إقتباس عمر احسن خبر ترجمته بحياتك

فيرغسون عندي فريق قوي





يقول فيرغي المان مر بظروف جدا سيئه بالنسبه للاصابات

وعدد خيالي من المباريات ومع كذا المان بالطريق الصحيح

اخذ بطوله العالم مع مرتبه الشرف

واخذ الكارلنغ كاب ولا كفاه بعد متصدر الدوري

بفارق كويس نوعا ما ..




SKY

شفتو الفرق في التبويس

^
^

ملعووووووووووووووبة

اخوي ضيدان الله يشفي والدتك وتقوم بالسلامة وطمنا علبها اول ما تقوم

إقتباس ودي اسئله صراحه بس اخاف اجلس ساعه ادور على الصفحه اللي سألت فيها

رحال قصدك انك سالت وانا ما جاوبتك علمني بالله شككتني بنفسي

عمر دينمو الرابطه هلا حبي وتشرفت باسئلتك

إقتباس 1 / بما إنك من أهل الأردن وبما إن الأردن على مشارف شمال المملكة ..! هل لك صلة بـ بادية الأردن مع إني ما لاحظت الشيء هذا واضح عليك !! ؟ وهل سبق إنك مريت على منطقة من مناطق الشمال عندنا ؟

إقتباس 2 / عبدالرحمن حضوره له طابع خاص ويعطي جو للمكان اللي هو متواجد فيه وش أسباب نجاح يوزر الهلالي 11 ونصائح تقدمها للأعضاء الجدد ..؟!

شكرا والله وشرف لي ان هذا رايك

ما اشوف فيه اسباب كل واحد يقدر يتميز بشي وبطبيعة غير عن الثاني لكن اشوف البساطه ... والروح الحلوة ... وانك تمزح وتتقبل مزح ... وتكون العاقل في اوقات لازم احد الطرفين يكبر راسه اعتقد هذي الشغلات اساسية بموضوع المنتدى لان على النت تحتاج لمثل هالاشياء عشان الناس يحبونك وتكبر بعينهم

إقتباس 3 / بما إنك أكبر مني ولك خبرة بالإنجلش .. بكل صراحة ..! الحين لما توظفت بالشركة اللي انت فيها هل إستفدت من دراستك للإنجلش ؟!

حبيبي لو اني ما اعرف انقليش اصلا ما كنت بالمكان اللي انا فيه الحين حتى انا نوعا ما اعتبر ضعيف شوي بالنسبة للجو العام

عمر بشكل عام ... انقليش وكومبيوتر ... هالنقطتين ايش ما كانت دراستك لا تفرط ولا تتهاون فيها لان هي لو موجوده بالسي في حقك بتلقى الشركات تتصل عليك عشان مقابلة ... والحين هالشي موضه تلقى الشركة ما لها دخل ابد كل شغلها عربي وتقول ابغى واحد انجليزي

نصيحه للكل والله هالنقطتين لا تستهين فيها ابد ... لان هي الاساس مع البكالوريوس طبعا ... هي الاساس انك تشتغل بمكان على مزاجك والراتب بيفرق برضو

غير كذا والله يا انا حاط بالسي في حقتي شغلات كذب ما احد يدري عنك ما يدققون اذا عجبتهم بالمقابلة تمشي امورك ... فيه شغلات كنت دارسها بالجامعه وانا فاهم فيها كخبرة بالحياه ... حطيت اني ماخذ دورات فيها وشهادات ومن هالقلق ... هالشي يخليهم يحترمونك ويقولون هالرجال تعبان على عمره يعني السي في يفرق كثر لازم يكون متكتك

إقتباس 4 / إنت عايشت مجتمعين مختلفين تقريباً .. وش الفروق اللي تشوفها بين الأردن وبين المملكة .. وبكل صراحة أيهم أفضل في كل نواحي الحياة ..؟!

كحياة حلوة وتنبسط هناك افضل ... كحياة استقرار اشوف هنا افضل هناك اللي يستفيد اللي يشتغل لحسابه مو موظف ... لان الحياة بدت تصير غاليه شوي ورواتبهم ضعيفة الاغلب يعني يعني بصراحه السعودية في مجال العمل افضل بكثير ومن افضل الدول اعتقد حتى احسن من الخليج كله ... واستغرب ان البعض يشتكي من موضوع البطالة والشغل ... ما ادري الخلل بنفس الاشخاص والا بالشركات وطريقة تعاملهم مع اني ادري ان الصورة اللي منتشرة ان السعوديين ما يبون يشتغلون ... وهالصورة هي اللي مخزنة عند اغلب الشركات ... لكن الحين والله الوضع تغير كثير وانا ملاحظ هالشي ... لكن الى الحين نوعا ما الشركات ما استوعبت هالشي
ومع كل الغلا الموجود والله ان هنا بنعمه وافضل من غيركم بكثييييير يعني تصدق على مستوى البنزين وصل بالاردن انه خمس اضعاف هنا يعني اللي تعبي هنا بـ 10 ريال هناك بـ 50 ريال ومن هالحكي

بس والله الواحد كحياة عادي وناسة هناك احلى لان الوضع شوي مفتوح مو قصدي المناظر الطبيعيه اللي تمشي يمين ويسار لا اقصد ان الواحد ايش ما كانت ظروفه وايش ما يبغى يلقى ... اللي معه ريال يلقى 100 شي يسويه فيه واماكن يطلع لها تتناسب مع هالريال واللي معه خمسين بيلقى برضو

إقتباس 5 / عطني رأيك بالأسماء التالية

تيدي شيرنغهام , كيد عذالك حبيبي

كيروش ,بيندم على خروجه من بيته ... لاني كنت اشوفه خليفة السير الجاهز

نواف التمياط , اتعب انا وربي انه موهبة لعبت فيها الاصابات ... ايام بداية الـ الالفية الجديدة وربي كل لمسة يلمسها خطيرة ... يحطك عند الباب انت وضميرك ... من ينزل للملعب تنتظر قول باي لحظه . غير كذا ما اعتقد بحياتي بيمر على الرياضه السعودية لاعب اكثر اخلاق منه كل حياتي ومتابعتي له ما اذكر انه اخذ كرت احمر الا مرة وحده ... وقام اعتذر من الاعب والحكم وطلع ما ناقش اي احد اعذرني طولت لكني يكفي اني اخترت يوزري انه يكون باسمه

الوليد بن طلال , أ هـ م 0001

Carlitos 32 , اس اس الرابطه والله وبدون مبالغة من الاعضاء اللي وجودهم بالرابطه يفرق بالنشاط العام ما شفت منك الا كل خير رغم اني ما قد التقيت فيك لكني اقدرك واحترمك الى ان يثبت عكس ذلك ربي يقويك

سلطان بن فهد ..! طوووووووط

واقبح منك لم ترى قط عيني ... واحمق منك لم تلد النساء

إقتباس 6 / رأيك بوضع الرابطة الحالي .. وش اللي ينقصها .. أعضاء لك عتب عليهم ..!

إقتباس أعضاء لك ملاحظات عليهم .. كل اللي فـ بالك تكلم عنه ..؟!

الرابطة اول الموسم 100 % ... وسطها 30 % ... الحين 60 %

الرابطه الحمد لله بديت اشوف انها ترجع لحلاوتها مشكلة الرابطة ان فيه ناس كثير بدت تشوف ان فيه غيرهم دخل بالرابطه .. وكل واحد بدأ يقول ويفكر لو سحبت ما رح افرق دام فيه ناس جدد يحركونها .. والمشكلة ان مو بس واحد يفكر بهالشي زي ما هو يعتقد ... طلع غيره اكثر من واحد يفكر بكذا

والله جو الرابطه يكون حلو والكل موجود ويشارك والله اقدر كل الظروف ... وعارف ان المصبوغين عليهم التزامات ويقل نشاطهم شي طبيعي ... لكن شي حلو ان الشي اللي بسببه صار بيننا علاقة اخوه ... يستمر وتقوى معه العلاقة

رابطتنا حاليا ينقصها عودة المصابين + افكار جديدة

ما اخبي عليك فيه كم فكرة براسي بس تحت الدراسه

عمر اعذرني استرسلت باسئلتك لكني لقيت نفسي كالعاده اندمج بالكتابة واطلع كل ما بداخلي

اسمحولي لكن عمر هيضني بسؤاله عن نواف التمياط واه من فراقه

هدفه الذهبي على الكويت بكاس اسيا واللي تاهل المنتخب بهدفه من اروع ما شفت وخصوصا تعليق ناصر الاحمد عليه


حتى كاس العالم ودفاع الكاميرون مستحيل ينسوه والله اذكر ذيك المباراة يا اني زعلت عليه حرام كل اللي سواه وينهزم المنتخب يومها خسرت السعودية 1 - 0 اعتقد والله العالم جاب الهدف امبوما الله يرحم ايامه اترككم مع مقطع له بذيك المباراة ولا تدفقون على الخثران ايام الجاهلية

إقتباس الرسالة الأصلية كتبت بواسطة az-kb زينيت سان بطرس بيرج .. يطلب رآس كوزتشاك بـ 4 مليون يورو

ضيدان الحمدلله على سلامة الوالدة .. ما تشوف شر يارب .. اعذرني ما إنتبهت إلا من ردود الشباب

ضيدان الحمدلله على سلامه الوالده مايجيها الشر ان شاء الله وربي يخليها لك .



فينجر :- لقب البريمرليغ للمانيو .





فينجر يقول بعد هزيمه المانيو يوم السبت اللي راح بالرباعيه من الليفر

فالشي هذا ما أثر بالمان يكفي انه للحين المانيو متصدر الدوري

مع امتلاك مباراه مؤجله

ومع كل ذلك المان هو المرشح الاقوى ولا يمكن لاحد اخذ البطوله منه

وابعد كل المنافسين واحتمالية انهم ياخذون الدوري .




الموقم الرسمي