعب "شيفا" دوراً محدود في الروسونيري هذا الموسم حيث لعب 14 مباراة فقط منها مباراتين كأساسي !
يعطيكم العافية يا شباب شغلكم مضبوط والرابطة تتحسن وإن شاء الله تستمر للأفضل
حسب آخر الأخبار اللي قريتها فيه موضوعين حبيت أعلق عليها :
أولا : أنشلوتي ومسألة بقائه مع الميلان ,, شخصيا أتمنى رحيل المدرب بغض النظر هل هو نجح أو لا لكن المدرب وصل لمرحلة ما يقدر معها يقدم للفريق شي يفيده
ميلان يحتاج نقلة كبيرة وأشوف إنه من الأفضل أن تبدأ بتغيير المدرب لكن ما أتوقع يتغير خصوصا مع تصريح جالياني اللي قال فيه لو تأهلنا للشامبيونز أنشلوتي سيبقى
ثانيا : دفاع الميلان والتعاقدات وكل يوم طالع لنا مدافع جديد وصلت حتى لمدافع ياباني !!
محد يختلف إن دفاع ميلان من أضعف خطوطه ويحتاج أسماء كبيرة ويكفي الإعتماد على نيستا اللي غالبا ما يكون مصاب وحتى لو رجع ما نضمن رجوعه لمستواه المعروف
نفس الشي مع كلادزه إصاباته كثيرة وشخصيا ما أشوف إنه يستحق يلعب أساسي بميلان , زبدة الكلام ميلان محتاج أسماء دفاعية كبيرة تقدر تتحمل الضغط الهجومي حتى لو كان بدون مساندة المحاور
الأسماء كثيرة لكني شخصيا متفائل بنجاح تياجو سيلفا وإن شاء الله يجي معه اجير أو ميكسيس وتضبط الأوضاع
وفيه قضية مهمة ما انتبه لها الغالبية وهي وسط ميلان , صحيح هو مليان نجوم لكن أداء هالنجوم ما يتناسب مع أسمائهم خصوصا بالفترة الأخيرة
سيدورف , كاكا , رونالدينهو كلهم أدائهم منخفض وهم اللي يمثلون الوسط الهجومي بالفريق لذلك أتمنى إعادة جوركوف أو على الأقل إعطاء الفرصة لفيوديز يمكن ينجحون ويفيدون الفريق
بالنسبة لمباراة بكرا فالمطلوب من أنشلوتي يلعب بباتو وانزاجي وإن شاء الله الأوضاع تمشي تمام
معليش أخووي اسمحلي اعقب على بعض نقآط ذكرتهآآ بـ كلاامك ..
انآآ كآآن لي رد لو ترجع عشر صفحاات تلقآآهـ , عن رأيي في حآل الفريق كـ كل ..{ وعن انشيلووتي خآآصه ..
ميلان فريق كبير , طمووح كبيرر <_ مآآظنتي فقط تيااقو وآآغير مع ميكسس ممكن ينجحوون ..
لمآ تقآآرن دفااع الميلان بالخمس سنوات الي راحت <_ الي حققوا كل البطولاات , مع الدفااع المقترح او الي يتكلمون عنهم الصحآفه .. تشووف الفررق الشآآسع ..
من كاافو لستام ونيستا ومالديني إلى نفس الخط مع كلادزا ويانكلوفيسكي لكاستكورتا وطقه هالمدافعيين الاشنااب ..
كل الي ذكرتهم خامات مدافعين كبااااار جداً جداً كباااار , وكلهم من فئه السوبر ستار ..
والسبب في اطلااق لقب اقوى دفااع بالعالم للميلان , وهو الي خلى الادارهـ تناام السنتين الي راحت على اننا نملك اقوى خط دفاع <_ والمشكله خلصوا هالاقوى خط دفااع ..
ميكسس مع نيستا <_ اقويااء جداً , تياقو متفااائل له بشكل كبيرر كبيرر لكن يبغااله صبر .. والميلان فريق بطووله ولاعب جااهز مااينفع معااهـ الصبر ..
* تخيل انك في مبآآراهـ كبيرهـ وقداام فريق كبيرر وقلوب دفااعك مكسيس وتيآقو او آآغيرر , بالله بـ تشعر بالطمأنينه زي أوول مع نيستا ومالديني وتكون قبل المباراهـ ضاامن ان مايدخل فيك هدف ..
المهآآجم لما ينطلق بهجمه تكون متطمن انها مقطوعه مقطوعه زي اول , بالعكس بتكوون خآآيف ..
^^
هذا الفرق الي اتكلم عنه ..
/
انشيلوتي <_ بصراحه انا كنت ظالمه كثيرر , يآنآآس محد عنده .. لا ادارهـ ولا مهآآجمين ..
مافي مهااجم الا بااتو , انزاقي <_ من اصااباات الى كبر بالعمر , بوريللو الله يهديه من يلبس قميص الميلان تجيه اصاابه , شيفآآ اصاابات وانخفآآض مستواهـ ..
فـ هذا الشي هو الي يخليه يتووهق ..{ مع اني كآآآرهـ انشيلووتي ..
وكرهي لأنشيلوتي لـ سبب : أنه مايطآلب بأي شي ولا عنده سيآسه يمشي عليهاا مثل فينقرز ولا السير فيرقسوون ..
فينقرز وفيرقسون , مآشين مع فرقهم من زمآآن و عآرفين كل العيووب .. وسنه ورى سنه يغطوون عيووب فريقهم ..
يا مال العافيه يالدحمي وابراهيم وخالد والشباب الباقين على هالنشاط والتفاعل
أنا بعقّب على نقاش ابراهيم وخالد بالعربي بقط معكم
أنا أتفق مع ابراهيم بالنقطه الي ذكرها وأيضاً ومع خالد نوعاً ما ..
ابو خليل ذكر أن إنشي مفروض يطلع من الفريق لأنه أفلـس فنيـاً ..! حقق مع الميلان جميع البطولات يعني خلااص 8 سنوات تدريب كفى ووفى فيها الموسم الجاي ودي أقولك يا إنشي باي باي [ مع العلم أني من محبين الخروف جداُ ]
اما نقطة خالد الي هي أنه ما عنده احد لا إداراة لا لاعبين هذي صادق وبقوه بعد , صراحه الميلان فريق سيء جداً ما فيه لاعبين تعتمد عليهم يحسمون مباريات مثل 2004 وانت جاي ! يعني بالفريق الخرافي للميلان عام 2003 ندخل اللقاء وحنا ضامنين المباراة بنسبة 90% ..! أما الحين اقسم بالله ما أستبعد أن الميلان يخسر من نجران يا شيخ !!
يعني الفريق محتاج غربله كاااااامله بالفريق ..! [ إذا أردنا بطولات وخاصه الدوري ]
ثانياً الدفاع لازم لازم لازم يتغيير من الأظهره إلى القلوب كلهم أعمارهم فوق الـ 30 !! سلامات يبو دار عجزه !؟
ثالثاً الوسط نوعاً ما جيد ولكن برضه لازم يطيرون بعض اللاعبين أمثال أمبروزيني وبيكهام وايمرسون وسيدورف ..! لاعبين منتهين صلاحيه بصراحه !!
رابعاً الهجوم أمثال إنزاجي وشيفا ..!
خامساً المدرب ..! [ أتمنى ريكارد ]
يا ناس الميلان بحاجه لضخ دماء جديده , صرنا مصخره عند الناس كل يوم والثاني ميلان رايح للخليج أو لآسيا عشان يلعب مباراة وديه عشان دخل مادي ؟ ولا شهره !؟ أبغى أبفهم الميلان محتاج شهره ولا فلوس ؟ رئيس النادي هو رئيس وزراء إيطاليا يعني كل فلوس الدوله عنده ابن الكلب يعني ما يقدر يخلي ميلان من أفضل 3 أندية بالعالم ؟! أمثال البرسا والمان يونايتد الآن ؟ والله شي يرفع الظغط من هالإدارة ذكرتني بإداراة النصر
ع العموم نتمنى نشوف تغييرات جذريه بالميلان الموسم المقبل بإذن الله
إقتباس
نفسي اشووف رابطه الميلاان مشعلله ..
شف وأنا أخوك يا خالد الرابطه أنتم من يشعللها وأنت من يحمسها وانتم من يخليها أفضل رابطه كما كانت
شفت النقاشات هذي أطلق شي ترى توسع صدري وبعدين يكون فيه حماس من الاعضاء ومشاركه من فلان وعلان يعني كثروا من هالنقاشات يا بعدي
والي عنده إي أقتراح أو إي استفسار الخاص عندي ينتظركم
^^^
نقااشي معااكم مخليني مبسووط بشكل ماتتخيلوونه ..
وتراني ماتعرف عليكم <_ فله الي اسمه واااضح ..
..
بـ النسبه للنقآش ..{ المشكله ان الكل متفقين والنقآش خآصه انتوا اعضاء الرابطه القديمين تعبتوا وانتوا تتكلمون فيه ..
,
بـ النسبه لأنشيلوتي .{ انا معآكم انه خلاص يمشي ويتوكل على الله وماننكر انجآزااته مع الفريق ..
لكن في اشياء تذكر له وفي اشياء تذكر عليه ..{ واهم سبب يذكر عليه أنه مايطالب بشي ابداً ..
بتكلم عن نقطتين مهمه بـ النسبه لي :
* بتكلم عن مطالبته للاعبين جدد يجددون دماء الفريق :
دائما سياسه الفريق الناجح هي .{ عموود فقرري قووي + دماء جديدهـ تبغاا بطولاات ومجد جديد ..!!
بتكلم عن الافرقه الي ذكرهآآ الريس الي هي .{ المآن و البرشاا ..
المآن عموودهـ الفقري : فان دير ساار , فيردينارد , سكولز قيقز , رونالدو , روني <_ هذولي اسآآس الفريق من كم سنه ..
التدعيماات الجديدهـ على سبيل المثآل <_ مآفي امل اقول هالكلمه عن ميلان : بربااتوف , ناني , اندرسون , كاريك <_ اعتبره من اهم الاعمده .... ألخ ..
بطب طبوب على طول بما أن الوقت حول نومه يعني لا تدققون والي بيدقق ترا الحساب عليه ...
طبعاً مبطي من البطي جداً عن النقاشات المكثفة وبيني وبينكم كاثرات (ن) نساتي وتهرباتي من الردود هالي ما أستحي بس بصراحه جيت بنام الا وأنا الي أشوف ذا النقاش الي وش ملحه ومثل ماقلت لكم من البدايه بطب طبوب ......
أزين وأحسن وقلعتك والله لا يردك << أسكت أسكت بس فضحتنا هذا يبي يناقش والا يهاوش ...
لا جد عاد صدز ببدا بما أن الرابطه مو طبيعيه تهبل ونقاشاتها مامثلها بدخل معكم وضيف رأئيي المتواضع والبسيط ...
أنشلوتي .. // .. أنا في تصوري وأتمنى بكل صراحه عدم الأستغناء عنه سواء كان بالإجابيات التي في تصوري كثيرة أو الأمور التي تجعل أي إدارة تفكر في تغير مدربها وسا أحاول أثبت لكم او أوضح لكم ماهو في داخلي من كلام او فكره أو ماشئة تسميتها ...
تغير أنشلوتي سوف يسبب عدة أطراف ومتاعب للفريق وهي ..
1- عندما تغير مدرب كبير وبحجم أنشلوتي فأنت تريد مدرب يليق بالفريق أي أنك تريد مدرب بحجم ميلان .
2- عندما تغير المدرب يجب عليك أن تراعي مطالب هذا المدرب أي أنه يريد لاعبين في نظره يفيدون الفريق ولا يفيدون الجمهور ,,, يعني بصورة توضيحيه أنا وأنت وعاشقي ميلان من أبسط شي أن نقول وباللغه العاميه والله ياليت نجيب على سبيل المثال إيتو مثلاً بينما هذا المدرب مثلاً يفضل بقاء شيفا والكل شاهد مستوى شيفا الذي هو ليس شيفا (7) ..
3- أي مدرب بالعالم يريد لاعبين ولو مثلاً بالأسم أني طلبت لاعبين يعني وهي في الحقيقه هذة ستتعبنا وساتتعب جالياني لأن الجميع يعلم ماشاءالله اللهم لا حسد أنه يصرف بالهبل على الفريق وأقل لاعب يشتريه بـ25 مليون يورو لأنه اهم شيئ عنده راحت المدرب ,, توضيح مدرب جاك مثلاً ريكارد معقوله بيقول أنا لا أحتاج لاعبين على الأقل سوف يطلب لاعبين ثلاثه هذا إذا ماطلب أكثر يعني مثلاً بيقولك أبي بن زيما مثلاً هاا طبعاً معروف سعر زيما أقل شي بيصير 30 الى 35 مليون يورو بينما عندك الإداره لا وبالوجه المليان ووين عند روحه جالياني يقولك سوف أخصص 30 مليون يورو للتعاقدات الصيفيه يعني شف طال عمرك ماقال بعد ولا للتعاقد فقط لا للتعاقدات وبعد الصيفيه ...
4- أنت كامشجع ميلاني منذو مبطي طيب تشوف أن انشلوتي مقصر بشيئ مايخالف أنا بقولك شي أترك عنك وخلك صريح أترك عنك تبديلات خاطئة او خطط غير مقروئة أو أستغنا عن لاعب كان مسوي شغل طيب أترك عنك هذي الأشياء لأن مافيه مدرب بدنيا ما يسوي هذي الأشياء لأنها وراده وأحياناً التركيز يقل مع كثرة الضغوطات وبلا شك الفرق الكبيرة التي هي بحجم ميلان وووو ,, توضيح أنت تملك فريق مثل خلنا بميلان لأنه حديثنا عن فريقنا حلو وش بتسوي دام هذولا لاعبينك وتطلب لاعبين ولا من شاف ولا من دري يعني مثل ماقال الخالصي والله قالها ذاك اليوم وأن أشهد أنه جابها ع الجرح (( قال : أنشلوتي وكأنه موظف فقط يأتي أخر الشهر ويأخذ راتبه )) وهو لا يذم طريقة أنشلوتي للي شافها الحلقه حقة ساعه كالتشو لا أبداً لا هو مقصوده أن الإدارة تطلب منه المزيد ولا تأخذ منه ولا تعطيه ...
الأن نطالب بتغير أنشلوتي بعد ما هو شخصياص تغير يعني اللحين بعد ما بدا يطالب بلاعبين وشروط توقيع عقد جديد من ضمن العقد أنه يريد كم لاعب قلنا لا خلاص نبي غيره أتوقع أنه ليس مناسب حديثنا عن التغير في هذة الحاله ....
أدري أني طولة بس صدقوني أو بتلقون كلامي بعدين ياناس أنشلوتي داهيه والله بس خلوه يطلب لاعب يبيه لاعب بأختياره هو نفسه من قناعته وتشوفون كلامي وأنا وأعوذ بالله من كلمة أنا قرية خبر أديبايور والكثير قراه أن أنشلوتي حاطه من شروط نوقيع عقده والأغلب يقولون أن أدبيور طفي يعني يمكن يتألق ويمكن الاغلب نايم بس هينا بختلف معك أنت شوف من الي تحدث عنه وأنه يبيه وبعدين بتحكم ,,,
كلامي عن أنشلوتي كثير بس هذا في تصوري بعض من النقاط الي بصراحه أشوفها بسيطه من أجل هذا المدرب ,,,,
ولنا عوده مع الدفاع أن شاءالله ولكن هذا الي حبيت أبديه من أجل أنشلوتي أخوكم يزيد ... ...
وأحلى مافي الموضوع ...
عدد المتواجدون في هذا الموضوع » 10, عدد الأعضاء » 2 , عدد الزوار » 8
المبـارة غدًا ستنتهِي بثلاثَة أهداف لِ ميلان.
سينتهِي الشوطُ الأوّل بتقدّم كييفو بفرق هـدف.
ريكادو سيكونُ بارزًا في مباراة الغـد, أيضًـا باتو سيحرِز هدفًـا ..
رونِي سيدخل مع بدايَة الشوط الثانِي, بديلاً عن سيدروف الذي سيقدّمُ مستوًى جيّدًا في بدايَة الشوطِ الأوّل.
شيفـا, لن يشارِك قبل مرور سـاعة على عمـر المباراة.
![رابـطـة عـشـاق الـمـيـلان ][2008-2009 ][](iconimages/t608642_rtl.gif)
, عن رأيي في حآل الفريق كـ كل ..{ وعن انشيلووتي خآآصه ..
.. بـ حيث انه غطى عيووب وجااب بطووله اوروباا , ولماا كاكا انخفض مستواهـ بسبب الاصاباات والارهاااق , بآآنت العيووب ..
!! 
!؟
يعني كثروا من هالنقاشات يا بعدي 
]
الوضع العادي
