المجلــــس العـــــام كــافيـــــه .. - صفحة رقم 2 - نادي الهلال السعودي - شبكة الزعيم

هامور البورصه · #1 15/07/2008, 04:39 PM

ماشاءالله وش هالزين لقد ان الموضوع يفتح النفس للرد

وراو ماعزمتيني بهالكفيه مستخسره فيني كاس كابتشينو يا فجر

على طاري الملاقيف والله انا الحمدالله بالي وسيع ع الاخر ولا اشتكي من احد

لاني لما كنت حاط ايميلي كنت حاط ببالي انه بيضيفني كثير وكنت متقبل اني اسولف مع هالكثير

فدايم حالتي متصل اذا كنت ع الجهاز واسولف مع اغلب الي بالمسن عادي يعني حتى اذا كنت حاط الظهور دون اتصال

وكلمني احد ارد عليه حتى اسالو السمسار

أختي فجر يمكن هذا اول موضوع اشوفه لك لكن بجد جهد تشكرين عليه وموضوع جميل

~بنت الزعيم~ · #2 15/07/2008, 10:19 PM

.

وعليكم اللسلام ورحمه الله وبركاته
فكره مميزه و غايه في الروعه
نشكر اختي فجر الرياض عليها و على المجهودات ورده
التي قدمتها من أجل إكتمال روعه الموضوع
و ظهور بالشكل اللائق امام جميع مرتادي المجلس

,

اما عن المسن و عدم إحترام الحاله اللي انت حاطه
فهذولي يا كثرهم بس عن نفسي اكثر الاوقات
ادخل ظهور دون اتصال

و اوقات اذا مشغوله احط مشغوله

بس في بعض الناس

كأنهم ما يشفون يرسلون ويسون لي قلق

بس صرت خلاص يا ظهور دوون اتصال يا متصل

..

شكراً مره اخرى على هذا المجود الاكثر من رائع ورده

متآبعه بصمت · #3 20/07/2008, 08:54 AM

إقتباس

الرسالة الأصلية كتبت بواسطة abo_nasser


	(==جاي مدرعم ماشي مليون على باله الموضوع شات..

<<< نفس حالتك وأردى بشوي

..................................

حيا الله راعية الموضوع ورده

وش أخبارك ؟ وش الدنيا بك ؟

وربي إنبسطت مرررررره

وكيّفت على الحوارات واللقاءات

تنسيق وشغل ولا أروووع

الله يعطيك العافيه ويسعدك ورده

والله يعطي الشباب والبنات الصحه والعافيه ورده

وربي ماقصرتوا يالغالين

القيصر رهيب · #4 14/07/2008, 05:40 PM

فكرهـ رائعــه

ورده

هذا الفعاليات اللي تقولون

والله وناسه
راح اعود

باكـ

فجر الرياض ورده
فكرهـ رائعه أتت بشكل مميز
نجح التنفيذ والاخراج
الموضوع اللي تناقشتوا فيه حلو
هل يمكنني إرسال وصفه لسعادتكم

بس هالوصفه لو تحفرين ما تعرفينها
وإذا علمتك إياها يمكن ما تظبطينها

" موكا كرش "

عالعموم شكرا ثانيه

فجر الرياض · #5 19/07/2008, 04:12 PM

القيصر رهيب ورده

هلا بك

ايه عادي نستقبل وصفتك

بس من اسمها والله مدري عن طعمها

نجرب ونشوف

الشكر لك على المرور الحلو ورده

بالتوفيق ونورتني بطلتك ورده

فجر الرياض · #6 19/07/2008, 04:21 PM

هلااالي وافتخر ورده

هلا بك

اجل شكل الكراسي مو مريح

اوكي نبدلها

يؤ بالمسن ماتعرفهم عشان كذا تمل من دخوله

جد والله الصور حتى لوموجايع تجوع منها

الشكر لك على المرور الحلو ورده

بالتوفيق ونورتني بطلتك ورده

فجر الرياض · #7 19/07/2008, 04:38 PM

المشاغب ورده

هلا بك

جد المشاغب ماعندك وقت اجل مره وحده في التوبيك ماجد متصل

قايلتها قبل يفك ازمه الظهور دون اتصال

جد المزاج يلعب دور اجل 15 بلوك مره وحده

عسى مايصير واحد منهم قلق ويدخل من ايميل ثاني

ماشاء الله 100 بس بتتوهق كيف تعرفهم

الشكر لك والأميز مرورك ورده

بالتوفيق ونورتني بطلتك ورده

فجر الرياض · #8 19/07/2008, 04:52 PM

عسيريه

هلا بك مبدعتنا

هذي مشكلتنا الكسل

لاعادي جربي اكيد بينفع قايلين لامانع من المحاوله

غريبه كلهم بلوك

اها عشان التوبيك اجل خوذي راحتك

شي حلو انك ماتعانين منهم

الشكر لك على المرور الرائع ورده

بالتوفيق ونورتيني بطلتك ورده

فجر الرياض · #9 20/07/2008, 08:49 PM

الكلاسيكي ورده

هلا بك مشرفنا

جد حلو التغيير مابين كوفي البيت والجاهز والأخير احلى < خافت يتعب اخته

والله الله يعافيهم الهوتميل جد ماقصروا مره مريحينا

اجل إذا عصبت تسفهه اكيد ماراح يتعودها

وهنا المشكله إذا مافهمها وهي طايره

الشكر لك والأجمل مرورك ورده

بالتوفيق ونورتني بطلتك ورده

فجر الرياض · #10 20/07/2008, 09:59 PM

باسكن روبنز

هلا بك

حياك وردودك عسل ياباسكن هذا او هذاك كلها

لمو ياقلبي عليها اجل بلوك مره وحده

صادقه مافيه مثل ايام الطفوله

والله انكم فله اجل اسماء افلام كرتون

اها عبر البريد بس حلوه هنود ههههههـ

ياالله شوفي البراءه شوفي الاسباب بس عشان ماتمشيتي معي

ياربي على قلوب الطفوله البيضاء

احلى شي هنا رساله خاصه والله مو سهله بنت عمك

عاد عساك ياباسكن رضيتي عقب كل هذا

حلو الإستمتاع بالشعر بعصور مختلفه

تامرين ياباسكن مو جائزه وحده ثنتين

كل الشكرعلى هالمرور الممتع الحلو ورده

بالتوفيق ونورتيني بطلتك ورده

هلااالي وأفتخر · #11 14/07/2008, 06:09 PM

والله التصميم أعجبني..
أحس المقهى رااايق..بس كراسيهم مب زينه

بالنسبة للماسنجر فأنا صراحة زهقت منه..
ولا صرت أدخله إلا نادرا ..مع إني أقضي وقت طويل ع الكمبيوتر

لكن اللي يزيد اطين بلة إن كثير من اللي في الماسنجر ما أعرفهم

وبالنيبة للقصايد فأنا يوم قريت قصايد الهنوف نسيت وش كنت أبي أكتب

<<< إلا يالهنوف القصيدة الثانية لمين ؟؟

فجر الرياض, مشكورة ع الموضوع الرايق ورده..

بس ليش هالصورة..والله إني جعت يوم شفتها

الـمـشـاغـب · #12 14/07/2008, 06:12 PM

كبيرة يا فجر

ورده

إقتباس


	موضوع قوي ويستحق التثبيت .. وليتك اضفتي فيه كم فقرة اضافية ..! لذلك صرت ادخل غير متصل عاد مرة دخلت غير متصل ولقيت المشاغب قلت اسلم عليه ولكن المشاغب الله يصلحه كتب في التوبيك ترا ماجد مقبل متصل وانواع الاحراج عاد مشاء الله كل شبكة الزعيم معه في الماسن بعد ذاك اليوم ما صرت اسلم عليه ابد ابد

يا ربي وش أسوي مع هالاشاعات؟

حتى بالبلياردو واحد داخل بنكنيمي وينرقع من هالعالم وهاكم تصوير وتواقيع

متى لعبت معك يا فاينل النصاب؟

بصراحة يا ماجد .. هذاك اليوم كنت اكلم مدري مين وكان ناشب بحلقي .. قال أنت مشغول؟ قلت اكلم ماجد مقبل .. ما دريت انه اضافك .. قال مو متصل ..!!
ما لها داعي أطلع قدامه نصاب صح؟

قلت له مسوي ظهور دون اتصال .. بعدها أعجبتني النذالة وقلت خلني أحط الخبر في التوبيك

آسف إن كنت أحرجتك

على فكرة .. ترى أعرف متى تدخل بظهور دون اتصال .. بأعلمك بالطريقة بعدين .. بس ما أكلمك لأني أحسك مشغول ورده

نرجع للموضوع الحلو ..

فياض وسالم .. أبدعوا في اللقاء .. وبعد شذى والهنوف أبدعوا .. لكن ما كذب من قال لسان السحالي طويل

<< والله ما غيرك اللي لسانه طويل

اعجبتني الفكرة .. والتوبيكات بعد

سالم ثقيل .. فياض محاور أنيق .. الهنوف بتاع كلوو .. شذى تلف وتدور

لو سئلت هالأسئلة .. فأنا أغلب وقتي أدخل ظهور دون اتصال .. معاد صرت أحب أدردش بالمسن مثل أول مدري ليه ..

أما عن البلوك .. فيا كثر ما صكيت بلوك بسبب وبدون سبب مدري ليه

أحياناً يتعكر عندي المزاج وأصك 10 أو 15 ايميل بلوك دفعة واحدة والسبب أني ما أتذكر متى سولفت معهم آخر مرة

لحد ما وصلوا فوق الـ 100 ايميل والقادم مذهل

موضوع مميز من عضوة مميزة ورائعة .. شكراً فجوووورة ورده

عسيريه · #13 14/07/2008, 06:27 PM

.

.

هلا وغلا فجر

+ ورده موضوع مرّآ رآيق

الصور هادية من جد كأني داخله كوفي شوب

وصور الأشياءات اللي حطيتها
شي ثآني يم يمي

بس مشلكة اللي فيه عجز ولا يعرف يسوي اشياء زي كذآ

بس والله ياهي تشهي

بطلب اختي تسويلي واذا مارضت

بجرب حضي وأدخل المطبخ مع اني عارفة ان ماعني سالفه

بس مايخالف نجرب حضنا

سآلفة المسن .. أنا أغلب وقتي أوف لآين , أو النآس اللي مالي خلقهم أصكهم
بلوك

ساعات من الطفش اصك كل اللي بالمسن بلوكـ وأحط أون لآين

أدري بتقولين دلخه الحمد لله والشكر

بس كيفي ابي أجرب التوبيك طيب

<~ برائه

أما الملاقيف على قولتكم , ما اعاني منهم لأني اصلاً نآدرآ أحط بزي
الله و أكبر لو كنت مشغوله من جد ماله داعي ادخل المسن بكبره

شُكراً فجر يارآيقه على الكافيه الرآيق من جد

والشكر موصول لـ الهنوووف وشذى وفياض وسالم

مع التحيه

الـساقي · #14 14/07/2008, 08:41 PM

.

وعليكم السلام ورحمة الله .

هلا و سهلاً فجر الرياض , مساؤك خير إن شاء الله .

كافيه ممتع , وهادئ بـ فقراته , و بالمشروبات الجميلة , موضوع متكامل _ ما شاء الله _ يا فجرنا .

في البداية , الحرية في كل شيء , سواءً بعالمك الواقعي , و الأفتراضي _ الانترنت _ , ولا ننكر طبيعة هذا الأمر ,

بحيث تكون الحرية في حدود , و هذا ما يحدث مع البعض في خاصية المسن , أحياناً بعض الأشخاص في المسن

ما يحترم وقتك وعملك , بحيث أنك تكون في وضعية ( مشغول ) , و ( بالخارج ) , ومع ذلك يصر على محادثتك !!

إذا كان الامر مهم , وضروري فـ ما نعيب هالشيء لكن إذا كان لسبب كـ سوالف , وخبر عادي فـ هذا غير مقبول .

من ناحيتي أستثني بعض الموجودين في المسن فـ يأخذون راحتهم حتى لو كنت خارجاً و مشغولاً , لكن قليل

منهم يتحادثون معي , ويدركون أني منشغل و غير متواجد , و هذا من طيب احترامهم و تقديرهم .

أحياناً اضطر إلى ( الحظر ) , حتى أخذ راحتي , أو أدخل على وضعية ( دون إتصال ) كـ أفضل وأرقى طريقة لمنع الأزعاج .

شيء لا أتمناه ان يحدث لي و وهوَ عندما أقوم بـ حظر الشخص , أخشى أن يتصل من أيميله الأخر , لكن من شدة

حرصي في هذه النقطة أبحث عن أيميل آخر له , وإن وجدت له أيميل آخر أقوم بـ حظره ثانية , وتنتهي مشكلة الأحراج .

المتطفلون في الأنترنت كُثر يا فجر , خاصةً اولئِك الذين يقومون بـ إضافتك , ولا يعرفون من أنتَ حينما تسألهم , غريب أمرهم وربي .

حوار جميل بين الأعضاء فياض و سالم و الهنوووف و شذى التي يبدو أنها لا تحبذ المزعجين , حوارات أستمتعت

بـ احاديثهم , و بقفاشاتهم المضحكة , وقدموا لنا نبذة عن الأمور الغير محببة في عالم المسن .

/
\

المشروبات جميلة يا فجر , بعض المشروبات تنعشك , و تستمتع بـ إحتسائِها , خاصة المشروبات الباردة في هذه

الفترة , بعض المشروبات التي ذكرتيها فتحت شهيتي , و لعل المقادير تساعد البقية من الأعضاء .

من منكنّ تعرف لمقادير الـ موكا الباردة .

/
\

الطفولة أجمل لحظات العمر , البراءة تملأ حياتنا في كل شيء .

طفولتنا وذكرياتها لا تنسى , ولا نريد أن نسترجع الذاكرة فـ بإمكاننا أن

نسترجع ذكريات طفولتنا إذا أصبحت قلوبنا كـ قلوبهم نقية , وبريئة .

/
\

الشعر جميل بـ كافة أنواعه , أستمتع وأستفيد أكثر ..

بـ شعراء العصر الأموي والعباسي وما مضى .

/
\

فجر الرياض

كافيـه مميّز وممتع بـ تواجدك , مثري من كل الجوانب .

عمل تشكرين عليه , ومن قام بمساعدتك فـ له كل الشكر .

كل الخير لكِ , دمــتِ بخير ورده .

.

أبوشلاخ الهلالي · #15 14/07/2008, 10:42 PM

ياهلا والله بفجر الرياض ..
كوفي جنان واستضافة أجمل ..
الله يعطيكـ العافية على الموضوع الجميل ..

بصراحة أنا كثير ماتجيني المشاكل هذي في المسن ..
لكن أنا أستحدم طريقة جميلة ومميزة

جداَ للملاقيف ..

اذا كنت مشغول وجاء الملقوف يسولف ما أعطيه وجه .. اذا تمادا
قليلا فأكتم صوت الجهاز وأخليه يتكلم على راحته بدون ما أرد عليه
اذا خلص اقفل المحادثة وبلوكـ

ونرتاح إلى أن يأتي ملقوف آخر

بالنسبة لايام الطفولة .. هي أيام جميلة
الكل يتمنا أن يعو لها ولو دقائق لما فيها من ذكريات آحلام
حلمناها وأمنيات تمنيناها .. ومرح عشناهـ دون هم ونكد ..

أشكركـ أختي فجر على هذا الموضوع الجميل وأشكل
كل من كان وراء هذا العمل واخراجه بهذه الصورة الحسنة ..