| رابطة عشاق الشياطين الحمر 2008 - 2009 | ( به وإلا بغيره .. المان مجد .. وحسن سيره ) | ( Kings of the Worlds ) | ( رد هام #14560 ) - صفحة رقم 562 - نادي الهلال السعودي - شبكة الزعيم

زعيم اسيا (9) · #8416 13/01/2009, 10:59 PM

إقتباس

الرسالة الأصلية كتبت بواسطة اليكس11


	ايفرا يغيب لـ 3 اسابيع !!

افاااااا ,,,,, افااااااا ,,,, افاااااااا وش هالخبر الي مايسر

مايسر مايسر وربي

الله يعيننا على الناقه

والله وماامدانا نفرح فيك ياايفرا .. بس قضاء الله وعسى ربي يعدي هالاسابيع ويرجع لنا ايفرا بعد قلبي

لانه من جد صار ثقل بفريقنا .. وشكلها عين ماصلت على النبي

بس الله لايهينكم ياشباب بسألكم متى مباراتنا مع الليفر ؟؟؟ لاتكون قريبه قبل مايرجع ايفرا

؟؟؟
ياليت تفيدوني يالبى قلوبكم ؟؟؟؟

رحــ هلالي ــال · #8417 13/01/2009, 10:59 PM

ستيف بروس مدرب ويغان يقول ان مافيه احد يهزم السير بالتصريحات

ستيف بروس يعترف العديد من المديرين لايحقق فوزا في معركة العقول القديمة مع مدرب مانشستر يونايتد السير اليكس فيرغوسون

ويقول ايضا: مدرب ليفربول رافا انتقد السير فيرغسون بعد سلوكه مع الحكام وجدولة الدوري الانجليزي

iq1399 · #8418 13/01/2009, 11:10 PM

إقتباس

الرسالة الأصلية كتبت بواسطة Msh3al_37


	ياحيهم ياحيهم ارحبوا ارحبوا اجل مستضيفين ابو حميد لبا قلبك يابوحميد طيب يامحمد خذ هالأسئله 1- بما انك بجامعه الأمام كيف تشوف خدماتها للطلاب من ناحيه الكافتريا ومن ناحية المواقف ؟ وهل تتوقع انها تتطور؟ زفت × زفت .. وخصوصاً الكافيتيريا .. احسن مافيها المايكرويف وبعدين الحليب اما عن المواقف من جد ازمة مواقف .. حتى المساندة اللي عند البنك صارت تمتلئ .. المفروض يُزاد عدد المواقف وخصوصاً اللي تحت الكليات .. 2- 4 شخصيات عالميه ترى انها مؤثره بالنسبه لك ؟ المتمردين اينما وجدوا 3- احلامك الشخصيه ؟ امتلاك اسطول سيارات ( رنج روفر , انفينيتي اف اكس , بوغاتي فيرون , لامبرغيني , مازيراتي , بورش كاين , بانورما , بي ام دبليو ) وللأسطول بقية التخصص في مجال النشر الاكتروني 4- لو كان العالم بدون حدود اول مكان تروح له وين و ليش ؟ الريف البريطاني حيث الهدوء والجمال .. 5- اكثر مكان يعشق محمد انه يقعد فيه؟ مافيه مكان محدد لكن البيت هو اكثر مكان اجلس فيه ,, وانا اعتبر كثير الترحال .. يعني اوقات كثيرة اكون مسافر .. 6- اخر سؤال بما انك بكلية الأعلام بعطيك اسامي اعلاميين وابي تعليقك عليهم - ناصر الأحمد - من زمان كان فلته .. لكن من تالي صاير عادي جداً .. ياليت يرجع ناصر الاحمد زي ماكان اول .. وان شاء الله تكون قناة الدوري والكأس وسيلة لذلك - عدنان جستنيه - الفشل الذريع .. -عدنان حمد - ممتاز جداً لكن يعيبه الانحياز والعنصرية في إدارة قناة .. ارتي 7- قدوتك الأعلاميه؟؟ حافظ المدلج بس هذي اسئلتي اتمنى اني ماكثرت ___________

خذ راحتك بالاسئلة ..
......................................................................

الوافي001 · #8419 14/01/2009, 01:10 AM

السلام عليكم ..

على عجالة ..

ابنزل النتايج ومسابقة بكرا لان فيني نوووم بصراااحة ..

الرقم القياسي :
اليكس11
7 نقاط في مباراة وحدة ( مانشستر يونايتد VS ستوك سيتي )

الترتيب هو :

1- hilalemooot ( اثنان وثلاثون نقطة )

2- van der sar 1 ( خمسة وعشرون نقطة)

3- اليكس 11 ( سبع عشرة نقاط )
3- عصام بن داود ( سبع عشرة نقاط )

5- abo_el3z ( ست عشرة نقطة )

6- vida-15 ( خمس عشرة نقاط )
6- هلا(مانششستراوي)لي ( خمس عشرة نقاط )
6- carlitos 32 ( خمس عشرة نقطة )

9- HOoLiGaN ( أربع عشرة نقطة )

10- Msh3al_37 ( ثلاث عشرة نقاط )

11- zezoo00oo ( عشر نقاط )

12- zammamwek ( تسع نقاط )
12- s20 ( تسع نقاط )

14- ahmed2050 ( ثمان نقاط )

15- carrick 16 ( سبع نقاط )

16- الزعيم 96 ( ست نقاط )

17- H A R R Y ( خمس نقاط )

18- الهلالي11 ( اربع نقاط )

19- MjNoOoNeTaH ( ثلاث نقاط )
19- CRIS LOVE ( ثلاث نقاط )
19- (الزعيم&الهلالي) ( ثلاث نقاط )

22- al_margog al_naeem ( نقطتين )
22- ald7mee ( نقطتين )
22- السوبــر ( نقطتين )
22- iq1399 ( نقطتين )

26- 15tiger15 ( نقطة وحيدة )
26- MU 7 ( نقطة وحيدة )
26- الســ الهلالي ـــهم ( نقطة وحيدة )
26- رحــ هلالي ــال ( نقطة وحيدة )
26- az-kb ( نقطة وحية )
26- الوفا#طبعي ( نقطة وحيدة )

الوافي001

hilalemooot · #8420 14/01/2009, 02:07 AM

.
.

السلام عليكم

لقطة بالسكاي توضح صحة هدف رونالدو على تشلسي :

http://www.youtube.com/watch?v=OKgEQhz-qSM

بالنسبة لمباراة اليوم .. بصراحة انا خايف المباراة ما راح تكون سهلة ابد .. الفريق بنشوة حالياً من جميع الجهات .. فوز على تشلسي تعثر ليفربول فوز رونالدو كلها ظروف تخلي الفريق يتطمن بس دام فيرغي موجود ان شاء الله مافي خوف

بالنسبة لـ غياب ايفرا شيكت على جدولنا هالفترة .. تقريباً المباريات اللي راح يغيبها هي ويغان هوم - بولتون اواي - دربي بالكارلنغ هوم - توتنهام بالكاس هوم ويست بروم دوري اواي - ايفرتون هوم - ويستهام اواي .. واتوقع يرجع في مباراة ويستهام ان شاء الله ويمكن ايفرتون .

بالنسبة لـ اوشي ما أدري ليه كل هالكره ؟!! لاعب جوكر يلعب في اي مركز وداااااااايم يفك أزمة غيابات .. قلب دفاع ظهير يمين ويسار محور .. بصراحة لاعب مكروه مع انه يأدي اللي عليه .. بكرة بالذات انا ودي باوشي قدام فالنسيا .. اوشي ممتاز مع اللعيبة المهاريين

فيرديناند وضعه صعب وظني بمحله للآسف !! .. مقدر وضع فيرغي اللي ما يبي يجازف و يبي حل جذري لهالمشكلة اللي يعاني منها من الموسم الماضي .. آخر كلام السير راح يرجع ان شاء الله في مباراة توتنهام بالكاس بتاريخ 24 يناير (هالشهر) .. انا خايف على فيديتش من الإرهاق

.. براون وضعه غريب المفروض راجع من اسبوع ولحد الآن مافي اخبار عنه ابددد !!

بالنسبة للمباراة توقعاتي يريح بيربا .. سكولز و كاريك راح يلعبون من البداية .. نفس الشي رافائيل .. جيجز اتوقع ماراح نشوفه ثلاث مباريات عقب المجهود اللي سواه قدام تشلسي

وبهالخصوص فيرغي صرح لكم موقع يقول انا قلت لـ جيجز وفليتشر من اسبوعين انهم راح يلعبون متش تشلسي من البداية .. كثير منكم يقرا هالكلام وماراح يدقق فيه بس تخيّل الحماس و الرغبة اللي راح تجي اللاعب لما يجي فيرغي ويقول انت بتلعب متش تشلسي بعد اسبوعين جهز نفسك .. مدرب تتعب وربي تتعب لو تبي تمدح فيه

توقعي للتشكيل :

كوزتشاك

اوشي - ايفا - فيدا - رافا

ناني - سكولز - كاريك - رونالدو

تيفييز - روني

التوقع لما تنزل التشكيلة ان شاء الله

ولا عليكم منه هاه يبو حميد تراني قايلك من الحين اتوقع مباراة صعبة

على الطاري اذا تبي تعرض الرد في صفحة مستقلة إظغط على رقم الرد في اعلى اليسار انسخه والصقه بس وراح يطلع الرد بس

اشوف الشباب ما ردّوا عليك

بالتوفيق لليونايتد

والله يستر من الإصابات بس

بصراحة انا قامط من هالناحية .. مهما كان اللاعبين بشر ماهم مكاين وهالموسم بصراحة متعب بس هذي ضريبة البطولات

.
.

الوافي001 · #8421 14/01/2009, 11:32 AM

السلام عليكم ..

VS

مانشستر يونايتد VS ويقان اتلتيك

1- توقعاتك لنتيجة القاء ؟

2- مسجلو الأهداف ( من لطرفين ) ؟

3- نجم اللقاء ؟ ( ان كان من الطرف الاخر اذكره برضو )

الوافي001

زعيم اسيا (9) · #8422 14/01/2009, 12:41 PM

VS

تحياني لك يالوافي

وربي مبدع وتسلملي يدينك على هالنشاط

1- توقعاتك لنتيجة القاء ؟

ان شاء الله والعلم عن الله انها مانشستراويه بنتيجة 2 ــــ صفر

2- مسجلو الأهداف ( من لطرفين ) ؟

ان شاء الله مافيه طرفين مافيه الا من المانيو

<<< طماع

وبيجيبها كريس بعد قلبي

تعرفون بعد الجائزه لازم يتفلت علينا

3- نجم اللقاء ؟ ( ان كان من الطرف الاخر اذكره برضو )

بأذن الله كريسي بيكون هو نجم اللقاء وبيجيب الهدفين بحول الله

تحياتي لك اخوي الوافي ويعطيك ربي الف الف عافيه
إلك

VAN DER SAR 1 · #8423 14/01/2009, 01:06 PM

VS

مانشستر يونايتد VS ويقان اتلتيك

1- توقعاتك لنتيجة اللقاء ؟

3-1 للمانيو

2- مسجلو الأهداف ( من لطرفين ) ؟

كريس 2 , روني - عمرو زكي

3- نجم اللقاء ؟ ( ان كان من الطرف الاخر اذكره برضو )

كريس

captano-9 · #8424 14/01/2009, 02:12 PM

مانشستر يونايتد VS ويقان اتلتيك

1- توقعاتك لنتيجة القاء ؟
2-0 للشــيآطيـن آلحمـر...

2- مسجلو الأهداف ( من لطرفين ) ؟
بــربــآ كـليـآتهــمـ....

3- نجم اللقاء ؟ ( ان كان من الطرف الاخر اذكره برضو )
بــربــآ

تحــيـآتي لــك... الوافي001

Carlitos 32 · #8425 14/01/2009, 03:38 PM

مساء الخير ..

أجل اليوم مباراتنا

مباراة صعبة أتوقع .!!

الفريق مظغوط بالمباريات الأخيرة وإن شاء الله مانشوف أصابات ..!

بالنسبة للصعوبة .. مثل ما قال أحمد أتوقع تكون لأن الفريق ماشي كويس ..!

وتوه منتصر على البلوز وأتوقع ثقة اللاعبين ممكن تكون سلاح ضدهم ..!

ويمكن يستقعدون لنا ويجان

يعني الحذر ثم الحذر وإن شاء الله نخطف النقاط الثلاث

أتمنى السير يريّح روني ..!

اللي ارهق كثير المباريات اللي راحت

بالنسبة لويجان .. أتوقع راح يستقعدون لنا

وإن شاء الله مانشوف فالنسيا ولا زكي كثير اليوم ..!

بالتوفيق للمان

أحمد موت

حصلت لك خبر عن براون

,

براون سيعود خلال الأسبوعين القادمين ..!!

براون الذي كان يتوقع عودته منذ حدوث إصابته خلال 4 اسابيع ..!

أحدث وقتاً طويلاً في رحلة علاجه .. وزاد عن 4 اسابيع

صاحب الـ 29 عاماً تأخر كثيراً في عودته للفريق ..!

تحدث السير حول تأخر عودة براون وقال : براون سيعود خلال اسبوعين .."

بمجرد عودته سنكون مكتملين نوعاً ما .. ينبغي أن يعود .. نحن بحاجة له ..!!

نشوفكم إن شاء الله ..

الجنرال المانشستراوي · #8426 14/01/2009, 04:44 PM

السسسلام عليكم ..

شخبااركم .؟

حبيت اسأل عن مداافع ستوك ستي البلجيكي ليتشي دا لات <<< حااس ان اسمه غلط

المهم انا شايفه في موضوع اللي في قسم الرياضه العربيه والعالميه موضوع الانتقالات الشتويه يقولون من ستوك سيتي الى مانشستر يونايتد ..

مدري ما شفت شي عندكم عن اللاعب قلت خل نسالهم يمكن عندهم علم ..

الهلالي 11 · #8427 14/01/2009, 05:14 PM

^
^

لو سمحت فيه موضوع للاستفسارات مثبت بالمنتدى

مستقبلا حاول تستخدمه

<== فاهم الدنيا غلط

والله يا طويل العمر انا برضو شخصيا اول مرة اسمع فيه ما اخبر ان المانيو جاب لاعب ابدا غير الصربيين الجدد واحتمال يكون غلط مطبعي من ابو خليل

طبعا انا بالدوام امداني اخش نت شوي وبالبيت النت مفصول والله

حبيت اسلم والله واعطيكم توقعي

اتوقعها والعلم عند الله 3/1 للمانيو

كريس وبرباتوف واوشيه

نجم اللقاء كريس باذن الله ...

هدفهم اتوقع والعلم عند الله زكي بيسجله

B e C k S · #8428 14/01/2009, 06:04 PM

^^

هلا بكم ..

الا فيه لاعب منتقل من ستوك لمانشستر على سبيل الاعاره .. بس بيلعب بالرديف مع اولي !!

Q.Abdullah · #8429 14/01/2009, 06:30 PM

1- توقعاتك لنتيجة القاء ؟
2/0 للمان
2- مسجلو الأهداف ( من لطرفين ) ؟
تيفيز وبربا
3- نجم اللقاء ؟ ( ان كان من الطرف الاخر اذكره برضو )
برباتوف

تحياتي لكم لي رجـ ع ـه بـ ع ــد مباراه المنتخب
بالتوفيق لمنتخبنا اليوم اقصد بعد ساعه

s20 · #8430 14/01/2009, 06:55 PM

مانشستر يونايتد VS ويقان اتلتيك

1- توقعاتك لنتيجة القاء ؟
4-1 للمان

2- مسجلو الأهداف ( من لطرفين ) ؟
2من افضل لاعب بالعالم
1روني
1بيرباتوف
1لعمرو زكي

3- نجم اللقاء ؟ ( ان كان من الطرف الاخر اذكره برضو )
كريستيانو رونالدو